Мајчински муабети (не е за барање совети)

јас ги допивам апчињата кои ми останаа додека бев бремена. Прегназон комплит и хемовит Форте. Може терапијата и поослабената крв за време на пораѓајот и додека трае опоравувањето се причинители за пад на косата. Со првото буквално оќелавив. А може и хормоните имаат улога.

 

Јас на пораѓај отидов со 13ка хемоглобин, сабајлето по пораѓајот имав 9ка. Не да падне коса... арно има некое влакно. После у доење се што е витамини и храна оди у млекото, за нас не останува доволно. Нормално е се ова.

 

Добра вечер друшки се надевам не се заборавивме

Пред една недела почнав да пишам и искрено се надевав дека пишаното стои за да не везам од почеток ама се избришало

Ние делумно добри
Се бориме со настинки и температура но одиме кон подобро
Мали со растечено носе и кашлица цела недела веќе
Природно си е лигав ама сега стана неподносливо
Плачењето му е хоби во последно време ко му е досадно ќе си седне и ќе заплаче и мајка слушај си
Од дете мирно сега имам ѓаволче
Не се излегува никаде со него...зош ако не му погодиме ќе почне да плаче,а верувајте се по негово сака да е
Шо мирно дете си беше...


Могли ми е девојче право
Преку ден го фрливме памперсот
Веќе 2 недели оди во вц,сама мочка,се брише,пушта вода и мие рачиња
Уште цуцлата да ја фрлиме и готово
Кај неа се обратно,многу е смирена и разбрана....
Итрината и остана (И нека) ама не е напорна
Луди идеи чат пат и идат ама и проработе стравот и не се осудува како порано
Ни остана само проблемот со фустаните да го решиме,ладно е овде а таа сака во фустан да оди
Цело лето драми заради фустани имаме

Деновите во главно ни поминуваат исто
Градинка,дома,игралишта,паркчиња,зоолошки и возење велосипед
Некогаш и во еден ден стигаме се да посетиме и оствариме
Летово го искористивме максимално
Помина и тоа,овде преку ноќ толку паднаа температурите што вчера беше пекол а денес јакните ги носевме
Ја сакам есента...дека роденден ми е

Возачка немам,уште учам
Си реков до нова година ќе положам малку ми е за поневеровати ама ај да видиме

Друго што да ви кажам не знам
Долго не сум пишала и не знам што по прво да кажам
За викендов немаме планови,треба и за тоа да се мислам

Имајте добра ноќ
Довиџења

 

Полека изминува одморот..Толку многу со нетрпение го чекав,а мина дур трепнеш.И море и планина истеравме.Дете си имаше момњнти,ама оваа година најрелаксирачки во спредба со претходните.Здравје да истерамњ одморот и наредна недела,па пак со градинка.Ме фаќа страв,паника и некоја тага..Ќе му биде втор обид за тргнување.Првиот пропадна ради бактерија.Зар може детенце од 2,5год да издржи 8часа во градинка?! Многу ми е жал.Емотивен е а искрено,не ни знае баш да се заигрува со др деца.Беше мазен и пазен до сега.Бар да сакаше свекрвава да го зима порано,нагло да не му дојде вака...Ах...ви се дивам на тие жени што знаеле да одберат маж,во пакет со добра ок свекрва!

 

Хм,зарем има такви пакети?

Го успав мали,легам до него,бидејќи по заспивањето се буди по неколку пати,само да лапне цицка. Ако не сум до него,може и да се расони,па не ми се ризикува. Кога ќе можам да го успијам и да си одам во друга соба,без да се разбуди цела ноќ,да знам дека ќе спие,а јас сум слободна дали да работам по дома,дали да уживам со маж,дали да гледам тв или да кулирам? После годинка или многу подоцна?
Утре сме на роденден,а менеми е побелена косата и тоа на 28 години па чекам мм да ме исфарба набрзинка .
Отидеда се истушира,јас успав бебе,па да ме фарба,па додека постои фарбата,па додека измијам коса,ехееее.... Се надевам бебе ќе има милост па ќе поспие додека средам се.
Па и маж сака нешто веќе со денови,ама мудро се извлекувам дека бебе често се буди
Ама греота е,може и ќе прифатам понуда,да не почне да ми бега на страна. Знае дека сум уморна од бебе,ама нели,секој има свои потреби,мене никој не ми е крив што и да ме остави човек цела година нема да ми текне на секс Што жена ќе бев
Имам и пиперки за бебеда здробам да ставам во замрзивач,а богами и сос од домати да му направам,ама ќе видам дали ќе имам време сега или утре додека предремува бебе. Да не планирам многу, бидејќи после се наопаку ми иде и ништо не е како сум планирала.

Слушам маж заврши со туширањето,да идам да спремам фарба,додека не се предомислил.
Лека ноќ,слатки соништа.

 

Добар ден мајки

Стандардно бебе спие, а јас кулирам, ама нестандардно е што тоа го правиме на плажа
Убаво ми е, убаво ни е, си уживаме максимално, одморов е прав одмор, само нека потрае
Е сега ноќите се шашави бебе вади 3ки, па виси на цицка цееееела ноќ, на моменти и приплакува ама тоа е битно деновите се убавини

Хотелот како го избравме на тепка ептен се погоди на ден пред идење мм го чачка и сегде пишува дека треба да се реновира, па мислев дека ќе не пречека нешто старо и усмрдено а знам од агенција ни рекоа лани кречеле
Е сега не е нов, реновирање фали ама ниту смрди, ниту е лошо, кречен е, чисто, секој ден чистат, мењаат постелнини на 2дена
Од дома правев стратегии и за јадењево на бебе, ама и тоа се погоди, доручек е стандард, но гледа дечиња како јадат, па и он се сили, а вечера баш убава, има и избор, топла, фино зготвено, плус зачинета, па џвака без проблем
Како повикај пријател се кифлите од Лидл, погодивме едни со сусам и едни празни со специфичен вкус
Ма супер е со јадење, ваљда и пливањето го изморува

Солената вода му се погоди исто, па само лиже, у еден момент си наполни и чашка и тргна да пие, ама у следен момент бараше шишето со вода
Од вода со малку плачки искача, само вика не, не, интересно му е, плус ако го пикаме без гума и го шлапаме ние, е посебна радост

Секој ден си има и ново другарче од различна држава, вчера си играше со едно Англичанче црнче и првин го анализираше, па реши да си поигра со него

Ама затоа денес му се падна македонче, идиотче
Првило е ако сака да си игра со некое детенце дека мора да ги дава неговите играчки за да ги добие туѓите, нели се што е туѓо е поинтересно. Секогаш се сложува и убаво си игра, без никакви инциденти на крај на игрите си ги зима неговите и ги остава туѓите.
Ама прееска едно македонче не ги дава неговите и крај, а ги сака неговите. Бебе ги бара со рачиња, го гледа, му се смешка, а ова у еден момент беше спремен да му се накриви
Мајкава среќна му вика гледаш дека тука е убаво, види колку играчки имаш за играње
Го собрав, со се играчки, но бебе ми се растажи, не разбра зошто не може да си поигра со туѓите кога ги даде своите..
Ми падна криво

Инаку нели продолжен викенд, па плажава полна со македонци и среќа тоа ќе трае 2-3дена
Само македонец вика, урла, се слуша и мисли дека е сам и све му е дозволено, па имаш:
"Кочооооо иди земи пиво и ако има некоја јака шанкерка кажи да дојдам да ти помогнам!" - Кочо е на плажа, а братот се брца у плитко. А да и само имаш леле брат, брат вака, онака, леле брат види ја убавинава, леле брат водава бара (а водата денес најладна )..
Од друга страна слушаш:
"Лазоооо нарачај ми сок од портокал! - по 2секунди, ама сакам цеден портокал, немој тетра? - па по 2секунди имаш, и немој со мраз и без цефка да биде ради детево! " - а Лазо е на 2чекори од неа, стои со другар му и се развикал како му иде бизнисот и не се помести ни од место..

Па и само мајка Марина со едногодишно дете дошла на плажа у топук 10ка и се жали како и влегол песок у нозе и ќе и се оштетел педикирот
А друга мајка си го натепа детето од 2години зошто се намокрил
Трета мајка го истегна петгодишното девојче за уши и пискаше како неарна зошто ги изгубила наочарите за пливање
Итн итн да не редам, битно е што ќе трае малку, ама ипак утре ќе идеме на една друга плажа да си ја пробаме среќата

Море да кажам дека мм ме руга дека јас и бебе сме биле најгласни у хотел, особено кога сме јаделе
А уствари јас така гласно си зборам, а бебе од радости само си вика
Мм само опоменува дека само ние сме се слушале
Ама и у хотелов има уште 3деца, од кои едното бебе од 2м и само спие, другото не го вадат од количка и само го караат 15м е тоа, а третото е поголемо и само виси на таблет. Епа само моево останува да е распашана команда и само ние ги бараме мачките, правиме ѕе и си играме со соларници

Инаку на плажава, а и периодот е таков што има само постари или парови со мали деца.
Ама пред некој ден дојдоа 4ри србинки, млади девојки по 20тина години и двете од нив решија да се сончаат топлес
Никој не ги погледна, ама им се испочудив на паметот каде решиле да покажуваат цицки
Оно имаше и една баба со бисаги, србинкани таа, ама како баш неа ја гледале покрај девојчињава и незгодно и падна, па се облече а уствари срам ја фати

И така, ај да будам бебево се изнаспа, од 14ч пишувам и 2ч сигурно спие значи, доста му е.
Да јадеме, да поиграме у песок, бањање и се по ред..

^^браќава исполегнале по пешкири и хрчат како моржови

Убав ден

 

Здраво мајки.
Правам чизкејк. И мекици. Маж и дете на пазар ,па сварив кафе
Потоа со точачето во парк
Дете скокаше на спална до сега, па дури не падна, не му дојде памет. Потоа се бесеше на фрижидер,па ја отвори вратата и слушаш рикање -бое раче Ваљда не направил некоја беља со раката. Испотен жива вода,пресоблечен трет пат отсабајле ! Да се живи и здрави

Eмче,@emkaemka зошто идиотче
Дечиња се. И јас се нервирам ,ама мора да се помириме дека ќе има и такви "неправедни"ситуации. Не сите деца се како нашите и обратно ,а и родителите. За жал тоа е.
Инаку на плажа јас бегав од србите
Они беа баш во тој стил, имаше и македонци секако,ама овие "брате"ептен беа бучни. И во вилата беа све срби не се спиеше од нив

Имајте убав продолжен викенд

 

И мојот не дава некогаш играчки, и не е идиотче. Идиотче е некое невоспитано дете.
Ама фазата недавање скоро сите ја имаат.
Сака да дружи ептен, и секаде каде виде група деца се пикнува и он ама некаде не сака да дели играчки.
Додека на некој сите ги нуди и дава. И е сосем нормално додека научи и разбере како треба.

 

@eli25
@duffi
Не беше констатацијата "идиотче" поради недавањето на играчки, препрочитав и видов дека така испаднало, тоа само го надоврзав. Секако и мојов не дава на секого се и секогаш, па не е идиотче
Дафи не беше невоспитано, тоа е стар назив, темпераментно кажи
Џапаше, тегнеше, влечеше, буташе се пред себе, масата ја преврти со се пијачки, намерно, среќа пластични чаши беа и ладни, ги потури речиси кај бебето од 1год на пријателите и се смееше задоволен, и зошто му свикаа отиде корпата за ѓубре ја бутна и ја потчукна келнерката уз пат.. А сестричката зошто му се насмеа дека го караат ја испогриза..
Небитно денес не се близу нас, мене и криво ми падна плус што баш со него не се спогоди да игра, дека наше, ама јас со такви не ни давам да се дружи

Срби на граница беше полно, но овде и ги нема, тие што ги сретнавме се ОК. Пред некој ден имаше србинче другарче и најубаво си играа, таткото фалбаџија бр. 1 ама ОК
Ниту во хотел ги има, таму се се Романија и по некој Бугарин, а инаку на влез на хотел на еден ѕид пишува ,, фак Скопје,,


Добар ден

Најадени, избањати и кулираме, бебе спие, се мислиме дали кафе да се пие сега или кога ќе стане бебе. Ептен тешки одлуки

Мм си купи нова маска за гњурење па живи радости е, снимаше и со камерче под вода, па само раскажува нешто
Сега чачка на нет и нашол некоја продавница за риболовна опрема на 11км, па одма прави стратегија кога да се иде, израчуна дека 28минути ќе ни треба до таму
Невозможен е!

Јас сум како Зоро
Цело време сум со наочари, ич не можам да гледам на сонце, па резултатот е тој

Бебе вчера си го удри коленото, најмногу до сега, има како повеќе гребанички и само се жали
Па бара да го галиме и бакнуваме и само крева ноџе и вика бо, оооооо и покажува со раче како се гали (као го боли, па да го галиш)

Цело сабајле си игра со едни 5гумички од Лидл во форма на морски животни и само кажува кое што е. Ама Сирена му е ново име и не ја знае, па кога ќе стигне до неа чека ти да кажеш
Инаку дојдовме со фонд за играчки колку да се потроши и веќе го потрошивме, а има уште доста денови до дома
Со драго срце ќе скратам од мојот дел

Инаку од Лидл го опремив со тренерки и блузички на долги, па таман за времето у СК од дома рекоа дека заладило
А мм се запнува да земеме една направа за дување на лисја, само па до неа ни е

Инаку бил некој во Џурасик парк што е после Космос?
На ум ми е дали за накај дома таму или да се исплажираме па дома иако мислам плажа ни е поизводливо, бебе ќе се успие до таму, па ќе треба да будам, а тежок е на станување, па дури се опраиме ноќ ќе фати..

Ајде поздрав, одиме ипак да пиеме кафе

 

пушти му ја 5 little monkeys jumping on the bad.

и јас не давам пари па ме сум идиотче што е мое мое е,не е се за давање епа нешто слично ти е и со децата.

Инаку добар ден и од мене. Кафето пола испиено бебето заспа вкомшии веселби чиниш свадба прават. Колку ќе спие бебе во таа галама не знам,се слуша синки во двор ни е. Прво помислив братучед ми да не се жени.
Големиот синко со мм весело кај свекорот. Нека прави џумбуш таму дома не се поднесува. мислам за мене не е проблем ама мирен ни секунда не седи само галами па бебе или ќе се навикне или ќе се буди.
И денес жештина. Вчера барем врнеше малку погрме ама денес... Ќе се потиме уште. Ама подобро така одколку да не можеме да се стоплиме на -15 степени. Лани знам ем огон ем греалка користевме и тоа за една соба со кујната.
Е денес ме мрзи. Имам алишта за диплење за спружување и уште една за перење ама не ми се станува од кревет.

 

Здраво друштво.

Викендов мм дома па самиот се понуди да шетнат со дете јас рајат да средам.Вчера исчистив дограма,прозорци и пердиња исправ.Се вратија јадевме и сме заспале сите тројца,арно сме потерале два и пол часа,се разбудивме кога грмеше силно.


Утрово мм и дете пак заминаа до кладилница и до парк,јас купатилото темелно го исчистив и имав време со комшиката рајат кафе да испијаме без да .викам по дете.

Сега дете спие,а мм чепкаше нешто во двор му се јави некој за приватно па појде да направат пазар.

Инаку направивме рекорд на "траење на играчките".Вчера мм му купил гитара со жици и гумен пикачу.Гитарата ја скрши на пола,а пикачу е малку глув има само едно уше.Ги разреши за 15 минути.

Добив една убава вест од блиска личност се надевам дека овој пат ќе биде се како што треба. Премногу се израдував,не пуштив ниту една солза пред нив,ама затоа кога си одевме дома в кола плачев од среќа.Те молам Господе овој пат да биде се во ред.

 

Здраво мајки!
Празнчен убав ден... нека ни е честит празникот на сите Македонци!
Викендов неиспланиран остана, па дома сме си! ММ со некаква работа во подрум се фати, големата секако со него беше вклучена во сите машки работи (она е син на тато) , а јас и беба низ дома се шуткавме! За среќа беба се заигра со некои играчки , а тоа е тооолку ретко, па јас стигнав да сработам дел од обврските низ дома! има уште многу работа незавршена, домот ми плаче за генералка па во план ми е деновиве да организирам баба сервис и да си фатам еден темелно чистење, генералка пред да дојде ладното!

Инаку после 5 месеци го извадив инхалаторот, почнавме ние... Сезоната на настинки е отворена! Дадата ми поткашлува и има растечено носе! Инхалирав со физиолошки, се мислам дали да вклучам и пулмикорт (стандардно тоа ни даваат), оти осеќам дека има шлајмови ама не се спуштени на плуча (по мое)!
Врмево променливо, па и во градинка тргна, така да не е за чудо што се разболе!
Беба уште се држи, не е настината! Многу се мислам навечер кога ја облекувам за спиење! Кога заспива е претопло, сабајлето од 3 до 7 е студено а беба е скарана со прекривка врз неа! Пред некој ден ја заспијав на боди по прерамки и кратки пиџамчиња, па во 3 сабајле згрчена и заледена цела и пак не дава да ја покријам! и облеков плус пижамче врз бодито и надолу подолги пижами, е тогаш може да не е покриена!

Прегеска беба паднала, се разбира додека ММ ја чува! Он дотолку е лабав кога му е оставена нему да ја чува (ваљда од терапијата што ја прима е таков) и ја остава секаде да се пентари, да скока, да трча, да се лизга... и затоа детето се е со модрици после нивната дружба! Денес е со филерче во уста, си падна на земја дирекшн на муцата и подувена е!

Еве самошто ги испратив ММ и големата на село да носат некои стари ствари пд подрум! Јас и беба ќе се дотераме и одиме во парк кај бибите!

Абе од вечерта го заслужувам тоа утринско кафе се шалам де!
Инаку утрински ритуал му е миење очи, заби и две утринки кафиња (горко за мене, благо за него)

Се распишав! Одам сега, убав ден!

 

и кај нас е така,што купено што добиено за роденден што чичко ми му пратил од внукот... Ама не му давам се игра оти сол ќе направи. Среќа па имам зачувано нешто за гости ако дојдат да има со што да заиграат. Инаку купено кај нас не преноќува.

Кај нас денес турбулентно. Бебе кемкаво плачливо јас недостапна, поголемиот замина со мм весело кај свекор ми. На раат да поспие бебе да одмори и тоа и јас инаку циркузи сме. И таман смирив бебе и го заспав и јас се стуткав да дремнам ете го мм се јавува не знаел што да прави големиот паднал од бицикла крвој бил. Па ме чекаа вкола да видам и да им кажам што да прават и така ги пратив на брза помош си го преврзаа си добивме антибиотик и денес по можност да мирува.
Со деца може ли малку поинаку? Или мора да се ко од војна излезени?

 

Колку ни се мали децава,а какви стресови ни прават.

Пред некој ден падна на улица малку носот го изгреба и устата му отече.Зошто? Детска работа.Ја кренал проодувалката од другарка му и трча со неа,зошто баткото ќе ја земел ( 1 година има детенцето).

Вечерва убаво го содра носот.Јас бев дома правев вечера а тој надвор со мм и наеднаш слушам плачење нозе ми се пресекоа.Седел на мало столче и се отпревртил,ако седел мирно немало да дојди до ова,ама мојот има црвчиња во га*о.

Баш сега пред роденденот...
А лани исто така носот го содра по роденденот.
Само дека се здрави и живи.

Слушам почна да грми,се надевам нема да направи беља.
Инаку мене ми е страв од грмење од мала.

Имајте убава и мирна ноќ со вашите сакани.

 

Поздрав мајки,
Еве ме и мене, се надевам не ме заборавивте.

Месецов беше динамичен, цел месец на езеро/море го поминавме. Што работно, што приватно. Ама убаво се одморивме

Бебе расте, веќе е право мало човече, а баткото е во фаза на лутење и плачење за се што не е по негово

Многу често се фаќам како немам трпение особено со баткото и ми паѓа тешко, особено навечер кога го гледам како спиепретпоставувам кај сите е така.

Сфатив дека треба многу да се разговара и да се даде одговор на сите прашања и потпрашања што ги има баткото бидејќи иако навидум мали се перцепираат и приметуваат.
Само уште време да се има доволно и се ќе е добро.

Ама ај ладно време иде па повеќе ќе сме дома.

 

Мамаситас, еден скоро полноќен поздрав! Изгледав еден интересен филм на Сител и ќе се тушнам па ќе легнувам. Денес ми се чини работев цел ден, сто пати наполнив машина за садови и преми, нешто не ми чини, ќе викам доктор од задутре.

Пројде и овој ден, ми помина роденденот, 32 наполнив, памет не ми дојде. Ручек, сум купила месо ко за војска да јаде, ќе има за уште 3 дена ко ништо. А што пех направив со сланината, му викам дај ми 12 парчиња, не очекував толку, 2,200 излезе, 1000ка само за сланина дадов. Среќа па торта ми направија. Денес другарките од УН диета ќе ми простат, нема диета. А и добив кооонечно. Не ми доцнеше, само прерано почнаа симптомите. А се понадевав искрено малку.

Ми остана уште 1 машина да заврши со сушење и толку за оваа недела, садовите утре ќе ги мијам, немам сила за повеќе вечерва. Како ме зезна значи машинава баш кога не требаше. Толку мајки, отидов да мавнам туш, да пружам и да се скуферам до дете и маж. Добра ноќ!

 

Спие бебе,легам и јас до него. Се надевам ќе си спие убаво,постојано менува,па никогаш не сум на чисто со него. Инаку често се буди,па освен дремење до него,друго не можам да правам

Вчера цел ден беше кенкав до бескрај и назад И цел ден одбиваше да спие. А јас работа еден куп. Имав боранија за средување за во замрзнувач,пиперки исто за сецкање за бебе,а и домати за сос. Што попрво????? Боранијата и пиперките ги средив,доматите ги оставив за денеска. Па го водев малку кај мајка ми со надеж дека ќе се подрасположи малку.Пробав да го успијам,дремна 10 мин цицајќи и се разбуди. Ај си дојдовме дома,пак неќе да спие. Добро,ќе го изнесам со количка за шетаме може ќе заспие. Сигурно?!!!!! Ајде ќе шетаме низ населбата. Таман се пододалечивме од дома му текна да плаче,што да правам,сама и бебе во раце и количка не бива. Застанавме на страна,го потсмирив и ај да продолжиме. Цела биднав жива вода лице свети, ептен жешко ми стана,што од нервоза што од времето. Таман на отприлика 1 км од дома почна да врне ,брзо некако ја ставив таа навлака на количката и ај ќе забрзам до дома, вечерта бевме на роденден. Таман забрзав едната папуча ( јадранка) ми се искина, ми се вадеше тоа кај прстите. Уште толку вода ме изби,а дождот ме ладеше. Одењето бепе 3 чекори,мести папуча,2 чекори,пак мести Еднаш па и количката ми појде надолу сама,додека ја местев,среќа навреме забележав. Видов,не видов,време за губење на дождот немав па ја фрлив искинатата папуча,а другата ја оставив на нога ( да не мислат боса сум излегла на дожд да шетам бебе ) На целата мака,па и ненормална ќе ме направат
Трчи,оди,трчи оди,едвај стигнав дома. Секако,ем испотена,ем со валкана нога,а мм сеуште го нема од работа. Е како да се исплакнам е прашање???? А саат е 19,а на гости да одиме од 20. Свекрва е тука,ама не сакам помош,ѕвонам на мм,вика ќе стасам таман да појдеме на роденден Ок,влегов во вц, јасно ми е дека туширање не можам да си дозволам во никој случај со бебе кое е во скок,му излегуваат заби и плачко од роџење , па набрзинкаја измив само едната нога и толку. Се облеков, додека го облекував синко и спремни бевме за на гости. Среќа не мирисав на пот,ама убаво ќе беше да се истуширам .
Дојде мм,отидовме на гости ( кај девер,врата до врата,уште ми фалеше да патуваме некаде) Синко бараше цело време да е во раце и да го мама, супер. Кај уморна,и нејадена,а богами не ми се ни јадеше. Поседовме малку и си дојдовме дома со бебе,мм остана.
Среќа,по малку натезање заспа,па време беше и шишенцата за сос да ги измијам. Измив и легнав. Си дојде и маже.

Денеска,пак бебе кенкаво, јас пак со обврски,мм дома,ама колата сакал да ја пере . Ај доби дозвола да средува кола,а јас да успивам бебе,па да правам сос. Таман и бебе поспа,јас поднаправив сос,иако ми се разбуди некаде пред крајот,па мораше заедно да довршиме. Па така,со бебе во раце некако го доправив.
Многу ми е мачно што сакам се сама ( помош само од мм сакам), ама и многу ми е мило што докажувам дека можам. Се ми е средено,бебе прошетано,колку толку исчистено ( повеќе мм чисти)ама преку недела обавезно 2-3 пати усисувам јас и бришам прашина. Собирање играчки стандард на ден по 136778 пати. Мм средува во недела кога е дома, ако дозволи мали,помагам и јас,ако не,тој сам. На бебе се сум му спремила за во зима,уште да сака да јаде,и ептен ќе ми е погодено,ама некако мака мачиме со јадењето. Ама надежта последна умира,се се тешам дека е до забите.

Се распишував јас,па ќе се жалам дека не сум наспиена Слушам мм веќе заспал,хрчи навелико во дневна,а мали само се вртка нешто во спиење,да пробам да заспијам,може ми спрема пак будење цела ноќ.


А уште нешто. На сликите од роденденот изгледам како гризина,ептен слаба,а вака во живо не се приметувам дека сум како сламка. И мм вика,ептен си ослабната,се гледам во огледало,не изгледам како на сликите,иако вагата дошла до 56 кг на 173 цм
Еве го бебе се подразбуди,лапна цицка на 3 сек,колку да не е без ич и продолжи да спие. Децата на деверот тропаат,викаат,на спрат над нас, па спиј ако можеш Толку осет да се немало,па ај децата,ама стариве?

Ај да не се жалам пред спиење,тоа ни е.
Ќе спијам Лека ноќ

 

@emkaemka толку живо раскажување сеуште немам прочитано од друг секогаш е како јас да сум била таму...

Одамна не сум пишала, некако се исто би кажала... бебе еве две години (уште го викам бебе) јас на моменти не можам да поверувам дека сум мајка, дека го носев 9 месеци, дека е мојот свет, најубавото дете како и на секоја мајка.... љубов ми е
Нормално дека на моменти ми спојува живци, но најчесто ме смее и радува... се држиме за раче и шетаме... мајка и син
Зборува за мене јасно но за другите нормално не баш, јас си го разбирам...тој се кажува и прераскажува, се посамостоен е...порасна моето бебе...
Денес спиевме цел ден...сега дежураме ...се надевам до еден ќе се успиеме...
Ме мачи тоа што две недели кашла и покрај испиен сируп и е затнат во носето...во вторник пак на доктор....
Нормално пак ништо не кажав од што сакам се набрзина да кажам...

Гушки

 

@Igle ако е сува кашлица и ако продолжи можеш да направиш пнеумослајд. Може и алергија да е некоја во прашање

 

Добро утро​

дождливо утро.Си се облеков во капутот за дожд ама чизмите не ги облековПа многу ме стегаат и не ми се удобни па викам на работа да ги соблечам не бива Од капутот мислам се сварив.

Малата ја однесовме на градинка кога го виде нејзиното другарче заборави да плака или пак ми порасна детето А другарчето кога ја виде летна како пеперутка од радост , неговата сакана е тука , а ова мојава само му се насмеа за дете уште повеќе да шизне.
Влезе мојата кај децата, а другарчето побрзу да влезе ја заборави картичкта па го враќаа назад. Мајка му го зезапе неговата љубов дојде оставете го нормално е да заборави се и мене не ме бакна
Љубов толку е чиста и убава во детските очи.Таква треба и кај возрасните да е ама не за жал брзу се губи. Си размислувам колку децата се чисти без омраза и осуда.Гледам да не и влијаам со осудувачки и нацистички искази во стилот тоа дете е ромче не си играј, тоа е црнец ,ја оставам сама да одлучи. Не пеј додека јадеш ќе се омажиш за Ром Не не пеј додека јадеш ќе се задавиш. #траумиоддетството
Вчера кога шетавме видовме помало дете со Даунов синдром и моја одма му пријде и го тераша да трчаат.Ама детето не сакаше да се дели многу од мајка му па не и се придружи.
За да не биде тажна и објаснив дека мора да оди детето до мајка му, а не да трча без компас како таа што ми бега
Не и е битно детето каква раса е и каква национлност важно е да си играат Ќе ја оставам во таква личност и да порасне

Во сабота остнав дома да зачистам и ручек да направам додека мм со неговите и ќере беа да пазаруваат некои работи за дома.Вчера цел ден местеа еден синтелон на тераса па по ручекот сите беа преморени освен јас и малта па ја зедов и ја однесов на 3часовна прошетка.Нашиот парк е толку голем што имаме уште многу не прошетано.Се сликавме со некои цвеќиња а малата позираше како модел.Си дојдовме јадовме бањавме и легнавме .Во 21 спиеше

Почнав со јога неколку оваа недела преубаво се чуствувам после цел ден

@AngelOfArh среќен роденден и се најубаво

@Monella со среќа да биде се како што си планирате и побрзу да гушкаш мома

Јас Емка ја сватив дека не сака да збори понатаму за детето

Хаос е во наше мало не работи пола железница

Ајде луѓе убав ден стигнав на работа