Мајчински муабети (не е за барање совети)

Од такви како тебе утре и од твоето ќе бегаат ,ќе осетиш како боле за твое .
На 2г дете да се потсмева некоја мајкичка не би рекла дека е токму

 

A сигурна си дека се сипаници? Пошто моево да го видиш ќе речеш има сипаници, цело е точки пудра од комарци касан што е. Иначе и во градинка ги носат уште со ранички, а не па на лулашки, имаше слично прашање во група една на фб дека однеле дете со живи ранички уште од сипаници. Искрено поголема греота е за девојченцето отколку за другите.

 

Мамички незнам за во која тема е постот дали некоја користела вакво? Ние сме 7 месеци се спремаме за одмор
Дали е сигурно и каде може да се најде да се види , да не е онлине

 

Здраво
Замина породилното како во сон. Вторите деца навистина побрзо растат. И ние побрзо старееме. Така се осеќам периодов, времето лета.
Јас на нова работа, нови предизвици еден куп. Чудно е што од неопределено вработена, се нафатив на 2-3 месечни договори ама си верувам дека ќе успеам. Никогаш не сум била волку сигурна во нешто, а тешко е почетокот.
Го мразам жешково едвај функционирам, нека си оди летово побрзо.
Големата на распуст, ужива дома, некогаш се убедуваме да чита, ама повеќе ја оставам, што дека читав и секогаш бев примерна, си се мачам низ животот. Бебето во градинка, воспитувачката катастрофа, леле ако им остане таа и од септември не знам што ќе правиме. Луѓе како на такви работни места може да се пинашаат толку не педагошки и не професионално. Ама како и се друго што ни е изместено во државата, не ме чуди.
Поздрав ве читам и се радувам на сите изгубени кг. нови бебиња, нови работи!

 

Дај Боже да не дојдам во контакт со ваква мами4ка ко тебе никогаш.
Дремеш до болно дете и не тргаш твое здраво дете за да не седи дома здраво, и се смееш што бега од другото дете?! Од инает?
И го учиш да се исмејува и бега од другите?!
Боже Господе на што ли ќе го научиш тоа твое дете?!
Секакви има, ама ова е нешто ептен мизерно!

 

Секако дека не е сигурно.

 

Momsters како сте? Како со жештиниве? Јас вчера мислам дека изгинав, многу ми беше жешко, пукнав. Си легнав во 12ипол-1 и до 5ипол спиев, ама некако сум наспана. Ме разбуди бам-трес-јауууу...Синко падна од кревет. Кога веќе станав си извежбав, си направив ручек, доручек, се спакував, се избањав и јавнав точачето. Денов може да олабави малку мислам, што му е филмот?!

Туку се ближи денот кога треба да оди дете у село, лелееее.... Многу ме фаќа сафра, како ли ќе издржи таму со баба сам, а? Малце сум како потресена Мислев дека покул ќе бидам, ама... Он битно е возбуден, ќе идел на Дабарско езеро (дебарско), ќе ловел дабари

Имав да пишувам, ама некако ми испарија мислите. Убав ден!

 

Ти благодарамОваа е традиција во Прилеп,така ги пречекуваме запчињата.Не знам во другите градови дали има вака нешто.Кравајчиња се месени лепчиња и благи на вкус, одозгора украсени со бомбони,во рерна се печат. Исти како тие за Иванден што се прават.Еве вакви како на сликава. Сутлијашот се прави на тој ден за да му бидат бели забите на детето исто како оризот што е бел.Ова од стари останало, јас јадам повремено па си реков зошто да не.Чашките сама си ги украсив,цело попладне ги лепев и украсував Супер си поминавме,сите братучеди на куп.
Кога веќе сум тука да чкртнам нешто.
Зедов слободни денови од работа, малце да се видам кај сум и да разгледам опции што ќе правам со работата. Сето наеднаш ми се случува,кога се вратив од породилно на работа како наопаку да тргна. И трн во око ми е , не можам да се опуштам убаво и да уживам кога знам дека треба во нова фирма да се прилагодам и докажам.И тоа е за луѓе,ајде ќе мине.
Вечер ќе дојдат на гости моја другарка која е бремена, заедно со сопругот.Баш се радувам со олабавениве мерки, конечно можам да се видам со драги луѓе.
Бебушка спие сега, извози со дубакот 10 километри Само шета по собите и трга чаршафи,пердиња,јас одам по него и собирам тоа што турнал. Вчера кафето ми го преврти од маса и на него се истури.Среќа што беше ладно ајс кафе. Жива се изедов како можев да не предвидам,ами ако беше врело и се попареше што ќе правев.. Почна периодот кај што не можам ништо да оставам на негов дофат. И се смеев на сестра ми кога ставаше кафиња за пиење по радијатори ама еве ме снајде и мене.
Сакав да кажам и дека ми се оди на роденден со детево во игротека. Никогаш не сум била а ми се чини интересно е Балони насекаде,детско смеење и игра,музика,сите задоволни.
Ајде се надевам ќе има прилики.
Поздрав мами

 

Мое мислеше нема тука крив или слично, ако си сакала да си го заштитиш детето ќе си го земиш ќе го однесиш на друго место, не мора дома. А со тоа што си му дала до знаење дека девојчето шири зараза, а детето твое сигурно и на други дечина му кажал можеби не сте ни самите свесни дека на девојчето може да му направите трауми за цел живот, може да се повлече во себе, може тоа дома плачело ради што го избегнувале, а незнаело зошто. Во секој случај не ја опавдувам ни мајката што го изнесла надвор, али не и вас со вашата постапка.

 

Хелоу мамаситас!
Редовно ве читам и добив желба да напишам нешто. Убаво е да се запишат некои работи некаде за да можеш да се потсетиш на нешто. Криво ми е што во темата за трудници не пишував редовно и сега си имам доста работи заборавено. Еве и за бебе исто, за некој месец ќе заборавам што кога постигнало...веќе толку почна да менува што ми е криво што си расте така брзо, а има само 3 ипол месеци.
Еве денеска за прв пат се преврти од стомак на грб. Ја оставив на под на стомак, кога се вратив беше на грб, па си помислив дека сум заборавила за минута како сум ја оставила. Ама после ја гледам од грб на стомак, па од стомак на грб, па пак на стомак и мислам до кујна ќе стигнеше
Ќе морам да почнам да се спремам да бидам поактивна околу неа, убаво ми беше до сега, кај ќе ја оставам така ќе ја најдам.. Ајде така може ќе симнам некое килце конечно

Решив да не ги следам скоковите во развој, само се оптоварував психички и чекав да дојде до некоја промена. Сега реално е во 4ти скок, покенкава е и тешко може да ѝ се погоди.. Ама што е тоа е, ќе си го бараме чарето, не можам да се оптоварувам и да мислам кога ќе помине, па ќе почне 5ти скок па 6ти и оп пораснало бебе. Ќе и ги следиме потребите, ќе се прилагодуваме на неа и тоа е тоа.

Се чудам како можеше такво слатко бебе да биде (иако свесна сум дека секоја мајка тоа го мисли), ама многу е сериозна и скржава за насмевки, ама некогаш така слатко се смее на глас што солзи ми доаѓаат.

Си го испив кафето, одам да чистам купатило додека бебе спие, па ќе се спремам за гости. Цела недела ми е хаос или со гости или по гости.

И нека поминуваат веќе горештиниве, во парк човек нема кога да излезе

 

Pa kakvo vreme dojde treba da si znae kako da se stiti od sve. Koga nekpj drug e neodgovoren, zosto jas bi bila sprema nego?

 

Најмекани мајчички

Да напишам пет-шеснајсе реда дур да ми дојди дремка.
Почнувам да ги разбирам мајките на неспијачи. Синче почна рано да ми станува, а денски да се бориме за нанкање. Среќа последниов период навечер со лесно заспива и не се буди често.
Синоќа/сабајле ми стана во 4 и пол. Наспан, расположен, ми се чини да знаеше да зборува, ќе ми пееше. Јас гроги, во 3 си легнав. Му дадов да цица, го гушнав демек да заспие, не брате, се смее на цел глас, вика по лустерот (бебево заљубено е во ламби и лустери). Видов-не видов ми беше жал да не го разбуди либе и онака слабо спие, го извадив на балкон. Првото изгрејсонце на Јован.
Имаше еден куп птици. Луѓе не можам да ви објаснам какви радости. Шуткаше со раце, со нозе, викаше од среќа. Се вљубив во него по не знам кој пат. ❤️
Не траеше долго, му се смачи и тоа де. Се боревме до 6 и пол, го испративме тато на работа и заспавме. До 7 и 5. Со триста маки денов го поминавме, спиење/дремки веќе не знам кое шо е само по 30тина минути. Во 16ч заспа толку цврсто шо успеавме да го разбудиме во вода, со капење. Никако поинаку не стануваше, а веќе 20ч дојде. Се надевам дека ќе спие ноќва.

Искрено, има моменти кога ми е многу тешко, нејадена, ненаспана, куќата хаос (не знајте колку мразам неред, а похаос од кај нас не е никаде), ама кога ќе ми се насмевни знам зошто живеам.

Минатата сабота помина свадба број 1. Моите го чуваа, им оставив млекце, со договор штом почнува да плачи да ми ѕвонат. До 23ч издржа, ама јас ко на трње бев цело време. Чуствував грижа на совеста дека е без мене.
Кога си појдов, мајка ми го држеше в раце, а татко ми дуваше со фенот. Господинот дреми ко збунет мисир.
Го зедов, го ставив на града, до 4 не можев да го тргнам, сакаше така да нанка. Јас тргни го, тој разбуди се и скенкај. Душата ме болеше шо го оставив.

Подготовките за крштевката се при крај. Остана уште за мене и за либе алишта да си купиме и да однесиме уште некоја покана. Си велам до крајов на неделава ќе успееме да го завршиме и тоа и после ќе кулираме.

На темата со девојчето со сипаници- луѓе не знаете колку е тешко да имаш сипаници сред лето. Тие и така чешаат ко луди плус жештината... Грев ми е за девојчето. А и сипаниците се пренесуваат само во инкубационен период, не ко ќе излези осипот.
Како и да е, ако сакам да го заштитам моето дете од некој/нешто не го носам/не му дозволувам да оди таму. Мислам дека не е во ред да ги учиме децата да се исмеваат или избегнуваат други деца. Толку се чисти и невини душички.
Сметам ако постои проблем би требало со родителот да се реши, а не со одмазда преку децата. Мое мислење.

Ај сега чао, ќе одам да ѕирнам низ бутиците онлајн што има, да знам кај да одам утре, да не лутаме.

Имајте добра и спокојна ноќ вие и вашите медени бебки/детулиња. ❤️

 

Добар е добар. Мојава по 15 мин спие. Неќни ја успав, ја оставив на кревет и отидов да си земам вода од кујна. Се враќам и ја гледам со ококорени очиња,се смее. Е многу е смешно, ама ич не ми е до смеење, ѝ викам. Што дете ќе беше

 

Тоа не се ни припреми за заспивање.
Кога ќе помислам на цел "ритуал" за дневна дремка, шетање низ соби в раце на 200°, шшкање и пеење песни за толку кратко време, баш ич не ми е до смеење.

Не дека не се случувало претходно да "спие" толку кратко, ама било еднаш дневно или еднаш на неколку дена, а другите дремки биле по саат-саат и пол.
Како минуваат деновите, сѐ понеуморни се, нека ни се живи и здрави.

 

И јас вака, ретко де, ама се случува. Ќе ја успијам, ќе се тргнам на 5-10 минути од неа, се враќам, она на меше, брка играчка некоја најчесто. Ме здогледува и ми се смее, "мама мене не ми е смешно ич", она уште толку се кези

 

Добар ден.
Главата ме боле од сабајле, ма никако да се напијам аналгин. Мразам да пијам таблети. Не сум баш отспана. Ноќеска неколку пати се будам од жешко. Де клима пуштам, де прозор отварам. Никако не бива.
Синоќа кога си легнав ми текна дека уште 3 и пол месеци имам од породилното. Работата не ми фали ич. Колешката што ја ставија на мое место ми се жали дека ѝ е досадно и дека нема работа, по цел ден седе. Кога нема работа е за никаде, по цел ден дремам, времето не мине, досадно е. Ако ме вратат таму пак се надевам дека нема да биде толку утепано. А ако ме вратат на претходното место, пред да останам бремена, е таму има работа има и колеги за муабет. Ама и условите се полоши. А онаму пред компјутер, под клима. Ама нема 2 убави работи во исто време.
Ова малото испушта некои звуци ба ба ба, да да да. Не знае да трае и оно како дада му ќе биде.

Големата ме многу нервира со тоа што не гледа на улица лево десно дали возат коли, право трча на улица. Секој ден ѝ кажувам дека треба да се гледа дали иде кола па после да се мине улица. Вчера татко и да не фатеше за рака ќе претрчаше пред колата. Од памет ме извади. Па кога и кажеш застани она за инат оде. Ни рака дава ни ништо. Мисле ако е дада дека е кој знае колку голема. Среќа во мирна населба живееме кај што нема многу сообраќај.
Тоа е мајки, ве поздравувам

 

Здраво, здраво

Не сум пишала оддамна, па да шкртнам и јас нешто додека си лежам до бебе и со неверување гледам колку мн пораснал, за скоро се ближи роденденот. Прв. Замислете пројде цела година откако ова човече е со нас. Цело маже ми пораснало.
Ме фаќа носталгија, не ми се верува колку брзо проаѓа времево.
Периодов се спремаме за роденденот, ќе правиме и крштевка. Ресторан, украсување, сликар, торта се е договорено веќе. Мама и бебе се дотераа, уште тато да се поднови нешто и сме се комплетирале. Сакам уште нешто ситнуларки да купам од Џамбо за дечињата. Ќе прославуваме само најблиските, 20 и неколку лица сме. Најобичен ручек ќе биде. Дополнително ќе прославиме со друштвото. Ептен ме има еуфорија фатено, да не кажам трема
Бебе веќе учи секој ден нови работи и станува поинтересен. Почна некако со значење да вика Мама, а јас се топам.
Поминуваме полека први настинки, бактерии и вируси од градинка, ама нејсе. Мора да минат, само да биде со лесно. Имавме една недела критична, мислам ќе полудев. Бебе со температура, па ко за беља тон работа на работа, а работам од дома па малку бевме хаос, ама се стабилизиравме сега. Се мислам пред роденденот да не го праќам една недела во градинка, да не се разболи, да ни пропадне се, ќе размислам. Зависи како ќе биде со обврски на работа.
Немам нешто многу да се пофалам и кажам, само да ве поздравам и добра ноќ да ви посакам. Гушкајте малишани, мн брзо растат

 

Mami moze prasanjevo ne e za tuka no neznam kade da go postavam. Dali znaete od koj peleni ima.broj 5+ ( osven pampers i baby love )?

 

Добро вечер мамситас.

Ние конечно направивме 40 дена во средата и некако многу поубаво се осеќам. Имам чувство како да ми се врати слободата. Ние уште после првата недела почнавме да се шетаме ама тука во паркче. Сега веќе можеме и по гости да одиме. Во средата прв пат кај мајка ми си бевме. Не знаеш кој порадосен, јас, мајка ми или кучето шо би се рекло ми дојде душата на место

Денес прв пат бевме на гости кај деверот од свадба, воедно најдобар наш другар во Варвара. Калинка цел ден беше дремни разбуди се, не сврза убава дремка ама затоа во кола по пат кога заспа дете, па дали и таму воздухот посвеж, почист, се успа душа мајкина од кај 5 до скоро 9 спиеше. Се разбуди за бањкање, цицаше и продолжи. Златно дете е стварно. И она и ја одморени, наспани.

Добра ви ноќ на сите

 

добра вечер мамис.

последниве два дена како што освежи ми се уживанција, дома сите прозори отворени, врати со столчиња блокирани за да не трескаат, провев милина. само бебе кутро и покрај разладувањево пак ми се поти. и се буди често ко новороденче, ожеднето, среќа се изнаголтува цице за 5-10мин и веднаш продолжува со спиење.

убедена сум дека не постои човек што мрази повеќе лето од мене. да не бев толку приврзана со фамилија и пријатели, животна цел ќе ми беше преселба во некоја скандинавска земја. жештини да осетам само 10тина дена за време на летен одмор.

вчера попладнето што убаво си шетнавме низ маало со мм, росеше, живо пиле немаше, кабаница врз количка, па кога се засили дождот, се засолнивме во кафич под тенда и си се почастивме десерт дур да преврне. кујзнае од кога се немавме вака прошетано сите тројца заедно.

неделава ни започна патешествието немлечна дохрана, решив да комбинираме и блв и ранење со лажичка пасирано, да може подоцна кога ќе тргне во градинка полесно да се прилагоди и на хранењето таму. плус од парчињата што ѝ ги служам ќе подлизне еднаш-два пати па си ги фрла на земја. и испаѓа како едвај да пробала вкус. апла сме на почеток, се надевам ќе стане позаинтересирана па ќе имам што да рипортнам во соодветната тема. битно ја фаќа, гмечи и истражува храната, многу е смешна и интересна за посматрање.

до следно шкрткање.