Мајчински муабети (не е за барање совети)

Кога немаш пари, мора и за 15 да работиш. Ама факт е дека под 1000 евра месечно е преживување. Измачување.

 

Абе ок, јас ве разбирам 15 000 се малце, премалце се.
Ама ако не работиш за тие 15 000 - зимаш 0...
Тогаш како? Тоа зар полесно е?
Работи си за 15 000, прва шанса што ќе ти се укаже ќе смениш.
Ова не беше за никого, само мое размислување.
Ако ми дојде зорт, ќе работам и за 15 000, со тие пари е тешко, ама без тие уште потешко.

Убав ден имајте.

 

Здраво мајкички
Среќна нова Година и Божиќни празници со задоцнување. Здравје, мир и слога секаде... И пари на кој му требаат. Паричката се падна во Господ.
Ние сме добри

Бевме малку во Македонија и супер си поминавме. Слободно можам да кажам најубаво до сега
Се шетавме и си дадов план дека ќе одам каде што ми убаво и нема да се малтертирам да се гледам со луѓе со кои се гледам само за да не се налутат.
Станувам себична со тек на време и се водам по преоритети.

Малку скапо не фати, по 100еу дневно трошевме... Не сме се расфлале да се разбереме, ама ич не жалам за потрошеното
Со маж правевме сметка, и не можевме да откриеме каде се сме потрошиле и на крај баталивме сметки.

Уште од сега гледам карти за септември.

Ние секоја вечер си излававме со маж на кафе и бевме два пати на дискоСо баба сервис е подруго.

Ни врие уште крвта, па си се опив и двете вечери

Првиот пат од аеродром директ диско, после една чаша вино се метлосавСлаб играч сум...
Одиме после кај свекрвара и она станува да ме пречека, и викам малку ме фати пиењето... А јас осмици правам по собатаЖената вика е ако де оди легни си одмори се

Инаку сите празници таму ги дочекавме и стварно си ги наполнивме батериите.

Имаше некои ситуации кои ми оставија горчлив вкус, не сакам да си расипувам расположение, не вреди да пишувам за тоа


Синко се прерадува, секој ден се возеше со џиповите на братучетките. Многу се сакат

Игри без граници и оти широко и големо внатре имаа повеќе од доволно простор за трчање.

Првата реакција кога се разбудил синко кај баба му била леле колку е широко тука. Најмалата соба 20 квадрати, дневната 40 квадрати,-половина наш стан една соба таму

Многу се гушкаше синко и со баба му и дедо му, деца се проврвеа еден куп и си најде другарчиња по пријателите

Сепак ми фалеше домата, десет дена ми се повеќе од доволно во Македонија. Маж беше две недели таму.

Дете прашува кога пак ќе одиме кај баба и дедо, не сака во градинка. Доста се разгали таму. Ама ако му требаше промена. Тука само јас и маж ми му здосадивме...

Тоа доста импресии пишував, да видам што ми прави туршијата. Направив руска салата туршија сега пастеризирам.

Јас сум слободна уште малку па почнувам со 3 смена на работа.

Убав ден на сите

 

Поарно да почнеш од некаде, отколку да чекаш работа по струка. Сите сме почнале од нула. Пак ќе пишам. Тој што не сака да работи ќе најде изговор. И јас немам потреба да работам, па пак одам и работам. Да не морам да молам за едни гаќи да си купам.

 

У вези темата за работа и тоа кој колку е платен, сите сакаме да работиме по струка и да сме платени со солидна плата со која можеш да задоволиш основни потреби а при тоа да не се стискаш ако ти излезат два три родендени и друго непредвидени т-ци, но да не се лажеме нажалост во Мк сеуште работодавците сметаат дека 15000 е солидна плата, дека нели на госпоѓата што работи кај пријателката и даваат 12000 па ти со 15000 си премија. Кој немал знае колку и тие 15000 се добредојдени, кој имал и има други извори на приходи не работи за 15000 и тоа е тоа. Нажалост неретко оние кои работат колку да земат подобро нешто отколку да седат дома и да немаат никакви примања си остануваат со тие е***и 15000 зашто овие другите со врски преку човек преку кум па негов комшија ќе ги кркаат подобро платените места, оние без грб најчесто го кркаат стапот. Не викам дека нема исклучоци но мн често е вака.
Ако си створил фамилија и си без работа и те како ќе одиш за таа пара.

П.С. Немав намера никоја да осудувам, само си споделив мое мислење.

 

Тоа и ми беше поентата. Поарно за тие пари да работиш отколку да седиш дома. Ако си во криза не треба да пребираш. Кога бевме во криза работев и за 6 000. Секој денар плус е добредојден.

 

Да ве почастам поглед на алпи со снег:


Патувајќи наваму беше сончево што помислив дека нема да има снег. За среќа тука е. Беба во кола не спие. Со мало кемкање на два саати пат стасавме и одма крпа заспа. Чекам да стане и правец на санкање.

Од хотели поштувам кога ќе ми ги удостојат двајцата. Ова е прв хотел каде “куче може со прашање”, а да ми го удостојат за парите кои им ги плаќам. Досега немало ни едно канче за вода, а камоли креветче за спиење, грицки, ознака за врата итн.

Мислам дека не ги кошта ништо се е тоа плус од клиентите.

Исто и за бебе ситно поклонче:


Тоа е право хотелиерство. Со ситници да удостиш гости.

А мене не ми треба ништо, само кафе, поглед и нозе во вис:

Се разбира и чаша вино. Енд саденли животот се враќа повторно во нормала. Прост!

 

Добра вечер мајки

Среќен Божиќ на сите!
Нормално, наместо да честитам на време јас бев окупирана со празничните попусти
Женска мака, разбирате

Ај дека сите имате пишано кај кого се падна паричето, ќе ви кажам и јас, да не ме мислите де кај Господ.
Арно ама, кај свекорот и свекрвата во Мк била кај мене

За пакетчиња сте збореле.
Синко доби две новогодишни чорапи полни со слатки, од сестра ми и од пријатели. Овде не е како кај нас, 7,8 пакетчиња и нека јадат родителите до св. Валентин
Башка имаше хуманитарна акција, собираа пари да испратат во мк за пакетчиња на децата. Не сум против ама со овие пари можеше да се помогне на друг начин, не некој има веќе 4 па еве му 5ти пакет.
Нема везе, друго сакав да кажам.

Ја гледам сликата на @FreeMind и искрено се заледив.
Значи не знам дали постои некој како мене, може слободно да ме прогласат за најзимурлива
Грев ми е, заради мене страдат син ми и мм, зимување јок
Мене дај ми сонце, вода, песок абе дај ми море

Кога сум кај морето, да ви кажам дека бев на море за Божиќ ама не е тоа-тоа. Абе мрсолите ми се заледија каков чист воздух какви бакрачи, се е измислица на мажот мој

Кога сум кај мажот да си кажам за поклоните.
Јас сум терсене кога имало повод речиси никогаш не сум подарувала, јас секојпат изненадно и без повод.
Еве денес му купив дуксер и кошула (дека намаление)
Тој мене пак, исклучиво поклон во плик
Сигурно уште ми го помни изразот на лицето кога еднаш ми подари цвеќе
Јас не сум љубител на цвеќиња а тоа пустото и саксијско, леле со поглед го убив. Од тогаш цвеќе

Сакам елката да ја разкитам.
Ако тоа го направам мора и да чистам генералка.
Треба кифли и слатки да правам, слава имам месецов.
Треба синко за крв да го носам, треба и на хирург.
Треба, треба, треба....

Одам јас полека да ја почнам вечерата.
Мирна ноќ жени

 

@Monella јас од зимување поштувам амбиент, одлична сауна и спа, добро црвено вино и на тараса кога искачам да ја допрам планината.
Кога бев во 20те се обидував да бордам али како минеше времето имав страв да го правам тоа. Сега од снег поштувам само бачила и добри лежалки

Изгинав во влажната сауна година и пол не сум влегла секој атом пд телото ми се опушти. Австрија е позната по голи сауни така да се тоа зачинето со голотија многу ми дојде наеднаш се збунив

Малата спие кај баба и во соба јас го пробувам виното пред вечера мх мх мерак.

Многу ми дојде денов морав да пишам негде ова нечини толку долго надвор од колосек да бидеш после си како тинејџерка

 

е ама тие 1000 евра многу ретко кој ги зема. Треба човек да е на некоја висока функција за да земе толку.
Се сложувам и со коментарот на @TeddyGrey некогаш боље ишта него ништа. Немаат сите среќа а и ретко кој успева и згора на се не сме во состојба да пребираме. Таква е државата економијата работодавците платите. Тоа е. Еден пријател од мм се разведе од жена му поради беспарица. Не можеа да се договорат таа не сакаше да работи ништо освен она по диплома а во мојов град ( колку е голем п***у мајчину ) нема ама баш никаква шанса да се надеваш на работа по диплома. Ептен треба да си со партиска и пријателска позадина значи ептен! А тој заглавен во кредити само 1/3 од платата земаше.

Ќе пишував уште ама ни снема струја па го штедам телефонов

 

Тие што се на високи функции не земаат ситниш како 1000 евра, многу повеќе земаат. Не би рекла дека плата од 1000 евра ретко се зема, напротив.

 

Напротив, значи често. Ако просек е колку, 400, 500 евра, по која математика 1000 евра се напротив од ретко?

 

Како што растат трошоците за живот ни 1 000 евра во иднина нема да те спасат. Памтам уште кога бев дете дека со 1 000 денари можеа да се купат многу работи. Сега ни пола од тоа не можеш да го купиш. Лошо време дојде. Има голем избор, ама нема пари. А порано немаше толку избор, а имаше пари.

 

како што се скромни плативе од 14 500 минимална каде што сеуште никој не ја зел и сите се водат по 12 700 треба да си навистина бизнисмен за да земеш над 1000. Свекор ми работи во ЕЛЕМ подружница Кичево па од 40 000 никогаш повеќе не зел

се сложувам навистина е така. Ретко кој зема 1000+ евра.

 

Добро утро.
После пеколни 5 ноќи непреспиени,ова утро за мене е ден,мали се наспа му олесна дишењето а богами и мене ми беше потребен сон повејќе од 45 мин.
Со панцеф е па после ке го носам да го слушнат на контрола ,се уплашив кога ми спомнаа дека едната страна лево има граничен бронхит кон пнеумонија,тој д толку мал...се натажив и уплашив. Синомарин во нос и сируп па како на кутре ке му помине. Се одби и од цицање,баш може кога беше најпотребно но ете нема правило.
Немало потешко од детето да ти е болно.

Напорен ми е малце периодов со кемкаво бебе во раце по цел ден,немам време за себе но период е и фаза. Несака и незнае сам да се заигра се да има некој околу него,нема шанси да го седнам.

Ве читам и поздравувам сите

 

Сличен муабет направи и една пријателка фамилијарна од страна на мм, вп Ох живее. Као у смисла леле дали мт зема 20000 со таа работа (програмер) бла бла. Само ја погледнав и и реков убава плата има.
Муабетот беше околу скапи одмори. Многу така размислуваат а по чему не знам. И да не е ретко 1000e плата

 

Поздрав и од мене. Деновиве прилично лабава си ги минувам барем до Понеделник кога ќе стане лудо темпо. Нова Година прославивме на планина без снег за скијање ама со доволно за санкање. Дете се изнаужива а и ние со него. Пливавме во снег, лудувавме мераци. Е се вративме малку со вирус јас и дете што тато го донесе дома пред празници ама и тоа помина. Па роденден славевме и тоа беше супер и има уште празници за радување јухууу. На крај на месецов одиме на скијање па и тоа едвај чекам. Се подновив со нова опрема па чекам да ја пробам.
Од пакетчиња имаме скоро 5 кила чоколадо, плус кекси. Се мислам што да му правам зашто лани од тоа пусто чоколадо се здебелив.

Во однос на тешката тема околу плати, мојата прва плата беше околу 17000. Ме правеа на времето будала одредени луѓе што работам за толку плата, ама тоа искуство ми ја донесе сегашната плата (плус дообразование). Јас сум на мото ако си млад и ако работата е во насока на себе подобрување работи не седи домати не чекај да ти падне од небо повисока плата. Исто мислам дека во Македонија има семејства со по 1000 евра примања. Зборувам комбинирани приходи од двајца сопружници со кои добро се живее. Такви не се малку, индивидуална плата од 1000 евра помалку има, ама ако сме семејство ваљда парите од двајцата се бројат.

Убав ден

 

Дете спие на една страна на креветот,јас на друга лежам малку нозе да одморам .

Супер поминавме на слава,дете главен беше.Пушташе музика и оваа година,крева раце нозе, плеска со рачиња.Почнува да ја засакува нашата народна музика.Пак се снимал,направил видео од 10 минути,,ама ми е интерен секогаш исто го почнува видеото:
-Здраво,здраво јас сум Матеј и сега ќе снимам......

Не бев гостинка цело време на нозе...,помагав,дека снаами малку трудно.Ама затоа вчера бев на "попис".

Пред полноќ дома си бевме, го средив за во кревет и веднаш заспа со шишето во уста.Ние со мм си отворивме по едно пивце си се напивме,малку романтики...И само што задремав дете се разбуди со плачење,го прашувам дали го боли нешто,нешто лошо да не сонувал,дали сака вода....сите одговори му беа со НЕ.Се гушнавме се смири и по 5 минути изповрати,лом направи од навлаки до перницата негова.Веднаш го кренав и при рака ми беше нокширот и се олесни во него.

Откако се смири,менував постелнина,го преслеков,му ја дадов мојата перница и заспа одма.Прв пат во овие 3год. 4месеци мм да не се разбуди кога дете плачел Ама само што заспа, а требаше да оди на работа за три часа и да лупа цел ден.Па не го разбудив немаше и потреба,уште повеќе дете ќе се жалеше дека повраќал,дека било блак и така натаму.

Вчера се разбудивме во 9 дете свежо, само носот пол мрсули инаку другото ок.Пак му ја киднавме кај мајка (сега на слава за ручек).Кога појдов на мајка и беше вратено се наместо.Така седевме цел ден,мм дојде вечерата од работа пак јадевме и си дојдовме дома.

За пакетчината да си кажам...Давав од нив на дечиња и уште има од пакетчината..Дете не ги погледнува,јаде 5 одредени работи тие се настрана прибрани а овие другиве јас и мм ги јадиме.Баш вчера на мм му викав јади уште годинава па од в година нема ништо да ни дава.Јади,јади ама ќе се направам како мечка,мислам дека се поправив,(страв ми е да се качам на вага).Ама кој ми е крив сред ноќ се разбудувам за благо.Некоја криза ме има фатено.Отсекогаш сум била по соленото...

Кутиите слатки од пакетчинара си ги јадиме,ама сега имаме собрано еден кг. шеќерчиња.Јас на дете такви не му давам не дека е благо,туку мене страв ми е да се засркни од неа.Така да сега ќе имаме цела година шеќерчиња за празнициве што идат барем во плус сме нешто.

 

Колку години имаш? Извини вака шо упаѓам, ама некако се пронаоѓам во твојата ситуација.

 

те читам и ме потсети,првото дете на 11 месеци ми фати почетна фаза на бронхитис и 4-5 дена бевме на инхалации и на инфузии. Само со помин да е тешко е со деца мали.

на тешката тема за дискусија - да има семејства што вкупниот буџет им е околу и + 1000 евра. Еден супервизор кај што работам јас и жена му која сега скоро ја вработија како сестра во болница. Тие да. 40 000 тој и 20 000 таа. Ама тоа е што е.