Мајчински муабети (не е за барање совети)

Да.

 

Видов не видов си го ставив појасот сношти за спиење и еве уште не го вадам. Има белки чаре за стомаков да биде како што бил, еве 6 месеци поминати, килограмите чак и 1-2 помалку од пред бременост, е меше ко лубениче тркалезно кога ќе се најадам посебно.
Уште еден месец до одмор, мидер не вадам
Вежби стомачни ваљда смее сега по 6 месеци да потправам, ако има време де.
Седете сега бич боди ќе правам месецов. А сама со бебе 24/7 сум. Се си мислам грбка ми никна од држење. Ама здраво живо нека ми е пеперутчето и нека се разјаде кашички, друго небитно.

 

Здраво мајки

Со бебево се у некоја транзиција сме, нешто слично на државава Сега е у транзиција од 2 на 1 дремка. Тешко му е ама издржува машки. Година и 1 месец е, ваљда е ок да ја крати втората дремка Колку што за сите промени барам, читам по интернет и се замарам, толку брзо се заборавам. До кога трае фазата на мајките со мозокот во лер?
За частење сум, вчера успеав да изгледам филм од почеток до крај без да трчам да презаспивам Дали идеме накај подобро, времето ќе покаже. Се додека заспива и презаспива само со цице за мене задоволство само у домашна атмосфера
Некој што прошол низ истово, да каже финта, барем уште еден начин да најдеме за успивање (цуцла не фаќа, од шише со цуцла не пие, сок не пие, да го нишкаш нејќе, да го тапкаш да го галиш исто не пали, или цице или ништо ). Можеби ја сум со преголеми очекувања у однос на спиењето
Уште една работна недела при крај. Многу ми е убаво сите по одмори, празен градот, таман почнува да се полни ние одиме на одмор. За до море имам уште за веслање па да продужам со работа.

Ве поздравувам

 

Да не имаш дијастаз да се провериш, па ради тоа да не е стомачето?!
Легни на грб и поткрени ја главата, се затегнува стомакот и пробај со прсти над папокот дали имаш празен простор/расцеп на средина во вертикала.

 

Се проверив, имам простор прст ипол- 2 од прилика. Од колку беше дијастаз не ми текнува?
Битно рамен стомак ко даска сум имала секогаш
Едит: сега најдов соодветни вежби за дијастаз не се штетни и да е и да не е.
Само време уште да најдам

 

Ако има простор макар и прст е дијастаз. Колку помалку толку побрзо ќе се среди со вежби.
И јас сум иста.
Ама време никако да најдам.
Пушти ми линк од вежбите (може и во порака)

 

Што не кажувате вакви информации. Јас имам процеп огромен, се чудев што е тоа.
@Honny прати и наваму тие вежбите.

 

Па што не прашаш .
Ете мајка тоа е.
Јас одамна си приметив ама никако да најдам време за вежби. Катастрофа сум

 

Нешто не ме фаќа сон па се обесив тука на темава не сум ве читала одамна. @Bubce38 жено со солзи се смеам на твоиве постови Јас слики од ќерка дали имам 5 извадено откако е родена. А исто си велев секој месец има да вадам барем по 10 слики. Првиот роденден во ноември ѝ беше, плативме сликар и во пакетот имавме гратис 30 слики да ни извади, уште немам одбрано. Е до толку сум ажурна
@IRBBB лесни чекорчиња на малиот

Ве читам за доењето. Ја доев ќерка ми 15 месеци од кои последните 3 беа само навика и галење. Сама некако си ги скратуваше подоите и дојдовме до 1 утрински подој и тоа траеше 1 и пол месец и веќе знаев дека сме на крај. Не замислував дека толку лесно ќе се одбие, зашто претходно само слушав мајки како си имаат мака со одбивање. Ама мојава не беше па ни некој стравствен цицач да речам. Се сеќавам колку се мачев првите месеци да успеам да надојам едно ептен радознало бебе кое го интересираше ама баш сѐ друго освен цицка На секое тропкање или звук, се тргаше да види и морав прво да ја успивам за да цица убаво. И ден денес со јадење е таква. Сама јаде ама колку јаде не прашувајте. Некогаш цел тањир некогаш 2 залчиња. Слабичка е многу, а висина таман за 21 месец. Нема ни 10кг Црвец и живец невиден. Не застанува ни дење ни ноќе кога спие, само прета. И сега почна и да пребира за јадење значи до сега не се нервирав ама сега веќе почна ептен да претерува. Тројки горе ѝ избиваат, на моменти е неподнослива, изгледа многу ја мачат.
Зборува, мели како празна воденица. Цели реченици. Секој ден ме смее до солзи. Пред некој ден ја прашувам што сакаш да ти купам, ми вика “мама купи бебе бато”. Од кај ѝ текнало не знам стварно Немаме машко дете во фамилија. А мајка сака да “ѝ купи бебе бато” ама уште не е спремна некако Маж ми ме замислува, летале годините. Јас имам 31, он 37. Не знам некако, моментално имам некои други приоритети. А си сакам уште едно барем сигурно.
Доста е од мене зошто можам да се запишувам и да ме раздени
Добра ви ноќ

 

Мајки добро утро! Како сте?

Синко со дедо му игра па да ви напишам збор два.

Дојде време за градинка. Ми порасна детето. Недела се прибираме дома Скопје па од понеделникот друга песна. Така како мини паника ме фаќа ама се надевам дека убаво ќе се адаптира. Многу сака деца, го гледам со брачедите обожава да им гуга да ги чепка па таму во градинка со останатите дечиња ќе се дружи. Нека е жив и здрав многу новинки ми покажува. Дури мислам ме разбира што му зборувам.

Бевме на море. Се изнауживавме тројцата. Прав одмор богами. Синко спие мама барабар со него, кома. Само не ми јадеше тоа малку ме загрижи ама затоа цицаше како новороденче. Се капеше вморе радости беше. Си запозна другарчиња на плажата. Пи пат исто поголемиот дел мирен ама кога го фати сафра цела кола сапуница беше му дував балони многу им се радува.

Инаку запнал та-та та-та, му викам ајде сине ма-ма тој пак та-та.

Јас назад на работа. Треба цел плакае да го преуредам да видам што е за носење што не. Цела бременост дома породилно плус па сега не знам што ме бере што не. И да решив да почнам да внимавам што јадам. Малку да се вратам во ред.

Така измешами емоции имам да бидам искрена. И не ми се остава дете, а мора до тој момент да дојде, ама пак и некоја позитивна трема имам за на работа. Убаво ми е на работа си ја сакам работата, плус ќе се дотерам ќе излезам, ама пак срце ми се кине кога ќе помислам дека 8 часа нема да го гледам синко. Ќе го мислам дали е добар, најадем, предлечен.

Ајде живи здрави да сме. Се ќе биде.

Лесни чекорчиња на детето што прооде се надевам ќе се пронајде мајката.
Па и на новите лазачи (неколку ги сретнав може и по другите теми).


Ве гушкам мајки гушкате дечиња.

 

Мајки тазе породени да ве прашам
Јас сум породена пред скоро 2 недели и вчера и денес ми се јавуваат вртоглавици од време на време. Дали ви се случуваше и на вас на почетокот или да одам да се проверувам незнам ни јас што. Смачено ми е и од доктори и од боцкања и од се више.
Незнам дали е умор, дали крвната слика нешто ми е изместена

 

Напрај си кс, ако е се во ред - умор е најверојатно

 

Ако си породена со царски рез, може да ти е и од анестезијата. Мене ми ставија 3 анестезии, од кои последната целосна, па имав доста главоболки. Пиј повеќе течности, вода најмногу и одмарај поткрената на кревет со јастуци зад грб и да, крвна слика обавезно

 

Еве и јас колку да те успокојам. И мене ми се случуваше. Не знам прво бебе, второ ли ти е. Ама мене ми беше и преголем шок и промена која не знаеш како да ја совладаш, ем човече што не знаеш што да му правиш, башка хормони и капак премор, се си придонесува. Ама крвна слика си направив секако .

 

Брм брм знсм дека и вие соќо тежината сте како нас, денес се меревеме 8100, 10 месеци правиме на 15 август, матичнава ми даде упут за клиника на оддел доенчиња да видиме. Раат немам а се си јаде и тоа млеко си пие значи да се чудиш

 

Ne znam soodvetna tema pa da pisam tuka....Dali nekoja majka od Skopje ima kolicka za podaruvanje?

 

И јас имав вртоглавици барем еднаш неделно првите месеци. Ама јас бев со царски и докторката ми кажа дека е од спиналната анестезија.
Битно направи си кс

 

И јас сум со царски
Фала ти

 

Второ ми е, ама сепак бебе си е бебе

 

Откако се породив станав целата за ремонт. Си ветив дека ќе почнам да се оправам и дека ќе почнам да си посветувам по малку внимание и на себеси, оти ептен се бев занемарила. Вчера за првпат си добив масажа од физиотерапевт, нема што не ми кажа. Сколиоза, сум изгубила мускулна маса... Вика абе само коски си. Среќа што ми е другарка иначе можда ќе се навредев... Дури и дијастаз сум имала. Ама ептен ми дојде како освестување. И денес еве бебе заспа и одма се фрлив на работа т.е почнав да правам вежби за дијастаз, па се надевам дека ќе почнам редовно да ги правам и дека ќе има некој ефект. Исто и се договоривме дека редовно ќе доаѓа да ме масира, ем малку релаксација ем белким ќе ме опуштат болките во кичма и раменици.

Инаку, денес беше ееептен долг ден. Прво на шетање со бебуш, па на гости, па пак на гости... А него ич не му беше погодено, не можеше да се наспие цел ден, т.е не сакаше да заспие оти нем случајно ќе пропушти нешто важно. Па затоа буквално си плачеше за спиење. Дремна по малку колку да се рече, ама затоа толку беше преморен што уште во 9 си заспа. Е сега се надевам дека ќе спие до сабајле.
Е сега како бонус за денеска, се заглавивме во лифтот во Ист Гејт. Трагикомедија. Среќа што не испаничивме ни јас ни тој, па брзо реагирав, ѕвонев на тоа ѕвончето и за брзо се спасивме. Памет за другпат да не се возиме во лифт ако немаме одвишок време за да си поседиме заглавени.