Мајчински муабети (не е за барање совети)

Син ми гледаше цртани, почнавме со песничките од Бејби тиви, па на мобилен од Изи Лрнинг сонгс, па сакаше да го гледа "бебето" т.е. кокомелон на годинаипол две. Сѐ ова беше во разумни граници, ама некогаш дур готвам тато го оставаше бејби тиви за да се одмори од работа малку подолго, мама имаше работа од дома па ги наоѓаше омилените песни за дете да има забава, ги баравме и кога патуваме подолго за сите да пееме Хикори Дикори Дак..
Резултатот е дете што има оооогромен талент за музика, зборуваше на година и неколку месеци, на пет има фонд на зборови на возрасен и знае англиски. Ама.. уште бара да гледа нешто додека јаде дома, дури и за овошен јогурт се сместува во фотелја и пушта Пепа прасе кога е изморен, сака да си легне и да гледа нешто. Уште не знае да се заигра сам, ако нема со кој да си игра зема телефон. За среќа не игра игрици, иако на оваа возраст голем дел од децата играат.
Затоа сега бебе гледа телефон само кога се јавува некој, и музика на телевизија рандом што ќе дојде или на радио. Не знам дали затоа, ама беба употребува повеќе звуци/зборчиња смислено и со намера (мама, тат, бапа, деде, нан, амам и еден чуден звук како 'рчење за животни), игра на земја активно со играчки, сама и со мене, лази, истражува и се исправа на што ќе стигне. Е сега мајка нема време за ништо, тато нема време за одмор, ама сега знаеме дека и ова брзо ќе помине.

 

Мајки убави! Добро вечер!

Одамна не сум ве поздравила, ама откако тргнав на работа некако се помал ми е денот мислам. Отварам форум ама се нема време да се пише.

Синко ќе ми прави година. Годинааа брее ...кога ли помина. Некако се си подплакнувам последно се мислам ми порасна детето не му се науживав. Многу борба имам сама со себе дека некогаш можеби требаше да сум потрпелива, да не се замарав за небитни работи... Градинка е супер насмеан го земам, преслечен, активности имаат многу секој ден, ама без разболување не поминуваме. Ама барем не е страшно. Му поминува брзо.

Се спремаме за роденденот торта порачана, мајка фустан бендиса уште синко да го стокмам. Не ми се верува уште.

На тема екрани. Дома тв е пуштен нон стоп ама музика, некако не го перцепира тв-то. Кога бевме дома дека сама цело време мм на работа бабите во друг град, знаев да му пуштам 10тина минути за да завршам по дома што треба ама ќе погледаше 5 минути па ќе се заиграше со нешто. Му пуштав биби и Боби. Сега како тргнав на работа попладне дома не му пуштам. Си играме на земја или шетаме. Секако не се гледаме цел ден па гледам попладне да се дружиме, домашни обврски откако ќе заспие. Понекогаш му пуштам поточиња песнички или дајте музика ама пак заедно гледаме пееме му зборувам му објаснувам. Не мислам дека треба строго ограничување туку да се научи детето дека не е убаво цел ден пред тв односно да се научи како да користи тв и телефон. Телефон гледа кога е на фејс тајм со бабите им се радува ги гледа.

Најбитното ќе заборавев почна мама да вика! Се подмочав од радост

Ве поздравувам мајки!

 

се согласувам.... истото и кај нас е

 

Мора да го минете тоа издржи оваа година, сите сме биле така верувај, од наредната е малце полесно полека ке гради имунитет и ке мине се полесно

 

Дај Боже да проаѓа, роденденот го откажавме дома само со бабите дедовците еден саат и толку. Колку инда ми е криво не можам да ја малтретирам

 

Ве читам оддамна и прв пат се осетив дека имам вишок време па еве да пишам Породена пред 3 недели, бебе спие со свекрва во друга соба, маж гледа фудбал, а јас во спална киснам на фемина. Не знам дали сме во скок ама бебе се промени целосно последните 2-3 дена. Плус мака мачиме со грчеви. Читајќи ве вас, си велам ќе помине.
Ама жени, јас станувам многу љубоморна. Бебе е со мене 90% од времето, ноќе задолжително јас и мм си го гледаме и реков на свекрва да си седи во соба и кога плаче бебе. Преку ден некогаш од кееф и дадам да го нарани, пресоблече или како сега да го гледа додека спие. Ми помага многу дома, речиси се друго прави таа што ми е големо олеснување да можам да си се посветам на бебе. И пак не сум задоволна. Некогаш сакам од раце да и го земам кога изјавува љубов. Ве читам и кај вас се дешава ама јас не сакам вака. Ќе биде тука до средина на деќември. Се трудам да не ми се примеќа, ама се осеќам дека некогаш ми пишува на чело. Како се справивте вие со оваа опсесија и колку трае?
Прв пост и одма жалење

 

Честитки, добредојде во најлудата фаза т.н. мајчинство.
Ништо повеќе нема да гледаш со исти очи а времето ќе го делиш на пред бебе и после бебе.
Шала на страна, остај ја жената ако ти помага. Баш е реткост во последно време (или само мојата свекрва не се замара со семејството на син ѝ?!).
А опсесијата трае само до добивање на второ дете

 

Ти благодарам Значи да побрзам со второ, или да се скарам со свекрва без причина Не можам да се пожалам. Буквално за се ме прашува, помага многу, ама со осет и не се меша. Веројатно јас сум ретка срекничка со такви свекор и свекрва Мајка ми ме нервира повеќе, мн работи си прави на своја глава без да ме праша. Некни почна да чисти со средство за стакло пред детето. Ја опоменив, си продолжи како ништо да не било. Збеснав многу. Ама па нема како да се лутам, што и да притреба за мене и бебе градот го обраќа да го најде. Имам среќа што и двете ми се тука

 

Чим е таква работата, уживај! Камо мојава свекрва да беше таква ќе се препородев.

 

Кога ќе те надвладее уморот од неспиење мислам дека ќе ти прекине опсесијата. Тазе ти е уште

 

Ова мислам дека се јавува скоро кај сите на почеток налив на хромона до плафона , потоа се средува исти сме скоро сите на почеток, наше бебе е тоа дека може некој друг да му изјавува љубов ... Со тек на време се си легнува на место

 

Мајка уживај и опушти се. Сите сме биле такви на почетокот тоа хормони вријат ќе се смири и тоа ќе се стабилизираш. Свекрва ми беше така со мене, жената се правеше од пазарење до чистење, ручек многу ми помогна и исто не де мешаше се со осет, ама исто, а го земеше леле јас вријав. Еднаш не и го дадов ми рече едно сабајле дај ми го поспиј ти и јас аа не и викам и го гушкам мислиш ќе го украде некој. После мака ми падна убаво ми рече жената, намерата и беше да поспијам. Вака кога ќе се сетам ми доаѓа да и се јавам да и се извинам. Така да мајка уживај опуштено само се ќе си дојде на место.

 

мама хормоните уште ти лудуваат, иста бев, не само со свекрва ми него не сакав никој да ја пипне, да ја држи во раце или да диши околу неа, освен маж ми, ко што беше корона време уште толку полудував, па уште еднаш кога ја видов како ја баци по главче кога и се пуштив да ја пресоблече?? не и давав, ептен бев забегана сега кога ќе се сетам
кратко трае лудилото, после ќе молиш некој да ти го почува за да одмориш или некој да ти помогне со него, сега веќе е скоро 11 месеци мојата во фаза на проодување, не можам да ја допазам , навечер станува по 200 пати, веќе 7 месеци, истоштена сум, на сите ја нудам да ја земат со спиење да остане таму да можам дома да средам, да направам ручек, да се наспијам една вечер

 

После вториот скок друго бебе имам.
Многу нервозно, повеќе плачливо.
Ако два месеца си беше бајче, може само голема лепенка за мама, сега почна и да изведува.
Навечер многу лесно плаче, па некогаш и јас не можам да го смирам.
Накај 6ипол- 7 обавезно во затемнето бара и почнав и релакс музика да му пуштам. За викенд маж ми е тука па полесно ми е за смирување, ама преку недела е секогаш втора смена и малку е потешко. Минатата недела ми врескаше 10минути без престан, мислев грло ќе одере. Прв пат големо плачење...па и јас си поплакав.
Како ги смирувате тогаш?

 

Буцето мое почна да седи во релаксатор, веќе 10 минути, се љуља и си пртка. Јас сум пресреќна. Мислам дека полека ќе почнам да го гледам светлото на крајот на тунелот. Ако ништо друго до тоалет ќе отидам без на пола некој да ме бара, бидејќи нели е гладно, иако јадено цел ден без престан. Седам од страна, ќутам и гледам. Вака како тргнало и прашина ќе избришам, а може и ручек ќе направам.
Ене го уште седи, вика таму на тоа играчките што се вртат, душата ми ужива.
Уште малце да го цицнам и да го испратам на дремка, па после вежбалната ќе ја работиме. Вчера почна да компонира со нозете дури цели песни. Ќе си го најдеме муабетот полека полека.

 

Nema kako, gledas da go odzemes vnimanieto sekako pa moze nesto ke upali, tropkas so nesto na masa, pustas voda, zemas nekolku kapki frlas kako da vrni da oseti ladnicko, vrtis vo krug kako ringishpil ama poleka, zemas kluc tropkas, trgas zavesa pravis dze i taka nekako moze ke uspee moze ne...koga vristat taka bez prestan jako mislam deka e ili silen grch, ili gasovi i treba da prdnat za da prestanat ili da podrignat...taka da ke stisnes zabi i ke izdrzis dodeka da pomine...toa ke place 10 minuti ti ke plaches uste saat ipol posle toa od zal i taka nekako hahahah

 

Ја оставам да се исплаче, кај и да сме во период од 7-8 навечер си поплакува. Ја фаќаат The witching hours, уствари се мачи да заспие и се уморува и кома. Ова се случува ако и е поактивен денот и гледа различни работи, ако не плаче од умор плаче зашто завршило бањањето и така. Не се замарај, јас и дувам во лице така и и зборам и се смирува дур да ја ставам да цица и да заспие. Ама најбитно не ја занимавам многу тој период зашто се возбудува и нервира уште толку.

Пробај и кога е будна да не и менуваш многу активности во еден wake window. Сега разбираат повеќе и се стимулираат, па се мачат после кога им се приспива. И да не е будно повеќе од 2 часа помеѓу дремки.

 

Јас сум посесивна и за второво Ни поголемиот не го давам, само ако тој изрази желба за шетање или дружење Обожавам кога сме сите заедно дома, искрено криво ми беше тие неколку пати кога се јавив на мајка ми да го земе. А опсесијата ми прекина кога почна да проодува. Мајко мила колку ослабев тогаш, неуморно дете е.

Бел звук да пушташ? Да го бањаш пола саат пред плачките да биде релаксиран евентуално да го носиш на прошетка тој плачлив период? А може и грчеви има, па се мачи.

 

Јас сум пуштала или аспиратор да бучи или фен и тоа го одма смируваше

 

Добро утро на сите...
ве читам од синоќа.
Вие бевте тука за мене минатиот месец, и од вчера ВЕ мислам да ве поздравам и да видам што има кај вас ново. Изминативе денови немав време да отворам на форум.
Се одлучив да вратам на еден проблем, пошто на другата тема немам сеште искуство

@Anturium како што кажа @no name5 цитирам :
"Ова мислам дека се јавува скоро кај сите на почеток налив на хормона до плафона , потоа се средува исти сме скоро сите на почеток, наше бебе е тоа дека може некој друг да му изјавува љубов, да ни го земе итн... Со тек на време се си легнува на место"

Епа:
ние еве сме скоро 2 месеци ќе правиме. На почетокот многу вриев.
Прво вриев што советодавно многуууу беа досадни (вака ,така онака) а тебе тоа те нервира.Секој збор додатен те нервира.Сакаш сам да си ги носиш правилата. Се чувствуваш како да те прават неспособно дете што родило дете (да не се повторувам зборевме многу поназад на темава)
Второ : "ти одмори се, јас ќе го вардам"
"јади си ти раат, јас ќе го вардам"
реченици од типот: "ќе седиме со баба и дедо, ќе се капеме со баба и дедо , ќе бегаш ти кај баба и дедо со точачето...итн" ТАЗЕ МАЈКА ВАДАТ ОД КОЖА! ама нив тоа не им фаќа кликерот да го размислат. Нив во ум им е бебето, радосни се за него...мајката и нејзините чувства, реакции кој ги шиша!

Е сега...како што е некој запознаен, ние сме исто странство. Родителиве од сопругот се тука,но башка седат на др дел од гратчето и работат.
"Измеќарски" работи на свеки нит и задавам нит ми понудила. Ако сакаат нека се претураат алиштата, тањирите...кога имам време тогаш ќе ги средам.Задолжени се само да дојдат-да појдеме, да го подржат, поиграат и толку. БАРЕМ ЗАСЕГА!
Несмеам да се пожалам од мм, двајцата делиме обврските иако тој и на раб оди.
Али, мислам дека се навикнав така,
И ако некој има плус околу мене (мајка, свекрва,тетка- небитно) јас имам одма трема , стрес,притисок, советодавци n°1...и полудувам и се губам.Се губам скроз. Се чувствувам како да ја губам слободата.
Затоа уживам во САМОЌАТА па макар папсала (тоа е мое мислење за сега, не велам дека можеби нема да се промени)

Она што сакав клучно како реплика да го кажам поврзано со твоето (пошто гледам дека пак си се изнаприкажав за маките мои ) е дека незнаат.
НЕЗНААТ, НЕМИСЛАТ, ТОЛКУ ИМ ТЕКНУВА, МИСЛАТ ДЕКА СЕ ЗНААТ А ГЛАВНОТО НЕ ГО ЗАПАМТИЛЕ, (без разлика мајки или свекрви,еве да сме фер читај БАБИ дека:
БЕБЕТО ОД МАЈКАТА ПРВАТА, ВТОРАТА ПА ЧАК И ТРЕТАТА НЕДЕЛА НЕ СЕ ЗЕМА! тогаш хормоните и вријат, мајчинскиот инстинкт се развива, секаков тип на наведените реченици погоре те вади од кожа и после пораѓај на мајките им се јавува природнио чувство на заштита спрема детето и сакаат само тие да се околу него, исто како кокошката што ќе те касне ако ѝ го фатиш пилето, мачката ќе те изгребе за мачето и слично.
Нека има толеранција!!

Но како што рековме... ете радост, возбуда, прашуваат само за бебето/внучето вас не ве прашуваат ни како сте.
(мене пример само мајка ми ме праша , на никој друг било кој не му текна)

На мајката и нејзините чувства воопшто не се мисли. И тие биле мајки ама таа тема ја подзаборавиле изгледа. Сега се баби. И оди па разбери се.

Јас многу пишував на оваа и слични теми изминатиов месец. Тука сите вие многу ми помогнавте да се олеснам, искажам, исплачам и пребродам се, и пред се да созреам како што можеш да забележиш по ова што го кажувам сега

Така да @Anturium немој да се секираш.Добро е што за се те прашува и ти си ја водиш играта. Ти си МАЈКА,you are the BOSS here!

главното: "љубомората" , опсесијата нема да ти помине. Барем јас така мислам И мене не ми поминала еве и после скоро 2 месеци,и несакам ни да ми помине
Но ќе знаеш да ги изрегулираш чувствата, постапките (бидејќи пак ние ќе сме тие ако згрешиме нешто и подвикнеме и што ќе се чувствуваме виновни) и така полека полека ќе се вратат коцките на место.