Мајчински муабети (не е за барање совети)

Е многу се нервирам вака. Добро зошто прават луѓето деца ако не планираат да ги гледаат? Затоа што така треба? Не е срамота да си кажеш не сакам деца, не ми треба таква обврска. Поарно без потомство да останам, отколку животот да им го уништам, а во случајот и загрозам. Бабите се за да поиграат некој саат со детето, не за да го гледаат по цел ден. Јас бев сведок на блиски, секој ден по 10 саати ги оставаа кај баба и дедо. YouTube на најјако беше уклучен. За дете во интензивен раст беше премногу пред екрани.

Некој спомна погоре, и јас исто секаде одам со моето. Не напнуваат кога ќе сме пазареле да го оставиме, ама се што можам да правиме заедно, ќе правиме. Знаев кои обврски ме чекаат кога го правев и од што се ќе треба да се откажам. Верувам дека со две е потешко, секако на секој му треба помош, ама по цел ден оставање некој друг да ги гледа е страшно за мене.

 

Мислев на тоа јас да имам второ, не знам дали може да е второто попалаво од првото. Затоа што првово е струја и сум навикната на хаос бомба.

Е јас знаев дека гарантирано не сакам таква хаос бомба од мала разлика меѓу деца. Тоа е лудило на најјако. Врв мислам е кога се двете болни. На другарка и фатија сипаници прво едното, па второто 20 дена по првото.

 

Да, тотален хаос. Не знаеш кај си, кој ден е, кој сируп за кого е, дали си јадела, кога последно си спиела. Триста аларми за будење, лекарства, термини за лекари
Моите фатија на 16 дена разлика сипаници и еве ги константно болни. Заборавив каков е нормалниот живот.

 

Отсекогаш сум сакала да бидам летна трудница. Си мислев наври фустан и лабави си, прекул е. Епа си ја повлекувам секоја помисла, ова било пекол. Тоа го вели најзиморливата личност на светов шо постои. До лани се покривав со јорганче сред лето, сега се потам под клима.
Еее животе, сармо растурена.
Пукнав за сарма да јадам, затоа и муабетов.

Следнава недела ќе одиме на одмор. Уште не ми се верува како успеа маж да ме убеди да одиме на овие жештини, ама сѐ ми се чини дека одморов ќе го преседам в соба, под клима. Освен ако не ми се види многу арно покрај море.

Туку, сте виделе негде купачи за трудници? Да не лутам, на прво да влезам и да купам сакам.

Денес сабајлечки бевме кон Пелистер, да подишиме воздух и да се освежиме. Бевме со кумовите, пресреќна сум што децата многу ни се сакаат и си играат заедно. Постојано се гушкаат, премили се.

Со градинката не бидна ништо, го повлековме дома веќе 2 недели. Не можев да го издржам повеќе притисокот од тантрумите и ноќните терори. Чувствував како да го изгубив детето и се изгубив и себе и се изгубивме со маж ми. Толку беспомошни не се сеќавам да сме биле некогаш. Дај Боже да не се повтори, никому, никогаш.
Нека помини одморот, па здравје од август ќе комбинираме. Малку градинка, малку едукативен центар, после в парк, ќе го поминеме некако и овој период. Па се надевам дека од септември ќе му е подобро, со друга група и со други негователки. Дај Боже и во друга градинка, тука условите се многу лоши.

@Skyler читајќи те низ темите, мислам ич да не си фаќаш работа со тие луѓе. Шо сакаат нека си прават, на крајот на денот тоа е нивно дете. И вака и така ти ќе бидиш погрешно сфатена, јас мислам најдобро ти е да си стоиш на страна и да се правиш дека ни си видела, ни си слушнала.

Се изнапишав, а ништо не кажав. Ќе поредам онлајн сложувалка дури ми дојди сонче.
Имајте добра и спокојна ноќ мајки.
Гушкајте љубови најголеми.

 

Повлечи го муабетот @IRBBB за трудница во лето. Синко уште малку ке полни 4, па ти пресметај. Дебела предебела, отоци на нозе и бебе од 4+ кг. Кога фрлав памперси ми се вртеше во глава.

Во врска со градинка, имам скоро па слично искуство. Не сака да оди и крај. Ке пробував пак во пролет ама јас зедов алишта тој почна да плаче панично. И баталив. Му кажавме дека ако мама има работа во момент ке се игра сам и така е. Комбинираме со маж, баби понекогаш и најчесто си седи во соба негова и си игра, си доаѓа до мене за муабет и јас привршувам со работа.

 

Повлекувам Мила, ако се решам за трето, ќе го токмам пак пролетно дете да е, да го прескокниме летото.

Јас имам опција за да го чувам здравје додека ми трае породилното со второто дете, ама искрено не ми е во план. Знам дека ќе ми биди претешко сама со двете додека маж ми е на работа, а и најискрено, многу сакам да оди заради самиот себе. Презатворен е и преемотивен, мора да му дадам шанса да излези од комфорт зоната. Се надевам дека ќе се погодат негователките, а и тој дека ќе се пронајди. Ако пак не бива, ќе бараме алтернатива, тоа е.

 

Spoiler

@IRBBB еве го мојот пост за летна трудница, напишан лани во јули Многу е тешко летно време, ајде со прво дете ќе лежиш под клима ама со тодлер брррр.
Инаку, бидете особено внимателни со почнување нови навики кога ќе дојде бебето. Кај мене се беше успешно ама има и поосетливи деца. Мојот почна во нова градинка, се одвикна од пелени и почна да спие во детска. Не знам со кој памет го направив тоа ама имавме среќа изгледа.

 

За спојлеров се изнасмеав…
Може не е за смеење во однос на бебето ама оваа мајкава чим е ваква само проблем ќе си направиш ако кажеш што мислиш а недај боже како треба…
Некои жени не заслужуваат да бидат мајки, се почесто сум сведок на тоа…

 

Постот...
Слично ко кај нас, само шо син ми ми легнува на перницата за трудници од едната страна, па местенцето мое е за гревотно.

Се трудиме многу, ама без форсирање. Никогаш не сме го форсирале за ништо, верувам дека нема ни во иднина. Претпазлив е многу и сака да оди сѐ бавно, во негово темпо. И искрено кога веќе ми дава знаци дека му е премногу, морам да повлечам назад. Тргна во градинка во мај, план ни беше да се адаптира додека се роди бебето во октомври, здравје, ама ем тој со голем отпор, ем нула соработка од негователките. Кога ни раскажуваше како поминал во градинка, едвај чекаше да дојди до делот 'и дојде мама/тато ме зеде'. Се помиривме со плачки на сабајле, со убедување навечер дека не сака да оди утредента, со пречекување во ходникот од градинката, со липање кога го земаме..ама кога почнаа тантрумите, па толку страшни и драматични тантруми, такво врескање по цел ден, буквално, ама буквално без престан, комбинирано со ноќни терори, стопиравме. Цел револт му беше кон мене изразен, веројатно се чувствуваше како јас да сум го предала. Баш и во тој период почна да ми се крати цервиксот и не смеев да го кревам, некако сѐ наеднаш се собра.
Само да не се повтори.

Соба му направивме скоро, ама таму игра само ако седи некој со него. Сам не. Битно тоа му е 'мојата соба'. Барем имам нормална дневна сега, без играчки, за тоа се радувам.

Друго што ќе иди, ќе се снајдуваме. Нека нѝ дава Господ сила само.

 

@Skyler јас добив "совет" од патронажната сестра да го дојам бебето 15-20 минути. Дури и ме искара зошто сум го доела по саат време тоа премногу било. Така да ништо чудно и тие да добиле некој таков "совет" од нашите стручни/нестручни лица. Јас секако дека не ја послушав, не ми даваше срце да ја прекинувам. Поготово какви фацички слатки правешенкога почнуваше да цица како нешто многу вкусно да јаде, така мхх мхх.
А можеби на поинаков начин се манифестира депресијата, не мора да значи дека ќе се примети по однесувањето. Ама па тоа е некако друга крајност, јас на пример премногу се запоставив, прв пат излегов после пет и пол месеци, и тоа не е добро да не се грижиш за себе, само што јас и ден денес едвај постигнувам. А секако свекрва ко свекрва гледа само да го грабне бебето и е гајле. Којзнае и ние дали ќе бидеме такви.
А помош и те како треба, барем два пати во недела да дојде некој барем саат време да ти се најде, да не си постојано сам... Ама решив веќе да не се жалам и си ставив во глава дека сум силна и дека не ми треба никој.

 

И мене ме фаќа страв ептен, прво требеше да има ОП априлов ама јас трудна и одкажавме датумот, тука фебр тек имаме термин, а знаеш колку има страв од доктори, почнавме да ја носиме со влечење, липа, плаче, како ќе не биде 2 дена на болница не знам, ни рекоја дека ќе испие течност за смирување и дека нема да прави проблеми, поголем дел ќе спие ама ајде ќе видиме. Многу и се неа големи, мириса устето ужасно, нон стоп е со секрет, дала Богу не сме со антибиотици. Јас ќе пробам со тој сируп, го даваат и на деца кои немаат проблем со крајници за имунитет, а велат дека ги намалувало крајници на тие што имаат.

 

Ај и јас да пишам нешто на темава, ве читам за летна трудница, може Господ погрешно ме сфати јас сакав летно бебе не да сум бремена во лето ноќеска значи ненаспана нешто посебно жешко беше, на секој саат станував за вода, на крај земав едно шише до мене. Цел ден сме под клима надвор не се искача во никој случај, на работа одам здравје планирам до крај, ај таму барем свежичко е, гледам да не се заморувам, колегите разбираат топ ми е засега.

Тукууу денес за прв пат моите го земаа син ми на гости на 1 недела, замислете 3ипол години не сум одделена од него, освен што одам на работа, за спиење ми беше муабетов.. амаа викам ај да се привикнувам и јас дека за некој месец ново бебе, јас во болница пак ќе треба да го оставам.. нејсе, син ми гајле нема он жив радосен ќе одел кај баба и дедо сам на гости без мама и тато. Јас сум преемотивна се чудам како ќе ја поминам неделава без него, чудно ми е знам дека убаво ќе си помине, ќе го играат, шетаат. Дури планираат на одмор да го земат со нив во друга држава бидејќи не се знае дали ќе одиме ние на одмор во план сме да го пуштиме, туку кога веќе спомнав кај се вади полномошно да оди со баба и дедо, во полиција?

Јас денес генералка правам на раат цела куќа да ја светнам. Чистам со доместос, арис де грас се надевам нема да има штета врз бебе

 

На нортар мила се вади, па после преведувач. Туку, алал да ви е што пуштате, јас не би ни ни една вечер хаха колку и да ми е преетешко сама по цел ден со двете, тоа не би можела. А свеки направила план да ја земела Нина Мк кај нив без нас, мало сутра. Уживајте чим децата уживаат

 

Ох немаш појма колку ми е мака, со тешки сили се натерав да го пуштам.. а сестра ми гајле нема она и двете ги има оставано на чување, дали дека ние сме во друг град и потешко ми е. Со моите знам дека ќе му е супер, да беше свеќи у прашање немаше шанси ни да помислам

 

Здраво мајки

Кој не родил/носел во поодминати месеци дете во лето не осетил што е права жештина. Затоа после второто го местиш или зимско или пролетно дете да биде. Еднаш сред лето ќе родиш, втор пат не. Кога ќе ми текне нозете колкави ми отекуваа, па и цела бев потечена ама јас си се гледав убава
Завршивме со родендени, прослави сега на ред е да одболуваме сите. Колективно со мораксела се дружиме. Да се дешава нешто.
Бебево со стекнат имунитет од болести од градинка ќе се роди

Чувајте се и седете под клима, друг спас нема за овие температури.

Ве поздравувам

 

Помина првиот роденден на мојот цицољуб. На денот на роденденот високо кренав чаша, наздравив за себеси и си честитав. Си честитав за сите моменти кога останав смирена, а сакав да врескам; за непроспиени (точно до денешен ден) 1003 дена во континуитет; за моментите кога двете ми биле болни и плачеле да ми се во раце; за беспрекорно чист дом; за правилно паѓање кога два пати се онесвестив со бебе во раце од умор; за константно болна, ама никогаш залегната; секогаш позитивна пред моите деца, а во душа ми се плачело; за многу осамени моменти, ама никогаш сама...за мене и за сите мајки кои првата година се чувствуваат како нула, ама вредат милион.

Spoiler

Маж ми замара за трето дете, ама јас со задоволство ја напуштам тема бебе засекогаш.

Допрва убавото доаѓа.

 

Еве сум со 2ро, 34та недела да знаев дека било олку тешко летна бременост и тоа вака поодмината немаше да се опуштам зимата со мм првото зимско бебе декември родено далеку полесно беше, бев трудна во лето и тогаш ама помали месеци, подруго беше. Сега само под клима функционирам, на работа до 31 јули сум па одмор земам, одвај чекам
Се осеќам огромна и тешко ми е се ама ќе се издржат овие неколку недели, мора
Синко 4 год и 7 месеци го спремаме за братко полека со муабети ама ќе биде љубоморен знам
Нека помине царскиот само, сега тоа ми е мисла, страв ме фаќа

 

Сме се смениле со сезоната на бебињата мама. Нашето го чекаме во декември. Далеку полесно е 5 месец во најжешкото него 9ти дефинитивно Ама ние жени сме се можеме и да издржиме и да истрпиме.
Светот на рамења да ни го стават ќе речеме ајде дај уште еден на едно носење да ја завршам и таа работа
Со лесно нека ти е, се ќе биде супер.

 

Фала со лесно и тебе и на сите трудници тука, држте се