Мајчински муабети (не е за барање совети)

Јас користам бест средство за прихрана со железо за цвеќињата ,многу е добро земи да пробаш верувам ќе бидеш задоволна

 

Само да и честитам роденден на снашката @Ava.84 да е жива,здрава и повеќе да слуша.И наредниот роденден да го славите со уште еден член.
Точно така памтам датуми многу,но некогаш знае да ми се помешаат.


Мм си дојде од работа порано зеде алати и замина приватно да работи во некое село.Дури немаше време да руча само побара да му направам сендвич за по пат.Ќе си дојде дури вечер барем да си дојди пред дете да заспие да се видат.

Толку ќе бидам кратка дете му ја дувна низ врата.

 

@Ava.84 среќен роденден на девојката, многу да ве радува.

Добар ден.
Жешко и тешко
Температурата секој ден се покачува за 2 степена, пак се движи околу 40 а што убаво беше се разладило со дождот.

Денес не ми е денот.
Шетам низ куќи како дух, ми се спие та ми се плаче.
Синоќа сврзав едвај 3 часа сон, имавме гостин (братучед на мм)касно дојде, рано стана да тргне на пат, не ми се повторуваше и си продолжив со обврските па сега мака мачам.
Сум заборавила како е да се будиш по 5,6 пати во ноќта
Ми порасна детето еј

Ве читам вашите уште одат во градинка.
Овде по се изгледа нај не им се работи, ги затвараат градинките во јуни а потоа дури од септември.
Еве го ѕверот дома полудува, почна да минува многу време на таблетот, периодот бевме премногу зафатени околу преселувањето и немав време за прошетки а и, каде ќе го носам на 40°
Да си одеше во градинка ќе беше поубаво и за него а богами и за мене, со сите обврски што ги имав барем немаше да се нервирам што беше запоставен.

На вечер одиме во парк, имаме друштво во маало со деца па со нив игра и му минува времето, ги сака многу и нон стоп ги бара.

Одам, треба да се спрема вечера.

 

@Ava.84 срекен роденден на малата,секогаш да е среќна и насмеана!
Хелоу,дете само што заспа ја се мислам дали книга дали филм да земам.
Нешто тапа расположена...за жал летово досега ми е така некако ..Среќа карамелава моја ми е добро,со апетит ,среќен,весел и секогаш спремен да скока.Ја дтавивме и вакцината за стрептокока.Ок пројде.Завршивме значи со вакцините.Мправ и тоа да откачам пред одмор.
...толку од мене за сега...се читаме

 

Здраво живо мајки,

Вчера се чувствував како најголем феил у живот затоа што цел ден викав не не, немој, бегај од таму, ајде јади те молам, трчкав околу неа и просто се изморив.
Уште не е проодена ама бега ползејќи ко зајак. Нејќе да јаде, едвај 100, 150 грама оброк успевам да и протнам и се нервирам... а знам дека е од топло, од двојките што и пробиваат цела недела, од се'.
И пак немам мир. Денес беше супер, се дружевме со другаркиве мои, ги испративме и ја оставив во креветче на 3 минути за да одам забога до вц.
И по 3 минути слушам пискање и врискање. Истрчав ко попарена, таа скокала на оградичката и се удрила на устето. Имав префрлено ќебенце среќа на даската и малку крв имаше на него. Ми умреа 100 мозочни клетки во моментот. Одма ја проверив дали забите и се ок, ја измив... душата во петици.
3 минути.
Да не можеш да се измочаш.
Маж ми е излезен, доаѓа наскоро. Му кажав да ми донесе едно пиво. Заспа конечно после беснеењето и малку да здивнам.

Некогаш осеќам огромна немоќ кога сфаќам дека не можам да ја дочувам. Ќе паѓа и ќе се учукува и све. Само се молам да биде океј, оти ако е бесна и бељаџика, јас ќе го кркам.

Ми треба одмор, ама стварно одмор од се'

 

А кој им ги чува децата во лето? Градинка е, не е школо. Овде не се затвараат градинките, а читам во Европа се затвараат.

Ми заврши голготата со пелени! Д частам торта или? Се мислам сега да сплескаме една овошна или? М? Ај сега, набрзака, имам микс овошје ќе бапнам нешто ќе излезе де. Ананас, праска, малини, боровинки... Ќе пројде! Торта за частење за тоа што дете не моча веќе во пелениииии.... Затоа кратка ќе бидам па одам да матам.

Одморот се ближи, уште 10 дена, ги бројам како ситни парички. Уф како ми треба море и песок, многу ми треба. Поуморна година не сум имала, напор невиден. Ама па бар се исплатеше. Имав интересна забавна и плодоносна година, научив многу убави работи, запознав многу нови луѓе и се стекнав до искуства какви немаат цена. Знам, тек е на пола годината, ама за мене летото е пресек на годината, НГ ништо не ми значи, као нов почеток можеби, ама летото односно одморот ми значи многу повеќе. Зошто? Цела година работиме за тие 10 дена и вредно е да се направи пресек.

Нејсе, го почнав постот, спомнав торта и имаше тука инсистирање од синче да биде тортата побрзо готова, викање и ајде извадивме јајцата и брашното, смучкавме едно колаче од оние овошните и ајт на здравје. Не дека ја проба, наместив тајмер да се пече, го избањав, беше за рибање опасно, заспа сместа а тортата ќе ја проба утре. Ни ручекот не се изеде, остана, поарно ќе имам и за утре и за задутре, топ, 2 дена раат. Сега ми остана да спакувам по фрижидери што треба, да расчистам кујна, да пуштам машини и да се истуширам. Џабе се туширам сабајле сум жива вода. Многу ми е жешко, право лето! Тоа е тоа жени, одох да средам хаосот и да се тушнам со ладна вода за да се оладам малку. Добра ноќ!

 

Добро утро.
Денес од мене честенка.



На денешен ден пред 10 год почнавме да излегуваме со мм.Во план ни е вечер откако дете ќе се заспие да си прославиме со пивце и мезе.Не верувам дека нешто ќе добијам од мм бидејќи е лош датумот.Но супер ќе биде ќе се опуштиме малку.

 

@24.07 сваќе да ви се множат годините и семејството, секогаш љубовта и слогата да ви биде присутна
Еве и јас памтам
Ние во мај славевме 19 години од кога почнавме официјало да се дружиме како дечко и девојка
Знам знам стара сум

@Shelea среќен роденден на малата да ве радува најмногу на свет. Извини заборавив вчера да ти честитам, стиховите ме наежија и пуштив некоја солза

@AngelOfArh браво за упорноста се исплати.Стварно се изнамачивте

Утро

Да шкртнам 2 реда да не сум само поздрави и честитки
Се возам на работа.Утре има газдата роденден па му купивме мал смешен поклон оти и самиот е по смеите.Утре ќе го чека на бирото.
Колешката што беше на одмор во Ц.Гора ни донесе на сите по мало шишенце маслиново масло.Имала некој пријател што имал фабрика да сме пробале.Леле луѓе колку е вкусно од вчера се чудам што јадеме ние.Па тоа од рафтовите нема веза со ова

За градинката ,нашата не се затвара работи цело лето ама е со редуциран персонал.Па затоа мора секое дете да има одмор од 3 недели.За да одмори од вирусите и болестите изгледа, а и со мама и тато да се види

Во градинка ми го пофалија колачот им останал и го ставиле во фрижидер денес да јадат, а јас дупол правев да има за сите Поклон доби малата некој ситнурии карамели, дрвени боички мали и балон со број 3 плавУбаво спакувани во кутијка.

Тоа е мајки реков кратко испадна долго.Имајте убав ден

 

Ај добро утро и од мене!
Кренав ролетни високо, нек влезе светлина и свеж воздух дома... патем забележав дека и прашината ми е за бришење , ај после работа тоа ќе ми е обврска!
Деците мои се спанки насабајле, спијат до 10, ама и касно заспиваат! Денес за чудо се разбудија во 8! Ме фатија неспремна искрено... тоа ми е време за кафе ама ми го земаа утрово!
Ако, убаво беше! Стана и ММ, па сите четворица се гушкавме на спална! Тати купи ѓевречиња за појадок, и ги однесе деците кај баба, јас допивам кафе и одам на работа! Спремна сум, да шмркнам кафето и одам!

Не знам дали е мака или не, ама малава ептен ми е пијавица за мене! Па и не дава никој да ме допре, одма вклучува сирена - мамаааа! Пред некој ден и мајка ми се пожали дека кога ја чува беба ме барала по соби, а и сестра ми исто ми кажа дека беба и кај нив не е спокојна без мене! Само свеки ја немала таа мака, не и требам јас кога е со неа Спремна баба, нема што

Синоќа ги шетавме малите, ама ме уморија ептен! Малото ја гледа дада и сака и тоа да трчка, па ете за прв пат направи проблем и одби вожња во количка! За сметка на тоа си потрчкав по бебе (упорно бебе ја викам а дете од 18 месеци е веќе) баш се уморив реално! ММ прави некој напори да помогне, ама состојбата не му е баш да се замара физички и психички од здравствени причини, така да теретото е на мене! Как и да е , убава прошетка беше! Деците умрни дома, вечераа и заспаа!
Јас и ММ конечно најдовме време за нас , па со малку винце, љуовче и мубетче си ја минавме ноќта! После се се разделивме како цимери и секој во своја соба кај своето милениче , јас кај беба, ММ кај дадата! Одлагаме со спремањето на детска, па деците спијат со нас! Ама ова треба за брзо да се реши, не е добро вака разделени со мм!

Го развлеков постот! Ај да одам на работа!
Убав ден! кај нас и малку ветерче дувка, белким не ќе да е пеколно жешко!

 

Хм, кој како ќе се снајде.
Кога ќе размислам, може тоа е причината што овде се мажат/женат после 40, раѓаат покасно за да има кој да им ги чува.
Во меѓувреме им се пензионираат родителите и тие се грижат околу внуците, ако не бебиситерки, или во краен случај има летни центри за дружење на деца со истопорени цени, плус што не познава никој таму, само повеќе стресови за него.
Кај што одеше син ми во градинка (приватна) затворија и тие во јуни, кој сака и јули требаше да плаќа плус 100€ на недела, ми се виде многу на недела и не го запишав.
Инаку, пред градинката се 70% бабите на децата, исфенирени, нацрвени, со нокти, со гердани како глумици се

Давај едно парче од тортата, ми се јаде благо та ми се плаче.
Преку ноќта се будев за блачко
Мило ми е што се ослободивте од пелените, товар се, знам.

@24.07 да ви се множат годините во љубов, слога и бериќет.

Одам да будам дете

 

‘ден мајкички!
Да ве почастам најпрво






Вчера го прославивме првиот роденден на бебе!
Упс, на момата, не ми е бебе повеќе ( )
Преубав ден, уште во 8 сабајле и ја пуштив “Роденденот е денот” и игравме и пеевме цел ден.
Мама малку во трчање цел ден, што по фустан,што на шминка,што на фриз.. ма се во 5 за 12
Морав да бидам убА де..
И бевме, и двете, ма да бебе беше главна атракција, нормално
И го купив најубавото џиџано фустанче, со тул, со сВе, ко балеринче ми беше
Е сеа, пошо знаеше итрицата моја дека е нејзин ден, праеше инает и неќеше да спие цел ден, па таман тргнавме накај ресторан, коа почна да врескаааа среќа заспа во кола, па дремна некои 40тина минути во количка.
Стана цела збунета, со гости и балони околу неа, па реши дека наредните два часа ќе ја гушка и стиска силно мама околу врат и ќе плаче од секој еден што ќе и се приближи
Уф, и требаше мноооогу време дур се опушти и разбере дека сите околу неа се познати особи, дека она е главна ѕвезда на вечерта и дека треба да е расположена
Со радост плескаше со рачињата и мрдаше со газето кога пеевме happy bithday, и неуспешно дуваше во свеќата (читај;плукаше) сето тоа пропратено со многу насмевки
Уште сум под импресии, да признаам си поплакав некни кога чукна 00:00 и ми светна дека стварно се дешава, дека бебе ми порасна, дека бебе не е бебе повеќе дека цела една година помина,година најубава исполнета со многу бакнежи,гушкања,смеи и по некоја солза.. да си дочекаме уште многу,многу вакви години!

@Ava.84 Ти благодарам драга, среќен нека и е роденденот и на твојата мома,среќа да ја прати цел живот

 

Нај нај најсреќна да е цел живот.
А и мама поред нејзе се разбира, среќни насмеани и весели секогаш.

 

Најсреќни родендени на женските @Chanell* и @Ava.84 , да ви бидат радост секогаш

 

Eve me I mene, me nema vo trmava no zatoa me ima po bolnicki hodnici, strasno vrtoglavici, nizok oritidok, omalaksana,nefokusirana, zbuneta celata vo prasalnici, za da SE dojde do rezultati od krv nisko zelezo I hemoglobin, pa sega da SE ispita od Sto e, a toa e vekje dolga prikazna, Pomona ocno, Pomona zemanje krv, pomina ginekologija, rentgen I sega Utre e na red internist... A ima uste tolku MN raboti za da SE ispitaat o da SE najde pricinata.
Ke cekame ke odime toa e Dr nema.
Malata e preslatka Ja obozavam, samo poradi vrtoglavicite I pospanosta nekako nemozam da I SE posvetam tolku mnogu.
Pozdravi I cestitki do stir Sto slavele bilo Sto.

 

Најсреќен роденден ,жива здрава да е
@Ava.84 со закаснување жива,здрава да е куклата голема да расте
Ние низ дома ,свеки и свекор се спремаат за одмор вечер патуваат па јас со синко им се моткаме околу нив ,незнам како ќе издржи синко без баба му маза нејзина најголема е ,она би го зела ама мал е уште здравје од следната година можеби И до нашиоѕ одмор ситно остана уште 10тина дена и ќе уживаме
Вика синко одам јас ,убава вечер мајки

 

Значи каква главоболка ме има јавнато, ужас! Знам од што ми е, стрес, нервоза, проблем имам од фамилијарна природа, од неразбрани и самобендисани створења. Ко за чудо не ме удри на јадење, напротив не ми се јаде ич. Да беше мм некој тежок чоек ќе ми речеше ај налет и ти и фамилија комплицирана што ја имаш, крште глава.

Јас божем се скрив у купатило, дете ме навјаса и ме демнее, па зема да се мие на чешма и еве го, уште се мие. Ама немам душа да му свикам да не се бербати, толку е умен и сладок, научил куп работи, ме радува секој ден. Моментално нормално уште не радува секое негово мочкање на место, а денес богами и какање. Интересно му е ептенски.

Го чекам мм да ме однесе на една фокус група, истражување, саат време муабет за мојата тема, мераци! И за тоа дури и пари ќе добијам, оф оф оф... Баш се радувам на можноста. Темата е убава, од моја струка.

Дури пишував маШ стигна, дојдовме и еве ме чекам, ама јас сум со страшни болки, не знам што попрво ме боли, дали бубрези, дали глава, дали стомак, дали бешика ми пулсира. Како ќе се издржи саатипол не знам, после дома ќе се истуширам со потопла вода, ќе си легнам и ајт, до сабајле.

Убав остаток од денот жени убави!

 

Добро утро, за мене второ. Станав во 5, роварев по интернет; пиев вода, седнав во дневна, го набљудував денот како се буди, читав фемина и ме стопи @danichap, со пишаното за мене. А јас отсекогаш си ги листам нејзините секојдневни приказни, ме радува кога пишува и притоа и се восхитувам дека со три човечиња успева да е таква каква што е - присутна и свесна (нешто што јас сега учам) па по грешка стиснав отследи па заследи па си викам жено луда што правиш во 5 недоспана, земи спиј. Ма како не. До 6 го дочекав денот ко петел.
Се будам во 9, ќерка ми на оградичката ко мајмунче се пентари и вика мама мама мама. А ја крава успана. Кафево не ме крева. Дупла цедевита за мене. И две мориња без ежеви на дното.

Денес сакам да направам нешто корисно, а да не е ручек. Ме боли левото уво како да сум го прецвикала на спиење.
Среќен роденден на сите клинци и клинцези и бакнежи за сите ненаспани мајки утрово.

 

Добар ден жени мои убави. Скоро една година не сум пишала било што на форумив ама да ми кажеше некој колку напор треба за да гледаш две деца мали дома немаше да му верувам.
Синко за една недела ќе прави годинка, маже мое, ми порасна, а јас пустата си пуштам по некоја солза скоро секој ден. Ми пораснаа децата, дада ќе полни 5 во септември. Души мои, мачни за гледање, ме доведуваат на работ на нервен слом, но кога доаѓаат да ги гушкам срце ми се топи.
Малку, скоро ич немам време за себе, козметичар и фризер ми се луксуз, но ако, барем се радувам на децава. Деновиве окупирана со организирање на роденденот на синко, инаку како и секоја домаќинка. Порано ни беше срам кога ќе ме прашаа дали работам или сум дома со дете, сега некако горда сум што сама си гледам деца и куќа вртам.
Не ми замерувајте, растегнав многу со пишувањево, одамна немам збор пишано. Да ви е убав денов, се надевам ќе се дружиме редовно пак. Бакнежи за вас и деците.

 

@elcezelce дај слика од тубата со сретството за цвеќиња.
Не е дека не сум им ставила никакво, ама ај да пробам и со тоа, иако почнав секој ден да им ставам вода, а ставав преку еден, па ми стојат како поживи

@Chanell* најсреќна да е малата принцеза

@24.07 среќна годишнина, да се множат
И нашава од врска беше скоро, вкупно 15 се намножиле


Добар ден мајки

Стандардно ова време, бебе нани, а јас збирам сили за кога ќе стане, ретко правам нешто дури спие, некако правило ми е кога он си одмара и јас со него.
Ама па кога се работи, заедно си работиме
Сабајле средував играчки, јас стави во кутија, он вади и разнесува, јас склопи сложувалките, он ги истура на сред соба.. едвај потсредив и распределив, сепак пак е растурено, ама не до толку

Ама душа е, се му е интересно, се му е игра, само се смее и кикоти, смешко на мама
И 20месеци е ама уште е бебе
А за повеќето девојче стварно не ми личи бебе на женско, не знам, плус во машки маички, панталончиња го облакам, барем у машки оддел се земени, ама упорно и упорно го викаат дада, а јас пак упорно потврдувам дека е дада, па и женско име кажувам понекогаш односно не се фаќам на муабети со рандом луѓе, па само климам
Нема ни долга коса, нема ни локни, кратко машко косиче, ама не дада бил
Ама изгледа има женска лепота, дека цел е на мајка нели, па затоа

Денес конечно знаеме каде ќе се бањаме за празников и мојот бдеј. Ептен среќа ни испадна каде да се сместиме, подобро не можеше, па и наместо 5дена, 10 ќе седиме, барем јас и бебе, а за мм и не знам.. ама ќе седи мислам, нема да е зорт да се враќа на пола
Само ваљда ќе идеме со кола + мотор, не ми стои дека ќе го остави дома нека, нема да се бунам, нека си го тера меракот.

Леле бебе има да препукне од радост и шлапање у вода

Вчера бевме кај сестра да гледаме слики и видео ииииии.....
Зетов као ги префрлал на компјутер ама ги изнришал од усб то, па ај дури се свести, па ај дури успее да поврзе на тв то, не знам што проблем беше со кабелчето ииии ај успеа пушти да погледаме иииии се испоразочарав
Видеото бетер од јас да фатам да снимам, значи тој појма немал, па и требало шпица да направи, а он као пробал нешто ама
Сликите шкрапаници! Ама буквално, јас знам поубаво да сликам и подобро да местам апаратот. Као спонтани сликиве требало, ама... леле па кои глупости ги шкрапал.. абе катастрофа, не дека нема да се најдат убави, ама лоши се многу.
Па викаат, ама ќе ги средувал, што ќе средиш.. не им се свиѓа и на нив, ама ај се тешат
Лошо, за тие пари е ужас, море ова како за без пари е ужас!

Јас на видеото тоа што се видов само се клештам како нетачна и бебе ми е обесен за врат
Уствари се гледа дека сум нервозна, леле на фризерката не и го заборавам моментот, уште нерва ме јаде
На сликите па арна сум ама бебе не ми го сликал а 10пати му реков и као сликаше, ама слики нема

Затоа декорациите ги шкрапнал, па да ги зедам сликите на усб и ќе се дофалам

Леле едвај пишувам, пиши-бриши е постов, ми пораснале ноктиве како канџи, па немам осет. Касно и ми текна дека ми се за средување, па термин тек у понеделник
Не знам какви да ми направат, ваљда пак френч, нека не сум у трендот ама такви ми се најубави

Бебе кај и да е ќе станува, па ај дури не се ококорил да изиграм животите на Кенди, имам две пријателки пред мене и никако да ги стигнам

Убав ден