Мајчински муабети (не е за барање совети)

Еве суммм Ѕверка заспа, па да шкртнам детално.

Другарки, не знам од која материја е направена ќерка ми ама 4ца возрасни без душа останавме од нејзе. Дедо ѝ највеќе. Јас и татко и не постоевме овие денови, со него спиеше, со него се бањаше, уште во веце што не му се напика на човекот. Го гледав дека му е тешко, 17км мислам дека во последните 17 години нема одено ама, цитирам: "Гледај го какво е, како да не му одиш по ќејф" Како? Дај ми ја мене, ќе ти кажам како Јас и објаснувам зашо вака треба, зашо така не треба она оди во дедо ѝ со еден жален поглед мислиш сум ја скршила од ќотек Си го врти на малиот прст
Тој па за еден одмор и купи мало чамче, па ваква играчка, онаква играчка и на крај се живо мене ми тупнаа да си носам дома. Јас дома не знам моите работи кај да ги чувам веќе, уште чамец ми фалеше бе

Среќа за јадење не се молевме и колевме. Детево не е веќе веган/вегетаријанец, не знам ни што беше. Стана месојад Ама тоа дека сржав на моите да не ја нудат глупости, туку тоа што јадеме сите. Денот нека влезе во историја, ме послушаа. Се согласија дека не може да јаде глупости, замислете оти јас ќе сум си имала мака после. Трубеше Луна една година претходно истово ама додека не дојдоа на моето, не ми признаа
Мала победа за мене

Една неубава ситуација на плажа - ми се запна еден дедо, човек у години да сум го соблекла детето голо. Викам оти, која е потребата? Па моите внуци голи се шетаат. Викам па ова не е ваше внуче, мое дете е. Јас како сакам така ќе го изнесам на плажа. И одма јас сум го малтретирала детето, не знам што не знам како. И ми прекипе, му викам па шо не си ти овде со голите внуци де, па сакаш моево голо да го гледаш? И ќути. Маж ми вика не се расправај, ама мене ми се одврза јазикот веќе. Му изнакажав све и свашта, од педофили до киднапери ситуации и на крај старото дртало ми кажа дека модерните родители се ненормални. The what? Ми го крена притисокот 200, ми се идеше да му ја пукнам една жими се.

Ќерка на плажа другарки, како да ви опишам. Песокот беше забранета зона, си ставаше облека на песок за да гази по неа ако сака да помине некаде. Окс, и работи лејката. Ќе се снајде во животот ајде Со водата се сакаат, ама не до толку да вришти за да не излезе. Брзо се уморуваше, па немаше изгледа нерви да се караме.
А кога сме кај карањето, мамето нејзино цела е на мајка ѝ. Па тоа се кара, вришти, објаснува со рацете, па дава некои остри погледи.... Маж ми кажа ќе си бара чаре да бега од нас ко ќе се скараме. Хах, со среќа мажу.

Е сега ќе ја ресетираме малку од моите, се согласивме сите дека многу време поминаа заедно и дека е размазено теленце станата. Онака беше бесна, сега е лигава. Фабрички ресет ќе правиме и ќе ја враќаме во градинка

Се вративме во Скопје, а од понеделник се враќам на работа. Си го оддржав ветувањето, не отворив ниту меил ниту ништо, осеќам ќе ме акне некој шлог понеделнички. Ама за тоа ќе мислам тогаш

Гледам за дијалекти сте збореле, веројатно знаете Штипскиот каков е. Епа кога зборам дома штипски, и маж и ќерка и мачката се чудат што сум кажала. Детево ќе мислело дека зборам на друг јазик - зборови на маж ми.

Еј ова стварно долго испаднало. Кој чита до тука, го сакам

 

@LiquidLuna и јас помислив дека очајно ми треба дедо, баба, ама брзо се предомислив кога ми излегоа слики како би изгледало со нив.
А ова со голи деца по плажа ич ама ич не го сакам. Кога ќе ги видам така голи па седнуваат по песок и секаде одма инфекции ми се вртат низ глава. На дедото му било досадно па да си помуабети со некој

Туку да си допишам мене кој момент ме напна. Пријатели со кои тука се гледаме одвреме-навреме (не сме премногу блиски, возраста на децата не врзува) разбраа каде сме па да дојделе да се "дружиме". Им објаснувам ситуација дека во местото каде што сме нема гости од надвор и јас со малиот на плажа многу не седам. Па што имало врска, па каде да ручале, па кај да се преслечеле, зошто не сум ги дружела...
Само јас сум чудна или луѓево се нападни?!
Овие 10 дена ние сме конечно сите заедно и ги чекаме цела година. Не сакам да пречекувам гости кога сум на одмор.

 

Во еден здив те исчитав затоа што ти го обожавам начинот на пишување и раскажување

Се наежив од стариот дедо кој побара да го соблечеш детето Јас воопшто не поддржувам голо дете на плажа, па колку сака мало нека е!

 

Не си чудна, луѓето немаат осет за приватност. На нас ни се закачи еден дечко, абе минута не нѐ остави, ти се верува? И во вода со нас доаѓаше. Многу беше досаден. Имал апартмани таму и селска алапача беше. Сите ги оговараше. За сите се ни кажа. Аман, остај ме да пливам со маж ми

Awwww душа си ти

Ич, ама ич не ми се допадна тоа што го збореше. Многу језиво делуваше.

 

Ај добро вечер, ако може утешете ме дека после 5тиот скок многу ќе ми смени детево... Значи невозможен е жими сВе... НЕВОЗМОЖЕН, ќе полудам јас мајке ми. Дремки по 15мин (ај тие и пред скокот такви му беа) ама ова навечер е лудило.. еве го сега заспан од 8:30 до сега 5 пати стана и цицнува 5мин и одма презаспива.
Се буди со вриштење, заби уште нема ама гледам надувани ко да му се па и тоа капак.
Па кај ова во скок и кај другиот синко место терибл ту кај него се терибл три, тантруми пуштени на најјако со трескање од земја, мавање глава од под со се...
Е тука е и ќерче на мајка да не остане покусо бетер од тинејџерка е мислам дека, ко во пубертет да влегува а далеку е од тоа.. ништо не слуша, на секој збор мора да врати, се занесува...
И врв на се, маж деновиве нешто турбо со работа па мене мамата ми ја расплакуваат тројцава по цели денови сами
Дојдов, видов, си се пожалив

 

Аман од секој еден што нема попаметна работа туку знае како треба и што треба да прават другите.
Не ме чуди секакви луѓе има меѓу нас и педофили и манијаци и се.
@tanjaaa Нападни се и немаат осет!
На одмор се оди да се одмори и тоа е тој период кога се посветуваме на семејството а не на небитни луѓе.
А посебно па со некој кога ќе се сретнеш таму па као еее ајде да се дружиме, извини ние у Скопје не сме се виделе и не сме седнале а што е потребата тогаш тука

 

Седам в кревет и додека скролам на мобилен, како некој натрапник со пригушена светлина од блицот јадам сладолед, а до мене спијаат син ми и либе. Одеднаш маж ми со потег од акционен филм го граба синко, скока од кревет и бега кон вратата и едно време ни се наоѓаат погледите и почнуваме хистерично да се смееме. Ми вика сонував земјотрес, не ми се смеј, шо прајш ти со кутија сладолед в кревет? Не можев да се соземам од смеење, а чоекот го врати детето на место, си легна и еве ги грчат двајцата ко ништо да не се случило.
И дури ја преработувам дешавката ми текнува дека ако навистина имаше земјотрес, ќе ме оставеше да спијам.

 

Ја замислив цела ситуација и многу се смеам
Инаку, сигурно немаше да те остави да спиеш ако имаше навистина земјотрес.

 

@LiquidLuna и јас те исчитав до крај и ја обожавам твојата малечка иако не ја знам сакав да ти кажам дека ја разбирам за песокот, а бре не ми се иде на море од тој песок, идам се бањам у море се враќам на лежалки и тоа грдиот песок кога ќе ми се залепи ми иде стапалата да си ги откорнам. Ако има туш одма мијам се од себе ама проблем до лежалка пак се лепи, па полнам вода во шишиња да измијам нозе да исушам со крпа и толку, завршувам со пливање и радије би 6 книги да прочитам и да се печам на сонце него пак да се малтретирам некое песокче да не ми се залепи. А бе нервоза ме фаќа само што го пишувам ова
Кога имав едно 2-3 години на одмор у Дојран паметам еден ден сакаше татко ми да не слика, и ај застанете тука у тревата, а ние со сестра ми боси, а бе ме боцка тоа тревата ми се плаче. Ја имам сликата, намрштена сум како да сакам човек да убијам. Значи и трева мразам. Уствари се мразам да газам боса. Дома уште што не спијам во влечки, и тоа исклучиво гумени, оние папучи не трпам на стапала и тоа ме нервира.

 

Што сме денес, сабота. Па сосема нормално е да сме станати со авионите за комарци што прскаа од 6. Во работни денови се успиваме за во градинка ама викенд не промашува рано станување. Зошто бе Марфи другар така?!
Сега денов два дена ќе трае, ама тоа е.
Оваа недела сами се чувавме го пуштивме таткото на пат. А бе златен беше. Толку послушен, еднаш не закенка за нешто. Се чудев ова ли е истиот багабонт. Се ресетира за секунда. Само нека му потрае добрава фаза. На маж му викам ќе видиме дали ќе те примиме назад очигледно ти си bad influence Кога ќе се здружат уште на лустер што не се качуваат. Збеснуваат и двајцата, не знаеш по кој попрво да викаш. И вечното оправдување на маж, ама он сакаше, да видиш како ми покажа дека тоа сака. Им се заканувам дека ќе дојде мала диктаторка ако јас не успевам да ги ставам во ред она ќе уведе ред сигурно. Или жуто комбе за мене
Вчера желба за планина ме фати. Ама кога ми текна колку е комплицирано се поврзано со патување и прилагодување на нова средина одма ми помина.
Успеав да се исценкам за 5 дена одмор во септември. Иако знам дека ќе се умор. 7 дефинитивно многу ни се, сафра не фаќа сите од се.

Викендов на два детски родендени сме. Среќа се кратки инаку дете пре би во маркет да оди да си пазари него во игротека. Ич ги нејќе. Дали му се многу стимулирачки, гужви деца, не можам уште да откријам. Затоа сите маркети и локални продавници наши се. Два саати може да шета по рафтови и да разгледува. Ќе си најде нешто по негов вкус и правец на каса. Чека ред, остава на каса да му куцнат и си го зема, искача. Пресмешен е.

Да ставам по едно кафе за добро утро и убав ден додека сум тука па да правам план што со денов.



Ве поздравувам

 

Почастете се. Славам 27мица денес @Mom's_life ставила кафе, инаку коктели ќе пиевте од мене

 

Најсреќна да си ми @LiquidLuna Јас ќе ти посакам две жар црвени цртки годинава
Уживај во твојот ден

 

@LiquidLuna , среќен роденден.

Не знам што ќе беше ова, досега по ден на раѓање гледав скокови и релативно лесно поминуваа, по ден два кенкава и толку. И така јас среќна, весела дека и 5ти скок помина ама по се изгледа не. По терминот таман е влезена во скок.
Како друго дете да имам. Ако е возиме во количка мирна е до првото застанување, било да се сретнеме со некој, или сообраќај или семафор. Е после тоа врескање додека ја држи глас. И така бебе во една рака, количка во друга. Ни диета, ни вежби. Само ова е лекот за слабеење.
Да си се посмеам на сета мака од деновиве.
Јадење исто. Ако прекинам за да ја избришам одма плачки.
Спиење исклучиво во раце посебно преку ден.

Да видиме до кога ќе трае нештово.

 

@LiquidLuna среќен роденден сестро по ѕверка, а богами по постов за расправањето со дедото и сестри по карактери сме .
Језа ме фати од муабетот најсериозно, дедо рандом да ми рече голо требало да ми е детето ауууу човече одма на педофил ми отиде паметот.
Ѕверкава моја спие, маж отиде по скара, а јас си пијам ладен нес со нозе во вис .
Епидемија од коксаки кај ќерка во градинка, таман да ја вратам. Остануваме на првичен план, нема јасли до септември, од септември тргаме во прва мала здравје.
Август ни е испланиран фул, праваиме втор роденден на два пати, за млади, па за стари, па фаќаме Грчка. Едвај чекам да се мавнам од Скопје, од работа, од рутина. Сакав и за 8ми Септември да тркнеме до Грчка ама откажав резервацијата, не ми се дреме на граница со саати, ќе идеме во МК негде.
Ќерче смешка жива е станата, кога ќе ја прашаш кај ќе идеш на одмор се дере Грчкааааааа колку ја држи глас. Иначе нели се плеткаат со прашања и совети луѓево неповикани секогаш, другарка ми рече многу ми зборело детето за двегодишно. Многу зборело еј..... зошто на друга другарка син и ништо не зборел, а мојава многу зборела...wtf...не знаев што да и одговорам и реков па и ја многу зборам се посмеавме.
Маж дојде, мие патлиџани, да станам да сецкам салата дур спие ѕверов да мезнеме.
Убав ден женски

 

Ола мамаситас!

Одмор букиран, најдовме топ апартманче на плажа во Вели Поје, се откажавме од хотел со појадок и вечера по прочитани рецензии. Е сеа ќе носиме баба со нас па имаме кукер.

Друго, мислев помина 5ти скок ама после скокот имало некое мини скокче, со црвено е обележано, нешо трипл беше, плачливост на ниво! Арно некој рече совладуваат нови вештини, еве го совладува моментално како да стане од релаксатор и да излезе, со сите сили и тоа. Језиво, ама му успева, уште да научи да се откупува и мајка јана. Забавно е. Јаде до 3 лажички и доста е, се љути, малку инат, малку карање па пак 3 лажички и доста, е тука го зимам, се гушкаме, се галиме, па назад да дојаде. Најчесто во оваа фаза јадењето е скроз ладно и он си јаде мака си нема. Му викам на маж да зеам да му го мрзнам да му давам ко сладолед, и така а јадеме сладолед он се тепа по нас. Денес му доцни ручекот јер мама праи генералка, ама не можам да стигнам се и не можам. Ако чистам нема да има ручек, ако има ручек прљаво ќе остане, ако е и двете некој мора да ми чува дете, нема се наеднаш. Сега ќе пратам маж да купи намирници за нас.

Во спална нов распоред направен, сега да најдам нешто само да го покријам дрвото од креветчето, пошто е малку пониско и се мава, белки ќе може да се спие сега раат и после прво будење односно сабајле во 5 кога станува. Голем синко почна лошо да спие, на косо, на криво, да мава со нозе и не можам да се опуштам. Ќе видиме.

Доста беше, станувам да фатам кујна па имам количка за перење. Убав ден!

Упс, за малку, среќен роденден Лунке! Ти посакувам умно второ, да видиш и ти лезет малку

 

Добар ден и од мене мајки.

Кафето е напраено, као на диета ќе бев ќе пиев кафе без млеко ама не ми оди турско..

Нели имавме гости дома, епа таман рековме со маж дека Н е многу подсмирена, се разговара со неа, можеш да направиш договор, момичево збудале со гостиве. Значит го имитират детето, приоплакува да де земе во раце, лигле невидено. И пак по старо, не слуша ништо, како на дрво да зборувам дека ќе паднит, си тера бате нема гајле, се додека не слушнам паау и врискање. Мислите се уплашила и престанала? Не не, уште појако после повторува. Има еден коњ баба моја и го купи, лом се правев за да не го нарача ама ај разберисе, 2-3 пати месечно ќе го свозит низ стан и толку, а тежок е ептен, зела да прави акробации на него, да не летнеше маж да ја задржи, ќе се искршеше цела со главата на ивица од скала. Арно само гребнатини има.

Одеше месец дена во градинка, грешка голема шо со маж мислевме пред беба да се роди, она да се навикне градинка. Неее мајки, нека се родат бебињата, па после пуштајте дете градинка, зш џабе маката.
Ја носев ја секој ден до последен пред да се породам, се навикна да оди само кога беше главната воспитувачка таму, иначе пискотници. Се роди бебе, нормално домче и беше подобро, не форсирав, за ништо до сега, не ме има болено глава ни за одкажување од вицање, ни со пелените, така решив и со градинката.
Ама не е главен приблем К шо Н не сака градинка, нешто друго е десено плус..не можи наеднаш толкава одбивност, па ми се јавија као ние сме си биле криви зш и даваме опција да бира, така е има опција ама они па ме бараа последната недела секој ден во исто време за да ја зеам оти закенкала, снајди се бе чоек

Така Нина од "нигде никаде" само речи Киндергартентен и она трескање од земја, до тој степен.

Ми се јавија друга градинка што сакав предходно ама немаше место, ми рекоа од септ имаме место вие сте на листа, дали сакате да не посетите и да видите каква е градинката. Охоо можее, бевме вчера, Нина опуштена, смирена, си црташе, играше, ја бендиса многу па од октомври после идање од Мк почнува и тоаа дечкии до 5 ќе ја оставам оти ако не се подсмири, лошо и се пише. Ме мрдна скроз овие 3 дена. Арно ќе и дојде и Мк со брачеди, со стари другарчиња, ќе се издува малу.

Бебе е супер, еве го пола саат прета глас не се слуша јас додека пишувам и пијам кафе, едино ако ја разбиди Н, а не е доспана е тогаш плачит ии ако промашам минутата за заспивање, тогаш е страшна, иначе милина бебе. Си ги нашла рачињата и сега пика во уста шо е можно повеќе.

И ние имаме букирано Грција и се надевам последна година.. забегани се со цените ама дип идаме натаму, па ќе свратиме на 4-5 дена, иначе од тука да сме директ, неее повеќе не. Букирано ни е и зимовање од сега уште стан нов да најдеме, а тешко ни иде и тоооп.

Ајде сега да подзачистам дур дада е парк, а бебе претка по играчките

 

абе какво испаѓање ако баш те корегира кажи му излеземе

мене МЕ остави да спијам
последните јаки земјотреси во Ск 18та година уште без деца тој се разбудил истрчал до влезна врата видел од ксј моите од спална никој нема и уште дрма јас се будам он се враќа веќе му текнало дека има и друг со него незнаев дал да се смеам ил да плачам

 

Здраво жени.
Досегашните скокови не ги сетив ама овој, леле мајко! Дете само мене ме сака и никој друг, цица како да го гонат, а потоа плаче дека е ненајаден, ноќеска станува по 24466974 пати за да ја шмукне брадавицата и да ја држи така, а додека да ја најде се тресе и мава раце, нозе увис како да не е јаден со денови.
Се смее и гуга, мирен, се убаво и наеднаш му текнува дека не плачел цел пола саат и почнува со вриштење.

Синоќа брат ми правеше отворање на студиото за тетовирање, таму е кај што живеат баба ми и дедо ми, па за да можеме да идеме со мм, ја зедов мајка ми и го оставив таму на неа со надеж дека ќе биде барем два саата мирен. Јок, дојде дедо ми по мене за 45 мин, одам натаму и го слушам вришти ама како крај на свет да е. Го зедов и си дојдов дома, потоа беше весел до 12, едвај го успав.

Него утре прв пат го оставам само со мм скоро цел ден. Одам на планина на моминска, кажете ми како да преживеам и да се опуштам и да си поминам убаво? Знам дека ќе плаче и ќе се труска, ама мора да свикне само мм да го смири, оти мака ќе си имам никаде не можам да мрднам.

А следна недела сме на свадба и не знам како ќе одиме. Малце ми фали да земам соба во хотелот и да ја приберам мајка ми таму да го чува.
Поради странство и неможност за доаѓање сите свадби на другарките ги испуштив, оваа ме е на најдобра другарка, со која пораснав во ист влез од бебиња сме заедно, нема шанса да ја испуштам, ќе мора човеков да преживее една вечер без мене. Него јас како ќе си поминам убаво тоа не знам.

Сега го заспав и се молам да одтане заспиен оти имам многу работи за спремање утре, а ако стане пак и го заспивам до 12, ќе се фрлам низ прозор.

 

Добро вечер
Дојдов да кажам дека на 14 месеци детево расцвета и не знае што сака. Уживајте дур бараат в раце. Денес тавчето од на шпорет за влакно ќе го турнеше и ќе паднеше врз него така вжештено. Животот ми се скрати.
Си стана господинот во 3:00 и се дружевме до 6:00.
Шо чудо е ова, тројки ли се, скок ли е, регресија.. . Ама јас ќе шизнам готово.
@1209 кога ги чува некој друг се помирни верувај. Нас ни ги тестираат нервите изглеа.

 

Јас еднаш го оставив кај мајка ми (прв пат) за да идам на свадба. Ај што заспал сам, туку и цела вечер ја преспа. Мене ми заспива само со цицање, а тој период ми стануваше на секој саат (да не се повтори пу пу пу).

Спојлер