Мајчински муабети (не е за барање совети)

Здраво мамички. Како сте, се држите ли?
Јас оваа недела цела на работа, после се поделивме во групи. Повеќе време дома.

Насабајле колку сакам синко да е разбуден пред да излеземе на работа за да го гушнам,толку повеќе сакам да спие, зошто ми го кине срцето со неговото :да не одиме на работа Плаче,вика,не моли Те молам мама,те молам тато
Сабајле ме влечеше за пижамите и ми вика :не мама не алишта за во работа,седи тука и ми покажува накај гарнитурата...
Не помага ни дека ќе одиме да земеме пари за киндер јајце, ништо....
После се смирува, ама дотогаш ....

Синко пројаде чоколадо
Знам дека не сум нормална што се радувам ама он е едино дете што не јаде чоколадо во наша околина Киндер јајце отвора за играчка,ж.царство за сликичката.
Е вчера вика дај милка!
И карантин не карантин,татко му отиде по милка. И лапна 3 реда . Па сабајле во 7ч пред работа тргнав по милки

Да не чува Господ сите нас и нашите најмили најмногу

 

Хелоу

Одамна ме нема. Луѓево се исплашени од вирусов. Јас ич. Излегувам надвор со децата. Ама внимавам каде одат. Досадно им е дома. Пред зграда си играат. Дома им давам и задачи.

За ручек ориз. Ништо нема по продавнициве. Брашно и зејтин ни за лек. Не знам што ќе се прави. Едвај ориз најдов. А брашното и зејтинот ми се при крај.

Мојов оди на работа. Му викам - Тешко нас ако ни пренесеш вирус. Машина пуштена да пере. Генералка правам. Од досада не знам што да правам. Телевизорот ми е окупиран од децава. Уклучена сум од телефон.

Треба и да работам со поголемиот. Имаат програма од школо. Баш ме интересира дали ќе ја продолжат школскава година. Друго немам паметно што да кажам.

Поздрав женски

 

Здраво мајки

Јас работно. Пробувам да отргнам мисли од коронава, ама се` се врти околу тоа, а и работното место ми е такво што едноставно не може, а да не мислиш на тоа. На моменти сум премногу исплашена, на моменти се смирувам. Искрено повеќе ме плаши што ќе биде после сево ова отколку самиот вирус. Се` е поскапено, фирми и фабрики ќе се затвораат, луѓе ќе остануваат без работа и тешко на тој што не ќе може да си дозволи да се прехрани месецот.
Работам во здравство и премногу ми е страв. Сметам дека треба и нас да не испитаат бидејќи сме во постојан контакт со пациенти, а не знаеме од кај доаѓаат и со кого биле во контакт.

Ај доста за коронава, ќе ми го избришат мислењево и онака ретко пишувам.
Сабајле станавме и одма се фативме за чистење, додека појадокот се спремаше. Исмукавме, сменавме постелнина, извадивме ќебиња на тераса, џогирав и пребришав со асепсол и само што доручковавме дојде време за работа. Набрзина испив кафе во двор со свеки додека ќерка ми си играше. Секој ден сме во двор пред да одам на работа, и онака има сонце да искористиме, секако подалеку не одиме.
Ќерка ми многу сака да чисти, само брише, пребришува играчки. Има кујна и секој ден ни вари кафе. И сите посебно не прашува дали сакаме кафе со шеќер или без.
Добро е што викендов сум слободна. Ќе си играме, ќе седиме во двор ако има сонце, ќе читаме книги и ќе чистиме.
Мене не би ми сметало да сум дома со недели. Ќе си најдам занимација. Ама нема.

Поздрав

 

Добар ден мајки

30-ти ден во самоизолација и не знам веќе кој во карантин (престанав да бројам).
Не дека на некој му е битно, чисто да си олеснам на душава.

Замислете, уште сум при себе.
Се немам скренато а баш сум тесна и с'клетлива, може и хормоните си го прават своето

Среќа мм оди на работа па може има удел и тоа во мојата смиреност, се спаси жалниот.
Кога сум кај него да кажам дека се опседна човекот со чистење и дезинфекција, на секое влегување од работа прво дезинфицира брави, клучеви, телефон, цигари...
Душата ми замириса и на алкохол, џогира со 95% алкохол, за бањата подобро да не зборувам

Дете по цел ден дома, од 22-ри февруари освен на тераса друго не знае.
Имаме двор пред зграда ама пак јас со мојата бременост и не бев баш за шеткарење, мора да се мисли нешто, не ја бидува, ќе шизнеме навистина.
Опседнавме дете со вирусот, раце не знае и тој по колку пати мие, најсмешен ми е кога ми краде бакнеж и вели не е во устата, демек нема страшно

Го направив првиот скрининг, не знам зошто ама се уште не можам да се опуштам.
Уште не сме кажале на домашните за бременоста, планиравме кога ќе одиме за Мк во април ама сега одменивме, нема потреба од дополнителни стресови, ќе дојдеме во некој подобар период.

Снемав идеи за ручеци/вечери.
Од тие групите по фб човек да полуди, не се за трудници, абе сѐ сакам, кога гледам ми се јаде а кога ја поставам масата бегам во друга соба, тие мачнините ме убиваат.
Мм вика коските ми се броеле, примеќам и јас на лицето ми се поизразени, килажата е иста.

Постот е каша попара

Убав ден жени.

 

Здраво чикас

Сега во карантин право друштво сме си овде

После хороров со забиве се смиривме двајцата. Он има два долни кецови, јас две носи осмици
Душичка се измачи, во сон пиштеше од болка.
Многу сум мекуш од кога го имам значи.
Лапна доручек и сега спие.
Многу долго време не ми спие навечер, ептен сум зомби направена.
Ужасно ми фали сон.

Мм си иде на раб, ние сами со бебе изолирани од се' и секого.
Дома само се брише и мм кисне под туш секое идење од работа. Вика кожа немам веќе
А мора да иде да пазари скоро секој ден. И за бебе свежи намирници ми требаат.
Тоа е.. нека биде подобро наскоро.

Чувајте се, гушкајте ги среќите по дома и нека заврши ова.

 

Хелоу и од мене. Изолација #10 ден
За некое чудо се држам психички. Ми е жал за синко место сега да излегува, учи, се спрема за полуматура, тој седи со мене дома. И ми помага. И ние како повеќето од вас исто дома, мм само дезинфицира раце, И се мие кога доаѓа.
Ми е жал И за мајка ми која сама живее на 5 мин од мене а 11 дена ја немам гушнато, само на вибер се гледаме. Ама тоа е, сите сме на исти брод.
Јас ослабната иако дома. Апетит во -.
Бебе нервозно деновиве. Почна ноќе 2 пати да се буди за цицање. Во 1:00 И кај 5:00. Па во 6:00 стануваме. Не се жалам И вака е Супер од 20:00 спие ама изгледа заби ја мачат.
Се изнамесив И изнаготвив. Утре бебе полни 7 месеци па да спремам нешто сами да си прославиме
Не гледам некои реални шанси во скоро да се смири ситуацијава, но оптимист сум И не се предавам. Убавите моменти допрва следат.
За да уживаме во Сонцето треба да го издржиме дождот.
Ве гушкам сите. Нека ве има почесто тука да не забегаме со умот

 

Хелол и од мене,
Смирена сум,се е во ред со бебе no.2
Се плашев,многу едвај чекав тупкав во местото додека влегов на преглед,па мижев и ја слушав др.,мислиш прв пат на 19год сум бременано тој е стравот реално сите сме го поминале. Скрининг на 15.04.

Како што ја пратам ситуацијава,роденден нема да се слави за син ми. И тоа први тоа ме растажи многу. Го замислував,го спремав и нарачав доста работи но ете тоа е ... секако дома торта ке направам/купам ни тоа не го планирам во случај да се затегне обрачот,но мали ке си ја дувне свеќата било и на пудинг. Да сме здрави и на број сите. А и тука секако ке се частиме.

Гледав патичиња да му нарачам,гледам цени во кеги и дали е до мене дека до сега не сум купувала бебешки обувки но цениве им се малце плафонски за нешто што ке се носи 4 месеци или јас сум застанала во времето? Над 2000 ден,не викам дека очекував по 500ден да бидат но не и 3000ден.

Немам сила за генералки,чистам секојдневно,прашини,метам од хаос после нас,после ручек. Мм од работа стандард право во тоалет на средување , се пази колку може но во текот на денот е со многу луѓе...ми се темни ако земам да прогнозорам.... за утре сакам да чистам мали да е со татко му а јас темелно полека да средам.

Ми недостига одењето на работа,кафе,прошетка со мали со количка,да одам кај мајка ми да дојде она... и така. Како на сите така и мене.

Ајде ке дојдат подобри денови. Иде топло лето. Т.е деновиве дожд гледам ама секако не ми менува.

И не е до хормониве ама Филипче таков секси глас ми има обожавам да го слушам. А не е убав.
Заминав. Чао

 

Не знам од каде да почнам еве од @Happyinlove inlove: одвај чекав да пишеш за момата машала нека расте.

Јас утринава го почнав денот со собраќајка. Во 6.15 утринава се отепав сама со себе на празна улица. Се загледав на десно сум ја преминала другата лента мавнам на тротоар ми пукна гима и само силен тресок ми одѕвона во ушите. Тривијално како во филм го свртев воланот за да не влезам во нечиј двор им ја бакнав оградата. После 50 метри ја паркирав на гробишта сега ја сфаќам метафорава на местово го извадив Ози од кола и го прошетав назад до дома.
Ако кажам дека ми застана срцето ќе излажам како да се разбудив од сон не знаев ни каде сум ни што се дешава ни зошто Ози рипна од седиште уплашен како зајак. Среќа се смири веднаш надвор иако беше видно растревожен.

Јас одам по улица и лебдам во глава прашања што ако идеше кола од спротивна страна, што ако минеше пешак на тротоар, што ако имаше велосипедист, што ако влезев во дворот на луѓето. Бледа крпа си дојдов дома го средив Ози и влегов во спална да ги видам двајцата. Му велам стани направив сообраќајка, он станува трчајќи во сон и ми вика со која кола? Со твојата му викам ти ја ебав колата иначе добра сум фала на прашање.

Шлеп служба 200 еура, скроз уништено тркало и предница. Ја оставаме во сервис и чекам да ме прекрсти со цена. Во целава лудница шлеп служба дечаков збори со балкански нагласок кога од мкд да ти бил и сервис за коли имал. Вели не и е ништо ќе ја средам за 200 еур. Од сервис се јавува типов кажува милијарда проблеми и ќе ве чини 1.800 еур, но не повеќе од 2000. Мојов ја прави Ват?! И шефов од сервис ја олабавува вика може да ви спуштам до 1.650. Викам остави му ја колата гратис не му плаќам.

Веднаш кај македонецот ја товари за назад и ќе ја среди утре.

Во принцип сум ферчина али лопови ужасно мразам. Со некои лажливи очи ненаситни само да се украде на маката на некој друг. Луѓенца малечки гомца брбушки од коза толкава им е човечката вредност. Гнасни лопови налик политичари.

Цел ден сум како во облаци си велам да не не видам сега и малата да ми падне. Плус она денес сакаше само сама да јаде на секој оброк. Умор е потценувачки збор.

Битно е преживеав малиот ѓавол бил. Во среде корона ќе се самоутепам ми иде да се самоклоцнам. Ради мене толкав стрес на сите приредив. Дозволата нека ми ја искинат сместа и онака мразам да возам.

 

@Happyinlove ме пресмеа
Мене па не ми е грд Филипче што знам
@FreeMind баш ми е жал што ти се случило, битно ти биди здрава, жива колата мање битно
И јас не сакам да возам, уствари јас паничам кога возам, посебно кога сум со мм, па затоа он ја има таа чест Јас ептен ако треба сама да завршам работа, тоа е ептен ретко.

Почнав бе многу да се плашам од Короната, со астма сум па и овие дрвјата сега најдоа да цветат, се угушив начисто Само туку Вентолин дозирам, срцето 100 во секунда
Во дворот сме постојано, ама пак ми е страв.
@happygirl како се држите и кај вас првиот случај

Бебе само што заспа, па да шкртнам некој збор, па да изџогирам, и перална се разбира, еден вагон алишта секој ден

 

Добро вечер,

Еве ме јас од удобноста на домот.
За жал од средата сум назад на работа. Добра работа, не работам со странки и клиенти и во канцеларија сме редуцирани. Лоша работа секој ден примаме папирологија од сите страни и параноја ме фаќа што се ќе долета со хартиите. Мислев ќе се намали, ама сега обратна ситуација (се повлекуваат предмети) па исто темпо има
На биро имам алкохол, антисептично средсво, антисептични марамици и дезинтал што си го шетам со мене. Среќа и тоалетот ми е блиску па мијам раце на 10 минути мислам. Храна си носам од дома. А да и со точак одам (може веќе пријавив).

Фаза е. Синко сега полека излегува од неа. Само кај нас не тепаше за среќа, ама одма се слушаше тоа гласчето со тон и фацка што кара - мамо, тато не зборувајте. А тек ако се гушневме, во секунда долетуваше да не дели. Ама еве го попушта. Сега повеќе е во фазон, ако ние зборуваме, он почнува гласно да си раскажува некои негови гачки. Ама затоа за гушкањето сега е најубаво. Ако мм дојде да ме гушне и баци, одма го имаш и него на другата страна гушка и бацува.

Дојде тетката. Како да знаев затоа и не правев тест.
Гром во коприва не удира.
Ќе се помачиме и за второ, ама тоа е. За сега плановите се одложија. Што со вирусов, што од резултатите од ПАП. Туку деновиве требаше да земам резултати од типизација од Микробиологија. Ама не ми се стапнува по болници. А и ако се лоши резултатите кој ќе ми прави дополнителни анализи .
Случајно да не знае некој дали има можност да ми пратат на меил. Да знам дали да се јавувам да молам.

И мојов знае така да свика. Пред некој ден на балкон седиме и он долу здогледува некоја девојка со жолта јакна и кратка црна коса и почнува да вика Бабо, Бабо. Жива среќа од 7 не го слушаат долу, а може и го слушаат ама не претпоставуваат дека нив им се обраќа. И со маж ми така прави ако не сум со нив а му заличи некој на мене

@Monella мајка . Држете се. Ќе помине овој кошмар. Кај нас 10 дена е лудилово па веќе станува тешко. Можам да замислам кај вас веќе цел месец.

За коронава нема да коментирам. Ќе кажам само дека многу ме плаши. Се надевам со тек на време ќе стане полесно психички, зошто ова нема да заврши брзо.

Имајте убава ноќ и чувајте се.

 

Добро утро.
Никогаш не мислев дека ќе зјапам во телефон во 6 наутро место да спијам.
Малата стана во 4:30 ...
Се тегнеше во кревет, ме испогњави со цицање за да и текне оти не и се спиело.
Јадеше ф’стаци и кашкавал пред спиење па мислев жедна е, ја прашувам “сакаш вода? ќе ме почекаш овде да станам да ти наполнам”? Дава потврден одговор, и се расонува секундарно.
Ми седна на перницата, косата ќе ми ја правела.
Ме разбушави целата, па почна да вика по татко и
Го разбуди и него, па почна да ме гушка,гали и вика “моја мама!”, дека во нејзина близина мм не смее да ме допре, не дај Боже гушне/бакне.
Он зборува и му се врти му вели “тато не лафииии”
Бре бре, моме Тиквешанче-ориЏинал
Многу се опушта со говорот деновиве, па така по цел ден нешто ме прашува.
“Мамо жошто шупа жеже”?
“Мамо жошто нема бода”?
“Мамо жошто мама уте”?
Кога и да ме види озбилна ме прашува зошто и се лутам, и доаѓа се мести за гушкање да ме омекне
И така со “жошто” до недоглед.
Назад ми е возот уште
До пред една недела викаше “мамо кај си тато-мамо каде е тато”, сеа се научила убаво да прашува “мамо каде е тато”, па ќе праша каде е дедо,баба,тета,тетин.. сите ќе ги нареди. Од мерак што научила
Душа ми е

Пуштив машина во 6 прееска.
Будала.
Сега се мислам дали да станам и пијам кафе и да мрчам цел ден оти сум уморна и недоспана,или да го гушнам бушавово човече кое ми р’чи пошо е затнато
Изгледа второто.
Нема да можам да функционирам со 4 часа сон, а до 9 вечер на работа сум ...

Ќе напраам аларм во 9, па ако станам-станам
Убав карантински ден!!

 

Добро утро

Јас малце како потресена. Ноќеска имаше многу јак земјотрес и траеше... вечно. Уште ми зуи во главава. Баш и во другата тема пишав, си напраив милион црни сценарија во главава се испоздравив со сите ги знам..
Откако се роди бебла, од умор, неспиење и исцрпеност ич не ги чувствував земјотресите, а ги имаше неколку. Еднашка дури пред 2 месеца, имаше толку страшно невреме, со причинета многу материјална штета, со палми откорнати, стакла искршени... јас како во бунило, бебла во 4ти скок врескање на секои 15 мин, се сеќавам само дека погледнав низ прозор светкаше.. ах си помислив секавици.. утредента кога видов кои поплави и штети се надвор не можев да поверувам колку воопшто не сум осетила ништо. И подобро, оти ќе паничев ко нетачна.

Од рано утро музиче и ѕенѕање, машина врти, маж отиде до био продавница за намирници за бебла.

Ден за дезинфекција, надворешна и внатрешна. Мало балконче, со мало еспресо, мало носе што ме душка во гради и голема љубов како сонце, што ги имам нив двајца.

Убав викенд ви посакувам.

 

Хелоу

Станата уште од 9. Ќе се оди во продавница. Дечките имаат посебни желби за доручек. Најголемото дете е на работа. Прашање е дали ќе најдам нешто во продавница. Луѓево испаничиле како крај на светов да е. Што ќе прават со толку тоалетна не ми е јасно.

За ручек нешто лесно. Вчера два пати переше машината. Да искористам додека е топло па да се исушат алиштата. А треба и генералка на неа да и удрам. Почна да ми замирисува на влага. И да ја исчистам од страните. Поцрнела. Цела е за ремонт

Досадно е. Не можеш никаде да отидеш. Децава аздисани. На телевизија едно па исто секој ден. Ни саглам филм нема.

Завчера со маже бевме сами после толку долго време. Другиот ден одам по децата и големиот ме прашува - Мамо....ти и тато заедно спиевте? Јас му викам - Да. А он ми вика - Е па затоа јас и бато ве оставивме сами.

Поздрав женски

 

Добар ден.
Помина роденденот, беба има дури годинка и два дена. Сами дома, тортиче купив, ја дотерав, ја сликавме и се по ред. Денес требаше да славиме и баш ми е криво. Се поактивна е, многу разбира, се кара. Абе никој да не ја вознемирува, дифтар на мајка. Многу ми е интересна, има модрички на колената, бидејќи цел стан го ровари на колена веќе. Малку касни, ама тоа е.
Ситуацијава со вирусов ми е навистина загрижувачка. Ни на крај памет не се плашам за мене, не знам зошто, ама пукнав од мака за сите други. Се плашам за моите, татко ми е со страшно јака хронична терапија, страв ми е за мајка ми, свекрва ми со преживеан канцер... Само да биде се добро, а уште не е ни почнато.

 

Да ве поздравам додека ќерка ми спие. Едвај ја заспав. Три саати се вртеше низ кревет, а јас едвај чекав да заспие за да одморам. Вчера станав со главоболка, цело работно време го поминав со главоболка и мислев дека сабајлево ќе станам наспана и ќе помине, ама не.
Се надевам во теков на денов ќе помине, не можам да издржам два дена.

Денов денес за генералка, како и секој друг.
Доручек, па кафе во двор, после малата си играше, а јас чистев. Во меѓувреме и ручек спремив. Откако завршив си поигравме, јадевме овошје и дојде време за спиење.
Таа заспа, а јас се мислам дали да станам да јадам или да си полежам до неа уште малку.
Ама изгледа ќе биде првото. Секако спие 2-3 саати, па ќе си направам чај и ќе си легнам до неа.

Денес одбегнувам да читам за коронава. Веќе на психа ме мава. Мислам вчера сабајлето кога прочитав дека има 19 нови заболени главата ќе ми експлодираше.
Си викам ако планира да ме фаќа нека ме фати побрзо , не можам да живеам во неизвесност и страв секој ден. И онака сум изложена на ризик.

Имајте убав викенд.

 

Хелоу.

Секое утро се будам и се лоши работи читам. Што и бидна на годинава, не знам.
Кога ја видов сликата од Загреб со родилките пред болница, срце ми се скрши.
Само се нека заврши..

Да не ширам негатива ај...
Бебе почна по цел ден да 'збори'
Дадададада, тататтатаа, бабабаба, буквално само што ќе отвори очи како навиен е.
И почна да лази. Преку ноќ. Некое време се влечеше навака натака и сега шиба. Ако види некоја играчка одма се пушта.
Нинџа
Сега ептен ми е страв на кревет да го оставам, само на под е по цел ден.

Додека го пишував постов ми претече крем супата по цела плотна, идам да рибам

Бидете добри

 

Здраво!
Се опседнав со короната други теми не ни отварам на форумов и општо од вести слабо други работи отварам.

Од сабајле па шок со земјотресот, најблиските другари на мм се во Загреб и дел од фамилијата, па сабајлево на Вибер го поминавме. Сите се добро и повеќето рекоа дека имаат по некоја пукнатини на ѕидовите дома.

Синко учи да мочка во нокширче и не греши кога е гол надолу, но ако има гаќички и тренерки веќе е проблем. Кога ќе се измочка го зема нокширот во раце и трча во вц го истура во шоља ( повеќе надвор) и зема тоалетна глуми дека се брише и пушта вода.
Еве го се разбуди па доста од мене за сега.
Поздрав

 

Некако темава станува пасивна, сите по дома, нема излегување и нема време за форум.
Не сум на работа, нели викенд де, дете занимавам дома колку можам, ама кога и на неа и се смачи дома, иакону принцип е дете кое едвај надвор ќе го извадиш, значи се поминале границите, ама тоа е што е, се убедуваме се залажуваме некако и оп дошло време за спиење.
За коронава, кога се појаву во Кина, си реков, опасно е, но далеку е кај нема да стигне, но еве ја, не само што стигна во мк туку и во мојот град. Некако сум во паника, се плашам што ако??!!... Се надевам ќе не прескокне, ј нека прескокне колку што може повеќе луѓе, жално е, но ете на вести видов и земјотрес, и некаде и пожар... Жртви од ваков или таков тип...ај да не тупам на оваа тема, имам една друга за тупење..
Едвај чекам да не добијам, а добивам и тоа редовно, едвај чекам да имаме уште едно бебе, и годпожава фома запнала ај роди бебе, вистинско сакам, таа блуза и била мала ќе ја дала на бебето што маѓа ќе го роди, таа играчка повеќе не била за неа, ќе ја чувала за бебето што мама ќе го роди, ама некако тешко ни оди... Добро де не е толку тешко, ама дека за неа останав одма па сега се замислувам ...свашта си помислувам.
Мм ме теши не се замарај што се оптертуваш на таа тема, не дека се оптеретувам ама не дека не помислувам зошто не бидна до сега, ајде Господова работа, нека им дава на тие што немаат ниту едно па и мене и на сите по желба.
Дома измислувам мал милион занимации, се трае по максимум 5минути и тоа е мн ама ајде и толку, после треба нешто ниво а што да биде...
Боевме во боенка, поминаа од водените боици, помина и печатите од компир у оваа криза компири на печати трошев , помина и претурање вода од еден во др сад, помина и игра патека со хартиен лепак по пархет, помина и мемероја, помина и шминкање, помина и бркање околу маса, помина и меморија играње, карти исо букви од азбуката, читање сликовници, кратко излеговме на тераса ама мн дуваше и брзо се прибравме дома, игравме криенка, патување со воз за Словенија, хаха, помина и цртан филм, и телефон и доручек, ручек, вечера и бањање се испи сокче пред спиење и утре што да играме???
Никоја ама баш никоја не сподели искуство со перници за деца, па и со коронава некако ми се одложи перничето на цуца, ако имате било каквонискуство би ми било од помош.
Давајте и некоја идеа за доручек или вечера а да е без млечни производи.. Од млечни производи се подувам, па неззз веќе што да јадам, не е еден ден...
Ајде доста отупев тука, да го земам Мисо во раце и малку да одлетам на друга планета.
Добра ноќ лепотици!!!

 

Добра вечер

Се најадов како никогаш до сега и легнав да успијам деца
Едвај воздух земам колку се прејадов

Него ние со бронхитис
Прво мали се разболе,Могли и јас покусо да не сум
Сите буфтаме,од мрсули дерман да се нема мразам болести,мразам...
Као се храниме здраво,јачиме имунитет и пак ќе не спопадне нешто

Деновите ни минуваат затворени дома
Една недела во самоизолација
Излегуваме кратко пред зграда,се возат велосипеди или трчкаат наоколу
Дома максимално се трудам да анимирам деца,иначе полудеа од досада

Мм работи,мора да работи без разлика колку е сериозна ситуацијата
Се плашиме да не се зарази дека работи со луѓе ама што е тоа е

Не знам ни што да пишам веќе,толку ни се монотони деновите што нема нишо ново да се каже

Аааа,положив тестовите ќе забораев да ви кажам
И сега короната ме зезна за да продолжам со часовите за возење до следната зима ќе су со возачка

И така,едно дете заспа,ќе почекам уште малце ако не заспие и мали го земам вдневна
Посекако маже кај и да е ќе стигне па ќе се чуваат

Довиџења

 

Јас денес се израдував што прв пат во неговите 15 месеци се напи, т.е испи 200мл домашен сок од дренки хаха не пиеше ништо, значи ништо др освен вода и тоа вода вчера 1.5л испи