Мајчински муабети (не е за барање совети)

zdravo zenski

Zaspa site kaj mene golemata uste vo dnevna i se spiese pa dodeka ja spremiv za krevet veke zaspa
Malovo me guska li guska i da se zavrtam na dr strana ona vika mamma i so race me baramnogu mi e guskava

Tuku 26 januar, 6 godini od mojata prva ljubovnajubavo custvo vo mojot zivot6 godini od tie ubavi mali ocinjaod moeto sonce, sonce belo lice, zlatni kosi 6 godini polni so ljubov i srejka vo mojot zivot
Golemata mi slavi 6 godini

Torta sprema, baloni i ukrasuvajne nautro ke spremam
Ke go slavime 26ti vo domasna atmosvera so najbliski

Povelete na torta

Sekoja nasmevka na nivnoto lice kaj mene e duplo poveke
Posakuvam na site vakvi ubavini vo zivotot

Salata za 29 e zakazana, kupivme se sto treba pa uste da ukrasam i tamu i da podgotvam masa ama toa ke bide se na 29,cerka radosnadrugarcijna potvrdija deka ke bidat prisutni pa ke se zabavuvat site

Umorna sum malcemislam deka tel vo sekoj moment ke se lupne na lice
Umor za vakvi ubavi raboti e najubaviot umor

Sto moze da posaka majka drugo osven srejkata na svoite najmilina svoite deca


Ubava nojk na site

 

Здраво мајки..ова е меѓу поактивните теми, затоа ќе прашам тука..ако сметат админите дека не е за тука, нека ме преместат..
Ако знаете некоја мајка на која и се потребни алишта за девојче до 2-3 годинки..Имам доста, и би сакала да ги дадам на некоја директно ако и се потребни, инаку би ги носела во црве крст..

 

Во темата размена и продажба на играчки мајка бараше за 9м девојче, ке и се најдат, пиши и. @pa_stel

@girl-miri нека и е најсреќен роденденот

Ке го искористам постов и @Starlič да ја викнам на дружба тука. Незнам дали ја приметила темава. Тука си кажуваме се што ни лежи на душата

 

Добро утро

Пред малку станата, па на ред е туширање. Маж денес дома. Деца гледаат цртани. Уште да го натерам големиот да пишува домашна. Ич не сака. Колку и да чистам пак не е чисто. Децава лом прават.

@mariz ти си била помала од мене. Јас мислев дека си постара.

Пред некој ден го средував плакарот. Се изненадив колку козметика имам. Од се по нешто. Повеќето ми се добиени како поклон. Маж се нервира. Зафаќале простор. Само маани наоѓа.

Убав ден

 

@mariz Ти благодарам на поканата. Темава од време на време ја отварав,ве читав.

И јас ќе го искористам овој пост да си кажам што имам

Имавме гости денес, кумовите ни дојдоа да го видат малото. Спремај јадења, ручеци, и зошто за да на крај ништо не се изеде, нели кумови се, ни беше мерак да ги пречекаме како што треба.. Нема врска неколку дена нема јадење да се прави

Пишував за постпородилна депресија во темата, дека и мене ме фатила, читајќи ги одговорите и приказните на дел од лавиците таму добив сила. Видов дека не сум сама, и дека морам малку да се соберам, да си помогнам самата на себе прво па после на малово. Пред да останам бремена и пред да се породам јас не одев никаде, не сакав многу да одам по гости, да шетам или да бидам со луѓе, сега тоа ми прија, убаво ми е, имам воља за се, повесела сум, и едноставно имам воља за живот и за ова мало чудо.. И осеќам дека се зближуваме.
Вчера се скина од плачење малечково свекрва ми го држи, го нишка по соби тоа пустото плаче, и викам дај го да го смирам, она упорна нека го,па нека го. Инат води со мене. Едвај ја земав, и одма се смири кај мене.. приметувам дека ме чувствува, и знае која сум. Тоа ме прави горда мајка
Сега си ја лулам во креветче
Многу се распишував како за прв пост,и како тазе член на темава.

 

Недела ,денес со мали се на земја играме,па јас дограбив тел да ве прочитам и да ви пишам .

За млада мајка и јас сум на 28 го родив сега ке се спремам за 29. Богами убаво што се мажив на 25 за на 28 да станам мајка,немав лесен пат до ова мое црвче,но пак и пак истото би го поминала само него да го имам. Доволен ми е доколку би немала друго бебе.
Некои на 35 си остануваат без проблем бремени, имам пример и на 42 братучетка на мајками си истера бременост до крај,затоа само годините се само бројка.
Но имам многу пати пишувано бремеността за мене е еден тежок период кој го поминав во страв.


Постпородилна што знам може имав може не,но никако не сакав дете мое да видам во друг да е.

@mariz леле па жено кога ке те видам како готвиш,како им ги спремаш јадењата дома ти љубоморам. Јас јајце да испржам со триста организации го правам...ич не ме бива за домакинлук... и со здравје да си го возиш автомобилот

@girl-miri среќна 6ка,жива и здрава да биде


Да се избањам , да се налакирам и толку е денот. Утре понеделник

 

Добар неделен ден мајки,
Преубаво ми е денес, вака ја замислувам секоа недела. Јас беба и мм. Цел ден гушкање, играње и малку прошетка.
Одамна со мм се немавме онака само гушкано, да си зборуваме и смееме. Баш ми дојде убаво

Станав мајка на 22г, од секогаш сум сакала да сум млада мајка. Впрочем сакам 3,4 деца, полна куќа среќа

@mariz честитки на новата кола, со здравје да си ја возиш
И ние сме во потага на 'фамилијарно' возило, арно ама со мм не ги бендисуваме истите работи. Ќе мора компромис

Малата се успа, па јас да јадам. Инаку постојано сака од моето јадење, па пред да се успие ми го изеди, морав да барам нешто друго.
Вечер малку на гости, кај мили луѓенца
Во главно исполнет и среќен ден, без нервози
Поздрав мајки

 

Здраво маајки

Ја сум за во клубот млади мајки.
Станав мајка на цеели 25
И сметам дека ми беше правилна одлука, со оглед на тоа што беше планирано бебе

За презимето си го земав на маж, не ми значеше да го зачувам моето, ни па сега нешто ми значи што го имам неговото. Whatever.

Денес цел ден се акаме по трговски со мм. Да испазариме се. Бебе беше мирен со баба му. Ја нон стоп и вртам во рок од саат време. Мајка ми вика дека замарам, и дека сум напета кога го оставам, и вистина е

Си се почастив капут, и парфем.
И така како пештерски човек сум направена, време е да си потрошам некој денар на мене

@mariz честито нова кола, со здравје да се вози.
И ние пред да се роди бебе земавме поголема кола. И сега внатре ни собира и стои се. Количката не сме ја извадиле од кога е купена. Дома и така сме како магазин.

Ќе идам сега да пеглам, нели недела ден за правење големи работи

Поздрав

 

Здраво,
Јас оваа недела психички попуштив барајќи жена за чување за кога ке почнам на работа. Најдов една што живее на 3 автобуски станици од нас, со многу препораки иако ми се виде преотракана за мој вкус, но да се надеваме дека на синко ке му се допадне. Инаку свеки и официјално ми откажа за чување. Немам искуство со жени до сега и многу се напнав по ова прашање. На мисла сум дома и камера да ставам.
Друго...викендот убав ми беше...вчера и денес фамилијарно се прошетавме преку ден, бебе си нанаше а ние со мм со синко бр.1 фудбал игравме у парк, се смеевме си уживавме.
Сега бепка избањата си заспа, синко отиде на роденден, јас сварив кафе, да ја заокружиме неделата.
Имајте убав старт на следн недела, мене ке ме чека вакцина за бебе, се надевам ке поминеме лесно.

 

Кај сте мајки.

На темава не сум пишала уште кога бебе проодуваше еве ја сега трча по дома. Се ми е турбо, деновите ми летаат, а овие што поминаа сакам да ги заборавам и да не се повторат. Малата ми беше болна загази јако со тт, 3 недели претходно се убедував со матичната дека кашла и дека треба антибиотик дека де ќе качи тт ќе се оправи па пак, ама она запна вирусче ќе пројде. Епа пројде со 3 инфузии линдацин и панцеф, детево година ипол немаше примено антибиотик еве сега ги проба најјаките. Се преиспитувам каде згрешив, дали сум добра мајка.. моите се лекари и кога прв пат крена тт советуваа алмацин ама јас на матичната се потпрев толку луѓе им идат за совет јас пак не педијатар си е педијатар. Знаете како што се претеруваше со давање антибиотик сега се претерува со недавање и децава завршуваат на јаки антибиотици место да пројдат со сируп... Парите за Боровец ни завршија во Систина ама само да е добра и да заборавиме...
Уште малку да се пожалам за здравје дека @lackygirl ја спомна жолчката, мене пред 2 месеци баш ден пред 30 ти роденден на систематски ми открија камен не дека многу се потресов ама ме мавна дека не сум толку млада како што си мислам. Дали сум млада мајка па не би рекла, на 28 години родив еве ме сега со 30 години и со камен у жолчка и некое бело влакно успешно замаскирано со шатирање.
Многу истрошено се осеќам деновиве, се чудам мајка ми како успеала со 3 деца, лекар со специјализации и триста чуда јас ако бидам искрена не знам колку би можела да се справам со второ дете ја начнавме таа тема и двајцата се договоривме дека е премногу рано да се размислува. Сепак заклучок не сум ни пола жена од мајка ми.

И така малку депре постов, бидете поздравени и поскоро оздравување на сите болни дечиња.

 

@mimiiiii леле и ние денес со тт и завршивме на инекција и плус уште е дена инфузии. Е ама јас сакам второ мислење од матичен се со цел да поминеме со антибиотик. Душа ми се кине кога го боцкаат детето. Посебно за инфузија.

Сте пишале сите дека сте млади мајки. јас првото го родив на 23 ипол години а второто на 3 месеци пред да наполнам 30 год. Поубаво нешто не ми се случило. Како и секоја жена - мајка. Ама и повеќе душа не ме болела. Подигнувања воспитувања скокови тантруми болести плачки... Срце ми се кине(ло)

Ние денес со најмалото се пресмеавме повесело од кога било а со големото душа ми изгоре. Завршивме на инекција. Дете да пишти од болка од инекцијата. ќе речам деца така растат ама оти не можам да прифатам дека се е нормално и мора да пројде. Зошто ми гори одвнатре кога и најмалку ќе се разболат и најмалку ќе плачат. Не можам а да не фатам паника страв уплав.... Не можам да останам прибрана.

 

Добро утро

Не се наспав убаво. Синоќа касно си легнав. Ме фати несоница. Изгледа дека кафе пиев. Надвор врнежливо. Синоќа истури. Пуштив филм да гледам, ама за брзо време го исклучив. Не ме бендиса. Вечер ќе го гледам Ноќ на вештерките. Сакам такви филмови. Маж и вечер касно ќе си дојде. Јас со деца ќе се занимавам. Отсекогаш сакав да имам две деца. Немаше шанси синко да го оставам без друштво.

 

Здраво женски.
Ми треба совет како да постапам.
Синко го чува дадилка од октомври наваму, и сум презадоволна од жената. Редовно ми праќа слики на МСН пред и после оброк, да видам колку јадел, ми кажува колку спиел, ме известува за се во текот на денот. Кога си одиме од работа со мм го гледаме синко дека е весел, наспан, најаден, пресоблечен.
Немаме камера дома, оти жената ни беше препорачана од многу луѓе на кои им ги чувала децата, тоа го работи последните 10 години, има бајаги искуство.

Е сега, во петокот кога се спремав за работа во ходникот, таа беше во дневна со синко, седеа заедно на петоседот, тој си играше.
Ја слушнав како пушта вода во кујната, и ја прашувам каде е синко, оти гледам дека таа почнала да му го спрема појадокот. Се криев од него за да не заплаче инаку ако ме види.
Ми вели еве го си седи на креветот, си игра, а јас го гледам од кујната. И реков никогаш да не го остава сам на кревет, ниту секунда оти може да тргне да лази и да падне недај Боже. Дека кога му спрема јадење, или е во вц, да го става во хранилката или на земјата, тој секако си лази или оди покрај кревет/маса.
Кога се вратил мм од раб, истото и го кажал, и таа била навредена од нашите (мојот) коментар/и, и му рекла вие како да немате доверба во мене.

Денес дојде од сабајле, само службено добро утро ми рече и толку. А обично е насмеана секогаш, разговорлива. Пробував да направам бош муабет ама едвај ми враќаше, со пола уста, се гледа дека ми е лута.
Потоа не ми прати слики како и обично од појадокот на синко пред и потоа, ја замолив ај може да ми праќа. И ѕвонев да ја слушнам, пак налутено ми одговара.

Утре секако планирам да зборам со неа, мислам дека нема потреба да се лути за тоа што и реков. Само бев загрижена за синко, оти и мене ми падна така седејќи на спалната и не го дофатив.

Искрено, не очекував ваква реакција од неа, мислам дека не претерав со тоа што и кажав.

Прашањето ми е како да разговарам утре со неа за да не се налути уште толку
Ни треба инаку, ако не е таа, треба друга жена да барам, а многу тешко да најдам. Немаме баба сервис за чување на синко, а јас морам да одам на работа.

Извинете за долгиот пост

 

Хепи кажи и баш како што напиша и тука. Дека не дека немате доверба, да немате, нема да и го довериш. Туку само и сугерираш, да не се случи нешто лошо. Кој и да е , ќе му кажеш, нормално. Па и мт да е, или некоја баба.
И јас да сум ќе кажам, без разлика кој е. Па и мм мене некогаш знае да ми замери по нешто или јас него, или на бабите ќе им посочам, па не се лутиме по дома.
Кажи и едноставно дека погрешно сте е разбрале и нема оти да се лути.

 

Здраво и од мене.
Јас денес пак со гости, снаа ми беше тука, мајка ми е во болница, па ќе и оди во посета, да не ака по ладново, поседе кај мене.

Синоќе со маж ми на смени до 12 малово го думкавме, не знам дали дека цел ден спие, и навечер потешко ја фаќа дремка па не заебава. Еве сега си спие, мислев и јас да поспијам ама пак премисла ми е, кој ќе ја пази, се ми е страв нешто да не и се случи, па лежам само, ја гледам а ми се спие.
Ноќеска наместо одвреме навреме да ја ѕиркаме со маж ми, ние како топови заспиваме, и се додека таа не се разбуди ние не стануваме. Кога ќе заплаче стануваме двајцата, еден млеко прави, друг ја думка.
Пред некоја вечер се разбудила, сме станале двајцата, ми ја дал мене да ја држам додека млеко и прави, пото ја земал,јас сум продолжила да спијам, ја нахранил,ја успал и си легнал. Најтрагично е што јас воопшто не се сеќавам на тоа
Му кажувам вика ти еден ден детево ќе го заборавиш некаде.

Завчера шетавме низ населба, убаво беше времето,затоа излеговме, сите ми искоментираа, каде со толку мало бебе, во наше време се чекаше 40 да поминат па тогаш. Викам јас неможам дома да седам, и на неа и годи шетањето. Сама сум, утре ќе треба да одам нешто да завршам, или во банка сметки да платам, немам кому да ја оставам, мора со мене, а маж ми на работа е. И така. Ви кажав ли дека сум сега полна со воља за живот? Пу пу да не се урочам
Ќе си направам кафе сега. Повелете

 

@happygirl треба да бидеш поопуштена со неа. Она гледа дека и вршиш притисок. Разбирам дека се работи за дете, ама ако продолжите да ја напнувате таа ќе си замине. А во денешно време ретко се наоѓа жена. На неа можеби и смета тоа што постојано ја прашувате. Остави ја два три дена да видиш како ќе реагира.

 

Ама не и правам притисок за ништо. Од старт таа сама без мое барање почна да ми ги праќа сликите од оброците и да ме информира кога заспива. Мене ми одговараше тоа, и така продолживме. Не мислам дека е во право што е налутена.
И никој не ја напнува за ништо, само и беше кажано дека не смее да го остава сам ни минута оти цело време се движи синко, не разбира уште, мал е и треба да го пази некој нон стоп.

 

Она можеби добива таков впечаток. Дека имате недоверба во неа. А колку и да пазиш на дете пак може да се направи беља. Разговарајте со неа. Можеби има нешто друго во позадина.

 

Разговарајте со смирено дека сте задоволни и со доверба во жената, но мислам дека малку се претерува со тие слики пред и по оброк, а притоа да не го испушта од вид ни минута.
Денес е тешко да се најде жена од доверба и треба да се направи компромис од двете страни.
Притисок не треба никому.