Мајчински муабети (не е за барање совети)

Овај и е 3ти изгледа факултет па сметај Се шалам ама 2 сигурно

Среќен празници мајки.
Заборавив што честитавНека дава Господ среќа и насмевки во секој дом

Секој ден пишувам постови ама не ги праќам.Па уживам во читањето на мајките со бебињата па и јас се потсеќам како ми беше и мачно и тешко и не спиена и без помош и се маж спиеше оти на работа демек.Се додека не се тргнав на работа па и тој презема дел од будењето.

Поклони мм не ме заборава без цвеќе не е А јас антицвеќарМу кажав еднаш да не ми купува за поводи цвеќе па сега онака ми купува ако не сум расположена или сум му лута Често добивам пиџами на поклон
Овој роденден еве и јас му купив кошула ама уште на ја облекол.Ме скара зошто сум му купика ХХL сакал да се направи ХL Ама додека отишол до теретаната супер била
Бев сега на шопинг.Попусти , а јас ништо не си купив на попуст.Си купив една робичка и земам да пробам една зелена 36 и една крем 38 .Си велам која ќе ме собере таа си ја зимам.Пробувам 38 копчето кај гради ќе ми пукне .Убава ама со криво копче не оди.Па пробав 36 не сакаше да ми се закопчи Отидов и си ја зедов кремастата ама 40 број.Се изнервирав од празниците сум се здебелила , а и овие кол на рабпта само благо ме гоат да не ми била стресна работатаНе јадам веќе

Еј беља стигнав ДОМА .Ај да пратам порака и да гасам тел, па да апнам, чунки гладнаА колку ќе пишував .Убава вечер мајки

 

@JoyJoy прва плата од 17000? Ти од коњ си почнала
Мојата прва почетна плата беше во 6000 денари и тоа беше како пракса три месеци. За тие пари и патував до Скопје и си купував кифла од шехерезада со мувла. Патував со железници чат пат имаше воз.
Во врска со висина на платата си имаше процент кога требаше да ги даночат со прогресивен не беше повеќе од 10% од населението над 61000 денари. И еден посто над 100000 денари плата. Ако ме држи сеќавањето бројките беа тие. 10000 евра месечна плата зема Хари Костов во комерцијална банка. И неговата мислам дека со на Нлб беа највисоки во земјата. Плата како плата, црни пари не рачунаме, а црна трговија, дотации од странство итн се подобрува состојбата. Има луѓе кои не работат ништо али фамилијата им е во странство и они живеат доста солидно. Затоа е тешко да се води статистика доле не знаеш од каде да почнеш да вадиш процент и примерок.

Јас пунам батерии пред скокот кој треба наскоро да почне. Хедонист сум у срж затоа тешко ме погоди периодов кој помина. Али битно помина, остана уште фамозниот скок околу роденден кој започна денес (уста не затвори од рикање, пресоблекување научна фантастика, во соба никако само да лази и да се движи во хол, а луѓето не платиле да слушаат бебе да им вреска нели. Јас кога бев на нивно место редовно превртував очи и се чудев на осетот на родителите бебе да остават да рика во хол кога има игрална итн. И сега ролам очи али за себе)

Спојлер

За будење на сетила и отварање на сите мозочни келии.

 

@Ava.84 Значи мајка е упорна! Браво за Цка.
Најискрено за подобро утре, за подобра иднина додека беба имаше 2 месеци читав материјали, не за факултет туку за нагорна позиција. Иначе исто како и некои тука не работам со диплома.
Не е голема плата, но балансираме со на мм. А за повисока позиција и поголема плата викам Да.
Ќе ја прашував @Cka некои TIPS ако има да ми сподели.


Иначе @FreeMind дај земи ме на 1 недела барем да се излуфтирам. Убавина е местото. Нас тука во Мк баш то ни фали, свеж воздух.

 

Добро вечер. Синоќа бебе едвај заспа, сув воздух дома, надвор не се дише, прочистувачот не може да постигне да исчисти. Носето пуно со суви мрсулчиња, му свири носот, ждрига од млеко.. додека заспа 10.30 го фати, а во 8.30 обично е заспан.
Сабајлево гледаме пак загадено и ајде во кола отидовме Дојран на воздух. Бебе цел пат натака спиеше, еве сега на враќање пак спие. Таму умен си гледаше додека шетавме, дишеше воздух, па мирен си седеше во раце додека да ручаме. Душа моја.
Јас многу повеќе самодоверба имам со него. Не паничам ако почне да плаче, замислете во ресторанот кај што бевме во прикриен дел кај што нема никој го надоив.. Мислев дека никогаш нема да имам храброст да го дојам надвор од дома, ама и тоа било навика, па сега се доиме на гости ако сме, ако сме на водно во кола (ладно е надвор).
Почнав и да спијам повеќе. Не дремам веќе од 1 додека да стане во 5/6. Станувам пак во 2, го ѕиркам да ми дојде срце на место и презаспивам. Се борам уште со анксиозноста и со стравовите, ама подобро е.
Уште малку бебе прави 3 месеци, и мислам дека си дојдов на себе. Почнав да уживам со синко. Он почна да се смее, да се радува, да реагира на песнички, да 'муабети'.. Сфатив колку се вреди за ова мало човече.

 

Читав наназад @Cka за факултет пишала. Добро жено.... Ти зарем и учиш и работиш? Ова башка од домашните обврски со дете маж куќа....
Околу поклонитез кои исто сте спомнале... Искрено не се ни сеќавам зашто уопште не сум обрнала внимание дали ми се дало нешто или не оти ич ама ич време и мозок за тоа немам. Кога малку подобро ќе размислам ми има купено 4-5 пати поклон во рок од 8 години.

и јас тоа сакав да го кажам. Ама се зависи од тоа што работела. Мојата прва плата беше 10 100, имав отворено сопствена фирма која кратко траеше. Море не... 2 години и 9 месеци сосе породилно. Толку работен стаж сум фатила тука. После работев непријавена во продавница за миленичиња и рибарска опрема за 6 ипол сати 7500 ден следно во прехрамбена продавница за 9000 каде мислам најмачно ми беше и после во фабрика на производство осигурана на 12 100 ама си фаќа и бонувчиња и прекувремени.

не е ова за овде ама бидејќи така уз муабет спомна и јас уз муабет ќе прашам па ако сакаш пиши тука ако не во порака. Што прочистувач имаш? Кај нас дека со клима сме воздух шта да ти причам. Сув пресушен

Сега да ве поздравам. Со слаби главоболки сум и богами умрена за спиење што не знам дали ќе спијам или едноставно ќе се онесвестам. Бебчо заспива обично крај 9 сатот ама може да се фати некогаш од 8 да заспие некогаш крај 10 најкасно. После иде на ред големиот да го заспијам па мнооогу често ми се случува да заспијам во неговиот кревет. Ќе предремам така околу 2 саати па ко навиена станувам спиејќи на рати и ќе си појдам кај бебчо. И така цела ноќ станувам за да ги проверам за во вц за по вода ... Па ко ќе ме разбуди бебчо за цицање веќе не знам зошто сум станала. Пред некој ден тоа да си се разбуди јас го сетив ама да ме отепаш не можев да отворам очи. Душата ми спиеше уште. Па го слушам мм како го занимава и смогнав сили да станам. Убаво ми е сега кога е големиот на распуст,можам да призаспијам ако призаспие и бебчо,можам да спијам колку што спие тој наутро а кога е синко на школо сакала неќела мора да станам да го спремам и толку денот веќе почнал. Сакам да можам да живеам без да спијам или да можам да функционирам и со многу малку спиење. Оти ми треба време. За многу работи. Не можам да стасам се да завршам во еден ден посебно не со бебе. Животна желба ми е да можам да функционирам без многу спиење ама па за голема жал спанка сум. не дека јас така сакам туку таква ми е здравствената состојба.

Еве бебчо да заврши со цицање да го легнам и мислам дека веќе ќе паднам во кома бидејќи вчеравечер не знам дали дреме или медитирав ама знам дека не спиев.

Па женички да дочитам набрзина што е ново тука и се одјавивам. Имајте пријатна вечер

 

Втор мастер поточно. Не е у Македонија. Плус на англиски е. Да, се правам... следнава недела пак сум на пат на предавања.

Уморна сум, најмногу од тоа пто додека сум отсутна, се таложат работите и после треба се дупло да работам. Ама целите се за сите дома, па затоа вреди се.

Ние денеска демек ќе шетавме ама дожд хистори ми покажува дека на денешен ден снешко сме правеле. Годинава нема да има снег изгледа.

Вчера генералка правев денеска пак хаос е крај нема. А плус има и за пеглање, да спремам за цела недела. Чекам и мајсторот за парното да дојде, не грее добро на горниот спрат.

Утрински ритуал ни е за викенд, ситр заедно пиеме кафе, малата чај ние на телефоните она бои и си разговараме. Еве сеа ја учам да каже перде. педре го вика. Вчера игравме игра со додавање на збор во реченицата. Памти по 7 збора и повеќе и ги повторува

Мачорот ни е за греови. Се бркаат ко да се том и џери. Не знаеш кој кого ќе нападне и кој што беља праи. Малата вреска МИ УКРАФЕ ФЛОМАСТЕРРРР, па барам кај е и додека јас барам се вртам она за опаш го кренала и му вика кај си го скрил плукај!

 

Ја пред 2 год завршив мастер на англиски на познат универзитет во странство и од тогаш книга ни за рекреација немам отворено. Така што браво, знам колку е тешко мастер да учиш само по себе, а тек со дете.. Ама во право си, мене многу врати ми отвори тоа образование така што сигурна сум дека и кај тебе ќе биде исто.

 

Хелоу

Денес цел ден со гости. Вчера ние бевме по гости.

Околу тема образование. Факултетот не го довршив. Не ми се учи. Не требаше ни да се запишам. А во средно учев. На татко ми му е криво, ама на мене не. Постојано викаше на мене и на сестра ми - Учете, имате пари. Некој сака да студира а нема пари.

Во право е. Ама мене не ме интересира книга да фатам. Во средно учев затоа што морав. А имам интелигенција. Брзо памтам, тешко заборавам.

 

јас па се си мислев дека се занимаваш со медицина. Не знам зошто. Како и да е ти посакувам да успееш и побрзо да си завршиш. Јас не можам да најдам време односно боље речено ме можам да тргнам пари настрана за да си ги доположам испитите тука во Македонија. Уште 6 ми останаа за диплома ама тоа е. Верувам дека ќе биде. Ако имам среќа. А за учење се снаоѓам,има време да читнам нешто набрзинка да се надоградам. Моментално знаењево ми е повеќе колку за себе одколку за факултет. Кога ќе дојде за оценување ќе загреан столче повеќе.

Добровечер од мене. Знам и ова ќе биде мачна ноќ ама тоа е шта да се ради. Ако некој ме праша кој ми е најомилен дел од денот тоа е после 8 навечер. Е тогаш можам да поодморам бебчо да заспие јас да довршам нешто низ дома ако можам и малку да се истегнам па да спијам. Последниве неколку дена немирно спие а бидејќи е до мене ми пречи и ме буди. Тоа си се гњави и после призаспива некогаш во раце го земам да цица ама секое негово немирно спиење ме иритира. Општо не сакам да ми прета нешто до мене додека спијам. И со големиот беше така кога подпорасна. Го легнував човечки нормално а го наоѓав на крајот на креветот. ама се навикнав. Со деца тоа е со бебе малку бетер ама нема друго.

Денес со главоболки. Ме нервираат. Не можам да си се напијам апче против болки. Парацетамол никакво дејство нема ве читнав накратко одам да спремам синко за спиење па да одморам. Може и главоболката ќе ми помине. Имајте пријатна вечер

 

Чат пат ќе ја отворам темава... уште не ми се верува дека, по толку години, по толку страдање, по толку солзи и таква голгота, сега сум мајка Не можам да и се изнагледам, ја држам, ја гушкам, ја нишкам, ја зјапам, уште не ми е верно - ми се случува одеднаш да се расплачам, со “Фала ти, Господе, фала ти, Господе”. Посилно е од мене, уште ме совладуваат страшни емоции.

 

Можеш бруфен

 

Прва плата ми беше 2000 ден пред 7 години, после 6000 нареден месец, па 8000 ден минималната, се минимално, некој бонус плус 2, 3000, а сега еве од ко ни ја покачија платава на 14500, одма добивме маил за нови правила на бонусите (да нема шанса да оствариш таргет) сите се побунивме па уште сме во исчекување за декември дали ќе ни ги исплатат или не. Ако да, прв пат ќе земам 20000 ден замислете...ама ете во мало место живеам па ни стигнуваат сеуште. Ова се во иста фирма иста работа.
Поклони ретко, за роденден и тоа сама си бирам но мм е уште романтичен па ми прави по некое изненадување, мало и скромно, но со љубов
Почнав од обивање на малиот, денските подои ги скратив, уште ноќните најтешките останаа не спие уште си станува на 2, 3 саати. Па и настинат е малку.
Вечер палиме огнови надвор на улицата, се збираме комшиите, така е адетот кај нас вртиме мазник со паре и таму и дома, дома не ми се има паднато 5,6 години, ама да не се жалам среќна сум
Убав ден за сите

 

Срцки стеИста бев како тебе и сеуште сум.И по 1 година ја гушкам по цел ден и велам : немој брзо да ми пораснеш мамино да можам да ми те гушкам колку сакам.Љубов најголема мајчинска.

 

Здраво женски, како сте?
Како го поминавте викендот?

Овде беше ептен многу загаден воздухот па во саботата се качивме малку на Кожув, на снег. Синко беше зачуден дека прв пат гледа белина Лани имаше снег, ама бебо беше 3 недели, не ни гледаше што се вели

Интересно му беше сега да ги гледа децата како се санкаат и си играат на снегот.
Направивме убава прошетка до караулата и назад, се напивме топол чај и назад дома

Вечерта со гости, другар на мм со сопругата.
Вчера типична дождлива недела, за да исчистиме саглам со мм синко го однесовме кај баба му на чување малку. Ручек, перални, сушара и ми прекисна. Вечерта се качивме на кафе кај комшиите во влезот, малку да излеземе од дома.

Сте зборувале за примања во Мк. Кај нас дома влегуваат малку повеќе од 1000еу месечно, ама не ги осеќаме дека уште сме со кредити за станот, жената што го гледа синко, кредитни картички итн. За три години ќе ги исплатиме здравје кредитите па ќе биде полесно. Во мојата околина не е мал бројот на семејства кои земаат околу 1000еур плата, зборувам за заеднички приходи маж+жена нормално.

Ама знам и многу примери кои едвај преживуваат со 200еу плата.

За учењето, алал да ви е што уште ви се учи. Откако го завршив факултетот не сум фатила стручна книга, немав ни желба ни време, а ни потреба.

 

Спомна Кожув па да те прашам до горе се оди со кола, каде што е ски лифтот? Не сум била со години сега и не знам дали работи имаше едно ресторанче и ски лифт за да се качиш горе на стазата каде што скијат.

 

Dobar den majki

Golemata ja isprativ gradinka denes radosna ke bidela vo novo edvaj cekase da se pofali na site
Vcera i zemav patiki i nesto od obleka, pa denes ima da se fali na siteplus i pokanite gi zema da gi spodeli na drugarcinjata za rodenden.
Ne gi kanevme sitene gi sakase site samo tie pobliski, pa mm i dade podrska tvoj rodenden e kako sakas ti

Malata padna vecer od krevetnaednas slusnav Bumplacese pa nemozese da spie dobro, od kako gi isprativme tato i cerka ja legnav da spie i eve uste spie

Jas malce srediv pa rekov da vidam na forumov sto ima i ke dovrsam posle

Od septemvri i malata ke bidd vo gradinka, nekoj peeiod samo 2/3 casa onaka da bide vo drustvo.

Jas vo megu vreme gledam sto mozam so sebe nekoj kurs ne ke mi e loso za podobra rabota da si najdam se nadevam ke uspeam uste se gledat uslovite koi i kako ke bidat podobro.
Mojov vika ajde direk na rabota ama edna od niv e nojkna smena i kako so dve cerki preku cel dsn bez spiejne
Drugata e kaj mojata komsika koja oddv nekogas na potreba ama sega ona ima potreba od medicinsko lice oti stariot e mn bolen....

Ete nekako edna vozacka uspeav i cerki sto gi gledam da rastat dobro, toa uspeav vo poslednive 6 god...

Ama sakam da odam napred so nekoj kurs za da dojdam do rabota, se nadevam

@Cka bravo za site raboti sto uspevas

Otidov da sredam kujnavcera dobiv pa nesum bas

Ubav den na site
Ubavi denovi vo cela nedela

 

Прва работа ми беше во странска организација. Сите околу мене ви такви организации земаа околу 500 евра почетна плата, јас се согласив на 17000. Од таму напредував. Ама кога се вработив знаев и супер англиски и компјутери (што тогаш беше потретко) и плус бев првенец на генерација на факултет. И се согласив на нешто што другите ми викаа дека е малку. Ова ми е прва плата со осигурување и се. На факултет работев на проектчиња и слично и за помалку пари. Така што не знам првото примање колку ми било, ама знам едно време земав хонорари од 4500.
Со тек на години, докторат (од странскиу супер универзитет) и слично сега имам убава плата, плус хонорарчиња од проекти (пу,пу).

Инаку за Македонија зборував за семесјтва со 1000 евра плата. Не за поединци. Поедицни има помалку ама комбинирани приходи има повеќе. Повеќето од луѓето со кои јас се дружам се во оваа група (пу, пу да не ги урочам). Значи маж и жена заедно земаат 1000, па и повеќе. Во различни комбинации.


Јас од денес почнувам да засилувам темпо за работење. И си чекам да видам кај кого ќе биде паричката утре. Си вртиме паричка за Василица и на работа и дома па ќе видиме што ќе биде.

 

@JoyJoy јас од Усаид почнав па потоа напредував, платите ги знаеш и сама како одат. Али од нула што би се рекло чисто да знаеш дека си почнала добро

 

Хелоу

Денес цел ден дома. Цело време врне. Маж прв ден на работа. Дојде преморен. Ене го...рчи по дома. И он како мене без факултет. Не му се учело, а и немал финансии. Ама и факултетот денес не е мерило за успех. Познавам луѓе кои без факултет успеале. Кој како ќе се снајде. Неколкумина ми имаат кажано да го продолжам факултетот. Мојот одговор секогаш е Не. Демек жалосно е таков капацитет да е без образование.

Децава цел ден збеснуваат. Не знам што им е.

Прашање - Како ве освоија партнерите?