Мајчински муабети (не е за барање совети)

Има мнoгу вакви мoмемти...
Патики кoга и oблакам, клекната пoмалoтo легнатo вo скут, гo преклoпувам за патики да и oблечам, а oн да не ми се лизне..

Ги вoзиш вo кoла малoтo плаче, пoгoлемoтo oд 2 гoдини гo гали пo раче и му вика не не не....
Ах и љубoв се

Маjки се ќе истрпам самo да не се бoлни е тoгаш не се трпам и сама себе.

 

Еден месец немам пишано во темава, доаѓам само да читам пред спиење. Прочитав случајно дека форумки ќе се собираат во парк со бебињата и таман да пишам, ми текна дека и јас и малиот сме болни. Каде кај бебушите такви
Баш ми треба дружба со мајки, немам никоја блиска со мало дете да се гледаме често, децата да си играат. Со другите како да заборавив да зборам. Се нешто ми се врти околу градинка, мрсули, доктори, како да заборавив да зборам со возрасни на други теми. Па и работата ми е од дома, друго е да си во канцеларија, да се дотераш, да излезеш на кафе после работа. Ми фали.

Оваа недела ми беше толку стресна, а толку убава. Убави вести стигаат од секаде. Ми се јавија дека конечно ќе ме пријават на работа, па нема да работам на црно веќе Друго си е кога ќе ти легне плата на сметка, вака во секое време може да те зезне и да не ти ги даде. Па к15 од кога немам земено ехее, најслатко ми е

Spoiler: Ќе пукнам ако не кажам

Маж ми доби договор за работа во Америка Се договоривме да не кажуваме на никој додека не бидне визата ама еве лежам со саати во кревет и не можам да заспијам од возбуда. Гледам слики од градот, куќи за изнајмување, си го замислувам животот таму со малиот каде би шетале... Знам дека е прерано и дека шансите се многу мали ама сите мои надежи се кон тоа. Мислам не постои личност што повеќе сака да си оди од мене од државава. Се надевам оваа година чекање ќе летне побрзо.

Имав листа to do во глава за неделава, а јас успеав само на забар да одам. Шопинг, маникир, педикир, депилација, третман на лице... Се тоа ќе мора да почека и ми се плаче колку ми се оди да се релаксирам. Многу ми треба. Ма и една масажа ќе си закажам. Само ова малово нека оздрави и да не го мислам веќе, да тргне во градинка и да се опуштам малку.
Станов ни е лудило, едвај наоѓам нешто што ми треба. Никако да постигнам да средам кога е дома нонстоп.
И то, ништо посебно не се случува, ладното не го можам, а обично навечер си шетавме. Сега ај што е ладно, па и смрди надвор прозор не можеш да отвориш. Пролет, дојди побрзо.

Добра ноќ на сите

 

Многу често ве мислам.
Среќен нов почеток,ќе успеете
Гушни го херојчето

 

Најубав Дечко прав
Постирај слики почесто.

 

@Happyinlove @Bella*
Јас па плански родив второ, искрено тешко е, најтешко ми е што знам дека вниманието на првото и е одземено, немам време да си играм со неа, да се мазиме, да си кажуваме работи.. А баш е во тие фази, свесна е, сака да ми покаже што знае.
Од друга страна пак малово никогаш нема да почуствува 100% внимание како што имала таа.


Здраво мами,

Одамна не сум пишала, секој ден исполнет и уште кратко време до крај на породилно.
Бебе направи 7 месеци, со тоа прво запче па и скок, па од бебе вечерен спијач стана бебе неспијач
Се тргнеме в раце, дење-ноќе мајкин е, не остава секунда да се оддалечам.
Од време на време ги оставам на подлога да играат со ќере, додека ги гледам арно, а се свртам на друга страна сестра му му ги собрала играчките и ги качила на трпезариската маса да неможе да ги дофати
Конечно излегов од една претешка фаза, може беше постпородилна депресија, незнам што беше... Ама се изборив, ми помина мизерното чувство дека ништо не правам како што треба, па почнав да си ги уживам деновите сама со децата дома.
Се е лесно кога имаш вистинска личност до тебе, секој проблем има решение. Нон стоп му кажувам дека му се погоди жената, а уште почесто дека јас го одбрав Па после долго време уживаме во долги ноќи како кога бевме студенти, заспивме деца, филм, музика некое мезе, две пијачки и
Само да не склепаме трето од убавини

Првото запче излезе, малиов расте во јак фраер, ама се лигуши до бесвест, ми иде со кофичка под уста да го пуштам да шета.
Пред некој ден го ставив во дубак првпат, полуде од среќа дете, скокање, смеење
девојчево мое уста не затвора, кажува, објаснува леле мори мајко, а по ново знае да го отклучи телефонот на татко и да си пушти песна на јутјуб што ужасно ме нервира, ние сме криви знам
Уште сум во потрага по работа, пред два дена бев на второ интервју за добра работа па сега сум малку под стрес дали ќе ме повикаат, од кога, па како ќе се снајдам со две мали деца на ново работно место па уште ми кажаа 2 недели задолжителна обука во главниот град... Ќе се издржи само нека се јават

Добра ноќ мајки

 

Тоа е тоа мама . Грижа на совест имам како да не го изнаљубив големово. А на помалото никогогаш не му се посветив онака како што треба,како на секое прво родено бебе. Ме згазија обврските и од тука настапи мојата најголема грешка да го немам трпението.
Сакам да им порачам на сите кои се во двоумица за деца со малс разлика да не брзаат . Нека ги изнамирисаат првите нека им се нагушкаат и изнаљубат. А на тие што се во исчекување да не се плашат и да бидат трпеливи.
Има и многу убави моменти,многу

 

Моите се разлика точно 3 год.. Да знаев дека уште син ми не може да се привикне на неа ќе почекав и јас со второво. Не можам бре по цеел ден ја бранам да не ја уди,турне.. Како мал не беше ваков, во последно хаос е дома. Уште па ако земе некоја играчна негова ..

Пукнав седејќи дома. Маж работи и по 10 часа очите ги остави на тој лаптоп. Се осеќам осамена, немам со кој ни да зборам, нема веќе серија која ми остана да гледам Синоќа имав мала драма по дома, кај пмс кај депресија го натерав да земеме 4 слободни дена да идеме до Истанбул! И даа, вечер тргаме. Да одам да се подновиме малце за престојните родендени

Сега прашање дали да го земам синко.. па со две деца е само умор не одмор Ама па се за неговата среќа, заради него висиме секоја недела во зоолошка и дино парк, а ваму обожава кога се возиме на брод да го гледа морето,уште ако го однесам во аквариумот да ја види BabyShark светот негов ќе биде

 

Јас би ти рекла ако ја зимаш малата да не го оставаш него, и обратно. Или земи и двајцата или ниту еден. Втората опција би ја одбрала ако имам кому да ги оставам со сигурност. А за љубомора, маж ми бил екстремно љубоморен, многу, ама како потпорасналене се поблиски станувале. Не сетакви да се слушаат секој ден, поише јас се слушам со неа отколку он, ама секогаш се еден за друг тука.

Турбо сум мајки, време немам за ништо, па си зема данокот се тоа, на раб на настинка ама ја пресеков со многу чаеви, витЦ, течности, вежбам да се испотам се да излезе и фаќам дремки кога можам по пола саат бар да се регенерирам. И ете фала богу засега добра сум. Имам обврски цел викенд, нека пројде па после што сака може да се деси.

Се дотерав утрово во фустан кој го чував за кога ќе ослабам, епа сеа ми е голем така поише и дури и не ме лучи ама си го носам, убав ми е, конечно да облечам бело и да не ми стои ко на Снешко Белич Дур пишувам скоцкав и доручекот и сега ќе чекам пауза да одам да купам ужинка. Денес дома дури во 6-7 ќе стигнам, ќе имам долг ден.

 

Кога ве читам вака со 2 дечиња си викам за нешто сум бакзус, ама со децава ептен ми се погоди(пу пу да поплукам) . И јас не сакав мала разлика. Сакав прво ќерка ми да биде спремна, односно колку толку самостојна.
Разликата ми се скоро 4 год. Јас уште ќе попричекав, ама она се запна за бебе. Од прв ден го прифати ко цело време да биле заедно. Никогаш во овие 7 м немала испад на љубомора. Внимава кога спие, си игра тивко и си шепка. Душа мајкина.
Ако стане, а бебе уште спие, ме моли да го разбудам зошто и фали. Бебуш сега разбира ја закача и се смее, а она е во облаци. Дури му стои да ја кубе и гребе. Ја боли, а му вика душо дадина, убавец на дада. Ја карам да се тргне, да не ја повреди.
Кога ги гледам заедно среќни, си викам дај боже така цел живот да сте си поддршка.
Исто вчера ми се наполни душата кога ја земав од градинка. Учителката ми вика, златно дете имате мајка. Толку мала, а толку воспитано дете браво. Очите ми се насолзија од гордост. Истиот коментар го добив и од учителката од балет. Ама стварно е златна. Се надевам батко и ќе биде разбран како неа, ако не да е жив и здрав. Постов искочи ко фалба, ама ме надвјасаа емоции на гордост. Не замерувајте

 

Здраво мајки.

Само јас ли сакам деца со мала разлика? За мене нема ништо поубаво. Додека сме сами со мм во хаосов добредојдено е уште едно. Ма едвај чекам, само да се фати. Внука ми јас ја изгледав. Кога бев бремена ја спремав цело време, толку се сакаат сега, душа ми се полни кога ги гледам. Тек уште едно. Со сестра ми сме мала разлика, мајка ми секогаш вика: "многу ми беше тешко на почетокот, но кога тргнавте во школо, наеднаш пораснавте, па уживав тогаш". Исто како и ние, само со татко ми не пораснале сами, ама ако има тимска работа ништо не е тешко. И организација добра.

Периодов имаме именден и три родендени, од кои е и првиот на моето колаче. Броиме ситно. Едвај чекам. Неделава да ми стигнат некои нарачки и забавата може да почне. Ќе испадне ко ивкова слава, секој ден гости, ама не сакаме мешање ради ковидов.

Oстанете ми во добро здравје.

 

Кај мене се разлика скоро 4години.Додека беше малото баш бебе,дада му баш го чуваше ,му пееше,го сакаше.Како растеше малото и се повеќе разбираше така таа се по љубоморна стануваше.Сега е 2ипол малото а таа 6,значи хаос е дома.Веќе и тој си прави по свое,не ја слуша како порано,очекува таа по негово да тера,а она се лути оти не е по нејзино и јас сум цело време полицаец.Незнам веќе ни јас кој треба да попушти,сакам да балансирам но тешко ми оди. Треба и малото да знае дека не може да е се по негово,а и дадичка дека тој не разбира сеуште .И така тешки периоди ,значи секако е напорно .Нека се живи и здрави сите дечиња,ние ќе издржиме

 

Леле блазе вас, убаво да си поминете, ако имаш на кого да ги остaвиш, остави ги, ако не цела фамилија одете, да не ти е криво после зошто помалото не си го зела, или обратно. Преку агенција ќе одите или сами со кола? И јас сакам, Истанбул ми е преубав туку нешто како подуена се осеќам, не сум пред циклус, но си викам да повежбам малку, барем да ми се намали подуеноста, а зголеми енергијата. Туку кој спомна вежбање,@AngelOfArh мислам, дај кажи наваму некоја вежба за мајки

 

Јас вежбам, ама на програма сум кај Ана Стојанова. Укуцај на пинтерест или YT ќе најдеш нешто по ќеиф твој.

 

малку си поплачов искрено ама така господ сакал за нас
ве гушкам

 

@Lili4e Ние сами си идеме, имаме еден хотел само таму престојуваме на топ локација е. И си имаме однапред секогаш испланирано каде ќе шетаме
Иначе синко имам кај мајка ми, а малата никако не можам да ја оставам Цица уште, не може да заспие без цице.. Цела вечер се буди по мин 10пати бара да дои и продолжува. А не сакам уште да ја одбивам..

 

и ние утре одиме во Охрид,ама со деци...како би отишле сами аууу,имам кој да ми ги чува ама ете...ќе дојде време и за нас,а и плус тоа уплативме баш дека има топол детски базен во хотелот
место да идеме да се наспиеме и сами да сме за првпат... ама срце не ни дава

 

Кажи во кој хотел има таков базен, да се израдуваме и ние некој викенд

 

Тино,св Стефан

 

Добар ден мајки.

Сте почнале тема околу разликата во години помеѓу децата.
Да ве утешам, и ние што имаме деца со поголема разлика имаме т.н жолти моменти
Децата се деца, си тераат по свое ( што е и нормално) и никогаш нема да биде како што сме замислувале или посакувале ние.

Имало е многу такви моменти, ехе.
Сега кога те читам ми стана смешно бидејќи го замислувам моментов и се потсетувам, тогаш ми се плачело
Има една српска песна ,, смејем се а плаче ми се,, често ми доаѓало да си ја запеам, особено пред народ, сите се вртат а деца квичат
Ќе помине сѐ
Мене мајка ми нонстоп така ме тешеше. Еве уште чекам да помине сѐ, а 40 ќе се сторам , живците ми отидоа.

Ние добри сме.
Помина роденденот на синко, задоволен е, му дојдоа тие што ги покани.
Малата извади уште два заба, кај тоа, па и тие скоковите се бетер.
Се тера некако

Мм го фатило мерак Мк да иде за празниците. Ај тоа, ама вели и синко ако сакал да оди со него, што? Не сум јас баш за.
Кај ладно, корона, па и детето еден јадач што е, јас овде со саати го молам и пак железо ниско, таму пак не сакам ниту да размислам.

Од сабајле направивме еден круг со ќере, и купив чизмички.
Јас две недели барам за мене, такви какви што сакам нема ( убави и ефтини)
Ќе најдам, не се откажувам.

Одам мајки.
Маж донесе колега на ручек, да поспремам.
Убав ден на сите.

 

Мајки да ве поздравам само, не знам дали само јас сум вака уморна и преуморна и само се жалам значи беше зор да најдам работа еве месец дена како одам ама немам време за ништо друго освен работа и дома се враќам продолжувам пери пеглај прави јадење и одиме на спиење.
Само недела ми е слободна и не знам кое попрво а не можам да мрднам од малово кога се вратиме од градинка не ме пушта секунда да излезам. Неќе дури ни со татко му само мене ме бара.
Инаку планираме да ги носиме свеќи од крштевка во црква сега за празник кажете ми има некои адети или како што се прави?
Поздрав до сите мајки и маливе ❤️