Мајчински муабети (не е за барање совети)

Здраво женички. Јас сум назад со читање, секој ден по малку читкам и уживам во муабетите ама сега утрово забележав дека се променило името на темава.

Јас додека и честитам на @Chanell* за бременоста таа ќе се породи (ете толку сум во тек ) честито на сите нови мајки на сите кои се радуваат на убавите вести за бременост. Пред некој ден другарка моја се породи предвреме т.е 2 месеци порано, бебето малечко, во инкубатор на кислородна поддршка па сега е подобро, му го тргнале кислородот. Таа добра два дена после операција откако си дојде дома лошо и е тешко мокри затната со шлајм едвај кашла се бори со млекото сака да го зачува.... Не за џабе рекле декаените се најмачни баш од моментот кога ќе станат мајки.

Да свртам муабет на нашето секојдневие. Јас пијам кафе, големиот е на школо малото гледа цртани и ги имитира јас пијам кафе читам по нетов и си правам некоја моја "програма" за слабеење. Ме чека и малку работа па потоа на посао. Големиот утре ќе оди на екскурзија па леле која еуфорија за еден месец му е роденден, јас се чудам кога ли постана момче. Како вчера да беше мал. Не можам да го гушнам поголем е од мене
Малово леле колку е жилаво.... Само мрда прискокува нешто изводи.... Комедија се.

 

@marchi-cool Ти благодарам,да не ме означеше немаше да ми текне да пишам

Го почнав 8ми месец од бременоста,времето ми прееееееелета за час жени
Не ми се веруваше дека вака брзо ќе е,мислев повеќе во исчекување ќе сум, а јас напротив гледам што е можно повеќе обврски да симнам од грбот дури дојде денот за пораѓај. За два месеца од сега здравје Боже,ќе сме сите 5 на купче, па за тоа време собата на дадите ја спремивме, јас семестар исчистив на факс, сега уште часовите вожња да ги извозам иии бебе може да дојде
Може ќе стасам и да полагам,а може и не, ама барем теретот ќе е помал кога ќе знам дека 50% ми е завршено.
Неделава и двете моми ми беа со стомачен вирус, големата на инфузии 3 дена, малото со сирупче помина. Доброто во цело лошо е дека барем позачести на нокшир,неќе пелени, она и претходно се бунтуваше сака или на нокшир или на адаптер, ама сега апла сака да ги извадиме.
Многу сок пие па цело време е во купатило и спази, ме брка и ми ја затвара вратата и ми вика "мама бегО,мене чишшш,мама не"
Си бара приватност девојката.
Прославивме 2ри роденден,во домашна атмосфера со неколку пријателки со дечиња,моите и сестра ми со зет ми, не ми се праваше поголем ради вирусите. Арно ми се здрави овие два месеца, вреди да сме изолирани.
Прааави најдобри другарки се станати сестричките.
Сè прават заедно, една без друга не можат ни да јадат,ни да спијат,ни па се бањаат ако не се и двете стиснати во кадичка
Многу ми се мили, леелеее коолку ми е криво што се нервирав и дерев коа беа помали..
Сега со третото поинаку ќе се трудам да бидe, ни љубомора да се осеќа ни ништо, ма да мислам нема да ме рецкаат мене многу, главна тема ќе биде бебето. Малата ме тера да и покажувам од кај ќе цицало, и кога ќе ја прашам сакаш и ти-ми вика БЉАК!
Јас едвај ги одбив и двете,они вака

И така,ве ѕирнав брзински, колку да не сум без ич.
Вечер на контрола да го видиме бебуш колку пораснал, па малку на вино и љубов да завртиме со мм
Останете ми добрииии, се читаме во наредна прилика

 

Јованке, дај една медаља! За 2 недели 800гр качени Не дека мајките што не дојат не се за медаљи, за друго е мојава медаља, за бабите што викаа дека не цица, дека е гладно, дека не ми е квалитетно млекото, дека немам млеко само си замислувам... и не, не го правам ова за нив, за него го правам, само убаво ми е на душичката што им докажав дека грешат Јас и бубата моја денес ќе си прославиме Валентајн ипол, има да се гушкаме цел ден. Љубов на мајка Ќе им направам денес благичко, ќе ги части мајка за на Бејби и мама успехот. Знаете она кога ќе ви кажат нешто дека добро сте го направиле па горди, горди, ви иде да си пукнете од убавини, е така јас. @Chanell* добро се појави, твоите ли ги викавме Цицо? Епа сеа мојот е, заљубен во цице, кога ќе го види залет зима

Љуби га мајка па е искривен во рамениците и има вдлабнување на градниот кош, треба на пливање да го носиме, е за таму тргни добри 50е месечно, ни вика една другарка Ај бабите ќе платат, ооооо ако чекаме од бабите ќе се начекаме. Едната знам дека нема, другата знам дека има и не знаеш што да речеш, ама ако, ќе изгураме вака па бар нема еден ден да ни речат Јас платив, плаќам, да ми е мирна душата.

Доста беше, одам кафе да ставам, се мислам да капнам малку мишоморче за домаќинот, како ме нервира, ми иде со стапчиња за кинеско да го задавам. Добро и вашите мажи како стареат така будалеат?

 

@AngelOfArh Моите моите, заљубени во Цицо, големата го гледаше Цицо како другарче, па сакаше да го гушка,да и седи во скут и штоуштене
Во последниве 5 год,4год доев, сега после мала пауза пак одново се враќаме на старт
Грбов да може да прозбори,тешко ми се пишува
Ви посакувам и вам успешна и доооолга доеничка приказна, знам колку се најубави тие моменти

 

Хелло мамички.
Бебе мое спие, а јас кафе пијам.
Сабајле јадеше круша и неможам да верувам колку брзо порасна. Веќе е 5+ месеци. Надвор сонце, а мене глава ме боле сакав да излезам ама најверојатно ќе прескокнам денес.
Имајте убав празничен ден.

 

Ова важи и за тие што им е првото инает, темперамент кој не знае за одмор и плачливо? Ако второво е бетер, а не верувам дека може побетер тогаш не знам како ќе не биде ​

 

Живот една недела дома со бебе и мало дете.

Шаренило од емоции секој ден.
Првите дена беше повеќе љубопитност и неутралност, следните веќе реакција на плачот, имитација на некои гестови, грчкања, звуци на бебето.

Особено малиот реагира на звуците што ги прави бебето. На цицањето многу не реагира, само гледа од страна. На плачот многу реагира, имавме две ситуации кога со дробни солзи се расплака, го оставив бебето, го гушнав и се смири. Цело време кога плаче, му кажувам дека бебињата плачат и така нѝ кажуваат дека имаат некаква потреба. Некогаш си велам џабе зборувањето, исто ми се фаќа, кога треба да сфати, ќе сфати.
Ама најмногу ме костреши што ептен надвикнува кога плаче малиот, значи почнува да м'мка на секој негов звук и не запира.
Знам колкава промена му е, колку сето ова е премногу за него, ама не можам да дозволам на глава да ми се качи. А сакам да внимавам на него, да не е повреден од мене, да не го кочам, ама секогаш не се може. Вчера дојде во 8 вечерта од кај баба и почна со количињата дранг дранг е па морав да викнам. Се разбудуваше бебето од звукот.

Од друга страна, на двапати го зедов мали и му го доближав со лицето на неговото и фаце имаше како да му е мило, интересно, му велев чекај да те допре, меко е бебето и тој се смешкаше. Инаку сам не му пристапуваше првите дена. Мене еднаш ме виде како го галам по коленце, и тој пушти раче да го погали.
Засега значи се штити од звуците и плачот на малиот, тоа му пречи. Понатака здравје, ќе видиме што ќе откачи друго. Да останеме присебни сега!

 

Бебе нека спие во галама ако сега не спие, оти на секој одсечен звук ќе се буди. Јас со малава исто правев, пушти тв, миев чинии, лупав и си спиеше мирно, аа еден член на семејството гасеше све и ќутеше, е тогаш ако станевме од кревет ете го разбудено.

Не знам ама мислам дека иако се мали, доста се способни да разберат, така да ти продолжи со објаснување и константно зборување што бебе бара и зошто плаче. Немате ли опција за градинка? Мислам дека еднаш пиша ти дека не оди. Мојава е печена, препечена за запишување и седењето дома со возрасни ги иритира верувај, ама доколку не се среди со маж да ми дојде Аут додека се породам, ќе гледам да ја запишам Мк и периодот цел додека се средиме да сме тука и да си тера со нејзини обврски.

 

Нема учење на гласно и светло, до бебето е. И јас мислев дека големиот сум го научила ама не било така, такво било бебето. И ова и големото исто постапувам, пуштен тв, шумови, работам нормално, ама бато спие и топови да пукаат, ист беше и како бебе, а ова од крцкање на вратата се буди. Особено ако не е заспан на време, има да не изеде живи, се му смета, вознемирен е и се штреца.

 

Ми се спие деновиве, ми се плаче. Се осеќам како робот, стани рано, заврши 1083849 обврска, работа.
Син ми е во некоја фаза, ако не го погледнам како он сака, одма да плаче.
А и со татко му е приврзан премногу и на него му ги прави истите работи.
Малку кај мене малку кај него лигушкање.
Не знам дали ми е времето депресивно или ми е некој период ама ми е доста лошо.
Панични напади многу чести, многу малку слободно време...навечер ми се спие, а до касно не можам да заспијам, сабајле ми се спие, а не можам да останам да спијам.
Ми треба малку одмор од животот, you know what I mean?
Ај си викам, ќе помине, момент е

 

Дај Боже да се спротивни, оти како што кажав првото ни е немирно и плачливо, а не спиеше со саати како бебе,само кога ќе заспиеше повеќе сакаше галама, иначее некаа се спротивниии тоа сакаме, само да не е бетер

 

Ќе помине.
Го мантрам тоа секој ден, и некогаш ќе помине.

 

Te citam i kako jas da sum go napisala ova

 

Ме опиша мене.
Денове буквално жибуркам дома. Мали пак ми е болен, не може една цела недела да отиде во градинка.

Некогаш си викам отказ ќе си дадам налет и пари и се, неможам веќе секоја недела да се борам со вируси.....

 

Оти сум толкав носталгик и лигава и плачка??
Признавам, преголема.
Седам со бебе сама, другите се на роденден. Си разгледувам слики од лани, кога ми беше помал син ми, од патувања заедно со него и си викам колку супер ни било на тројцата. Сега кога пак шетање, како ќе се организираме со две деца, и прашања до бескрај.
Не знам јас едноставно да уживам во моментот, сега.
Ама стварно ми фалат моментите сами тогаш, целото внимание само кон него.
Зошто упорно се осеќам како да го изневерив?
А потоа следна мисла, па ќе ми беше неисполнета желба ако не се обидев за второ дете.
Се осеќам и преплавено и само чекам подобри психички денови, како во кафез се осеќам. Продолжен престој дома, доење на повик и одбројување до славните 40 дена и голема молитва. Некако кога ќе поминат, како послободно се осеќам, како некој преоден период ми се. И за првото така ми беше. А потоа следува пролет, па се надевам на потопло време и прошетки.

 

Спие во галама засега, покрај големиов нема друга можност.

Инаку за в градинка не оди, тоа сум на мисла кога да се пушта, како ќе прифати. На повеќе нишани сум ориентирана, не знам што попрво, а мали деца нејќат брзо темпо.
Сакам и детската да му ја сервирам за скоро, и в градинка да тргне, и пелените аус и така.
Ама полека, не брзам.
Сега ми е битно во градинка, зш и мојов сака деца, мислам дека му треба детско друштво, иако не се впушта во игра, туку гледа прво од страна, а со познати сака да игра. Нормално.
Ама не знам кога е погодно време...

 

Добра ви вечер.
Немам многу што да кажам. Се чувствувам емотивно скршено, али се трудам за мечево да издржам. Тој среќичка мала, многу сака деца. Викендот бевме на игралиште зашто "дете баоо". Играа фудбал некои дечиња од маало. Многу им се радуваше, аплаудираше цело време, а кога завршија му дадоа и него да шутира. Овој кога се расшутира, натаму наваму со топката, гол им даде. Јас пресреќна, синот фудбалер ќе станувал, он јадниот сигурно не е бил ни свесен шо се случи. Ама битно убаво си поминавме.
Во последно време си има една лоша навика, почна да се качува по маси... Можда ќе речете јас сум крива, му допуштив, ама ако не му дозволам да се качи, ќе вришти пола саат без престан (не преувеличувам). Затоа неколку пати се избања со мојата чаша вода, еднаш истури сок, али битно тој нема паднато. Знае и да си земе маркер, па го бои ѕидот, или па "игра оро", т.е скока по масата. Многу се радува, греота ми е да му го скратам тоа задоволство... Додуша сакам да почнам да учам како да поставувам граници со него, да му кажам "не" и да си стојам на зборот, али мислам дека на 1год 5мес уште е мал. Или можда грешам.

 

Јутар мајки!

Главоболка упорна и напорна откако сум породена, овој пат левата страна од главата и напред кај челото, не сум уморна, ниту сум нервозна нешто, едноставно ме боли. Дремеме во дневна после цицање, вчера око не склопи, денес ваљда му е денот за спиење. И нека спие ме чека перална за пружање, нова за пуштање и негови алишта за перење на рака зошто се какани, пред да ги пикнам во машина. Вчера дојде баба му после 2 недели и го виде во право светло, викачко светло. Љуби га мајка.

Туку сум направила една Чупава ката, една вкусна, ама препечена и подзагорена. Ама многу вкусна. Ќе се изеде, не дека не ама мака ми е повкусна ќе беше ако ја печев таман.

И така, работава по дома нема да рече чекај да ти помине главата, дај да се фатам за работа. Убав ден!

 

Сега дури го видов постов, затоа не пишав..
Мислам дека убави совети ви дале членките- во однос на тоа да не се прават споредбите меѓу децата.
Тоа е прво- да се внимава какви пораки им се даваат на постарите деца.
Ако се прават споредби, макар и тоа да се прави на некој индиректен начин, ќе се створи компетиција меѓу нив или ривалство. Децата ќе се борат за да добијат што повеќе одобрување и внимание од возрасните (т.е. награда/пофалба).
Второ внимавајте и на времето што им го посветувате. Да е сразмерно колку се може и да е навремено. Односно да му дадете внимание и да му посветите време на постарото кога него му е потребно.
Децата колку се помали од 3-4 години се на ниво на когнитивен развој на кое не можат да разберат дека другиот се осеќа поинаку и различно од нив самите или дека има поразлично гледање на нештата. Односно уште не се научени на емпатија.
Кратко речено, не му е гајле дали се мама и тато уморни, за него неговите потреби имаат приоритет.
Ако се обидувате да ги фатите на сочуство, не само што нема да ви успее туку може да го гледа само како на уште една пречка до задоволување на неговата потреба или како фрустрација.

И @gjoker4e убаво објасни за регресијата во однесувањето која се јавува кога ќе дојде приновата.
Таа е исто дел од таа борба за внимание од родителите и знак дека се чуствува некоја љубомора или запоставеност. Објаснувањето е дека го имитира однесувањето на бебето во обид да добие поголема афективност од родителите (а која гледа дека му се дава на бебето). Како растат престануваме да ги мазиме толку, ама со доаѓањето на бебето забележуваат дека има разлика во однесувањето на родителите кон двете деца и се чуствуваат како да се во понезавидна позиција од бебето.
Затоа некогаш помазете се и со поголемото- до граници што се прифатливи за возраста, нормално.
Не мислам да му дозволите да цица или да му вратите пелени, ама може да се испее и на него приспивна песничка, може галење и милување, и сл.