Мајчински муабети (не е за барање совети)

Гледав toddler модел има на fashion group не се толку крути. Инаку да, не пропуштаат ама јас од друг аспект се пожалив

 

Денеска со мојата екипа ја продискутиравме @danichap, и сите кажавме едно нешто.
Алал да ти е жено, права лавица си и децата се среќни што те имаат баш тебе за мајка.
Браво за храброста

 

Вечер мајки
Ајде да честам јас денес ни е годишнина од свадбата

Спојлер: Слика

Спојлер: Слика

Многу брзо ми прелетаа две години и премногу работи ни се случија, фала богу се убаво..Ја поминавме свадбата без проблеми,стресови и се како што ние сакаме да е немавме дофрлање од страна на родителиве изборот беше наш само парите нивни
Потоа вработување на убаво место па по неколку месеци две цртки, прелесна бременост и уште полесен пораѓај..
Во меѓу време ја срушивме куќата и изградивме нова ние како што сакаме да е...
Еве сега после 2 години лежам и до мене е цел свет..Зарем можи повеќе да посака човек
Доста се лигавам да станам да се спремам маж ќе ме носел на некое место изненадување било, а јас знам каде лани ме однесе на бензиска оти таму се запознавме тогаш на бензиска работев а тој заменуваше шофер и одеше на пат па си помуабетивме и по некој ден почнавме да се гледаме ..годинава си претпоставувам каде ама нема да кажам пред време
Ајде
Имајте убава вечер

 

Ај добро вечер!

Дете намирено со вечера, јас да шкртнам некој ред. Спакував едно 60 кила костени, ми се смачија веќе, налет нек се продадат да усисам соба и да се ратисам од нив. Убаво ќе заработиме, ама сопруг е мртов уморен, не знае глава кај му е, има куп работа, ослабнат направен сучка, башка јас сум сама еве трета недела, што е многу многу е. Не дака ми е лошо, 3 недели не готвам нешто посебно, онака ручече реда ради, за дете да има нешто, за мене дај шта даш. Денес една риба останата ја испржив па добив инспирација и малку ја поддотерав, сосче, компирчиња... Иначе и јуфки или ајвар доста ми е. Туку утре не сум на работа, божем да одморам, како па да не. Ќе однесам дете во градинка и ќе се вратам да чекам да дојде карго, па после да средам нешто што остана по дома, останатите цвеќиња да ги спастрам во подрум пошто се огромни, да исчистам тераса, мислев да засадам нешто ама мислам не, ќе оставам за на пролет. А имам купено земја, ако подзатреба ќе буцнам нешто. Пуста ми е терасата без моите боцки. Двор ќе зачистам, треви, едни пајачишта огромни ќе ги соберам од јаболкницата, не можам јаболче да соберам, маж не дава да ги тргаме ретки биле. Море утре пипсот ќе игра. Му имам оставено едно ѓубре да го среди точно 2м и не ги пипка, утре јас ќе средам тоа, коа нема друго...

Туку денес што сум си купила еден џемпер, ауууу... Да симнам 10 кила ќе бидам лепотица у него, преубав е, 400ден а вреди најмалце 1400. На ум ми е една суќна, скаена, ќе ја купам од плата па до таму да е, со џемперов ќе биде бомбона. За на работа, искачање, денски да излезеш, за што сакаш, многу е убав. Туку муабетот ми беше дека го купив од секнд хенд, сте купиле од секнд хенд од страниве по фб? Изненадена скроз, мириса и изгледа чисто скроз! Меко, мирисно, нејќам дури ни да го исперам колку убаво мириса. Едвај чекам да го облечам. Порани од едно продавниче купував, облека од Данска и топ беше, амa ова 6 класи подобро.

На работа ротираме, во другата канцеларија има многу позитивни, ние сме добри засега ама ризикот е голем. Минатиот пат изгинавме цел сектор. Имајќи на ум дека утре сум дома сработев денес куп. Фала богу нема толку работа како пред ситуацијава, се исчистија предмети, сега дури и ден за ден ги работиме. Многу е мачно да објаснуваш зошто не можеш да сработиш нешто одма, администрацијата секогаш е етикетирана дека е неработна, а не прашуваат како работиме и со колкав капацитет. Јас стрикно работам на 2 работни места, епа не баш дека не работам, просто не можам да постигнам. Ама тоа е.

Дете ако дојаде за 20мин добро ќе биде, мене ми се спие ептен, а он се распеал, мислиш пладне е. Забавно ми е, ако немам што да правам. Ајде дур дојаде да пуштам машини, да средам и да слетам главеечки во кревет Добра ноќ!

 

Добро утро и од мене
Одамна ме немало...
Успат да кажам @babyboy1 те препознав.
Јас дојдов да се пофалам дека се вработив. Уште не можам да си дојдам при себе дека ова ми се случи во време на корона, без врски без ништо. Буквално среќа и некој ако ми кажуваше дека се вработил на овој начин немаше да верувам.
Е сега ова значи дека деца ги варди баба. Прв ден лошо поминала те. капната беше, вториот ден подобро повеќе ја слушале и следниве денови ми се работа од дома зошто колешка е позитивна. Ај нек се угоде, повеќе не сме безбедни. Почна и психа да ме јаде ама тоа е, си се фатив на орото.
Децава се лепенки направени, многу немирни, збеснати. Едноставно си се помирив, такви си се. Час се тепаат, час се гушкаат. Особено малата обожава да го нервира братчето. Тој е во глобала мирно дете кое е често испровоциран од неа.
Спремни се за во градинка, но немам храброст да ги пуштам.
Ајде одам да ги вадам надвор, а времево смрзнувачка.

 

@Feodora Ахаа и јас сега видов слики од дечките..те знам и јас

 

Мене некоја да не ме препознала?
@babyboy1 да ви се множат годините само за убаво
Јас од рано во кујна. Правев тарт со јаболка,па ручек- ништо посебно. Печурки со сос од брокула за мене и бебе. Мажите Макарони побараа. Ми се смачи само во кујна.
Денес бебе 14 месеци лета времето.
Сецка ми е.
Морам да одам да спремам и раскренам додека спие.
Ама морав сликава да ја споделил
44 наспрема 18

Ве

 

Дефомитибно е подобро

 

Добар ден и од мене, сонце има надвор, но со заби, свежичко е.
Дома почнавме со греење, најмногу заради малата.
Наполни 1 месец ќерка ми, колку само брзо ни помина овој месец.
Исполнет со многу плачки, први насмевки во сон, помочани пелени, аларми за цицање
За 1 месец е плус 1кг од родилна тежина, мислам дека е добро.
Ми се менува детето, имаше по подолги подои, сега од вчера почнаа по 6-7-9мин подој.
Изгледа ќе има и вакви периоди.
Повеќе си спие и 'рже.
Вашите деца 'ржат ли или моево е само? испушта звуци како да е некое тигре, додека спие
Не е искакана 2 дена, можеби и затоа така испушта звуци.
Друго нема ништо ново.
Се ближат 40 дена уште малку.
Се надевам дека ќе престанам да крварам, доста ми е веќе и раната уште ме боли, па и ја напукнав кожата кај еден конец, тоа боли.
И така.
Имајте убав ден

 

Гутен морген!

Пијам кафенце на тераса и си жалам колку ми е шугава без цвеќенца. Собрав се, измив тераса, сега ќе средам внатре, ќе пружам алишта, ќе усисам и ако има време и надвор ќе излезам да подсуредам.

Туку драгичка, го собраа фрижидерот! Затоа сега можам се да средам.

Од планот добри 3/4 завршив за денес, а останатото па можам и друг ден. Сакам сопруг кога ќе дојде да се изненади. И се навикнав некако, убаво ми е. Ем се средено, ем се наместено, ем дете спастрено, па можело и вака. Богами да се подзамисли чоек.

@Alishan30 предеше и синко, ко маче. Држте се, супер напреднала. Гушкам!

Поздрав до сите, одам да довршам обврските оти куца саатот!

 

Ми падна во око тоа што не е искакана 2дена. Прати ја дали стомачето и е меко или тврдо. Ако е меко не е проблем. Не сакам да ти стварам паника но од тоа што не беше какана повеќе од 2 -3 дена завршивме на доктор на 2месеци. Овде читав дека тие бебиња што се на мајчино млеко нормално било и по 2-3 дена да не какаат па не ни помислив дека тоа може да е проблем

 

Меко е, знам и редовно следам.
Досега на 3 пати по 2 дена не беше какана, а потоа е обилно.
Само на мајчино млеко е.
Педијатар ни кажа до 7 дена дека не било страшно.
Јас ја масирам и не и е тврдо освен кога се грчи, нормално стврднува.
Вака си е меко.

 

Здраво мајки

Синко заспа а јас ке си направам кафе.
Од редот прекрасен што си го имаше, од 8 до 8 и една дремка од 2 часа, вчера заспа во 11 и се разбуди по 10 минути. До 1 поштено ме заебаваше.
Дај кажете дека е период, ова е лудо. Редот не му е пореметен, ни на гости сум го однела, ни гости ни дошле. Зошто?
Уште малку вакви денови ни останаа, после ке се затвориме дома. Излезете надвор, шетајте бебуши. Кога ке стане ке одиме во природа, обожава да трча на отворен простор.
Имајте убав ден мајки.

 

Добар ден мајки

Да се чудиш колку сум свежа како за тазе мајка (по втор пат)
Да се пофалам да, јас како што бев спанка и не сакав сонот да ми биде скратен, за пофалба е
Малата пред полноќ не заспива, во текот на ноќта се буди уште два пати да цица, па обавезно менување пелена, па има ноќи како синоќа кога се помоча додека местев пелена и морав да ја пресоблекувам, па бљуцнува млеко и тоа оди до бодито па пак мора пресоблекување, и ред др. дешавки.
Се чудам сама на живците што сум ги ојачала ама до возраста ќе да е.
Многу често на оваа тема се вели дека додека си млад имаш повеќе живци за одгледување деца ама еве јас сум пример (барем засега) дека не е така.
Искуството си го прави своето

Да им посакам добредојде на новите мајки.
Сега кога ја прочитав @Alishan30 дека малата има покачено килограм за 1 месец а читав и во темата за кг. на бебињата и скоро сите качуваат по толку.
Не ми е јасно, па нели намалуваат на почетокот? Успеваат да ја вратат изгубената тежина и да стават +1кг?
Мојата за еден месец ставила 500гр. од родената тежина или околу 700 гр. вкупно.
Не знам дали имаат врска каките, мојата на секое менување пелена е какана, по 6,7 пати на ден

Синко стандард.
Училиште-дома, Дома-училиште.
За викендот беа со татко му и колеги од мм со децата по костени. Донесоа една торба полна, раздадовме по комшии, радосен дека тој ги собирал па сакаше да ги поделиме а и така нема да можевме да ги изедеме.
Смешен ми беше кога рече дека паднал врз боцките, баш со газето ги наседнал ама му се допаднало, пак сака да оди.

Кога ја читам @AngelOfArh за цвеќињата срам ме фаќа колку недомаќинка сум кога станува збор за цвеќе
Ај што не ги сакам многу ама и тие што ги имам не ги бидува.
Да не ги носеше мм јас немаше воопшто да се замарам ама за атер на него ги наводнувам и пак ги утнав.
Последно 5 борчиња се исушија, абе буквално се соронија, од зелени кафеави станаа.
Сега има едно собно цвеќе/дрво бајаги големко, убаво за во некое ќоше, башка мм дал 15€ за него и мака ми е што го гледам како секојдневно му паѓаат листови, имаше и помал дел, остана само на стеблото. Прочитав дека не сака многу вода, ја наводнувам еднаш во неделата и пак ништо.

Поздрав мајки

 

@Monella јас мислам дека и твоето е нормално, незнам каде има тема, како да ја барам за килограмите кај децата?
Се што не е прекумерно, мислам дека е нормално.
И 700 гр е ок, не сметам дека има врска со каките.
Мојата бебушка некогаш кака до 4 пати дневно, некогаш на 2 дена кака дури.
Индивидуално е кај секое дете.
Само нека напредуваат не е битно дотолку дали е 700 или 900 грама

 

Ај добар ден!

Седам со количката до мене и електронски си префрлам пари од една на друга, на трета сметка, плаќам струја на сто места и така... Море среќа со електронсково, кој ќе се маткаше по шалтери, најмногу сум го мразела тоа.

Вчера малиот заспа во 19:30, си помуабетив со мм и попуштив и отидов во друга соба да спијам, маж ме убеди дека тој ќе спие со малиот и од 22:30 до 3 сум спиела, како 5 минути ми поминаа
Станав како програмирана, во 3 е време за цицање, а малиот спие ли спие. Го пуштив мм да спие во другата соба и седнав да го чекам царот да побара цицање. Ај сега ќе стане, ај за 2 минути, помина еден час во чекање, будала не искористив да дремнам. Во 4 се разбуди и толку беше спиење и за мене и за него. Ги исцица двете, малку задрема едно 5 минути и се разбуди свеж. Го префрлив во креветче и си реков ќе молчам, ќутам легната и го гледам на таблет на камера. Крева нозе, си гуга, па се сврти на меше, си посматра како да има најт вижн, се врти 360 степени низ креветче и не заспа. Не и не.
Умрев за спиење и во 6 веќе почна да плаче пак за цицање. Ајде пак го зедов, исцица од двете пак и не заспива бе. Се витка како кифле, си игра, јас плачам за спиење.
Во 7 го ставив во количка, а бе во секундата заспа. Го разбудив мм, тој да го чува бидејќи ако се разбуди, ќе вреска. Си отидов пак во друга соба и спиев до 9:30.
Маж имал состанок со синот во раце заспан бидејќи се разбудил во количка само што сум заспала.
Му дал ад што си пие во 9 и се спремаа двајцата за втор состанок
И после ајде пак цицање, кашичка од кајсија и пак цицање, играње, цицање, цицање... Да ми наплати за тоа што спиев во друга соба.

И секој ден си велам ќе си легнам кога ќе заспие во 19:30, но не ми успева. Додека се избањам, па малку муабет со мм и да се видиме, да испијам пиво и да читнам на форум ете дошло 22

Свртев досаден муабет и исплеткав сè, но си кажав и ми олесна

Сакав да продолжам за цвеќиња да пишувам, но ајде да скратам, инаку ќе излезе два километри пост, доста е овој од еден километар.

 

@0ли те читам за дохрана, даваш и храна и мајчино цица и плус АД.
Мора и ад да се дава, не го прекинувате?

 

@Monella синко ја врати родилната 8 9 дена а првиот месец качи без малку 2 кг. Се роди над 4 кг и имаше жолтица, па форсирав цицање на 2 часа. Додека беше на доење беше бумбарче. Откако почна со цврста храна и почнаа да го мачат забите, стагнира, дури едно време ослабе, месец и пол цицаше само на 1 година. Сега па и оди, 12 кг има од 11 месеци а скоро е 15.

 

Храна давам само малку, пробува вкусови по некое лажиче, нема оброци. Планирам од 6+ да воведам оброци. Цицање+ад му се основни до 6 месеци. Не пие многу ад, максимум 330 мл дневно распоредени на трипати, но ако е само на цицање, не качува баш килажа.
Претпоставувам дека ќе се намалува ад кога ќе има оброци од храна.

 

И јас да се приклучам во темава..
Бебуш е 3 недели и 2 дена. Денес бевме на трета контрола откако се роди и поминавме супер. Бебуш првите 10 дена паѓаше со килажа, но после, на 17ти ден си ја врати родилната тежина, а денес на 23ти ден качил уште 350 грама
Папочето му е одлично заздравено и може да почне да се шлапка во вода - сигурна сум дека ќе ужива пошто и сега кога го бањаме се смирува и ужива исто така конечно ќе може пеленката убаво и високо да ја местиме и да не се будиме помочани цело време

Бебе спие по 2-3 саати.. навечер и 4. Мама и тато се наспани и среќни као да почнаа некои грчеви, ама до сега не е страшно.. по малку се грчи, се витка, ама нема неутешно и долго плачење (пу пу да не урочам). Правиме кружни масажи на мешето и ставаме термофорче кога појавува грчење и кенкање, се гушкаме и до сега тоа е доволно, се надевам така и ќе остане

Синко се роди висок - 54 цм.. сега ми изгледа уште повисок и едвај чекам на месечната контрола да видиме колку пораснал. Богами и стапалцата му се големи - ќе биде висок дечко

Користиме убаво време и шетаме секој ден по малку. Си добив на подарок (нарачано од моја страна ) слинг марама и бебе ја обожава. Веднаш се успокојува и заспива и си ужива. Скриен си е внатре и не го гледа никој, а и цело време е гушнат со мама
Имаме и кученце, па тројцата си шетаме и уживаме во последните сончеви есенски денови.

Се изнапишав, се заборавив, ама сакав да ги соберам овие 3 недели во еден пост

Имајте убав ден мајки и се слушаме за брзо