Мајчински муабети (не е за барање совети)

Секој е слободен да си каже што сака. А јас со моето едно излегување во 8 месеци немам 0% грижа на совест дека ќе ја проширам коронава. Толку убаво си поминав што сега можам да продолжам насмеана дома да си седам и да си ги чувам децата.

 

Како сте, мајки?

Вчера ми се падна паричката! Не знам што е со мене и Василица, ама пречесто се паѓа кај мене паричката, ретко кога ме има утнато. Ај, малку среќа ко за промена не е на одмет. Но, бидејќи не одвоивме официјално парче "за синко", реков нему нека му се смета
Деновиве баш е монотоно, времево мириса на снег, а снег ако не е на планина ми е тапа.

Синко во пакетчињава играчки доби, кутрото се извади од памет со таа една риба што шета по подот како шИШУмигу (кој го гледал "најубавиот македонски пар", знае ). Затоа многу не сакам такви играчки, подобро некои со кои може да си игра, кои служат за нешто корисно, отколку ова чудово, како робот правосмукалка е, шета сама сегде. Комотно можам крпа да ѝ ставам да ми подзабрише.

Почнавме со вкусови пред некој ден и синче е радости, се му се допаѓа, тропа со нозете на хранилката од задоволство... јас цветам Пред некој ден си се заиграл нешто, а јас сум застанала и го гледам со отворена уста, целата насмеана. Да ме видеше ќе се извадеше од памет, без да забележам сум се окезила од крај до крај, ама што да правам кога душава ми ја топли, бре.

За друго немам апдејт. Се уште забушавам со вежбање, немам мотивација во ладново, ќе си пукнам. Обично знаев да облечам хеланки и топ и да се фатам за работа, ама сега не сакам да пропуштам нешто од синко и само одложувам, а очајно ми треба да фатам ред.

Ете, уста проклета, таман реков немам апдејт и штотуку примив еден важен повик за една средба утре. Не би да пишувам за што беше пред да одам да видам што ќе ми кажат. Само вие држете среќа да е на арно работава. Многу мразам кога сум во неизвесност, ќе пукнам до утре.

Ајде и синко се буди, да цицне па ќе се бањкаме.
До следното читање!

 

Добар ден, дури не се завршени скроз празниците да ви честитам и јас Срекни Новогодишни и Божиќни празници, вечни слави и имиња, честитки за паричката и за убавите ваши моменти

Ве читам но не стигнувам да ви пишам.
Бебушка спие, душичка измалтретирана е овие неколку денови од вакцините и грчевите итн.

Во меѓувреме е најубавата наша снегулка, која ни дојде и ни ја направи 2020та на нас најубава година, ни се насмевнува како ангелче, па се прави важна јадејќи си ги рачињата, баш со радост не глетка и ни се смешка, дури си претка.
Почна да пофаќа работи околу неа, но не сваќа што со нив, па така мечето го фаќа, и носи околу неа, а не знае што со него да прави срце мило ни е, и нашиот најубав подарок за овие празници.
Затоа и поретко ме има, посветени максимално на неа, маж зема одмор и 10 дена бевме заедно ние тројца, тоа беа утра со насмевки, и ноќно заспивање со нас држејќи ги нашете раце, па потоа ја префрлавме во креветче.
Убави денови кои за жал многу брзо поминаа
Сега поствакцинално, малку тешко ни е, но ќе помине и ова, што не поминало, така и ова.

За на фризер сум била 2 пати одкога е короната во цела оваа година, на козметичар одам на месец ипол и редовно ме депилираат, секако со маски и одам и тие се таму.
Моите прележаа корона, па затоа и одиме кај родителите наши.
Ја држат и се радуваат на внука им, исто и сестра ми со нејзините.

Останете ми добри, здрави и живи.
Со душа ги чекам топлите денови

 

@emkaemka
Ќе биде и дневната некој нареден пост, да не ви е во мисла
Кујната сеуште е не ми е комплетирана во однос на декорации и украси, не најдов ден да тркнам до Ск да си купам нешто, овде е слаб изборот, скоро и го нема па затоа е стерилна.
За бледа и сакам да е бледа, обожавам да ми е се бело, боја ќе додавам со украси, ама тоа кога ќе најдам
Исто и за подот, имам karcher чистач на пареа и немам мака, па и ходниците и скалите ни се со бели сјајни плочки и ни дамка немаат..
За чистење не ми е проблем воопшто со крпа пребришувам и толку, за готвење и да не ми се свиѓаат манџите на свеки имам друга кујна па таму ќе готвам, така да и за тоа да не ми се секираш

Добра вечер на останатите
Се прибравме од кај моиве, парето во куќата, му поаакувам среќа и здравје
Го заспав малиов, па да пијам кафе раат..
Позз

 

Алал да ти е како пиеш кафе касно. Јас дека почнав да станувам во 6 за на работа гроги сум цел ден, особено напладне, ама ако испијам кафе после 4 журка е навечер не можам да спијам.
Бебе спие, немирно во последно време. Не знам веќе од што. Заби не гледам на повидок, ама затоа гледам тантруми. 'Ржи мали растура, се чудам од каде толку нервоза во такво мини човече. А златен ми е, научи плус со устето да прави звук на коњче, и ако нешто го асоцира на тоа, одма мрда напред назад демек јава . Јас се топам на секое ново научено нешто. Бејби ми е единствено позитивно нешто моментално. Многу стрес ми се собира на дневно ниво, на работа напната атмосфера, дома трчање што попрво, напнато. Мажов свекрва ми изиграва и тој ме нервира. За сѐ има замерка и коментар. Напорен ми е. Јбг, се помирив дека цел живот ќе го кркам од секаде зошто имам мека душа и не кажувам што мислам. Ова повеќе се однесува на работата, мажево ќе го оправиме. Пак на крај на ден се гушкаме и секој во свој кревет . Инаку бебе веќе недела дена успешно не цица, глас не пушти за цице ниту пак покажа дека му фали. Паметен дечко мој. Ќе спијам сега, се буди мали накај 5 со плачки последниве неколку дена, а јас во 6 станувам и после мува без глава. Откако имам дете така лесно станувам насабајле, се истренирав за принудно будење, претходно 20 минути snooze мавав . Убава снежна зимска вечер мајки. Имаме среќа и благослов , треба да си го кажуваме почесто тоа сами на себе, во стресново секојдневие забораваме .

 

@Cherry333 јас од кафето ич немам мака, не ми смета за спиењето..
Сношти во 23:00 пиев кафе и чекав машинава за садови да заврши па зачистив купатило и за пола сат се комирав..
Уфф таман сакав да спијам кај спомна работа, јас понеделник почнувам а не ми се почнува ко че видам свеки колку лабаво се однесува за јадењецо на малиов мисли дека ќе се снајди ама знам дека нема..
Среќа на 5 мин од дома ми е работново место па можам да тркнам да го видам малиов а воедно и што јади оти знам дека ќе му потпикнува кисело млеко на секое оти така е сигурна дека ќе јади, а тој го обожава, па се си мислам дека џабе зборувам и зборувам пак ќе тера по незино а мислев нема да е така...Ама да не избрзувам со заклучоци, ќе видиме за некој ден

 

Ќе чекам, баш ми е мисла да видам и дневната
Немаше потреба од волку опширно, секој си реди како му чини и тоа е факт, ти ќе си седиш и чистиш лесно или тешко
Јас видов слики, па си пишав што имав
Види и Коинкаса, Луссо во Молот.


Ноќ мајки

Снег заврна, аиииии убавини, обелено е се, која радост
Утре на снег ќе се санкаме

Ваљда, ако едно претчувство не ни поквари ден

Правев вчера баклави со ореви, фстаци и бадеми/лешници мешано
Од краевите што остана и од јатките и додадов плус милка чоколадо, 4ри кори цели плус и плус едно плехче искочи од целата тепсија
И сега целите сме шекердисани
Фина ми искочи, блага, како што и ја имав замислено

Мм ептен ми го бендиса новогодишното благо со карамели, па рече утре мастраф ќе ми купи пак да правам.
Убаво, ама вагата
Веќе се осеќам поправено, иако влегов во едни тесни панталони и можев да дишам, сепак се осеќам дебелко

Прееска му ја упристоив на бебе детската, поднаредив, ставив и дел од гарнитурта, теписонче и се прерадува.
Си обожава свој простор, не искочи од таму
Ама и јас не искочив, нели мора и мами близу да е

Денес паднаа куп договори за правење на детската, се што ме кочи од луѓево е што бараат 30дена за изработка на цртеж и плус 40-60дена за изработка.
Многу некако или се погаѓам некои со фул работа
А јас веќе се жалам како спиеме сега, уствари на сите тројца ни смета измената
Кој ќе чека +/-3м

Него јас викав татко ми е спор во изработка, па он ги шиел уствари ко ќе видиш
Секако они не само мене ќе ми прават, ама шу знам многу ми се виде и никој не отстапува дека може порано, саде едни ама вика "ќе се договориме", а јас знам што значи истото
Ајде ќе видам, може и ќе чекам, опција ми е и душек да купам па на него да спиеме додека не бидне се
Ама и тој ќе мора по мерка, па и за него ќе се чека
Морам јас да сум комплицирана и сами искомплициравме што е најтрагично

Денес се пробуваме јас и бебе во дневна да спиеме
Сите тројца у една соба или спална не не бива. Ај мм хрчи, ај тоа, него бебе не сака одделно да спие, мора меѓу нас.
А тоа е борба да преживееш!!
Ајјјј колку клоца, бута, до мм е сигурно нешто, сами кога сме само се врти како вртелешка
Еј успеа бебево да се измкне и да падне од доле, среќа со јорганот заедно, како успеа и ова којзнае
Но не се сеќава, а многу се исплаши, ако го прашаш он си кажува за паѓањето на скала
И уште раскажува за доживувањата во Систина па и со баба му цела игра направиле

Него сум го учела кој кај се родил и си кажува, он во Систина, Пако во Чаир, мами во Државна, дедо исто и баба на рид
Па баба му дома е родена и мораше име да дадеме

И да го пофалам или подречам, денес се изнајаде, дури се чудам оти, може и затоа снег падна
Не се сеќавам кога последен пат не утнал оброк
Стварно се чудам некои денови од што живее и се чудам на бројките од вагата, ваљда тешки коски се во прашање

Него утре плакар да му прередам, се извишил и доста ствари мали. Како рибар ич не сакам да иде.
И со пижами ептен е шкрт, купив 5пара сезонава, од кои три пара нејќе да чуе да ги облече
А почна и фаза на подмочување
Помал не се подмочуваше сега на секое второ мочање мокар, па и едвај да го убедиш да моча
Веќе 2м успешно се лажеме дека треба да мочка и од топлото ќе искочи балонче
А кај баба му моча да не и искачаат бубачки
Ама не секој пат, па се подмочува, не можам да постигнам од перење и пресоблакање

Него денес се шеташе со два пара гаќи, така требало вика, убаво било, топличко на газето

Биби има завеса на кафез, прееска го средував, аууу што ѓубре прави
И уште чекам да прозбори
И пројаде јаболче
Денес му воведов марула
Душа е, колку е дружељубив каса ако не го пуштиш неколку саати
Не е овој папагал за оставање сам пуштен во соба, многу слободно се понаша, како дома де
Другион си дремеше на кафез, овој буквално сегде слетува и чепка
Колку ич не е плашлив, дури ми е чудно, аууу да бебе го научи дека го закача и веќе почна еден звук да вади кога ќе му се приближи
Ама па а го види да јаде одма го вика бебе со специфичен крик, дека само бебе го рани со глупости, а пиле стрвно
Еј може да лета низ сите соби по неколку кругови
Баш има кондиција пилево, ама слетувањето уште му е мака, неартикулисано е..
И завчера заврши под чешма, до кожа го миев, бебе го испрска со алкохол
Душа ми застана, која паника ме фати да не му биде нешто
Па во пешкир го држев да не му е ладно, ми текна за фен, ама па траума е, кај пиле и фен..
Он па се изнаспа, јас па и за тоа се паничев да не спие од алкохолот, па го будев, ејјј која глупост за миг

Ејјјј со баба му прават договор глувче да купуваат, хрчак
Јас никат тоа не сум чувала, језиво ми е, ај крзнено, ама опашот
За пуста љубов и тоа ли ќе се учам да чувам
Хит е Том и Џери цртанот, од таму гЉувче, повеќе го збори неголи гледа, ама ете
Тетка и едно играче Џери му купила, мало пластиче, радости

Ај доста везам, башка и пишав веќе
Да изиграм Кенди, па да барам филм на Нетфликс.

Гушкајте малишанки

 

Не знам дали ја погодив темава мајки ама ми треба помош па веројатно тука ќе најдам одговори. Се работи за внука ни од сестра на сопругот, во странство се и поради короната ја немаме видено и кој знае кога ќе ја видиме па со маж ми немавме можност да и купиме ништо, а сакаме. Свекрва ми отиде сега ама со малку багаж па пративме само некои алиштенца, а сакаме нешто поголемо да и купиме од нас. Детето има се, они му купија нормално се што треба за бебе( колички, транспортери и сл) ја прашав дали им фали нешто вика не. Може кога ќе ја видиме да и дадеме пари ама јас не сакам пари, сакам нешто да има од нас па ве молам за некоја идеја, нешто поголемко што може да се нарача на амазон, ќе го порачам од овде на нивна адреса да стигне, нешто забавно и корисно, малата е 5м. Фалаа

 

Стол за хранење, има комбинирани и можат уште од сега да го користат. Друг предлог може убава постелнина во комбинација со тие плетените оградници.

 

Подлога за играње, хранилка, сет за јадење има на амазон многу интересни, столни ламби што ствараат ефект на ѕвездено небо... Ако има своја соба можеш некои украсни рамки со слики да и земеш, некоја декорација...

 

Лизгалка,санка,базен,точаче,
Сет детска постелнина,нишалка,лизгалка со нипалка и кош одат заедно,пластична куќичка за во двор,куќичка со пластични топчиња,нешто златно.

 

Добро вечер ( ноќ осе ноќ е ) како сте ?
Јас си лежам бебе нанка конечно ,заврши 4 ти скок со нејадење па сега дреме по цели денови на цице...или може близина си сака не знам ама многу ми олесни.
До сега си спиеше во креветчето ,некогаш дури и сама заспиваше ...сега веќе неколку дена заспива само со доење и во лежечка положба. Се надевам период е.
Ама јас си се заљубувам во детево секој ден бе
Сега научи да се врти од грб на стомак ,и цели денови тоа правиме ,таа сврти се јас врати ја ,ако ја оставам се нервира ,а сама не се враќа. Кога ќе ја вратам еден осмех шашави што вади
Љубов
Или некој нов звук кога ќе научи и цел ден тоа ,ми иде да ја изедам
Ааа има и скокот ама научи одма да се стиска и ептен ретко да ја фатам неспремна па да ми се смее ви кажав се заљубувам .
Несоницата уште ме дрма како што гледате ама тоа е , стварно не знам како да си помогнам .

 

Убав ден денес, недела. Нас дома секој ден ни е ист, но денес сме комплетни со сопругот. Всушност пак сум сама со бебето , тој ја одведе ќерката на планина да се санка на снегот. Планот беше да изнајмиме викендица за сите, но не се осмелив на овие минусни температури да одам со бебето. Па остана тој да ја шета ќерката. Многу и угодува. Колку и да е изморен и да му се седи дома, не застанува со неа. Се мислам ако второто беше машко ќе може повеќе од ова да угодува? Јас си сакав и второто да е девојче, ни тој не изрази желба за машко, но сега би сакала да знам како би биле со син. Ни за трето не размислувам заради годините.
Убаво ми е дома со децата, не се жалам веќе заради голема разлика во годините, фативме ред, големата се навикна дека имаме бебе, како расте бебето повеќе сака да е со неа, забавна и е, бебето и се смее најмногу реагира на неа.
А и добра ученичка е, не е напорна, сама научи да чита, математика и е омилен предмет
Понекогаш сакам и да работам веќе, само се осеќам толку одалечено од се, се плашам како ќе се вратам во реалноста со работа и градинка и сите тие стресовии... Јасли уште ми се хорор во сеќавањето со големата. Жалчиња се толку мали ... Има време но месеците летаат. Па поради некои околности не знам дали ќе можам да продолжам на старата работа, леле само да не морам веднаш да менувам работа.
Ми пуштија видео од снегот баш им е забавно.

 

Здраво мајки.

Како сте? Јас пак нервозна за нејадењето на синко. Аман нека излезат и 5киве и да здивнам. Не само јас, цела фамилија е под стрес. Ништо да не се јадело три дена. Леб сув, киндер, јогурт и цицка.

Го земавме клучот!!! Честам кој што пие!
Има многу работа, така изгледа ама додека да се вселиме ке не фати април. Кујна, спална, ходник, веце, ситници. Чистење. Немате поим колку се радувам.

Каде има убави вазни? И рамки за слики? И големи огледала, оние 180 на 90 и сл?

Каков душек би ми препорачале? Се мислам меѓу симпо наутулис, алмеро, дормео, магнифлекс многу скапи???

 

Нека ви е со среќа, да го исполните со љубов, мир, хармонија и само убави моменти Уживај во средувањето.

 

Фала Јана.

 

ако ти е за утеха мојот големиот за 2 месеци ќе полни 8 години па уште спие со мене. Во куќата што ја спремаме не знам како ќе биде сам ама мора навистина мора.

И јас сум од тие што веќе ретко пишуваат ама читаат секогаш кога е можно (затоа читам коментари уште од лани )

Кај мене за фалење нема ништо стандард па дома со децата. Ладно пустото шта да ви причам.

Само да ве поздравам па може кога децата ќе ме остават раат да си дочитам и ќе пишам повеќе. Имајте пријатен неделен ден.

 

Здраво и од мене
Ние овие три дена сме во викендичка,мн е ладно,ноќните тука се -16 ама многу мераци ми прави каминот. Со мм грееме вино секоја вечер кога децата спијат и уживаме во амбиентот.
Да ви се пофалам малиот од денес прави браво,плеска цел ден со рачињата (не знам како не го болат) леле срциња ми излегуваат од очи кога го гледам. Му пееме Тапшин тапшин а тоа се смее со двете запчиња и плеска ли плеска. Не ми се враќа дома ама мора да се прибираме накај вторник,среда, дада од четврток ни почнува со училиште.
Не знам дали Вие го има мојот проблем. Бебето не ги сака овошните каши а ги јаде без проблем зеленчуковите. Се снаоѓам некако,пеам,викам,тропам,свирам тоа плука ама некако ќе го најадам. Незнам зошто така . Дали од сабајале не е гладен или пак не сака каша?!? А во зеченчуковите му ставам такви џм комбинации што и јас не ги пробувам , а тоа јаде. Дали некоја од Вас имала сл.искуство?

 

Честитки
Инаку симпо ми се најдобри лично

 

И синко кога јаде, повеќе ги сака зеленчукови и со месо.
Се додека јаде е супер.