Мајчински муабети (не е за барање совети)

Не сум чкртнала одамна. Лежам до бебчо дур спие и си се радувам колку ми пораснал син мајкин. Уште месец и нешто ќе славиме и прв роденден! Солзи ми идат од среќа. Го гледам како брзо расте, има 6 заба и уште 2 пред искачање, се извиши машала висок е, ме воодушевува колку е паметен и логично ги прави работите, игра со играчки,комуницира со сите, научи и тато да вика, сеа тоа вика по цел ден, нема веќе мама и баба па сме малку љубоморни со свеки хахах. Се држи и оди по цел стан, прави бељи, паѓа, станува и продолжува...се се случува толку брзо, леле колку брзо растеле, порано кога ќе прочитав таква реченица си викав како не бе, ама така било.Се мислиме како да славиме роденден, сепак е пред нова година, сите кафани ќе бидат фул, а за во игротека па некако не сме, ем е мал ем немаме толку пријатели со мали дечиња....како и да е мајки....се се заборава и умор и свекрви и нервози и неспиење...само малку трпение имајте на почеток, не одбивајте помош кога ви се нуди, на глупи коментари не коментирајте или кажете ОК и толку. Стана синко одиме да играме, ве гушкам сите

 

Мајки, има ли некоја искуство со перинатална асфиксија кај бебе?

 

Се надевам дека не е лажна надеж, но благодарение на масажите со гелот на Фрезидерм, вчера спиев со сочувана психа, бебе падна во кома, а и маалото мирно спиеше.
Дај боже да му го најдов лекот.
Го купив и маслото на Веледа за грчеви. Масирав сега и со тоа после бањање. Бебе клапна по неколку шшшш.
Ако поминаа конечно грчевите, частам.
Како да имам страв од сопственото бебе.
Иначе машала пораснал бебуш 10 цм од кога е роден и 1400 качил за еден месец. Здрав, прав, згоден и неопходен. Затоа кичмата ми се измести, на мама погачка.
Иначе откривме дека жолта боја ни е омилена и сега сме во потрага по Пикачу. Ако некој знае онлајн од каде може да нарачам, нека пише. Толку слатко се смешкаше, морам да најдам.
И така малце и јас да одморам со звуците на фен на најјако.

 

Не знам дали е исто или различно ама нашата дијагноза беше породилна асфиксија

 

Исто е
Ако можеш да ми кажеш искуство. Можеш да ми пишеш лп

 

гледам сега што повеќе така да правам. Тој седи, нека го држат, нека се вардат. Сега е полесно. Стресен беше и нервозен првиот месец (зошто вака зошто така треба вака треба така, тој плаче-тие залажувај се. Абре плаче бебе- давај одма кај мајката бре, не тормози околу-наоколу! Требаше само трошка да се воздржат еден месец да потпркне тој и да се стабилизирам јас - ете колку требало, за се да си е нормално и ко што треба.Ама тоа е.Помина) ...небитно.
Еве гледам од вчера да сум повлечена малку, не многу бла бла бла кога не сум нервозна (бидејќи брзо ми минува лутината) туку да се има само еден нормален однос (оти од голема блискост и хахара-хихири ете што настанува- одбивноста)

Ти благодарам многу што одвои време и сподели со мене искуство ми значи

 

Ај добра вечер

Сите спијат и наместо да заспијам, јас дремам ококорена. Го гледам поголемиот, па помалиот и се чудам како брзо раснат. Ај малово пркна, се збуцка ама овој големиот кога го држев да му се смират грчевите, сега едвај го пренесов заспан од дневна во спална. Го гледам маж ми како слатко си хрчи и ми иде да го задавам, многу сум му лута. А нешто ако не ми дава да заспијам тоа е кога си легнуваме лути. Јас можам до сабајле да останам и да разглабам што и како, а он е тип што си легнува кога е нервозен и сабајле одма е друг човек, смирен и решаваме за 5 мин.
Не можел да искочи господинот, три вечери по ред го викале другарите и он ги одбивал. А знае дека мене другарките не ме ни викаат веќе? А му реков искочи, ќе ги причувам сама ама не, демек он мене ме жали, да не ме остави сама. Го гледам дека врие и трга на поголемиот да му ја истури нервозата. Каде бе дечко? И така си ги прибрав децата во дневна, он остана да дреме сам во спална.
А тие срциња среќа мирни беа, еден во раце пие млеко, другиот ми легна на нога и заспаа, па ги префрлив. Битно правилото дека не се делиме по соби останува, па колку и да сме лути И се мислев што се да му изнакажам сабајле, па си викам што си будала да се нервираш за глупости, батали.
Не можам стварно да се замарам посебно со две деца, немаме ни време сами да останеме, да си направиме муабет. Четовите ни се листи за пазарење, што ќе се готви, колку пари се вади и става… Сексот стана брзински по ќошиња вака да не не фати баткото, секоја вечер се договараме да ги успиеме и да пиеме некое вино и нормално паѓаме во кома со нив. Вака ли е секаде или лошо сме организирани?
Дојде време да паѓам во несвест кога на брзање низ дома ќе ме баци во образ, е толку ми фали, а секој ден сме заедно.

Си замислив утре рано да искочиме на мини шопинг и кафенце додека уште има сонце ама ќе видиме дали ќе се оствари.
Секој ден го планирам истото ама ќе се зафатам со домаќинските работи, па дошло време за ручек и така само си одложувам. Не можам да искочам од дома ако е хаос, а со две деца секогаш е хаос и само се вртам во круг. Баш е напорно, очекувам се потешко да станува

Кажувајте дали користите контрацепција, само таму ми е паметот деновиве? Што мислите за спирала? Таблети ми се план б.
Мислам дека завршив со раѓање.

Имајте мирна ноќ

 

И кај нас е така
На почеток се договаравме за секс, јас тажна, дека сме закажувале за секс.. сега и кога закажуваме, легнуваме комирани.
По некој бакнеж ќе летне низ тој хаос дома, и толку

Ќе помине.. нека пркнат децава.

Јас малку истражував, не сакам да ставам ниту спирала, ниту да пијам таблети.
Засега од контрацепција кондом , а кога немаме вадење на време
Јас завршив со раѓање, не сакам да слушнам пак за бременост, раѓање

 

Ти си добра. Малиот 5 месеци ќе прави уште малце а ние ни еднаш не сме се искомбинирале уште

 

Секс?
Па ние не можеме да се бациме.
Пред две недели го бацив мм у уста малата не виде и почна дс го бацува бебо во уста.
И сеа и бакнежите ни се скришни.
Не дај Боже, јазик да видеше или нешто повеќе.
Ноќе и ние сме комирани.
Јас сум тажна со закажан секс, не ми е убаво, како да морам.
Единствено ако станеме порано сабајле си крадеме моменти.

За друго дојдов, да ве прашам.
Како се соочувате со анксиозност од враќање на работа.
Еве второ ми е, памтам и за првото многу се секирав и се испадна добро. И тоа беше цицалче.
Ама не знам како ќе го чуваат...
Многу се секирам.
Не е многу по јадењето, а и како би бил кога е на цице ден и ноќ.
10-15 лажици појадок.
10тина лажици ручек.
И како ќе се исчува од други.
Заспива на цице.

Е сеа, коа сум била искочена, маж и ќе го најаде и заспие ама јас пак се секирам.
Колку и да сакам на работа, во себе многу се секирам како ќе го чува свеки.

 

Исто
Уште малку малата ќе прави 5 месеци абер за секс немаме, јас немам ни желба маж ми си па ќути.
Кога и да го прашам за тоа имало време и така.

 

Јас и после првиот пораѓај и сега имам желба, само што со првото се плашев толку брзо, а сега тешко се наоѓа момент

 

Јутрич!

Мајка ќе става благо и кафе, кој е за нека повели, синко вчера доби прво место за цртеж и признание за ученик на тромесечје во одделение, истакнат ученик. Боже мили со што заслив ваква среќа и вакво дете. Аљкав е, не се грижи за своите работи, растура, заборава, малку е самобендисан, ама е најгенијалното дете на целиот свет, мојот свет нормално. Вчера на родителска окапавме 2 часа, некако многу немирен класов наш, од тепачки и викачки до вулгарности на тон, нормално родителите на детето што ја предводи групата не дојдоа, баба ја пратиле. Јас имам најстрога забрана да се дружи со тоа дете, но тоа пак не значи дека не доаѓаат во контакт. Мојов е мирен и плачко, ако му покажеш сила се повлекува, ним им е интересно и го гњават со зимање прибори, со играње со неговите работи, со фрлање на неговите работи, типично врсничко малтретирање, или по ново булинг. Се мислам второ полугодие да го зимам во 12, после часови, ама па дружбата на децата е после часови и некако ми е да не го двојам.

Убав ден мајки, повелете од виртуелните торта и кафе!

 

Јас првите месеци на мм очи нејќев да му видам хаха многу му бев љута зашто спие ноќе и не се буди на секој шум на бебето и зашто излага оди на работа . Хормони ме дрмаа на најјако

 

5 месеци?
Аааа не, одма после месец ипол од пораѓај таа работа ја завршивме
Само што не е често.
Може 1,2 месечно

@TeddyGrey Јас така со првото ,си дадов отказ.
И еве ме сега, окапав дома.
Бебе секако ќе порасне ама јас отупев.
Да направи малата годинка ипол и ја праќам во градинка, јас на работа.
Големкава планирам од пролет веќе да почне во градинка.
Немам нерви.

 

Не сум во можност за отказ, а и не сакам... ем финансиски, ем психички. Ем си ја сакам работата.
Со малата се вратив на 10 месеци кога беше,сега горе -доле пак исто.
И секирациите исти.

 

Хелоу мама’с

Чекам големото да си дојде од градинка дур себично си го гушкам малото. Не ми се верува дека таа стана “големото дете” а како вчера да беше кога ја успивав во раце.

Почнувам да живеам ми се чини. После 3-4 опасно изолирани и повлечени години, конечно почнувам да правам работи за себе. Почнав да шетам. Да си угодувам и да уживам.

Оваа зима ќе биде волшебна. Сега си имам 2 сокола, за двете раце по еден. Да ми слетуваат секогаш кога ќе им требам. Се надевам ќе ја оправдам целава оваа посветеност еден ден.

Го сакам периодов што следи. Веќе украсив наоколу а и елката стаса вчера и и најдовме место. Лампиони уште немаме, ама имаме таман денови до Нова за и неа да ја облечеме во духот на празниците.

Утрово завршивме со Алекс со вакцини до годината. Јунак ми е тој, на тато. Спремни со сирупи за престојните вируси што Ирис попатно ќе ни ги донесе од градинка и сезоната на лед и црвени носиња ја прогласувам за отворена.

И соколката стаса дома од градинка со фластер на раче. Колку е пргава ќе ме пукне еден ден, ама и мора некако да си ја потхранува нејзината љубопитност.

Прекрши неделава.
Убав ден.

 

Денес прв преглед на педијатар. Мама кеефна, бебе напреднато. Се е во ред со бебка. Сите контроли се одлични Имам одобрение да го ставам на под и едвај чекам да се заигрува со меченцата

Синоќа спиеше 10ипол часа со 2 будења за млеко. Ова бебе станува се посовршено и јас се повеќе го обожавам. Како ли живеев без него?

Утре стига баба ми, едвај чекаам. Ќе готвам риба за неа, знам ја обожава

Хаос е постот и мислам дека се повторувам со муабетите тука, ама нема веза ќе ме издржите вие

Ајде сега ставајте кафе и уживајте, уште еден среќен ден завршува

 

Не сум пишала кој знае од кога , а ве читкам, редовно .
Ама никако да склопам пост .
Таман ќе започнам , баталувам.
Бев болна , али многу болна .
Некоја тешка бронхопнеумонија закачив, абре одвај прокрцкав. Навистина одвај .
Ден ноќ што се вели дома де на кислород , де на инхалации ...
Сабајле вечер урбазони и лендацини.
Одвај ме кренаа
Нејсе , помина

Мајка беше една недела овде , го чуваше малото .
Плус имав и жена мене да ме чува
Маж мораше да оди на работа
Се лутев , ама тоа е . Таква му е работата , кој ме тераше за лекар да се мажам

Дур бев болна синко беше многу тажен. Не ми се веруваше дека разбира , абе само да видевте колку тажно ме гледаше . Го немаше тоа неговото смеење на сет глас, не беснееше лазејќи низ сите соби , дури и на јадење намали.
Ама од коа оздравев скроз одма ми се врати старото детуле .
Колку само беше среќен првото утро коа ме виде дека спијам во спална . Абре ќе полеташе од среќа .
Ме отепа гушкајќи и кубејќи ме. Многу сака да ме тегне за репчето
И да ми брца у уво

Деновиве беа права пролет кај нас па се отепавме шетајќи.
Ем и мене ептен ми годеше да седам надвор, доручек и ручек во кафанче на отворено , мераци .
Маж нека си работи , ич не ми е гајле.

Резервиравме мини "зимовање" у Србија .
Последна недела у декември ќе идеме Луковска бања , негде под Копаоник била.
Имале многу убава топла минерална вода , базени , убав спа центар .. па ќе видиме .
Со уште еден пар ќе идеме, младички се они , без дечиња се, па ќе ни помагаат . Бевме летото со нив Грција , топ поминавме.
Се надевам следна година и на нив ќе им се наполнат рацете

Се ближи роденденот на синко . Устаари заради него и нема да останеме у Србија и за НГ.
Ќе се вратиме баш на денот негов. И планирам да го направам у Штип . Овде нит имам дечиња за канење , а плус и планирам малку да останеме у Штип кај моите , па што има врска што таму ќе го правиме роденденот.
Ќе организира снајка некоја игротека , мама ќе нарача торта , и ајт .

Да привршувам со постот оти дојде време за спиење .
Шуќур се оправивме и почна да заспива скоро во 20:00 ч.
Што беше тоа заспивање пред 19:00 и сабајле во 05 :00 кукурек .
Сега ми спие до 06 ипол 07:00
Таман на раат да си го испиеме кафето со маж и раат да му спремам доручек.

ОдоХ мајки
Гушкајте дечињата
И чувајте си го здравјето

 

Како сте денес?
Екипа мајки поздрав.