Мајчински муабети (не е за барање совети)

Е мајки дојде и тој ден, тргнав на работа. Пресреќна. Што убаво, 5, 30 станата, 6 тргната, се нашминкав конечно по 3г.од март 2020 бев дома. Веќе попуштав ментално. Убавини, колеги, кафе, сонце, ученици пресреќни што ме гледаат. Сите сум ги заборавила. Дечко мој мал со тато и баба, среќен кога си дојдов, гушкање што ми удри. 11 месец тера, дете стана. Не ми се верува. Колку брзо ми поминаа овие 2.5 години. Некако ептен ми се разјаде малиов деновиве, дури ќеф ми праи. Прво ми беше шубе дека ќе тргнувам, потоа ми здосади дома едно те исто, монотонија, ми фалело ова.

 

Мајки да ме знаете лафе можам да најдам D3 капки на Jameson за бебчето, педијатарот ни рече да ја зголемиме дозата на D3 аеродром го пројдов цел но нема нигде..

 

https://24apteka.mk/product/vitamin-d3-1000-ie/

 

Еурофарм

 

Добра ноќ мамички , сакав вечерва по рано да си легнам да си поспијам бидејќи син ми често станува и нешто не мирно спие….ееее како за бељаа пред да легнам отворив тик ток и опп видеа за СИДС така ми влезе некој страв сега око не можам да затворам како лудача стојам покрај синко за да видам дали дише

 

Добар ден на сите освен нас, ние сме имале и подобри денови. На бебушот два дена носе му течеше и поткашлуваше, ноќеска ич не поспавме и со температура 38 се разбудивме. Парацетамол помогна и конечно го успав, в раце ми е додуша, ама можам барем овај луксуз да типкам со една рака да си го дозволам во меѓувреме.
Држете среќа да пројдеме со лесно, ќе носев на доктор, нема термин, петок им е де на Германциве, па вели носи на болница ако ти е хитно. Ми кркори како шлајм ама верувам од носето и е. Од вчера и тече како чешма, ни капки ни аспиратор дава, а јас сама никако да ја додржам. Мажето си дојде вчера од работа, вечераше, јас удрив да се жалам па филмот ми го пукна со единствен коментар" доста прекини да шириш негатива пред детето, зар мене полесно ми е" и така си се разкаравме поштено на кој му е потешко. На крај си легна да спие човекот, во 4 треба да стане а веќе 11 дојде, јас останав и нетуширана и куќата хаос и нервите в таван и бебе распиштено. И не е прв пат навикнав, оваа цуца моја 5 мин не издржува ни да спие без мене посебно сега со настинкава.
Не му е и на мм лесно, на две места работи и едвај успева да врзе неколку сати сон, башка стресови на работа, ама па затоа очекувам само разбирање и морална поддршка. Само ние двајца сме тука, ако не нему кому ?!
Кога велам дека немам ни 5 мин време за основните потреби мислам буквално, бебе мое не дава ни во тоалет да појдам а да не се исплаче што ме нема.
Еве пак се жалам и после се чувствувам крива, се чувствувам лошо, стварно треба да оладам малку и да се помирам дека моментално мора вака. Мора да се одрекнам од се дури не дојдат подобри времиња. Понекогаш се чувствувам себично што сакам да си сварам кафе или да доручкувам раат, да се истуширам, да зготвам ама тоа значи дека бебе ќе треба само да седи и цртани да пуштам, за да скубнам пола сат време за што побрзо да сторам. И криво ми е оти знам дека не треба така ама некогаш немам избор.
Имам и моменти на бес и нервоза кога ми иде со главава во ѕид да лупам од што се чувствувам беспомошно. Трпиш, трпиш цел ден за се, зовриваш од нервоза, па после ти се плаче, па си велиш мајка си и мораш да можеш и глас да не пуштиш веќе. И така во круг, само нека ми е здраво и живо и радосно детето, да ми се разбуди сега свежа и насмеана па нека ми фали мене се!
Ете така, ви се жалам и вас и срам да ми е си велам, оти златно ми е детето а јас неблагодарна.
Ова хормониве женски ролер костер да ми ти биле, и ќе те кренат до небо и ќе те спуштат до земја. Само да знаете колку ми олесна после пишаново, и солза си пиштив и бебуш си изнагалив.
Убав ден мајки

 

Здраво мајки. Последен ден оваа скратена работна недела. Едвај чекам дома да си одам, да јадам и да се напијам едно јако турско кафе. Долго време пиев кафе сабајле пред работа и почна да ме боли желудникот. Неќни многу ме болеше, морав да се напијам апче. Од вчера решив да не пијам сабајле и затоа главата ќе ми експлодираше од што ме болеше. И многу ми се пиеше кафе. Се навикнав ептен на него. Мм вели не сум била зависна од кафе,ама јас мислам дека сум. Особено после ручек осеќам дека многу ми се пие кафе. Само едно во текот на денот пијам сега.
Морам да одам да си го проверам видот. Во компјутерот на работа кога гледам како магла да имам пред очите. Уште очила ми фалат.
Децата инаку се добри, фала Богу. Големата почна и повеќе да јаде од киндеримуното. Малата и она си е супер, само една контролна крвна слика да направеме треба. Ај од понеделник ќе ја носам.
Има една огромна продавница за се и сешто овде и секогаш кога и да одеме со децата една од вработените, а мислам и шефица е некоја, оде по нас и ја зема малата кај неа, многу ѝ била убава, ја шета по продавницата и ѝ ги покажува играчките. Неќна ѝ вели за малата на една друга вработена Погледни ја вистинска е, од крв и од месо. Сме се изнасмеале со маж ми. Јас си разгледав додека други ги занимаваа децата.
Да привршувам па за пола саат дома.
Чао
Хаос пост

 

Петок мајки , да заврши работната недела доста е ама секако исто ми се фака ,мој мали ке стане и викенд сабајле како и секој работен ден ама то ми је веч навикнато , за денес немора за ручек да мислам маж "ке прави " ке нарачал нешто и така баш ке ми олесни јас добив и цела сум скисната ме тиште стомакот и баш ми е без веза ...и така , ајде лепи викенд
П.с Порано не пишував во темАта само ја читав ама у последно време ме влечете да ви шкртнам и јас нешто стварно убава темичка ..

 

Со маж ми се зафркаваме, вели Ај да дојде викенд да поспиеме до 7. инаку во 6 стануваме за на работа, во 6 и пол децата ги будеме едвај. А за викенд они стануват во 7,сами без никој да ги разбуде. А викенд а преку недела исто ми се фаќа кога е спиење во прашање.

 

Ако си кажа, барем ке ти олесни, и биди сигурна дека не си сама, дека тука барем 80% од нас сме се почувствувале барем еднаш така, а сигурно е повеќе од еднаш. Јас тотално те разбирам, монотониот зачаран круг е емоционално убиство.

 

Сакам да се вратам сега пред 2 години и моментот кога викам уморна сум, ми се спие, да си ја шлапнам една!
3 недели хаос дома, од роденденот навака никако да се оправиме. Прво мм падна болен, со температура и со крајници отечени, после него бебе и еве уште се лечи, на втор антибиотик е. И јас бев малку со температура, ама еден ден, кај смеам да си дозволам повеќе.
Згора на се, не знам како е можно, бебево ги извади тројките и четворките, и горе и доле наеднаш. Еве денес гребкаат сите. Лиги и мрсули сегде, мислиш бернардинец чуваме дома, а не дете.
Хорор, не знам како стојам и функционирам. Па уште и работам од дома, само два дена боледување земав. Па уште и сега ми текна ќе сум слабеела и во форма ќе сум се ставала. Се пријавив на мамафит и еве -3кг денес. Не знам како успевам се ама си се гордеам сама со себе.
Идат подобри денови, колава да стигне и одвај чекам да не се прибираме дома. Идат слави, празници, нова година... Одвај чекам се!
Поздрав мајки и гордејте се со себе и со тоа како ги надминувате секојдневните предизвици на родителствувањето.

 

Извини што ти упаѓам, ама да му пуштиш цртани и да си направиш кафе. Нека не те лаже никој дека не му пушта цртани или whatever на свое дете за да добие 15 минути или пола саат за себе. Ја почнав Биби и Боби на моево да му пуштам кога седнуваме да ручаме за да не морам да јадам како казнета, или јас или маж ми.

Верувај многу полесно ќе ти е, ќе се осетиш полабаво, ем со тоа и бебето ќе е полабаво.

 

Истото и ја ќе го пишев.
И јас пуштав 30-1ч во ден да јадам пијам кафе смирам живци.
А замисли 6м кога имаше морав 8ч фул да работам он си седеше пред тв и што требаше да напраам. Баби немам за помош само јас и мм сме...

 

Не се проблем цртаните воопшто, проблем е изборот и медиумот. Цртани на тв се сосема ок, и многу бргу се заситуваат, за разлика од телефоните, тоа како дрога им е одновно и одново. До 1ч дневно цртани се сосема ок, ама на тв, не на телефон да се ѕвери дете. Исто и песнички на јутјуб на тв, не на телефон, или на телефон ама да не ги гледа, да слуша само, е сосема ок ем за слушање македонски и учење зборчиња, ем за да не се осети дете осамено. Децата најмногу учат од песнички, со пеење, така да слободно може да им пуштате. Јас имав набавено и хранилка што се навалуваше како релаксатор и до мене си го ставав да седи дур јадам, дур готвам, мераци ми беше. Инаку цела година молзење а јас скоро цел ден сама со дете, невозможно беше.

 

И јас да се надоврзам, работам од дома, па во периодот додека да си дојде мм да ја "преземе" малата, и пуштам цртани оти ни работа ќе ми се види, ни ништо.
И додека бев на породилно исто и пуштав да седнам да јадам ко човек или кафе да пијам.
Не гледам ништо страшно ни опасно.
Башка па и цел ден тв си брчи у позадина ама ако не се Биби и Боби или Дарко Биберко не го ни рецка


Ај вака ко дојдов неповикана да си пишам нешто.
За месец дена ќе прави една година малава. КОГА ПОМИНА ММЕ
Мало човече со голем карактер ( читај инат ). А нема на кој де.. па уште и се чудам

Друго лека, полека не чека пакување на куфери и губење од милата ни државичка. Со се мачката. Е до толку е. Разочарана крајно и од државата и од народот, детево ќе го правиме мало Германче. Возбудена сум и среќна и надежна дека се ќе испадне во најдобар ред како што треба

Милион измешани емоции ама нели правиме се што мислиме дека е најдобро за децата

 

Џабе е ако си нервозна и уморна и немаш концентрација. Подобро направи си кафе и земи здив, нека погледа цртани.
Игри и глупости на телефон се смрт за разбој, ама не треба ни во екстреми да се оди. Еден екстрем е дете да не излегува на воздух, да не се истрча, да нема активности за развој на моторика итн. Друга крајност е ти да си преморена и несреќна. Од 30 мин гледање тв не се заглупавува. Најди едукативни цртани на јутуб, па додека пиеш кафе прави муабет за што се случува на тв.

 

Јас откога почнав да и пуштам тв, песнички детево пркна со зборчиња.
Ама и јас со неа ги пеам пред тв.
Дури на суво кога и пеам она ја повторува мелодијата и акцентира некаде кај шо има извик. Пресмешна е. Ептен музикална ама и инает магарешки.

Леле не знам како да се справам. Се лути ако не е по нејзино.
Се треска од земја.
Не знаев дека до ова дереџе ќе дојдам, да не знам како да изреагирам, а да не е со нервоза од моја страна (тој шо има дете нејадач и неспијач ќе ме разбере)
Не вози по дома како сака

 

Мајки цртаните сами по себе не се проблем стварно, проблем е што се пуштаат неограничено и на мобилен, на јазик кој на децата не им е мајчин. Многу истражував за ова, со ноќи сум читала, и не, цртаните не се проблем, проблем е медиумот, времетраењето и јазикот на кој се пренесени.

 

Апсолутно.
На македонски гледаме и ние.
Со исклучок некогаш како каже куца и е омилена .

А биби и боби веќе ни здосадија.

 

Син ми и почна со Пиличи на српски па се прешалтавме на македонски, ама англиски не пуштам ни сега кога е голем. Има време ќе научи англиски во школо, има ли сега некој што не знае англиски.