Мајчински муабети (не е за барање совети)

@IRBBB бебиња, мали деца по свадби едно големо НЕ!
Па толку мало јас не би ни помислила да го носам, плус па Корона, па нема шанси!

Не ја скокнавме само свадбата на сестра ми, каде бевме и старосватови.
Бебе 1.5г настрана што беше нервозен, само мами, него и ние си поминавме КАТАСТРОФА, ништо не видовме, многу глупо си минавме
Пред дете, зад дете, он ровари, трчи, нервоза го фати од гужва, сака надвор, сака во езеро да се бања, сака да цица..
А немаше ни на кого да го оставам, инаку ќе го оставев барем на два часа и толку и јас ќе седев на свадба, РААТ

Скокнав и свадба на прв братучед, втор, блиски другари.. Мм секаде појде, чест се направи, па кој сватил ок, кој не пак ок.
Не гледам искрено дека некој ми се налутил

@forumce имаме такви комшии во станов, ако бебево потрчи повеќе одма лупаат, тропаат и они
А еве 8ч они со правосмукалка чистат и вчера чистеа, намерно, болни луѓе
Не ми се укажала права прилика инаку кога ќе ги подберам, мм ги подбра веќе и ги отера у три лепи и не ни зборат, а нас па

@Jana06 и јас сакам да пишувам, ама ем немам време, ем темава многу замрува, па ќе дојде само моите постови на страна
И не ми е интересно
Сега гледам доста постови, баш се израдував, ама и јас се напнувам кога ќе прочитам "само да прашам" и одма скролам..


Ние цел месец веќе Охриѓани
Немам намера ни за скоро СК да си идеме, ни фали тато ама па овде тие 2.5дена што е со нас го гледаме повеќе неголи кога сме дома.
Сега прави напори да организира повеќе да остане, па ќе видиме
Глуп период се погоди на работа..

Најави за гости имам еден куп, првин викав "како не" а сега ги чекам и уште никој не дошол
Примам прележани или вакцинирани, на два дена, таман да ни сменат рутина
И преку недела, викендите се наши

Мм купи кајак
Не знам од каде идеава, ми кажа во сабота, во понеделник го купи, во петок го донесе
Јас сакав СУП даска, ама во право е, со приколчево невозможно е тоа да користиме.
Он спомна и машина некоја, ама нека среди првин други ствари
Одличен е кајак, лесно се вози, само не морал најголемиот да го зеде, не дека е наивно е веслањето
Имам на двете раце плускавци
Ама па кога ќе си направам стомачни
Нема без мака ништо

Ај да одам толку ми е време, да правам тостови, кафе, да будам бебе и да фаќаме место на плажа под сенка

Гушкајте малишанки

 

Добар ден и од мене мајки

Денес сме на гости кај мајка. Интересна ми беше, минатата недела ја успав малата и си седнав до неа да се гушнеме, ми вика откако се роди внука ич ме немала погалено. Па си се погаливме мајка и ќерка, иако 30ка кај и да е ќе фатам.

Многу убаво ми е вака еден ден кога ќе дојдеме полнам батерии, преку недела се сами мм на работа, ќе си дојде 10 мин ако не види и пак работи спремаме куќа за нас, и кога ќе се прибере бебе веќе спие. 90% од времето се сама правам околу бебе, не се жалам ама понекогаш посакувам мм да е повеќе со нас. Но работи за нас, кога ќе биде готова куќата ќе си уживаме заедно сите. Едвај чекам.

Бебе ми е кукла љубов мајкина, знам сама сум си крива си ја научив се во раце да биде ама не се предавам, ќе издржам уште малку додека да почне да седнува, друго ќе биде после, се надевам.

@IRBBB Ние бевме на свадба 3 месеци беше бебе, саат ипол поседовме. Приемот и првите неколку ора толку. Кај мене има кој да ја чува ама што кога само цица не фаќа никаква цуцла. И кој сака нека се лути, сум станала себична можеби, ама таман си има некој ред бебе и кога дојде време за спиење си отидовме. Не сакам да и реметам рутина. Да спие во колична да седам, ама нема шанси во количка да седи не па да спие. Па и кога почна музиката гласно, се штрекна на два пати и ми беше жал. Тоа мене уши ми зујат и болат не па неа. Ќе чекаме да пораснеме па ќе одиме по свадби.

Оваа година нема одмор , сите финансии ни одат за куќата. Ама се тешам мала е беба не разбира уште ништо, догодина ќе ја носиме сигурно таман ќе биде поголемка. Може тогаш повеќе ќе биде умор од одмор за мама ама радоста е голема.

Поздрав мајки, држете се денес пеколен ден ќе биде.

 

Ние бевме на свадба пред некое време, ручек беше. Ја носев и малата, сѐ уште немаше полни 4 месеци. Си спиеше во количката, музика не ѝ пречеше, а освен мајка ми, друг никој не ја зема. На неа кога ѝ се спие не ѝ смета музика. Во јули сме кај кумовите на свадба, ќе биде вечера. Ќе ја носеме и неа, ама не планирам цела вечер да биде таму,туку саат два.

 

Moram denes i jas da si se olesnam tuka. Vcera ziva srekna se kupiv karta avionska za na odmor. Cel kup luge me napravija luda sto sama ke se kacam na avion so bebe od 3 meseci ama mecka strav mene ne. Ke odime kaj rodnini moi vo hrvatska, maz ke vozi so cela kuka spakyvana,jas i bebe gospodski ke letame so sesircinjata na glava.
Trista spisoci napraviv sto da se dokupi sto spakuva itn. Denes maz mora na pat,ja cekam majka mi od odmor da dojde da ja banjame malata. Pred da otide mu vikam poguskaj ja smeskava nasa da frlam eden tus koa gledam boljerot ne gree ...lele kosa mi se krena...ednas gi pravea zickite rekoa ako se desi pak ke treba nov...kade nov da baram so maz na pat i bebe od 3mes. Vrti po luge sto se razbiraat koj na odmor,koj ne mozel da doaga zesko bilo-ej na 5 cekori od nas zivee znae deka bebe iame gnida rasipana. Nekako najdov penzioniran kolega dojde smeni zicka za 10min go sredi mi olesnq mi idese da se poplacam od sreka. Eve sea da se stopli pa da si se izbanjame i da pocne mama da pere i pakuva i konecno da brcnam gaz vo more... edna zicka vo biljeron mi gi spoi site vo glavava

 

Добар ден мајки.

Лежам оптегната до бебе, големата отиде на дружба кај свеки. Го слуша фенот дека бучи и тоа ја асоцира на спиење па бега
Завршив со ручек, на нив едно мене друго-дека режим,сутлијаш и мафинки плус за десерт имаат, и легнав малку да оптегнам нозе и јас ко човек.
Утре ги сликаме за пасош момите и Јули фаќаме патот накај Егејско
Едвај чекам да се брцнам во море!

*** охооо ова од 2 саат стои пишано.
Да продолжам кај сум застанала.
Па и двете моми се изнаспаа,па малку до лулашки тркнавме пред беба да почне да се буни за спиење. Леле луѓе, па 5 месеци е само а има само две денски дремки. Неќе и неќе да спие преку ден
Стана во 4 и нешто прееска, и дури во 8ипол сега заспа.
Преморена, се изнаплака,душиче..
Ама ја доев,ја нишкав,море во кола ја возевме, ма не бре, очи пет банки ококорени, целата окезена по дада и гледа.
Голема мома,ќе спиела пфф
Сега ќе се разбуди точно три пати до полноќ, и тогаш зацврстува и спие мирно до кај 5-6 сабајле кога станува за цицање.
Еднаш се подразбуди досега, нишкав на нозе и станав. Фенот ме нервира веќе
Сега да пребришам прашина и прередам плакари.. ако не ме премрзе де.
Леле отиде денов еј.. ден за ден, пола година летна. Уште 3 и пол месеци и назад на работа.
Аххх не ми се враќа. Не се пронаоѓам веќе таму, сакам нова работа
А си останав со пусто средно, немам образование за поубава и по платена работа. Ептен ми е жал што не продолжив со школо, ама ептен немаа финансии моите па се вработив одма после средно.
Ми остана желба факултетот, и ќе се запишам на еден приватен, ама не сега.
Морам да имам убаво образование ако сакам да работам и да сум платена ко што треба..

И то.
Ништо не кажав,така истрескав глупости набрзина.
Немам вежбано 10дена па и за тоа ми е криво, ама си ветив од понеделник пак стартувам..
Да испразнам па наполнам машина за садови и перална, ако бришам да бришам, ако не да си легнам до бебуш

Имајте убава вечер

 

добровечер мајки.

ние затеравме втора недела на планина и таман се навикнавме, треба да се враќаме. ама па ми фали домата и сите рутини таму (особено пресоблекување стоечки на подлога зашто се скичмив овде, џабе седам на кревет со неа дур ѝ мењам пелена, пак сум без везе свиткана). се надевам само дека нема да има проблем да си се врати со спиењето во своја соба и креветче после 10+ дена спиење со нас. сум открила нови нејзини звуци, појма сум си немала колку бучно спие и колку често ја врти главата од една на друга страна.

малце ми се темни што треба да прибирам ствари назад во куфери, пакување со бебе не е шала, а тек па кога ќе одиме на летен одмор со сите плажа тракатанци, можам да замислам. зедов едно базенче за тука да се плиска и плус да ни послужи како коритце за бањање, ама нема шанси да седи во селскава вода, почнав да полнам уште првиот ден дека и тука претопло и црни чудесии излегуваа од цревото. едвај чекам да си го користиме дома во двор, кујзнае колку ќе се радува.

секој ден се канам да се јавам да закажам за пасош за бебе, пробав онлајн, но безуспешно и пред малку мајка ми ми кажува дека за неа и татко ми закажала дури на средина на август. си навив аларм потсетник за да се јавам утре сабајле, нема шанси бебе да ми остане без море. здравје боже само коронава да не ескалира во септември ко што се подопуштија сите, како да не постои.

сигурна сум дека сакав уште нешто да напишам, но за жива глава сега не ми текнува. обично ми кружат мисли дур ја дојам на заспивање и после кога ќе ја легнам и можам да куцам, пола работи ми ги снемува од мозоков.

имајте мирна ноќ.

 

Хај

Ние во 11 теравме втора дремка, неуспешно... после два обиди за презаспивање се откажав па остана на 20 минутки. Повеќе среќа нареден пат
Веќе неколку утра шетаме од 6, убаво ни дојде. Се навикнав, станува рано и успевам да го преЗаспијам на кратко, па пак станува пред 6. Тогаш е најрасположен па користиме шетање. Така ми беше рутината пред да забременам, шетање/трчање од 6 па од 8 со работа. Изгледа сака да продолжам така.

И ние имаме важна свадба. Ќе одам сама денски, маж ќе го причува еден час. Вечерта во хотел не можам, ќе се лутат веројатно ама бебево не спие, не ми се остава зашто шише не фаќа, а да го влечам во галама не сакам. Знам дека бебиња спијат по свадби во колички и ништо не им смета. Моево дефинитивно не е такво. Ќе си останеме дома, чест ќе направиме колку што можеме и тоа е.

Крштевка планираме и ние, само со најблиските. Немаме ни датум, ништо. Мислев да наместиме маси кај нас во двор и да украсам, ама ќе видиме како ќе испадне.

Почнав да работам по малку од синоќа. Се будеше на секој саат, па не знам дали ќе продолжам или ќе остане само на обид

Сум ви кажала колку го сакам? Ќе се растопам. Само си го гушкам.
Со човеков мој го викаме каворка. Кој е фан на Сајнфелд, ќе разбере

Кога не спие зошто не спие, кога ќе заспие ми недостига и ми доаѓа да го разбудам. Да си го земам сега од кај татко му, мене ми е ред за играње

Ефит: @emkaemka ме исфилма си кајакот, ќе земеме за наредно лето.

 

Ајде Здраво и од мене...
Прв пат пишувам во темава немав баш време многу.
Значи луѓе изгоревме пекол е жешко не знам што е ова од дома после 9 вечер се излегува. Клими бувтаат една во едната соба оваа во спалната е само да го врти воздухот. Бебе на вечер ми станува и нервоза ја фаќа па пак укл клима.


Мами мачиме со какање мочкање ама се надевам ќе се среди. Мама зеде апчиња на природна база по препорака. Денес сум во форма иако не очекував. Вчера ја примав втората доза од вакцината па имав температура и сношти а и сабајле ама чудо каква сила имам дека со бебушка....

Ние ради короната се регистриравме само па во февруари ќе правиме крштевка и венчавка здравје ако се е како што треба.

Недела одиме на шопинг не сме излезени од ова жешково. Да и ја земеме Софи да и земиме подлога и некое комплетче и за мама тренерки ако си погоди број. Бременоста ми даде бутови и гз ииии малце повеќе стрии....

За некој месец се враќаме мк па почнувам да пакувам некои работи зимски и поголемки кога видов еден куп како ќе се однесувае еве стварноне знам ....

Тоа е од мене да одиме да ручкаме и да се капиме да се разладиме гушки

 

@Jana06 Сакам да пишам почесто ама немам време ни да читам а не пак да чкртнам нешто..
Секој ден ми е турбо, денот ни почнува во 05:30 не е битно дали заспал во 20ч ило во 23 дечкото си станува во 5 и 30 и не застанува..Не се уморува детево никако абре ние се менуваме свеки, јас мм ако е тука па и дедо му и пак на крај капнуваме а тој муке си нема си шиба си трча игра фрла..И дома неможиме да го прибериме..татко му му купи базен и сега тргни го од вода да те видам,одма уклучува сирена и се ака од земја акп не е по негово...
Тантруми уште од сега?????
Се надевам само период е...гледам да не попоштам ама некогаш па неможам да трпам вриштење и го оставам да се шлака..
Да дремнам дири тера втора дремка оти кратка е оваа само 1:30ч а пола час веќе замина и дури легнам ќе стани..
Ве гушкам

 

големиот на околу 2-2ипол години имаше вакви "нервни напади" (јас така ги викав зашто ептен беа исто како што опиша а за мене тоа не е нормално) леле кои срамови.... Поради тоа веќе не излегувавме тој период а не беше баш краток.

вас многу рано ве фатило.

леле на темава гојазност.... Имам забележано многу мајки кои е прилично дебели и децата им се дебели безразлика на возраста. Ко ќе ги гледам сум во шок. Баш пред некој ден сретнав една комшивка детето и е година ипол ама колку е дебело вие појма немате. Не знам како е можно и со што ли го храни.

 

Среќа тоа само тогаш се деси. Имал и други испади ама не биле ни близу до тоа, малку ќе викнам и се смирува. Сега имаме 'проблем' што сака сите деца да ги гушка по улица. Си шетаат прееска мајка, татко и дете, овој мојот кога им се стави Ајде застанаа, му направија муабет, го закачкаа и ајде чао, чао, си тргнаа тие да си одат овој по нив. Едвај го тргнав да одиме накај дома, со плачки.

 

Добар ден.
Бебе спие и јас легнав малку до неа. Имам за чистење ама може да почека тоа. Кај нас е жешко, ама има и ветар многу. Преска бевме на тараса со ќитки се бавтав. Релаксација се ептен.
Лежам и се мислам што да направам за ручек. Манџа не ми се прави по жешкото, а не сакам ни пржено. Се мислам да испечам компири, тиквичка и модар и еден таратор да направам. Цела недела не сме јаделе месо, освен рибата завчера. Некако и немам желба, ама за викенд секако сме на месо. Вие што ќе ручате?
Леле, неќна ми падна мобилниот на плочки, екранот е пајажина, целиот е искршен, среќа работи. Ќе го менам овие денови. Значи толку многу непланирани трошоци имаме скоро секој месец. На страна па оние планираните, ама што е тоа е. Да станам да си направам едно ладно кафе, додека малата спие да испијам на раат.
Чао

 

Хај мамаситас. Од кај да почнам да си се олеснам
Вчера и правевме новороденечка фотосесија на позеркава моја. Срцка моја. Леле луѓе да ја видите бе на 25 дена позира детево, право у камера гледа осеќам дека оваа душата ќе ни ја вади докторката уште на ехо ја процени, бебе со карактер. На крај не сликаа и мене и мм со Калина и тие ми се дефинитивно омилените слики! Такви насмевки ни изнудува тоа е чудо се топам кога ги гледам. Одвај чекам да си ги испринтам и да ги закачам по дома.

Друго, вака така одлично ни оди со одвикнување на силиконските. На едната града, со убавата брадавица веќе си цица 2 дена на голо. Па сега друг проблем сега па коа ќе дојде на ред таа цицка шо нема брадавица, ем нејќе да ја фати на голо ем коа ќе и ја ставам силиконската па се трга, цица ама одвај и се буни и ржи од една крајност у друга крајност ептен е со карактер значи. Се надевам дека деновиве ќе ја фати на голо и таа. Ако имате некоја финта како да фати цицка "без брадавица" кажете.

Не ми се верува дека на 5ти веќе прави еден месец. Како вчера да беше кога ги видов долгопосакуваните 2 цртички. И стварно не можам да се привикнам на оваа љубов значи, додека спие ми фали, сакам цело време да си ја гушкам

 

Добра вечер, како и секогаш во 100 саат по полноќ од мене

Либе е излезен, синче спие, а јас јадам се живо по дома.
Излапав цреши, па лубеница демек за да не јадам касно и на крај шпагети си сварив, чекам да се оладат и да ги лапнам и нив.

Денес прв пат сама го капев меденкото. Колку е мирничко, злато мое, душа негова за во вода.
Гледам некои видеа на инста кај што им ставаат гума на вратот на новороденчиња и мали бебки и ги пуштаат во базен. Си велам да имаше и кај нас такви услови, којзнае кои радости ќе ги правеше. Баш штета.

Конечно најдовме финта како да седи во релаксаторот подолго од 5 минути.
Наместо плишаните играчиња со светли нежни бои од релаксаторот му ги ставивме шарените тропалки од бејби џимот. Луѓе му викаше, му се смееше на цел глас. Душава ми ја наполни.

Последниве неколку дена плачи за да заспива в раце, а таман се порадував дека сам си се успива в креветче. Борба. Шшкаме, нишкаме, пееме, шетаме и таман ќе се понадеваме дека е цврсто заспан, спушти го в креветче, очите ококорени
Арно вечерва со лесно заспа, оти не знам што ќе правев сама.

В сабота ме чека свадба број 1. Во план е да го оставам на мајка ми, со едно шише измолзено млеко. Колку што ќе седи мирен, ќе седам и јас, после тоа либе нека продолжи, јас ќе си одам. Ем чест ќе направам, ем нема да сум долго без синко.

@Jana06 а сака да гушка големи деца ко мене?
Јас ептен гушкобилна сум, обожавам деца што сакаат да се галат и гушкаат, пушти го кај мене.

@kostovaivana пробај со пумпа за измолзување пред подој да ја извлечиш. Срна споделуваше за такво искуство.
Малата преслатка, не ми се верува дека има едвај 25 дена.

Имајте добра и спокојна ноќ.

 

Хелоу, не сум пишувала многу зопто секако не ме бидува за пишување ама затоа редовно ве читам. Синко си расте времњто лњта не ми се вњрува дек аз амесеципол роденден ќе славиме. Почнав со работа се чувата де со мајка ми де со татко му кој ккао е слободен. Кога си доаѓам е прерадосен целиот прета писка навечер некои ноќи спие ниеднаш не се буди некои ноќи еднаш бекои ст пати се буди еве заспа во 21.30 во 12,30 се подразбуди и продолжи и во 4:30 ама од тогаш навака го земам во раце заспива го одтавам за една минута слуша. Ааа си гука весело го земам и пак заспива одма акога заспие ме бутка да го оставам и така во круг среќа па не плаче скоео цел месец во раце плачеше ако го земам така кога се подразбуди а не сака да заспие да продолжи сам така да и ова супер е хаха. Утре викенд ќе одмориме ќе се гушкаме и дружиме можеби и во базенот ќе се бањаме , колку многу го сака кога сме во двор стално таму ме води сака да се бања па плаче се тегли срценце ама не може по цел ден во вода. И такасе надевам зацврсти сега и ќе спие да легнувам и јас. Убав ден на сите ранобудни мајки

 

на 8ми јули е отварањето на дм во Охрид

Добро утро луѓенца. Време за пишување слабо имам,за фалење ништо за жалење еден куп ама повеќе сакам да читам одколку да се жалам, порелаксирано ми е

Ние надвор со малото, игра се прпешка во земјата во двор само нешто копа со лопатче а јас го наѕиркам и пијам кафе.

За месец и нешто ни е роденденот. Се мислам да си направам и крштевка додека пантемијава "не не лапнала пак" па додека е лабаво да искористиме. Кумата е главна сестра на ковид центарот кај нас па се зависи "од состојбата". Друго не знам што би пишала. Да припрочитам уште нешто па да се фатам за работа дома. Имајте пријатен ден.

 

Хелоу од мене
Дури беба спија да чкртнам нешто...
Вчера и купивме бејби џим и софи конечно мама посреќна од неа е хаха. Не дека сега е ГОЛЕМА па разбира ене спие во него....

Летово дефинитивно пеколно, туку морето ни е блиску па си се разладуваме.Беба е навикната во корито со потопла вода па ми се расплачи ама и помина,мора да се навикнува.Ич не ми се напушта земјава многу сум врзана за неа.Тука се запознавме со маж ми тука се роди таа,ама што е тука е.Септември се враќаме Македонија па март здравје Германија одиме.

Направивме порачки од алиекспрес маж ми до мене седнат а јас ,,ова е корисно мора да го земиме'' ,,вакви нема кај нас уствари има ама помали види ги колку се преубај ај да ги земиме'' и на крај 300 глупости порачав

Се изначитав кога треба да почни да фаќа играчки кога треба да почни на глас да се смее-таа само во спиење на глас се смее, преку ден се смее ама без глас и мама одма филмови кога читам дека вашите кои сме тука енкаде се смеат си играат па нас освен вентилаторот ништо друго не ни е интересно

Имаме вакцина повторно. Значи не можам да поднесам, минатиот пат со солзи ми плачеше, ама мора да се примат тоа е.


Нема некој новости кај мене со душа чекам утре да дојди да се искапиме.
Поздрав мамички имајте убав ден и викенд

 

Добро утро мајки, ние денеска за прв пат ранобудни, бебе стана во 7:30
Некако ептен неспремна ме фати а времето плачеше за шетање
Ајде, прогнозава вика цел ден дека ќе е вака, до 29 максимум, па ќе пробаме да искористиме накај 18.

Базенче купивме
Сегде кај што влегов ме прашуваат за машко или девојче и ми нудат розеви некои а мене од розево ми се лоши веќе. Дома ми е како Барби да повратила
Се напнав и си земав зелено, убава боја баш.

Денеска ќе гланцам тераса како ненормална, ама следните денови ќе ми биде полесно за одржување. Одвај чекам да ставам бебе во вода, имаме и играчки, очекувам дека ќе ужива.

Со спиењето никако да и фатам ред. Приметив на спална спие ама во креветче се буди. Ама не бива на спална да спие со нас ни под разно, па сега испробувам со креветчето некои финти. Тргнав оградици, за повеќе воздух да струи. Сега следно ми е да ја легнам во иста положба како на кревет. Ќе испадне наопаку ама морам да пробам, ми е жал што се мачи така навечер

Таман потрошив породилно, оп К-15 пуштија Таман да идам да најдам некој фустам што ќе ме собере. Овие што ги имам дома, некои не можам да ги облечам, некои не можам да ги закопчам
А ќе идеме на "свадба" со претежно латино музика па планирам да се изденсам за сите пари. Како само ќе го натерам мм да игра еве не знам

Бебе ми е многу муто, уште е мала за да конта работи. Пресмешна е. Со се скоро можеш да ја залажеш.
Сега за брзо ќе прави 6 месеци па планирам дента да и направам оттисок од раче или ноџе. Првиот обид пред неколку месеци беше неуспешен, се надевам повеќе среќа ќе имаме сега

На мм му текна да направиме една тура до Централна Македонија у август, да се запознаам со кумашинци. Местото е убаво, покрај вода. Се надевам ќе ни се оствари планот.

Мајка требаше да дојде неделава на еден ден. Се израдував. Си викам ем ја ќе направам груба генералка на станот ем она ќе се подружи со ќере. Ама ја викнаа за вакцина и ништо од тоа за сега..

Ми паѓа криво што моите ептен ретко ја гледаат, не ги знае. Со другите баба и дедо барем еднаш неделно се дружи, си ги знае, им се смее, се радува. Ама моиве и се како странци Решив дека тоа мора да се смени, зборев и со мм, вика абе нека доаѓаат, викај ги (ние ретко идеме дека немаме кола а со бебе во бус не бива).

Толку и овој пат, имајте убав викенд

 

Добар ден мајкии

Додека бебе спие а јас го нишкам и неможам друго ништо да правам, да напишам нешто и да си ја олеснам душава..
За некој ден сами ќе одиме со бебе во Македонија. Од една страна премногу се радувам што конечно после една година ќе си одам дома а од една страна и ме фаќа страв. Како ќе биде сами со бебе првпат во авион ќе ми седи ли? Не ми е навикнато бебе да не биде дома.. Ќе се навикне ли? Ќе гледа многу непознати луѓе па ќе плаче, па нема да биде расположено дека ќе биде во непознато место
Среќна сум дека ќе одам сама ќе си поседам кај мајка барем ќе си одморам, ќе ја видат и тие малку ама.... После неколку дена ќе иде мм со кола со свекрва и свекор па ќе треба да седам со нив. Тоа ми е најголемата мака, па ќе почнат свадби, па ќе идат за бебе па незнам како ќе истрпам додека тие си заминат па да си одам пак кај мајка ми..
Имаме само една свадба блиску, беше закажана без музика на ручек па ако не се премислиле супер ќе биде.. Ќе по седеме 1.5-2 часа и си одеме, бебе мора спиење не ми спие никаку освен со нишкање.. За други не се мислам со мало бебе нема ни да одам..

Уште малку и да замине овој 4 скок па малку да паузираме, да се наспиеме, да одеме на одмор како што си планиравме, па ете минус една недела со нив седење..

Сите фармерки ми се точни, реков ќе ослабам и ослабев, без диети без вардење што сакав јадев само некогаш немав време преку ден заради бебе.. Само му се фалам на мм му кажувам ми се гледаат мускули на стомаков.
-22 кила за 4 месеци ама добро наследно ми е на мајками. Никогаш јас 60 не сум имала (имав 54-55-56).. Ама сакам на 60 да допрам зашто висока сум и супер се толку да не бидам преслаба..

Доста е за денес, убав ден