Мајчински муабети (не е за барање совети)

Да ве поздравам!

Денов смени 3 прогнози, облечена ко за есен а смени и зима и пролет и лето. Луда работа! Маж вчера донесе коштанчиња колку за проба, следна недела ќе бере за продавање и ќе биде леле мале едно 3 недели додека не заврши се со костените. Дете ги обожава, јаде крка, само бара, ај дај коштанче, дај да пробам, дај ми со лажиче, дај ми како колаче, дај вака, дај така... Дете, со триста желби.

Ме исплаши мајка синоќа, лошо и било, температура имала, а имала и контакт со заболена, ми го свари гравот. Среќа тестот негативен излезе. Налет веќе да мислиш, аман! Ја терам да оди у пензија, нејќе, сеа па ме лаже не смееле до Нова година, ама ајде нека е, како мисли така нека тера. Денес би требало да стигне фрижидерот, едвај чекам да и го пуштам мојот да ја растеретам малку, доста се сеќираше.

Дете љуби га мајка а ме види со телефон у раце сместа ми се фрла да ме бацува. Му викам зошто вака ми правиш? Зошто сакам да ме гушкаш! Мајмун! Денес имаат некои игри во градинка за недела на детето и којзнае колку ќе биде возбуден. Ме изненадија, мислев со коронава ништо нема да работат, они секој ден активност имаат. Браво! Прашаа за математика, се сложив, секако не се знае што ќе биде како ќе биде. Ако досега мислев ќе помине се, ќе се врати се на место, сега веќе не сум сигурна во ништо! Многу ме погодува оваа ситуација, во мојот град мал ко што е има денес 5 заболени, премногу е!

Да не ја почнувам темата, убав ден мајки!

 

Добар ви ден мајки и слатки дечиња!
Мина викендот па ете денес понеделник, време да им се вратиме на обврските!
Јас кооонечно со нормално работно време па дома сум си со малата ќерка!
Допивам кафе сварено од пред еден час!
Баничка тазе стигна од кај мајка, па доручекот е веќе смислен! Хм, што е лесно вака кога друг ти го спремил а ти само да кажеш - готов ми е доручекот!

Големата на училиште ја однесов, едвај еден час ќе се таму па оваа недела ќе биде повеќе шеткање релација дома-училиште!
Викендов ни беше исполнет и се надрвам интересен за децата! Освен ручекот друго и не направив дома, за да можам времето со децата да го минам! Игравме, шеткавме во парк, бевме кај мајка ми ( колку ми е празно кога одам таму ) , отидовме и до гробот на тато...
Е затоа што ништо не сработив викендов сега имам 100 работи недовршени! ММ ќе ја донесе големата од школо па се надевам да се заиграт двете сестрички па јас да подсредам дома!

Ова од сабајле пишано... ама не стигнав да допишам и не пратив!

Денот понатаму си беше баш така исполнет... Малата запна надвор да вози велосипед, големата се скри на балкон да си го реди приборот од училиште. Во присутво на сестра и тешко дека ќе може да си го реди приборот!


Друго ме мачи мене, па да споделам!
За ручек правев полнети пиперки, ама тоа пиперките лути да биле Постојат бабури пиперки лути? Де просветлете ме, јас не ни помислив дека би можело лути да бидат!
Па откако бидна ручекот седнавме да јадеме и големата ќерка одма - фуууј, ова е лутооо... не сакам да јадам!
Малата - лутоооо, ама дај да јадам!
Јас велам немој, она моли за уште едно лажиче, па уште едно, ете само уште едно После секое лажиче од лутиот ручек пие голтка вода и пак бара да јаде! Многу си е стрвна! Е сега, мене ме секира дали нешто би можело да и биде! Значи изеде цела пиперка полнета, бааш лута.
Ќе и биди нешто? М?
Се помислив да и се јавам на свеки да ја прашам како е, оти она сега ги чува... Ама ај да се поштедам од нејзиното напаѓање...
Па ете вас да ве прашам! М? да очекувам реакција... Ваљда ќе пече газето кога ќе кака Или безпотребно се грижам!

Ауу, го развлеков постот пак!
Ајде толку... убав ден!

 

Добро вечер

Пак ми останаа 2 страни за читање ама ако,да си имам во секое време да читнам по нешто (тоа само ко ќе најдам време)

Честито нови пораѓаји родендени на деца на мајки татковци... На сите.

Читам доста тука сте се вселиле преселиле или сте во фаза на купување/градење на куќа/стан. Со убаво да ви е преселувањето да имате здравје среќа бериќет и мир дома. Од август лани маж ми и свекор ми почнаа со куќата ама не знам со кој памет мислат дека сами тие двајца ќе ја направат. Ај може за 5 години ќе е готова. Ама не се мешам,машка работа.

Кај малото избиваат забчиња кај големото паѓаат... Хаос сме на таа тема. Мали почна да се качува. уште газето му тежи, се исправа и следно се качува на кревет ама да се пушти да оди уште му е фуфки. Како некое мајмунче е. одиме заедно фатени за едно раче. Исхраната ни стана стресна работа. Не му се погодува или не сака да јаде воопшто или сака да шлака и сам да јаде.... Само ручекот така успешно и со сласт го јаде. Е ама почнавме да пиеме вода повеќе од претходно. И тоа само затоа што кога ќе пивне може да се полигуши да плукне да брбља со устата додека му е полна со вода... Ама битно 3 пати ќе голтне.

Големиот за два дена прима вакцина. Толку сум потресена со тоа вакцините после реакцијата на малото што дури сакам фул прегледи уклулувајќи и Компјутерска томографија и магнетна резонанца. (Да има некој да ме натепа добро ќе биде) додуша тој вакцините ко вода ги примаше ама знаете како е,кога ќе се изгорите и на кисело млеко ќе дувате.

Ме мрзи веќе да пишувам. Утре треба рано да се стане да одиме крв да провериме и да искористам што спие малото,оти некогаш знае да е напорно навечер та да не знаеме што му е.

Добра ноќ.

 

Добар вечер мајки.

@snegulkata и ние големите кога јадам луто, лути и при какање, ама се надевам дека нема да имате проблем.

@Presrekna уште од вчера ќе пишав, е многу си убава, колку убаво ти стои и кратка коса

Кај нас ништо ново, прееска таман дете да стани од спиење, сакав да ја носам на шетање кога кажа врне, со ветар со се.
Катастрофа од време, многу е ладно.

Дај утешете ме дека и тој напорен период ќе помине.
Буквално дете кога станува моторчето го вклучува на газот и цел ден е во покрет.
Баш со мм си правиме муабет дека и тој напорен период ќе помине, ама кога!?
Баш прееска ја внесов сушарата внатре, луѓе кога и се пушти, сите жици ми ги откорна, а кога го повишувам гласот одма почнува да плачи.
И цел ден ако не и е погодено кенка и плаче.

Почна да вика мамооо како да сака нешто да ми каже.
Ако каже мамо одма кажува и татЕ знае дека одиме во пакет

Од кога почнаа вашите деца да кажуваат повеќе зборови?
Мојата е 1год и 6 месеци и кажува ајде, ај, кака, мамо, татЕ, деде, бабо, ам, њам њам, и тики тики(кога миеме заби)

 

@Ava.84 Ни на крај памет не ми текна на амазон да проверам. Имаат деливери за Гриис. Претпочитам домашен, ама сега веќе дај што ќе дадеш е работата.

Иначе не мора да е лето. Пролет е пренајубаво овде. Доаѓај кога сакаш.

Сонувач.

 

Здраво мајки.

Синко спие а јас одмарам. Времето е за никаде, ни знам него како да го облечам, а ни мене. Му облеков дебели тренерки затоа што кога ке стане правец тераса, ама изгледа му беше топло, ептен на викање заврте. Го облеков во потенко, пак не му одговара. Јас се препотив сто пати, многу незгодно време.
Бевме да видиме станот до каде е, уште многу малку останува. Фала за честитките.
Ке има викенд без ддв, па ако знае некоја од вас да ми каже дали важи само за мебел и бела техника (за тоа ми излегоа реклами) или и за други производи? Ке побарам и јас дали пишува.
Изгледа на синко ке му пробиваат и 5ките. Рано е ама не ги вади прстите од уста, ги тегли ушите, лиги течат на сите страни и најбитното: одбива да јаде. Менито се сведува на леб, леб со кашкавал, пудинг, чоколадо и цицање. Знам дека не е најздравото мени за дете од 14 месеци ама дај што даш е работата. Нека излезат и овие заби и да здивнеме. До вчера си јадеше телешко и пилешко со куп зеленчук, а сега ни палента не сака.

 

Јас минатата недела купував фрижидер и во Нептун рекоа само на техника од Мк производство ќе биде и било каква ИТ опрема, не на се.

 

Фала.
Мебел купивме, и тогаш добивме попуст бидејќи купивме се од една продавница, наше производство. Да имам слободно време би отишла да видам дали навистина ке има намалени цени или само мачкаат очи на народот.

 

Ама никој не рече намалени цени, рекоа поврат на ддв. Купуваш, скенираш и ти враќаат ддв.

 

каде ли живеам јас?
Фала.

 

Ништо од викендов без ддв нема да се искористи за нас..бела техника треба да е мк производство а таква немаме
Мебел и ние купивме..сега се чека да го донесат ни рекоа 3 недели еве 2 поминаа па уште една остана..
Од бела техника ни стигнаа микробранова,рерна и аспиратор..
Изгледа како да сме при крај ама далеку од тоа сме
Добар ден и од мене
Надвор си врни мажево нани а јас дремам и барам спална по салониве на фб за свеки да ги подновиме малку гревота се 30 години ја имаат истата заслужиле да сменат и тие на ново да се погушкаат
Спалната ќе е изненадување од мене оти сум презадоволна од тоа колку направиле и сеуште прават за нас..Свекорми пензионер а сеуште вози за да не плаќаме шофер, свеки вечна домаќинка и сама ги израснала мм и девер ми и ги иаправила на прав пат а воедно и куќа градела додека свекор ми со месеци не се прибирал дома ни деца ни жена ни куќа има видено...Смрзнувал во Русија, Ирак, иран чекајќи тура за назат..Во овие нивни 37 год.брак 5 не им се собираат да спијаат во ист кревет или да јадат заедно..
Цела историја раскажав и ептен ги испофалив ама ако жал ми е за нив..Заслужуваат и повеќе ама немам поддршка од јатрвица таа друга сорта е..пука од себичност и иако ништо не и е ускратено пак е незадоволна и само се лути...Ама тоа е неможи сите да сме исти
Ајде толку од мене стана бебе да се нараниме па да си поиграме малку(ова јас си играм кловн а тој ми се чуди што и е на оваа, и тек тук знае да се насмее )

 

^^имате неколку мк фирми што изработуваат мебел, не сме без ич


Добар ден мајки

Времево лудо, па и ние полудуваме со него
Стигнаа дедо и тато во саботата и повторно почнаа фестивалите
Дефинитивно кога сме сами е најмирен и најпослушен, баш е друго дете.
Плус бара од нив внимание, а јас сум ги задолжила со тон работа
Па и некако лењи се

Почнаа во неделата, денес веќе се чкртка денот и едвај до пола се, а по мои пресметки и немаат многу работа, еве не знам
Тоа кујничето од 1.87см уште не е готово
Шанкот не е ни почнат
Каде се пак плакарчето во ходник, летното кујниче и едно 10тина црцканици
Не ми е ич колку дена ќе работат, ами многу се несредени, па пак се е пепел, прашина, општ хаос пак е во станчето

Завчера комшиите местеа инвертер, па и на нас ни наместија, мајсторот не избушил рупи колку требал и маваше со токмак, па ни падна ѕидот
Не е некоја штета, повеќе се испосмеав, бебе цел среќен што ни паднал ѕидот, ама мислам
Не направија никаков проблем за санирање на штетата, али се јавиле и кај инвеститорот, неквалитетна градба, а инвеститориве љути оти таму ставиле клима, не било тоа место за клима, епа што не ставеле ако не они рупи каде требало да седат
Колку да се дешава нешто..

Него им влегов на комшиите во станот и се испоразочарав од распоредот
Имаат 7кв повеќе од нас, а ние имаме поголема спална и дневен простор, они имаат еден кв поголемо вц и ходник за фудбал
Озбилно, што архитект ќе беше на денешна градба да направи 15кв ходници
Во спалната собира само спална 140*200 и една наткасна и у ќош некое масиче за тв, друго ништо!
Се се опремиле од Јуск, една иста иверка насекаде, се ставиле габаритно, не им беше лошо ама многу затвориле простор и владее монотонија, вкус. А може па и не им треба простор, постари се, децата им се возрасни

Него да видиме и ние колку шаренило ќе направиме
Простор нема да е затворен, поучени сме од дома, каде се ставивме габаритно!

Бебе радости, ние заедно работиме, ние заедно помагаме, ние заедно правиме
Се пика, буричка, расфрла, главен мајстор е
Па и они, донеле едно 10тина пакети, па ги лепеле и секако дури не се отвори и последниот и не му беше направено детална проверка, раат се немаше
Колата полна до врв, но за чудо на кров ништо
Е плотната не им ја собирало скрос, ама го отвориле малото прозорче на гепекот, не ќе само за неа да товарат и кровот

Вчера као ќе го шетав бебе низ град, односно колку да го тргнам да успеат без сметња да работат, аууууу по цел пат рикаше и се жалеше
Ајде се смиривме некако пред еден Кам, ќе купиме нешто и избра пипс за бубачки и 2сијалици
Бидејќи е многу информиран почна да бара и фасонки и две жици за да навртувал сијалиците и да пикал жица во фасонката
Па го однесов у "Џамбо" или Електроелемент
Дечкото се испосмеа, ама не услужи, но избра и едно црево за вода, само што стигнавме дома почна да бара туш да навртел на цревото
Па денес пак бевме во Електро и купивме и туш, а сменивме и цревото бидејќи му било кусо, а и не фаќаше на ниеден туш
Кога дојдовме дома пружи цревото од тераса и почна неговото "дојдииии рипчееее"
Вчера си играше со сифон, денес да го местат им фали гумичка, пребаравме се и не ја најдовме, епа ја закачил на трската, глумела рипче

Прееска во продавница за играчки се запека да купиме од оние масичките со алат, ама му викам пластични се, нема да ти се свиѓаат, ааааа ми вика нечинат, за бебиња се, јас не сум бебе

Сега сам заспа, изгледа се изнаработи и измори
Нека поспие, малку мир и тишина
Го молам да шетаме, никако не сака со мене сам да иде, ги бара нив..
Не знам ни како ќе го убедам да си одиме дома, за кратко ќе се вратиме, ама ќе ме пукне тие денови
Мм вика не мора да се враќате, ќе ми кажеш што се да донесам и ќе донесам
Аи аи аиииии не фала и список да му направам ќе ја донесе секоја трета ствар, па и едно 100пати ќе се прејави да потпраша, па набива тензија, ај фала не

Него правиме муабет со мм.
И му викам.
Овде зима е многу потопло, плус мало и тука ќе си седиме и ќе заштедиме, лето ќе седиме за плажирање и бањање и пак тука ќе седиме.
Заклучок, да си се преселиме за стално

Да будам бебе, да мислам и што да се јаде, море првин ќе поминам во инспекција, некои 2ч не сум влегла, може ќе се изненадам од сработеното

Убав ден, гушкајте малишанки

@Mari* не сум ја прочитала оддамна и @duffi исто

Ај ми текна, тука ќе пишам.
@mal.ecka не знам каде има гумени чизми со крзно сем во Вајкики што видов и во Кали на фб исто.
Лично, ни тие ни тие не би ги купила.
Јас му бендисав едни од Бенетон, но без крзно се, но со влошка, па кога ќе се вратиме на ум сум да идеме да ги проба и ако ги бендиса да ги зимам.
А видов и на фб отворија на Рекорд продавница Обуча мислам се вика и баш видов дека нудат и гумени, има и достава, ама за број сем да мерат јас не би зела.
https://www.facebook.com/obucametromakedonija/

 

Ви благодрам на сите. Живот пише романи!
@Neda997 кратка коса многу сакам. Додека се мажив имав долга виткана Коса. После пораѓајот со синко ми испадна и исправи. Од тогаш сменив многу фризури, претежно кратки, боб, степенасто, но најлесна и најубава ми е кратка тифус. Сега ми е одрастена треба да ја скратам.
Плус со доењето ми паѓа па вака се обновува. И ја мијам за 2 мин со фризурче сум.
Ова утрово го напишав, до сега по дома. Малку готвев малку чистење, па шетав бебе, па средував кај синко во соба и помина денот.
Бебе спие, јас да видам што сте пишале денес, па едно благо сакамда правам И да легнам.
Добра ноќ

 

Добро утро мајки!

Маже испратив на работа, дете сеуште спие а јас со кафе и тел во рака.

Времето во саботата ни се погоди за варосување... Маже ја вароса собата и ходникот таваните ни беа со поликолор а ѕидовите со вар, но Маже повеќе раствори поликолор и собата цела ја варосоме со него.

На ѕид зад тв имавме 3д панели и тие ги искорнавме, но дете веднаш се побуни зошто сме ја уништувале соба.
Маже сака да реди спили од карпи. Ги имаме во двор две години но никако да му дојди денот да ги нареди. Сега откако ѕидот е празен можи да реди само треба да купиме лепак.

Два дена во чистење поминати, во сите соби со пердиња и прозорци, уште алишта за преуредување но сеуште носиме и по кратки ракави....
Вчера ден за печење.. 50 кила капија за ајвар сама ги испеков и сега сите мускули ме болат. Свекор ми застана да ми помогни но тој бетар ми направи, ми го засили огнот застана 15 минути и си излезе. Кога почнаа да ми горат неможев да стигнувам секаде ваму дете само дома па ѕирка го шо прави, па дете бара нешто од мене де се покакал да го избришам, де сака сок, де вода, па му се јадело.... Важно преживеавме...
На пола пиперки почна да врни па на Маже му се јавив да си дојди од работа да ми намести нешто да не ме врни..Но краток беше дождот и си ги допеков на рајат. Пиперка во раце не стигнав да ислупам, имав помошнички дојдоа две комшивки и мајка ми и тетка ми и пред да се стемни ги ислупивме и ги ставивме да се цедат.

Денеска цел ден ќе мешам на лајца.. Мајка ми ќе дојди да ми помогни, но сношти кога си дојде свеки како ме изнервира за ајварот де...
Јас сакам со модар домат, а тие не јадат сакаат чист и викам пола пола да го прајме ќе го пржам на два пати. А таа свекор ти нема да јади ќе купиме други ќе направиме. Да колку лани...време ќе залади а јас неможам со дете да киснам надвор.
Епа и јас не јадам ме фаќа лутина и не го мелам додека не си дојди..

Се распишав од сабајле да излезам да направам едно цигарче, додека дете не се издигнал од кревет.

Имајте убав ден.

 

мислев ова пишаново да не го преточуваш во поезија затоа прашав те бива за таа работа.

 

Хола мамаситас!

Ден тмуран, ја мамуран, буквално! Однесов дете у градинка, ја пешадија на работа јер вчера врнеше и го остаив на работа. Таман се имав задлабочено во мислите свекор тргнат на работа ме пресретна ме однесе до работа, а што убаво се имав занесено во мислите, не го осетив пола пат.

Вчера дома дојдов, јадев, ај викам ќе залегнам малку онака да одморам дур се олади кафето и осеќам после некое време нешто ми тежи, дете се пружило врз мене да ме баци, ама ме скубе, абе ме корне. Мајкин тој. Ме баци ме расони, да испијам кафе, да каснам некој костен таман и да затворам јадачки прозорец пред да почне пост (кој е на ИФ знае). Маж замина на состанок некој, јас останав со дете, па се зафатив со оцетот од јаболки, до 10 се занимавав, а планирав да спакувам на мајче фрижидерот, да го исчистам претходно, за викендов ако најдам некое карго само да го пикнам со некоја помош од некој комшија. Ама тешко таа работа, тек денес ќе го чистам, ќе го пакувам, и се тоа сама јер муж ќе фати штрфта у костени у планина. Едвај чекам да дојдат костените да напраиме костен пире, тазе слатко од костени, некои колачи, некоја вкуснотија за сајтот. МхМхМх! Туку што се однесува до готвењето овие денови ќе се трудам да си угодувам максимално. Ќе си купам конечно пилешки џигерчиња да си направам пошто маж ги нејќе а јас ги обожавам, мантии ќе си купам од Стокомак полуготови па со кисело млекце ќе ги направам, крилца ќе спечам некој ден и ќе викнам женско друштво на ручек/вечера... Само да смислам агенда и вака ќе биде скоро цел месец, напорно ама бар ќе ми биде малце лајт со готвење и спремање.

По грешка стиснав Испрати, а не завршив, мислиш на месинџер пишувам. Туку ај да привршам имам доста обврски, убав ден!

 

ова твое дело е? Ѕирнав накратко мене ми се бендиса. Со здравје користење на новиот фрижидер.

Дојдов да читнам така утринско уз кафе да пишнам така за добро утро ама со мало дете бре кафе човек не може раат да се напие. со големиот за пола саат треба да одиме на систематски и на вакцина. Вчера правевме кс испадна малку покачено леукоцити. Прашував тука за мислење оти имам батал матичен за толкување на параметрите чиниш му викам да ми толкува тарот карти. А доктор е. За многу работи ми помогнал со децава многу ни излегол во пресрет ама за многу работи забушава па сега со пандемијава.... Од април месец навака не може човечки да влезе во ординација и да ти направи преглед. А допрва треба со малово да одиме на испитување после реакцијата од вакцината од пред 5 месеци. Тоа е.

Ајде одам да се спремам да збркам некоја домашна работа па да тераме на систематски.
Имајте пријатен ден

 

Да, сопругот го работи Леток сајтот главен, а рецептите се мои. На Леток се објавуваат месечни, полумесечни, неделни и викенд акции од поголемите маркети. Имаме и ФБ и Инста страни.

 

@emkaemka Зошто не полнети гумени чизми?
Мислам дека на малата и излезе првото забче.Ептем малку врвче,нестрплива мама,таа не дава да видам,на лажичка малку како да тропка
За првата немав колачи забчина сега ме фатило мерак.Кога се прават?
Еднаш една мама кажа детето и правело по 10 чекори,кога се правеле постапалки,и се смеев кога ќе тргне 1во одд.сега јас со прашањево бетер сум
Ја заспав беба,сега уште цел саат со поголемава ќе се бориме,не се уморува тоа дете.
Мирна ноќ

 

Решив вечерва да ве поздравам .
Во чест на членките што си ги читам и имам контакти со нив. Многу од нив познавам, исто така и многу нови мајки пишуваат и нека така е поубаво.

Детето еднаш во 5 месеци ми заспива само, решив со маж штотоку дојден од работа да позборуваме, да погледаме нешто и да се погушкаме, не знаев дека вечерва со два збора ми даде кураж, надеж, не знам некоја си цел... па не ме фаќа сон сега, иако ова време легнувам ама многу многу ја сакам тишината и нокта, исто и утрата кога пијам кафе сакам понекогаш и сама да се изрелаксирам оти па, нон стоп сум со малото.

Во фаза сме на цртање, играње со фломастери, тоа што теписите се лом е друга приказна, пред тоа бевме во фаза на редење малецки коцки, фасцинирано ми е детето од овдешните католички камбани многу ги сака

Нејадењето продолжува, се навикнав иако ми е криво, со задоволство сум купувала и готвела ама не оди и не оди и јас сум била иста..... можеби се надевам еден ден ќе пројаде нешто до тогаш челични нерви.

Животот знае да пишува романи.... за една секунда може свашта да се десат, научив дека ако денес си доле утре може ќе си горе и обратно, се минливо, менливо во овој свет, и планови не се прават, се живее денешницава.

Надвор магла, сакам ладно време, сета таа божиќна магија, свежина ми е убава. Иако сум зимурлива. Да го истуркаме сите зимото, имам надеж за подобра пролет и убаво лето

Бидете ми поздравени.