Додека ми спие на нозе малата,решив да ве посетам набрзинка Синоќа иседовме до 12:30, за жива глава не сакаше да спие, па еве денес среќа подранивме Наутро едвај ама едвај стануваме и двете во 10, и тоа е нешто ради кое се мразам многу! После до 2 сум се во брзање,појадок ли,алишта ли,играчки ли да средувам, и иде време за на работа. Навечер дури и убаво ми е кога си поседуваме сами до покасно, коа сум смотана и не знам да станувам порано, ако ми е Секоја вечер битно си праам аларм во 8,со надеж и план за следното утро, дека ќе средам се дури ја разбудам.. и поСле го гасам,ја гушкам и спиеме двете. Морам да го сменам ритамов, ми смета и ме живцира во исто време. Како ли планирам јас со две деца,еве не знам само во спиење ми е паметот.. Дедо Мраз допрва го запознаваме и нема шанса да ја растурам таа магија која доаѓа со самата Нова година. Уште сега правиме план да му пишеме доооолго писмо, да му кажеме дали е или не е умна,дали слуша, и какви играчки сака да и донесе. Кога ќе потпорасне ќе дознае Ме фаќа мерак за украсување уште сега, ама ќе почекаме уште еден месец... Да местам дете во кревет и да одам под туш. Имајте мирна вечер
На моето кога му пукна кожичката од отварање на курето матичната ми рече да му мачкам маст гарамицин. Сигурно го пече при мочкање .
Малиот ми заспива на раце, на гради, со доење, спие меѓу нас... Не знам дали ние го научивме така, знам дека детето на тој начин ми се чувствува убаво и заштитено. Моите цело време ми потенцираат дека правам грешка затпоа што го правам премногу приврзан за нас, требало да биде понезависен, немало да можам да имам време за себе, за нас... Правам ли грешка? Знам дека сите тројца се чувствуваме убаво. И што кога ќе порасне еден ден и нема да му требам толку многу и ќе ги барам овие времиња кога детето има потреба од мене и јас сум му се' на светов?
Првите 6мес не е возможно да размазиш бебе слободно држи си го успивајте се итн. За спиење со вас по мене е грешка затоа што е еден од факторите за смрт кај новороденчиња. Лично никогаш бебе не би стајла меѓу нас на спална мој совет е да си го тргнеш. Не се секирај и без заедничко спиење родители поготово мајка секогаш ќе му треба
Знам за заедничкото спиење и затоа спијам со едно око отворено кога е меѓу нас, највеќе ради мојов затоа што спие цврсто. Ама па беља работа, бебево не спие многу ако е во креветчето. Не знам веќе што да правам... Сега го успав некако, го ставив во креветчето, се пикнав во кујна и по пола саат го слушам плаче.
Знам така и ти ненаспана и неодморена а доиш ти треба одмор. Колку напрајвте? Го анимираш на стомаче и со играчки? Моево преку ден не спие и исто ако го оставам во креветче само и си отидам плаче ама навечер се бања, во кревет и на спиење. Ја легнувам исто кај 20ч со него си збориме и си заспиваме. Пробај најди начини биди упорна. Најубаво и најбезбедно му е во креветче само со упорност ќе се научите. Еве јас од мене тргам никогаш со мојте не сум делела кревет.
Месец и три дена. Побрзо бебето ќе го научам, него татко му. Татко му сака да сме се гушкале сите тројца. Он ќе си заспие, јас на штрек спијам да не се случи нешто. Еве сега пет пати го ставив во креветче, се буди и плаче. Од 4 саат сме овака.
@PurpleMind како може бебе од месец да се разгали Значи овие старите сите се истиИстите муабети од мајка ми ги слушав се нервирав оти ми збореше постојано дека требало во креветче Не во раци, не ова не онаКога јас посакав ја преместивме и немаше проблем.Како бебе спиевме во посебни спални со мм.Јас во детска на спална , тој во спална или обратно.Вадев града доев и спиев, не ми беше мачно.Колку пати ќе видев како ги отвара очињата погледнва дека сум тука и си продолжуваше да спие Кога ја одбив од цицања си спиевме заедно тројцаа во спалната таа во свој кревет ама често доаѓаше до мене Мој совет како ви е вам најлесно така си правите, а кога бабите ќе ги чуваат нека си прават по нивно А ако ние не ги разгалиме кои, животот толку е суров, да си уживаме со нив додека сакаат да се со нас Добро утро друштво Оставив дете во градинка и нешто последнава недела на испраќање ми се расплакува да не сум оделаМислиш на адаптација ми е детево Ама кога ја зимам е пресреќна и само кажува какви глупости правела Вчера имаше едно девојче роденден и пошто мојата многу ја сака и купив еден мал поклон , малата цел пат се радуваше дека ќе и го даде.Нормално и славеничката беше пресреќна Па си играле генерацијата и славеничката им рекла на две машки и моето женско да си ги сменат блузите, а таа да погаѓа на кој припаѓа блузатаНормално ја послушале тројцата и си ги замениле блузите.Таа добила машка блуза, некое машко -женска , раскажува и се смее колку интересно било Абе на 4 години ли почнаа да се соблекуваат нели беше играта за тинејџери Од вчера почнавме да правиме новогодишни честитки со малата.Имаме многу за правење , а сакаме и да ги пратиме во Мк, па затоа почнавме порано.Ќе правиме за братучеди,братучетки, баби и дедовци и воспитувачкитеЗа бабите и дедовците испланирав календар со слики од малата.Па сега бирам 12 слики.За декември имам една многу интересна слика како малата вика "е толку нема веќе" и се криви со јазичето и намига За летните месеци сакам слики со плажа и море,есенските со лисја, пролетните со цвеќиња.Се надевам ќе излезат интересни Претходните години праќав слики што ја сликаат од градинката и календарче мало, лани не сакаше да се слика, една ни изгубија по пошта и испаѓа само една година добиле Поздрав мајки, да си купам јадење и почиња денот турбоГушкајте пилци
Месец и три дена и требало понезависен да биде? Да не треба сам да си ја смени пелената и да се измие? Пред да дојде независноста мора да има зависност, мора да се осеќа сигурност за понатаму да има самодоверба дека може сам. Мојата ќе прави пет години за неколу месеци. Дете пораснато на мене, со спиење врз мене, доење до две години, нишање, пеење, сите салтанати. Сега е едно многу самоуверено дете. Нема гајле, оди во друштво од деца сама, се претставува, прашува ако се викаат и дали сакаат да си играат, знае што сака уште од сега. Сакам да ти кажам да си го следиш инстинктот. Да, му треба гушкање, љубов, допир, колку е само важен допирот за бебињата.Ти ја препорачувам Sarah Ockwell Smith да ја ѕирнеш, родителски експерт, одлична е, поткрепени ставови, истражувања, ќе најдеш сè што те интересира. За спиењето заедно прочитај како е безбедно, немој да заспивате само со бебето така несвесно, најчесто од умор и несвесно кога ќе се заспие се случува несреќа. Имај верба во себе и сè ќе биде во ред. Добро утро на сите, работно утро денес. За неспиените мајки, освежување.
Мене мајка ми дури ми рече дека пречесто го дојам, не требало така. Еве го сега после долга борбс заспа гушкајќи ми ја градата. Ми е жал пак да пробам да го ставам во креветчето, нека се наспие. Добро ви утро!
Јас те разбирам многу добро.посебно за заедничкото спиење. Моете бебенце многу плачеше, ама стварно многу, и вриштеше на моменти. Сега поретко но сеуште не е скроз поминато. Во таквите моменти јас избезумена сакав само да ја изнагушкам најсилно и најмногу што можам. Кога спие меѓу нас ние сме во никакви позиции и таа зафаќа голем дел од креветот, а ние сме стуткани од околу неа. Многу незгодно за спиење, но ако треба да бирам дали бебето ќе ми биде смирено и ќе чувствува заштита, и мојата удобност, ќе го одберам првото. Јас не ни спијам кога сум до неа, со око отворено нонстоп ја чувам. Нека поминат грчевите, и ќе ја пуштам сама во креветче, но залепено до нашиот кревет. Нема шанси да го разгалиш на таа возраст. Гушкај, пеј, зборувај и максимално посвети му се, другите од страна што сакаат може да зборуваат
Добро утро мајки Надвор времето тмурно, ама и пак решив да ја прошетам малава , па заспа во количка , дојдов дома и ја префрлив во креветче. Имаме демек локдаун, ама сé е, само локдаун не е луѓе си се движат без потреба надвор и поради тоа решија да менуваат нешто со смс поракиве. Сите праќаат порака дека ќе излегуваат за спортска активност. Оддеднаш сите спортисти станавме Туку сте зборувале за Дедо Мраз. Големата ќерка 9ипол год има и уште верува во дедо Мраз пред некое време се изнасмеав , некое дете во школо и рекло, дедо Мраз не постои. И она му рекла, па кој ни носи подароци? И детево рекло, е да, имаш право деца до кога можат нека веруваат
и јас бев со царски. Втор царски и имав сила само за тоа што треба не сакав да се форсирам оти таква будала бев кога го родив првото па на 4 недели на контрола докторот ми рече дека имам излив и треба строго да мирувам една недела потоа пак контрола. И да не се будалеам многу. Тоа дека не смеело до 40 дена е едно а тоа дека не чинело е друго. Во бабското не верувам ама тоа дека тие денови се за закрепнување на жената верувам. Е сега фала богу кој како сака и како може. Не се сите организми исти. полицијата што седи пред пунктот. Маж ми два дена од дома не мрдна кога се тестираше не од што не сакаше туку од што не смееше додека да стигнат резултатите. тоа така на слика не може да се види јас стварно не знам како така функционираат лекарите. Мора да го види. Скраја да е се може да се случи
@PurpleMind Моето спиеше со нас, спиеше само на цицка, лепенче на мајка Креветче не сакаше и мислам дека дури на 5 месеци успеа да спие навечер во него кога сонот му е поцврст. Ќе заспие и го префрлав. Потоа полека и денските дремки ги пробував така, некако полесен му е сонот дење и не ми успеваше. Полека, полека, не знам ни јас како, пробав една вечер го изгушкав и го ставив во креветче, заспа сам. Ние со мм вакви Дали беше изморен бидејќи патувавме тој ден, дали се научи да заспива без мене во тој период кога многу време поминувавме во шетање со количка и со кола, не знам. Но ете го сам спие сега постојано, и дење и навечер. И заспива и спие сам. Добро е што си го изнагушкав додека спиеше само со мене, сега ми фали Искористи го овој период, ич да не слушаш мајки и баби, твое е ова дете и ќе правиш ти како што сакаш и како што нему му е потребно. @Milkiway Отворена сум со луѓето околу мене и секогаш најдобронамерно си кажувам што и да е, а тие тоа го знаат. Имам еден другар, намерно ми кажува на какви глупости му оди паметот или каква глупост сака да направи за да го искарам Мајка ми знае да го крене носот ако нешто и' речам, но тоа е, не можам па да ќутам ако има нешто што мислам дека треба да се каже. Со другарки сум немала кревање нос, со најблиските сме си доволно свесни дека добро си мислиме една на друга и дека штом некоја од нас нешто ќе каже, тоа се знае дека е добронамерно и нема лутење. Ај здраво! Дојдов да ве поздравам Спојлер: слики И така...
@PurpleMind и мене мајка ми ми рече дека пречесто дојам, дека треба да биде на 3 часа и тоа бебе кога беше 1 месец Не ја послушав. Што се однесува за спиењето во кревет и ние го правиме тоа. Така синко спие цела вечер, ако е во креветче се буди почесто. Свеки стално збори дека ќе сме го повределе. Сите ќе зборат, не се замарај! Муабетот ми беше прави како ти одговара, битно само да пазите зашто е многу мало. Пет месеци е веќе синко и сеа јас го префрлам во креветче за да може на раат да се истегнам на кревет. Креветчето му е буквално залепено до мојот кревет ама ете пак се буди. Ние сме спиеле до 7 години со мама и тато во средина, а сме три деца Инаку Добар ден мајки, Немам што да пишам, уште ме држи стравот од земјотресот. Вчера не заспав до 2 Во грч сум, дали од корона дали од земјотрес, како мајчинството да не е тешко само по себе И во последниве денови си правам филмови дека имам корона, имам глупи симптоми ама реално освен ако комшијата не ми кивнал и влегло кај нас низ прозор, нема како Ајде убав ден
Негде имам прочитано ама не се сеќавам каде дека колку се позависни и приврзани бебињата и малите деца со мајката како мали толку се самостојни и независни како возрасни..
И никој да не фермаш со муабети Спиеше со нас со годинка,креветче беше мисловен поим, па од годинка сама изрази желба да спие во него и ден денес е таму. Има ноќи кога сака да се мази со нас и спие во средина, и никако поинаку не би сакала да е. Не може децата по старинските умови да ги растеме. Уште помалку по книга или по интернет статии. Прави си како што ти е убаво на душата. Коа ќе се породам здравје,и бебе со нас ќе го легнам, ќе се гмечиме и гушкаме сите 4ца оти така ќе ни биде убаво! Еднаш се олку мали... Денес станав во 8, раскренав се по дома и шетавме со малата цели 3 часа надвор! Јеј,вредеше што се пожалив синоќа Сега ја заспав и можам да одам на работа.
Zdravo majki izvinete za latinicnata podrska na telefonot nemam druga.Ve citam redovno duri sega najdov vreme da ckrtnam nekoja recenica. Za spienjeto zaedno nie spieme zaedno na pocetokot spiese vo krevetce no skokovi zabi budenje na sekoj saat jas cesto bev mnogu pospana pa ke mi padness od race po nokite i resiv poarno e sega za sega megu nas.Toj e mnogu meden i sekoj den se zaljubuvam vo nego se podgotvuvs naskoro za gradinka jas pocnuvam so rabota kolku mi se pusta tolku i ne ...ama zdravje Kupivme stan pa sega zafateni okolu opremuvanjeto, zapocnav eden golem proekt koj se nadevam deka za nekoj mesec uspesno ke go sprovedam.Se vidov so moite potsrediv dokumenti kolku tolku dusa na mesto.Niti mozam da razmisluvam nitu da sledam poveke za koronata .Si razmisluvam deka samo ni treba promena na rabotata no i toa ke ceka izgleda podobri vreminja.Ubav den na site.
Здраво мајки! Синко спие а јас пијам кафе и слушам музика, со слушалки, се разбира. После којзнае колку време имам време да пишувам од лап топ, ова мислење долго ке е сигурно. Неколку дена по ред заспива околу 9 и спие до 8 9 наредно утро. Ама завчера се разбуди околу 4 и до 6 го молев да презаспие. Ѕверка мала, таман ке се смири и јас отворам око да видам дали спие, тој ме чека да отворам очи и вели МАМА. Во врска со спиење на детето меѓу родители сум противник заради безбедноста на бебето. Една работа е што мајката нема да е наспиена, друга работа е што може да се случи да заспие цврсто и не сакам да мислам што понатаму. Со мало бебе не може да не си преморен, а сонот навечер е битен за сите. А со кого да биде детето приврзано ако не со мајката? Какви глупости им текнуваат на луѓето. Мене ми велеа дека бил многу приврзан со мене, не сум можела да мрднам никаде. А каде да одам без синко? Што е најинтересно, слободно можам да го оставам со бабите и дедовците на неколку часа и да излеземе со маж ми, не плаче по нас, не не бара. Е по неколку часа веќе ме бара ама мене толку ми треба да се излуфтирам. И со маж ми седи без проблем, само треба да е најаден за да не морам да трчам. Со други знае да јаде леб, штрудли и смоки, ама за главните оброци го молам јас. Како привилегија гледам на тоа што можам да седам дома и целосно да му се посветам а во градинка да тргне дури по 2, па и 3 години. Ако сега не го разгалувам, кога? Околу роденденот негов ме фати некоја паника за тоа колку брзо расне, а не сме се разделиле ни на миг. Еден период, за денските дремки го држев цело време, затоа што се будеше ако го ставам, макар и да седам до него. Па му помина и тоа. Си спие во креветче ама знам да го префрлам до мене околу 6 7 наутро затоа што сака да се разбуди, па до 9 спие меѓу нас, ама голем е и не е цела ноќ. Детето може да е самостално и независно само ако знае дека родителите се тука за него. Ако е сигурен дека има кој да го штити, тогаш ке е самоуверен. Кога проодува детето, не го оставаш да паѓа, туку цело време си до него за да не се исплаши. Кога знае дека има некој да го задржи е сигурен во себе. Епа зошто оваа метода да не се применува и на психичкиот развој? Ова е една од причините зошто сум противник на методата cry it out. Не ми е океј да го оставам детето да се помири со судбината дека залудно плаче затоа што нема никој да дојде и да го 'спаси'. @0ли каде е сликана последната слика? Сум била во Охрид толку пати а оваа патека ми е непозната. Можам слободно да кажам дека Охрид е најубавиот град кај нас. Нема подобро место да израснеш дете. Малку ти завидувам да знаеш.
Здраво Мајкии Ја заспав бебка па да пишам Денес бевме на вакцина. Многу плачеше, значи многу. Ја држев за ноџето јас, да не мрда, а таа плачеше и ме гледаше мене Му реков на маж дека веќе шанса нема јас да ја држам кога прима вакцина. Нека ја држи тој,јас ќе ја занимавам. За спиење, Софи спие со нас. Прво бевме залепени, значи цицката во уста и така цела вечер. Јас укочена. Сега госпоѓата цица, пушта цицето и е во позиција морска ѕвезда. Имаме креветче ,лепенка до спалната , не спие. Колку и да е заспана, штом ја легнам во креветчето вришти. Така да ,се мислиме маж ми да го пратиме во креветче, за да има место за нас две Двајцата спиеме стуткани, таа се шири. Ама ако. Мене најубави ми е да спијам со неа. Сега се научила на сабајле кога станува ,ја крева главата накај мене и нежно така ми гуга. Денес така ме разбуди во 06 часот. Се стопив Четвртиот скок помина, не беше толку страшен. За нова година,ќе китиме на 1 декември. Ептен се радуваме. И купив уште од сега костимче од баба мразица Научила да вриска, да пее, ама она од грло. Реже со гласот. И ептен е муабетлива. Не чека некој да почне да и прави муабет. Го гледа во очи таа и почнува да гуга,па чека повратен одговор, па пак исто Се исправа, не сака ни на 45 степени да е. Седната сака, ама што викам јас уште гзот не и може. Па не ја оставам Ќе се исправи и пак ќе ја легнам Не слушам никој што ми збори за бебка. Како мислам така правам. А за зборење многу зборат. Некогаш игнорирам, а кога ќе претераат е тогаш враќам со таков израз на лице ко особата да треснала најголема глупост на свет.И онака се смеам. И така. Нека мислам 2 пати што зборат, да не се срамат пред луѓе Имајте убав ден