Мајчински муабети (не е за барање совети)

Здраво мајки, ве читам и голем дел што бевте со по едно дете сега сте со две, да ви се здрави и живи, големи да пораснат, ние сеуште сме со едно дете, пробуваме за второ ама не сака, после колку време останавте бремени, сите дома и јас и мм и ќерками сакаме уште едно па може и две дечиња, ќерка ми дури кога ќе види пријатели со бебе лута е дека таа немала сестричка или братче. Со едни пријателки шѕо бевме бремени за прво во исто време сега се при крај со бременостите, ако се фатеше и кај нас пак ќе бевме заедно, но ете кај нас не бидна. Здравје, се надевам Господ ќе не израдува со второ детенце.
Имам некои вртоглавици, ме убија, ама ќе поминат.
Денес денот супер ни помина, со ќерче си бевме во парк едно добри 3 саати, се изнауживавме, толку и се радувам, не можам да ви опишам, ма што има да ви опишувам си знаете вие какво е тоа чувство.
За утре договорено е повторно да одиме во парк но овојпат и мм ќе дојде.
Ги сакма и двајцата најмногу на свет, тие ми се се.
Не кажав ништо, ај доста тупам, добра ноќ херојки.

 

Градинка е секогаш прва и најправилна одлука, особено големиот имам пишано дека многу му треба дружба со други деца, ама заради вирусов сега многу ми е страв да го пуштам, па ќе пробаме барем зимава да се снајдиме некако со чување. То е то, барем имам можност да ги носам и со мене на работа ако треба, сепак мора да се почне.

Ај само да ви посакам добро утро
Станавме од 7, цела ноќ наизменично ми стануваа. Пијам јако кафе и ранам деца, само така можам на раат да го испијам. Времево денес преубо, па ќе излезиме да ги видиме желките, од вчера ги бара.
Убав ден да си имате

 

Морнинг шморнинг мајки!

Јас пружена на гарнитура и прикачена на полнач пијам кафе од омилената шоља, а дете појадува точно 45мин и ни до пола не е. Само се заканувам, ќе ти го земам доручекот јади! Абер нема! Што да направам не знам, никако не сака да јаде брзо. У градинка стварно ми е проблем, кој ќе го чека по 1 час да јаде.

Вчера непланирано пола работа по дома ја завршив, исчистив плакар собата, сменив алиштата, средив моето катче за декорации, фрлив пак 1 вреќа алишта и 1 вреќа ѓубре. Лека полека се чистам од ѓубриња што сум ги складирала. Не знам дали сум ви кажала дека сум уствари прикриен хордат, само собирам нешто за ако ми затреба некогаш, па почнувам да се откажувам од таа навика и да фрлам и искрено полесно ми е. И алишта кои подолго од 2 сезони не сум ги облекла исто ги давам на една жена која нема. Товар ми се симна од грбот а богами и од дома. На дневен ред шминки и накит да средам, а после цвеќиња да внесам, доста им беше надвор мислам. Имам едно што сакам да пробам да го ревитализирам, полумренко ми е, ќе се потрудам и ќе видиме. У принцип не убивам цвеќиња, ме бива, ги размножувам, ми цветаат кактуси, имам колекција од скоро 200 примероци, ама ете ова некако ми е жалничко.

Маж еве втора недела во село, му заарни, јас овде продавам костени, он собира, никој не го замара, си ужива. Малце е напорничко, ама се успева и искрено и почисто ми е дома и посредено и повеќе работи имам завршено иако сама со дете. Па и не биле толку потребни значи, освен за работата околу Марта и Вилијам на синко (сестричето и братчето, им даде име веќе) Ама од Марта и Вилијам ни трага ни глас, здравје следнава недела ќе идам кај докторката.

Да голтнам кафето, да средам шминкерната и ќе одам со дете до блискава аптека да му купам витаминЦ и спреј за носе, да прошетаме еден круг и после ќе работиме во двор. Денес тетка ќе дојде па дете сигурно нема да спие, да си фатам јас се со ред, не е лошо. Убав ден мајки!

 

Градинка е подобро ама сега со коронава баш и не... Јас со свекрва немам мака, она ја чува малата, и готви што ќе кажам, супер се заедно. Ме јаде што нема дружење со деца, ама тоа е засега...

Второ не планирам, среќа никој не ни бара доста ми е едно, иако би сакала 4 ќерки, ама после 3 години некако тој период додека направат 3 да ги преспијам. Цели 2 години не бев споена, јадена, не знаев кај сум. И да имам сега уште едно такво со грчеви, што цела ноќ цица, ова ќе го запоставам. Затоа и мислам подобро е вака.

Чекаме чевличките да стигнат од Славеј мислам беше... Влошките се готови. Иако е цело лето у двор боса без чорапи, и цел ден трча, мора да носи чевлички специјални за неа. Иако мене вака ми личи океј, ама Др вика мора.

Сакам на шетањееее

 

^^ вчера ми се јави едно девојче во 9ч, ме прашува за оглас што сум пуштила за проодувалка, а огластот стар и не е преобјавен 1.5г. Ме сепна, јас распарталена со пластелин и првин ја распрашав што сум продавала, па кога се разбравме и сватив дека ја имам и викам ок ќе ти ја дадам
Денес ја симнав од таван и ја најдов и кутијата и ја собирам и кога мм ми вика "а што ја продаваш може ќе ни треба?!"
Јас цела прашалници се направив, мислев сме исти по тоа прашање и темата е под катанец со фрлен клуч!
Од прееска го мислам, ама теорија нема да разврзам муабет, НИКОГАШ, некако претешко ми падна и ми тежи
Сум кажала, бебе сакам, ама трудна да бидам не можам да прифатам пак, болка ми е, мака ми е, се ми е од бебе во стомак..

Инаку изгледа само мојов еве до скоро 3г е супер, сега почна да аздисува
Мајка вика разгален бил многу, мм ми вика до мене било се сум му дозволувала
Абеееее преку три рида и три планини
Што би рекла една мајка од пат, едно ми е, па и машко
Никогаш не го разбрав феноменов за "машко" кога сите искочиле од жена

Нема да го разврзувам ич муабетот за ќеркИ и тоа ми е болно и апсолутно се што имав да кажам по таа тема сум кажала!
Уствари јас уште се чудам како машко родив, никогаш не сум се змислувала со син


Ноќ мајки

Почнавме со мм секоја вечер да си пиеме коктели
По еден, за душа, ама богами јаки, не сум пијана, ама онака "расположена" и те како
Мм ги прави, со посебни одбрани пијалоци и додатоци, гледал човекот и клипчиња, па мери, кламуцка

Недела денес.
Ретко која недела не сме во муд "истражи ја својата земја"
Епа денес не бевме или можеби и бевме, но сепак многу поинаку..
Мисла ми беше, товар, оддамна не го бев посетила вујче, а имам и убав повод да му се пофалам
Знам, никако немаше да се израдува до крај, ама ако јас да си кажам, сепак знаеше за мене да се радува.
Ми недостига, терсене човек, да ти расипе ден и да ти создаде нервози, но сепак имало и во тоа нешто убаво. Но и добро е кога ќе ги прифатиш луѓето со сите нивни мани, а баш последните години го прифатив
Не поминав уште преку тоа дека не го запозна бебе, а бебе се роди
Живот!

Бебе пресреќен, цели гробишта со печурки, па набра полно и остави до споменикот
Преседе горе на плочата, мајка рече не се седело, некои тежини спомнуваше ако де и викам, ионака никогаш не го држеше..
Дете, се израдува и на свеќите, тие за бдеј биле
Да не беше он ќе се истурев од плачење, вака се на смеа отиде

Па од таму отидовме да видиме каде мајка се родила и живеела како мала.
Што да ви кажам, "изгорено Крушево" што вика татко ми
Има и некое нивче таму, иако она го презентираше како атрактивен плац, па може некогаш ете бебе викендица ќе гради у нејзино селце
Јас никат таму
Задоволна сум јас со викендицата у Охрид

Остатокот од денот го поминавме во бркање на Мина скокање на трамболина и редење лего и толку, заврши денот и кревет

Бебе има нова фризура
Во ова време - невреме не се нафатив да го носам на фризер, па мм ја доби таа задача.
Супер го среди, проба и фриз да му направи ама не му идеше, па цел е на 3че, ајде нареден пат
Бебе веќе знае дека треба да седи мирен и ако е мирен ќе добие лижавче и бони (тоа даваат во Ѕвездите) па уште пред да почне да се шиша едно 10пати си кажа
Вака ми е баш момче, ич го нејќам со коса

Јас уште не сум лила, уште сум статус кво што да се дешава
Најбитно колорот падна
Ама што и дека падна кога па жолтилото е тука
Ќе одлучам деновиве каква да бидам, морам, ваква очајна не сакам да шетам нигде
Утре идам у ДМ посакајте ми среќа да го направам правиот избор

Се изморив некако, да послушам музика и кома, па и коктелчево почна да шета, убаво ми е

Гушкајте малишанки

 

А, ј добро вечер

Ние добри ништо ново, работа дома.Од утре ќе си го фати редот синко во градинка.
Оваа недела одеше по 4-5 саати дневно, маж се пиша болен за кичмата. Стрес на работа, па да одморил чоекот. Му викам и така ептен си ретко болен пиши се уште една недела барем да одмориш, ама доста му било многу се залегнал
Синко право момче, си зборуваме кој како го поминал денот, боиме или правиме украси.
Кога сум слободна речиси и да немам време, дете останува пола ден во градинка и после го земам. За тие 4-5саати успеам набрзина да зготвам, разчистам и толку.
Шопинг ми е мисловна именка, по незнам колку време влегов во бутик со маж ми и тоа сами, детето беше во градинка.
Се сетив на старите времиња кога бевме дечко и девојка.
Бев претходната недела во градинка и зборувавме за развојот. Се е супер, има многу другарчиња и го сакаат децата оти бил многу креативен и знаел да измислува игри.
Единствен проблем и понатаму ни е јазикот, меша македонски и германски.Ни рекоа треба и понатаму да посетува логопед, има подобрување за разлика од претходно.
Преска бевме на роденден кај другарче од градинка. Дете на сакаше да си оди дома, да сум го оставила уште два саати и после да сме го земале.
Оти корона немаше родители само децата беа поканети, многу ми се допадна роденденот.
Имале барање на богатство до блискиот парк-се обележале со знаци, во двор изнајмиле замок на надувување, цртеле и боеле.
Добија ќесенце со благи работи и ситни играчки.
И нормално дете нема да сака да си оди дома.
Од сега па натаму секој викенд сме на детски роденден.

Од крајот на месецот ќе ми почне синко конечно со пливање и баш се радувам дека ќе оди на спорт.
Фудбал не го влечеше, а карате не ми одговараа условите кои ми беа понудени, ако најдам друг курс кои нудат подобри услови може да проба ако сака да оди.

Во поглед на корона не знам што да кажам, заоструваат демек мерки, ама па нема голем број на случаи кои се по болниците ...2-3 позитивни. И кај да се пазам кога секој ден имам контакт со различни луѓе на работа,маж нема толку контакти освен во јавниот превоз. И тие маски кои ги носам на работа не мислам дека штитат од корона. Оние кои работат со позитивните случаи добиваат ffp2, ние од тие со кинеско производство-шпарен, шпарен.

@Alishan30 јас користев памперс премиум за синко и бев презадоволна.

На тема друго дете повеќе влечам накај не, да е до маж ми уште сега ќе бев бремена.
Многу ми е стрес, време и финансии-нема шанси да одам со ова работно време во три смени со две деца.А, и богами тоа што го проживеав со првата бременост ризик. Сепак викам можеби ќе се предомислам, иако ми стои тешко.

Толку од мене поздрав и убава вечер

 

Да чкртнам некој ред, не оти сум за пишување, ама да се запази редот Досадна ќе бидам, ништо не се дешава, а како и би
Си натоварив една обврска, уствари не обврска, си поставив сама некоја цел ли, како да наречам не знам, па сега сум зомби по цели денови, дење со деца и куќни обврски, а ноќе учам. До кога со ова темпо не знам, напорно ми е, а станав и раздразлива. Сама си сакав, тоа е. Ама ако биде тоа што замислииииив, охооо
Во моментов учам, а тв на муте, колку нешто да се чачка и гледам на канал 5 Клеопатра памтам еднаш запнав да ја барам, детиште, среќа немав 3000 денари, толку бараше
На тема второ дете, сметам дека никој не смее да прашува или да се меша во таа одлука на брачните другари. Но, бидејќи е ова форум и дозволено е да се искажува својот став и мислење, без да се осудуваме, јас ќе го кажам моето : Јас не сакав второ дете, некако бев неодлучна, а големата само што пркна. Од прво "опуштање' бидна позитивен тест, кој го исплакав небаре нешто страшно, а мм скокаше од среќа Додека бев бремена, тоа бебе беше наменето само за друштво на ќерка ми и немаше да можам да го сакам толку. Аха, важи Од денешната гледна точка, одлуката да го проширам семејството ми била најпаметната можеби досега. Толку сум поисполнета, посреќна, поопуштена, просто уживам со нив. А кога си играат па, да, најпаметна одлука. Вистина било дека љубовта се множи. Сите што се двоумите, размислете поубаво, а сите што не сакаат, никому ништо, не може сите исти работи да не прават среќни. И тие што не можат, да не си прават притисок.
Да се вратам на книгата, оти мали ќе бара да се галиме, кај ќе стани 2-3 пати, па и сабајле од 7 е буден
Добра ноќ мајки!

 

Здраво мајки!

Веќе неколку дена по ред, може и недела има, синко заспива во 9 а се буди по 15 минути наспиен и свеж, седи до 12.
Еве на цице е и се молиме да заспие.
А убав ред си фати, од 8 до кај 8.
Ме боли врат, грб кај спиналната, кичма, плус сум укочена цела од скоро 1 час успивање.
Преку ден не запира, мора до него да сум инаку ке фати прсти, ке падне од стол или ке се качи на ограда на тераса.
Сакам уште едно дете ама како што расте синко е се понапорен и ме става на мисла. Кога ке го смени однесувањето веројатно ке сменам мислење.

 

Морам да пишам на тема второ дете. После лошо поминат прв пораѓај си имав страв во коски уште еднаш да раѓам. И уште тогаш се зареков доста е. Со ќерката ептен се поврзав што е нормално претпоставувам, но осеќав дека целосно ме исполнува и едноставно немав потреба за уште едно. Со неа си бевме најдобри другарки буквално. Мислам дека никогаш искрено не посакав уште едно дете, повеќе потпаднав под притисок на околината кои ми направија чувство на вина и на тоа дека сум себична бидејќи не сакам да и родам другар . Сопругот не ми правеше притисок, само рече дека и тој не сака да се изложувам на ризик со бременоста, а ризик имаше. Единствено си велев ако се решам да раѓам мора да биде пред д анаполнам 35г. И така исполнета со чувство на вина кога пребројав дека веќе наполнив 34 и ми остнаа месец два за обид, за да се фати и да го родам пред 35, решивме да пробаме и искрено не верував дека ќе се фати тие два месеци, повеќе сакав да си речам еве се обидов. Но се фати првиот месец. И го родив 20 дена пред да наполнам 35
Сега си мислам да го родев второво малку порано ќе одев и на трето Не се плашев дека помалку ќе го сакам, напротив јас се плашам од љубовта, стресно е да сакаш некој толку многу како што се сакаат децата.

 

Ме примате и мене во друштво?
Мојава почна да кашла кива нос да и тече, а пред еден месец бевме болни 3 пати одевме во болница крвта и ја проверувавме, имаше бактерија и крвта и беше слаба.
Сега пак е настината аман веќе.
Денеска падна со главата на шпоретот со дрва среќа не се изгоре.
Пред некој ден ја изгоре раката.
Едвај чекам својата куќа да ја направам и таму да се вселам ќе ставам на шпоретот ограда се надевам нема да се изгори.
За второ дете не би се осмелила ма да сите ми викаат да имам ама јас не сакам јас осеќам страв со ова не сакам воопшто да е болна ме фаќа страв, кога одам во болница неможам да дишам фобија имам.
Кога гледам како се кара со друго дете кога игра не сакам да имам друго, тоа тепање, плачење, не давање играчки ако фатам туѓо дете љубомори премногу лудило да те фати.
Останете поздравени

 

Обожавам да сум опкружена со деца,МОИ.
Имам едно,би сакала уште две најмалку,ама да го скокнам периодот на бременост и грчеви. Идеално би било да ги родам проодени ,на отприлика година ипол . Вака би имала 5 деца.
А да,и да спијат по цела ноќ .

 

И ја би имала ама да се големи, да зборат и да можат сами за себе да се грижат више кога разбираат е подруго вака плачат не знаеш што му е, оваа мојава нешто ако не и погодиш плаче мислиш ја коли некој дури има научено да премира да липа само за да и погодиш земала рутерот од интернетот го откорнала копчето го гаси, имам една фиока тоа за отворање го скрши, даљинско ако ја видам дека го земала го става на уво демек збори за да не ја карам, телефон ако и дадеш цртани да гледа сама го врти, игра со штипки влегува во корпа за алишта, перде корне ми е страв некој ден корнезот да не и падне, се пентари на прозор прсти прави, телевизорот цел е со прсти не знае да се заигра со играчки како сите

 

Ај да ви се придружам и јас

Викендов како скапана, вчера добив. Ни викенд ми се виде ни бутур, пукнав и само ми се лежеше. Но малиот два дена се изнашета со татко му покрај езеро за да одморам, по два и пол часа си спие на прошетка и кога ќе си дојде дома, на свежина ми мириса
На мм му велам искористи шетање на чист воздух бидејќи во Скопје ова ќе го немаш, ми вели ќе си го имаме секогаш ова, што да искористам, не се враќаме во Скопје и ќе живееме овде Што е за право, ни мене не ми се прибира во Скопје, убаво ми е тука и ќе останеме додека не фати студ и кога ќе се седи само дома, па фино ќе ни дојде промена. Овде сме подолго време и ми фали дома ама само малку

Мака мачам со неговово спиење попладне, а баш убаво си спиеше пред четвртиот скок по 2-3 часа. Но бидејќи си спие во количка кога го шетаме, денес го излажав и во дневна го возев, за 5 минути заспа Лимузината сега ќе му биде место и за попладневна дремка додека успевам да го прелажам, да одморам малку. Ноќеска се разбуди околу 2, цицаше и не сакаше да заспие со цице, се разигра. Го ставив во креветче, легнав и го посматрав на камера. Не плачеше, си гугаше и после на стомак се сврте, си разгледуваше (иако не знам како во темно) и си заспа на меше. Првпат така заспа и страв ми беше да го оставам, па го разбудив мм во 5 и му направив страв што така спие, а јас си легнав и го наместив тој да го надгледува

За второ дете веднаш би почнала да не бев со царски и да не морав да чекам. А и годиниве не ми се најсјајни за да чекам ако сакам второ, а сакам. Прекрасна бременост и породување имав и можеби затоа не ми е тешко да се решам, а и годиниве не ме плашат, но треба да побрзам. Се надевам дека ќе ни се исполни желбата и дека ќе ни успее да имаме уште едно, желни сме за деца. Пилево мало ни е сè на светов, но и две може да ни се, имаме љубов и за две, најмногу на цел свет ќе си ги сакаме двете. Иако уште не сум му се наситила на црвчево и не знам дали некогаш би му се наситила.

Ај доста е како за првпат, отидов да дремнам, немам уште многу време. Ми недостига кога спие, ми доаѓа да го разбудам за да го изгушкам, па ќе дремнам за побрзо да помине времето до следното гушкање

 

Мајки, тимберланд чизми како се со броеви?

 

Скарлет како себеси да се читам на тема второ дете(кое сеуште не го имам) ќе видиме до 35 дали ќе биде ама муабетот за тоа дека едно ми е доволно е нешто што никој не ме разбира. Едноставно немам потреба од уште едно. И муабетот за љубовта кога некого премногу го сакаш , скроз ме погоди.
Мене ме нервираат оние патетични муабети:ајде ти пркна детето- Време е за второ, или не поголема разлика од 5 години- многу е, или првото женско- ајде сега машко, да родиш прво до 30 години, второ не покасно од 35...
и еден куп вакви муабети кои треба да те поучат во животот како треба работите да се одвиваат. А никој не знае дали не сум спиела 3 години, дали станав хипохондрик, дали од сабајле имам волја да станам од кревет, дали како мајка имам да понудам енергија и љубов... мајчинство е благослов, но доаѓа со голема одговорност која никогаш не очекував дека толку сериозно ќе ја примам. Малку забегав со муабетот на мојата тема- зошто не за второ, ама ако нека седи тука, некој ден ќе го читам мислењево па ќе видам дека сум се побила сама себе по сите ставки

 

Zdravo majki ve citam redovno ama.ete ne se naslo vreme da pisam.Inaku bevme Makedonjja i sega sme vo izolacija pa vremeto tesko pominuva skoro nikako.Beba nauci mnogu novi raboti ama go poremeti noknoto spienje pa veke neznam nakaj teram.Bebka konecno izvadi i 2 zapcinja.Poleka treba da se spremam za vrakanje na rabota i toj da trgne vo gradinka kolku sto mi se odi tolku i ne.Treba i ispiti da spremam ama neznam veke kako da se organiziram..Za vtoro bebe jas vlecam kon ne i ako se odlucam sakam da se barem 3 godini razlika

 

За бебе ли? Знам дека твоево е мало, не знам дали се нешто поразлични детските модели, ама оној класичниот модел јас го имам и едвај одам искрено. Гумата е страшно крута, јас тоа на детенце под 3 4 години не би му облекла. Ако се нешто поразлични малечките модели, сори, ама тој моделот што им е автентичен е ужасно неудобен..

 

Потпишувам со две раце. Џабе 200 евра дадов, нозете ми се искривија. Никогаш не би купила кондура ни за мене ни за дете од таму.

 

Јас и маж ми имаме и сме презадоволни од класичниот модел. Ни вода ни студ пропуштаат.
Порачав за синко, ама има junior модел, една членка ги сликаше, воопшто не се крути.