Мајчински муабети (не е за барање совети)

Тоа му е заради бато.
И на другарка првото покасно прозбори, за второто од шо го слуша брат и како брчи по цел ден и доста рано прозбори

Иначе можеме диплома за тодлерски јазик да си земеме сите без проблем.
Чим сфатив дека Тетово значи "ете го" добри сме

 

Јас возев до пред една недела ама почнаа да ме фаќаат лажни контракции, па прекинав, страв ми е да не ме фатат во вожња. Влагам во 35та недела. Ќерка ми ја возам сама од бебе минијатурно кога беше, не сум имала никогаш проблем. На тема возењето е машка работа имам еден комшија, млад, а сељачиште да не речам, а ќе речам, жена му не вози, шовинист е тежок. Паркирам јас пред зграда, со стомакот 6ти месец, вадам ќерче од седиште и ете ти го го гледам иде накај мене со децата, и ми вика "знаеш што ми вика малиов кај се видело мајка џип да вози?!" . Ја го глеам бледо, па на шала го свртев, викам кажи му во Карпош 3 се видело.
На тема физички изглед, и претходната бременост и оваа сум сензитивна. Да не ми е маж да ме фали што убава сум била мислам дека во депресија ќе бев. Искрено не можам да се гледам во огледало. Од секогаш сум била згодна и многу ми паѓа тешко кога ќе видам колку сум поправена. Цела гардероба ми се тесни фустани и сукњи и уште од 5ти месец ништо не ме собира. Знам дека сум бремена ама пусти мозок мир не ми дава .
Ќерче е злато најнемирно на свет, еднаш неделно е под казна во градинка. Бато го чека со цело срце, само доаѓа гушка, бацува стомак, му вика бато ајде да те извадат докторите, ајде душо моја. Ќе ја изедам . Јас си плачам како нема да ја видам 5 дена додека сум во болница и така...тоа ни е рутината деновиве.
Имам уште 3 работни дена и после тоа се фрлам на перење и спремање бебешки алишта. Се друго е спремно, т.е. си имаме од дада. Да видиме дали второво ќе биде помирно од првото. Судејќи по небеснеењето во стомак, бајче ќе е во споредба со првата ѕверка.
Убав викенд мајки

 

Денес син ми ја доби најдобрата лекција во животот а и 8 ден кои што ќе му го сменат животот. Чекаме вкола со синчето скоро 3 месеци а сопругот купува овошје а џамот отворен. Врви девојка околу 18 20 год со Даун синдром поминва па се враќа: имаш бебе ми вели да одговарам. Еве ти пари за бебето ама зошто му велам не ги земам, не не ќе ги земиш бидејќи јас прв пат го гледам бебето треба да му дадам( кај нас 1 пат ко ќе видиш бебе се дава пари). Фала одговарам, таа замина ама јас се расплакав убаво некои 15 мин не можев да дојдам при себе. Колку големо срце имаат некои луѓе иако имаат малку во џебот.

 

Се ближи првиот роденден. Јас сум преморена до тој степен што се прашувам дали ќе успеам се да средам до тогаш. Крштевка, роденден во ист ден. Ќе биде весело.
Синко во последниов период на секој саат се буди ноќе, со дерење и фрлање на назад, ми се чини ќе се скрши. Веќе немам физички сила, грб ме боли ненормално многу што вечерва ќе пијам и парацетамол и диклофен.
На сета беља, не сака кај никој последните два дена, залепен ми е. Не знам кај да фатам.
Морам да почнам да запишувам уште што имам да завршам до роденденот оти почнав да заборавам од умор
А што ме извади од такт мм ми, леле... Си иди од работа, знам уморен е ама му реков де земи го детето, да подгреам млеко,по мин имаш земи го многу ме боли кичмата. И мене ме боли, ама што сум јас битна така,не смеам да кажам и да се пожалам, одма па како сум си јас замисливала дека ќе биде. Проголтав од што ако отворев уста, сигурно утре развод ќе потпишуваме.
Јас немам право ниту да се жалам, ниту да ме боли нешто, од причина што имам дете.
Доста се жалев, оти ако продолжам ќе се заборавам. Моментално од умор многу има за жалење
Одам да легнам, со надеж на подобра ноќ, и подобро утре. Добра ноќ мамасити

 

Утро од една мајка мамурна како да сум била во кафана до 5 сабајле а тоа само го преполовив купот за пеглање кој од Велигден навака се собра. Од Велигден до сега пуштив 24 машини, ги исушив, ги спастрив и еве дојде ред да ги испеглам.не пеглам се, да се разбереме. Се осеќам како да сум истрчала 15км. Утепана!

Мајкава мислеше дека денес ќе доврши се што имаше прошлата недела за чистење а не стигна, ама заборави да провери од колку е на роденден денес, па плановите отидоа јабана, роденденот е од 12 рамно. Ми се плаче! Се мислам да не одиме, да си седиме дома, да му ја легнам со Бејби, ама па ептен ни се блиски роднини. Полека се освестувам па да станам да организирам за одење. Во меѓувреме предоговорив и дружбата на бато, таман да ни остане време да средиме малку дома со бебо. Остана само тетката да ја организирам да дојде некое време да види внуци оти не ги видела цел месец. Ме уморува цел тој процес на брзање да стигнам се, ми треба некогаш малку спонтаност, ама девица во знак и подзнак, ужас!

Убав ден, убав викенд момстерс!

 

И свекрва ми е иста откоа се роди внуче од другиот син. Што се вика цел живот ја знам, и многу ок однос сме имале ама ова сега... само тоа внуче од уста не се вади, и чат пат поголемиот мој син. Малово не постои за неа. Еднаш и кажав, па се навреди демек не е така, недоразбирање било. И сега нит идам, нит ја викам. Па коа ќе рече ее одамна не сум го видела малото, и викам епа така си избра ти.
Не е лош човек воопшто и многу ми била поддршка во животов, ама ова со децава ич не е ок. Исто ко шо викаш, ќе каже маж ми еее има пролив големиов, она, е да и ххх има.

 

Морнинг мајкисити.

Ви се случило ли мирис да ви врати чувства и да ве врати назад во времето во точен момент? Мене вчера ми се случи тоа леле уште сум си емотивна, имаме дома течен бекутан сапун и снемав обичен викам ајде да се потроши не дека бебево во скоро со сапун ќе го мијам, се спастрив измив, си легнувам мртва од чистење и пеглање 78машини, ми доаѓа заборавен мирис ме враќа точно на 05.01, болнички кревет во Систина, возбудена дека прв пат ќе го видам бебо, отвараат врата, ми го подаваат го помирисувам и тој е мирисот топло бело крувче мириса на бекутанче,чисто,невино,нежно
Абе станував уште 4пати се премивав да ми мириса. Следно после мустелава ќе му земам бекутанче малце да ми мириса на тогаш, дур не пораснал да се мршти кога ќе го бацам.
А сега оооххх сегаа, лежи до мене во 6 сабајле, јас поспана, ме погледнува се насмевнува штрбаво,ме галнува на лице, јас го преклопувам, го бацувам цел а тој насмеан седи и чека уште и уште и уште

Одам сега да го чекам да стане од дремење пак да го избацувам

 

Миј си се ти со Бекутанче, ретко на некое бебе да му одговара. 2 бебиња од мое опкрување од Бекутан завршија со гнојну рани. Инаку од Систина велат дека новата колекција Сензитив наводно била топ.

 

И јас сакав да пишам за бекутанот. Бебе доби на поклон и викам ај јас ке го користам. Црвенеев во лицето на секое мачкање, дадов повеќе пати шанса додека не бев сигурна дека е од него. За себе не би користела повеќе, а не пак за бебе. Е мирисот и мене ми е преубав, на моето детство ме потсеќа дека баба ми само бекутан користи со години и рацете постојано и мирисаа така. Ама џабе убав мирис кога не ѓи бива

 

Дали од предрасуди од тоа што знам што има во него и колку не чини или од искуствата, ич не ми се свиѓа мирисот, јак и несоодветен ми е.

 

Добар ден друштво

Кај мене денес е денес за одмор, барем засега.
Големите се на викенд кај мајка ми па јас сама со бебе денес дома, и дури она спие јас решив малку да ве ѕирнам и да ве прочитам.

Пред месец и пол прославивме прв роденден на беба, и секој ден ми е се поголема и поголема, си станува детенце веќе. Од најмалото бебе кое некогаш сум го држела во раце, ми станува тодлерче кое е најстрвно на свет и само мњам мњам бара.
Сега е во фаза на проодување, сеуште се плаши сама да оди иако се пушта по 10-15 чекори, ама за секој случај си бара раче за да не падне случајно. Битно научи да лази па во секој ќош можеш да ја сретнеш
Деновиве со тт,со растечено носе, со 30 станувања во текот на ноќта за да цица и гледам 5ки две горе никнале. Не ли е рано за 5ки, се мислам дека кон 2год излегуваа или сум грешка?
Она има кецови и двојки само и сеа 5киве некако.. чудно ми дојде.

Јас турбо со работа, де прва де втора смена, ама каков релакс ми е кога одам на работа, уфф на сите се фалам колку ми е убаво
Тоа кафе пиење на раат дефинитивно многу ми годи, пошто дома сеуште не се случило да го испијам за побрзо од 1 саат
Се здебелив многу некако и ич не ми е убаво, па си го уплатив Летниот предизвик на Ана и од утре почнувам, многу се надевам дека ќе го имам истиот резултат од пред 2 години
Му реков на мм да ми собира пари на страна да одам на абдоменопластика, и само бледо ме изгледа
Тоа дефинитивно некогаш ќе го напраам во животот, со три царски реза стомакот ми е катастрофа, и да ослабам кожата ќе си остане.
Ама надеж ми дава овој Никола Орозович, као гарантира со неговите програми дека се ќе се среди, па така јас сум со план и кај него понатака да земам програма, веќе немам изговори за јадење невежбање. Бебе не цица така често освен за заспивање и во текот на ноќта, па редно е диетување малку

Досада ме фаќа веќе без децата дома, па да почекам бебе да стане и да се прошетаме со количката до кај мајка. Или па да останам да се излежавам дома …
Ќе размислам ај

Имајте убав ден, се читаме во наредна прилика. Останете добри

 

Супер ти е советов, верувам добронамерен и се тоа ок, ама мајката друго сакаше да си каже со постот. Остајте ја да ужива "во спомените". Моето и со маслиново масло да го намачкале, ако тоа ми се први спомени од болница, колку и да знам дека не требало така, ќе ми останат тие спомени во сеќавање, нај убаво сеќавање

 

Ахх спомени.. И моето беше избањатко со Бекутан во болница и сигурно ќе ме врати сега тој мирис назад. Кога дојдовме дома почнавме да го бањаме со Веледа, па покасно сменивме на Мустела. од Веледата ми беа останати крем, млеко за тело и за пеленска регија. Не ги трошев зошто не го мачкав скоро никогаш. Ама пред некое време му правев масажичка и го земав млекото.. Лелеее се стопив од чувството што ми се врати. Не ми се свиѓа нешто посебно како мириса.. Ама мирисот толку ме врати назад, толку bittersweet момент ах… Еднаш кога имаше веќе 5-6 месеци го избањавме дома со Бекутанот што ни го дадоа од болница и маж ми вика, види што убаво си мириса сега, на бебе, ај со ова да го бањаме веќе. А знам дека така искоментира зошто тој мирис го врати на нивната прва средба.
И те како знаат да вратат спомени мирисите. Бекутанот не го користам пошто нема добар состав, ама за тебе слободно миј раце и враќај си се назад.

 

Цицо убо ми е што те читам, со првите деца врсници си се дружевме, сега те нема често ама поискусни и помалку време и тоа е. Иначе сиг се 4ки кај малата, после 4ки излегуваат 3ки па 5ки, со ретки исклучоци. Нека е жива и здрава Среќен роденденот со закаснување
Едит. И кај мене после втор царски многу кожа и стомак ми остана, 9 месеци поминати и скроз малку се повлече

Големото од вчера со тт е, сите исто се од градинка, сега очекувам и малово да крени
Малово е 100ка на саат, многу е пораснат, многу е мил, душа е со брат му си играат, се смеат, љубов ми се многу убав период ми е, само стрес за враќање на работа, почнувам другиот вторник како ќе се снаоѓаме нз, в градинка место има од септември, тогаш би почнал, мајка ми засега ќе го чува ама пак ми е стрес, шо убо ми беше дома

 

Разделбата со поголемото изгледа на сите ни е болна тема... ја само си повторувам што ке правам без него 2 3 дена ... дај боже да се толку давам си надеж.. од 36та еве 39 дојдов .. последниве денови и си плачам.. хормони ми се на најјако..се ми смета.. не сакам да го делам детево со никпј.. секоја постапка на другите ме излудува од типот мајкати кога ќе оди на болница јас и ти ќе си спиеме.. не има си татко дртево па ќе си спие со него не не прај ментаци за 2 дена 390 планови напраја.. осеќам дека ми треба а и допрва ќе ми треба уште повеќе мир...

 

Ме потсети и мене, ме разнежни

 

Добро утро мајки!

Ви посакувам да имате убав ден исполнет со најголема љубов!

Ве читам подолго време и денес одлучив да се приклучам и јас со можност да ви ја раскажам мојата приказна.

После долги години пробување да добиеме дете успеавме и имаме три ангелчиња, од кои едното е на пат

Ќе започнам од почеток. Првата вест дека сум бремена. Паника, немам менструација! Како ќе биде, дали сме спремни, финансиски, психички, не чека долг пат, таман се спремив за кариера, па само што се земавме... инт инт премногу мисли... и оп, крв! Го изгубив плодот во 11 недела за жал.
После 6 месеци го добивме првото ангелче! Од тој момент се заколнав дека нема мисла што ќе ме спречи да не го имам ова дете. Ако треба ќе живеам во шупа, без денар, но ќе го хранам со најголема љубов! И така беше, џабе мислите се си дојде на свое место. Земавме стан во центарот на градот, добив кариерно покачување иако бев трудна, финансиски бевме одлични!
Со маж ми имаме неверојатна хемија и љубов еден спрема друг! Уште од прв ден сме неразделни.

Е сега кога веќе кажавме нели на сите преубавата вест, слушнавме срцебиење, 7мм големко, 7 недела, започнаа: “е сега нема спиење“, “ајде ајде гледајте се со мажот додека можете, ќе дојде бебето и ќе ви го расипе бракот“, и многу останати пренегативни коментари што бев запрепастена! Би сакала уште еден да одвојам “Ишишај се кратко, бидејќи кога ќе родиш ќе немаш време да се бањаш“. Сега од оваа позиција ми иде сите овие што ми збореа да одам да ги плукнам!

Јас детето го пречекував со штит! леле што ме чека! Прв ден дома - јас сум сама со бебето! Бебето спие, јаде, кака, спие, јаде, кака! Луѓе па дали сте нормални со каква негативност ме наполнивте? Па ова е уживање не е страв!

И така дојде второто, и еве и третото! И сите ги чекам со возбуда како да ми е прво дете!
Би сакала да се надоврзам: Џабе ги труете со негативност луѓето што ги чека - сите сме свесни дека е мало човече што му е потребно наше внимание! Куче да земете ќе квичи на почеток! Така и со бебе, ништо не е тешко додека си свесен што треба да правиш.

Маж ми секој ден се заљубувам во човекот. Станува навечер со мене, ме гушка и ми дава поддршка. Сабајле станува пред мене, го зима малото да можам јас да се доспијам, менува пелени и го шета сам. Буквално ни се 50/50 обврските.
Никогаш го немам слушнато нешто да каже. Секогаш кога луѓето ќе му кажат “леле одлично што и помагаш“ он враќа со “јас не и помагам, тоа е и мое дете не само нејзино“!
Што се целосно во право!

Нејсе, да не должам хахаха.
Свекрва ми и мајка ми се тука да ми помогнат во правење ручек- да се купат капки или пелени. Ниедна од нив не ја преминува границата ниту се меша. Доаѓаат 2-3 пати во недела по половина час, каде си играат со малите и си одат. Ниедна не ми рекла вака направи или така.

Ви испраќам убави мисли и ви посакувам убав ден! Сакам да ви кажам дека сте одлични родители и вие само знаете најдобро за вашите деца! Сакајте ги и растете ги со љубов! Секоја ваша лоша мисла и енергија они ја осеќаат! Да ги гушкаме и гледаме како растат <3

 

Здраво мајки

Легната меѓу мирис на кромид и лепенка со ментол/еукалиптус што и да е. И двете деца затнати во носевите не можат положба да си фатат. Ај барем маж спие без проблем.
Чекам да заспие бебе па да заспивам и јас. Нови генерации, сама сака да заспива. А која сум јас да се бунам. Брат и 3 години ќе прави уште со триста ритуали за заспивање, нејзе и е битно само да ја оставиш раат и тера.
Многу имам грижа на совест што не можам да и се посветам колку што сакам. Од друга страна баткото оди во градинка и него премалку го гледам, па мислам дека и со него малку време поминувам.
Затоа утрата ми се бесценети. Сите четворица на спална, групно гушкање па закачкање и смеење. Бебе го обожава брат и, штом го види на глас му се смее. Он горд брат па само ја гушка и ја бацува. И после мрсули и двајцата.
Поминавме крштевка и подобро од очекуваното. Без ич плачки, ни на бањање ни на целата церемонија. Другарките ме зафркаваат дека второво дете ми е кампања имај второ дете, пошто полесно е со две него со едно бесно.
И колачиња почастете се, ден пред крштевката и никнаа две запчиња.


Се смирија сите, можам да заспивам и јас.

Ве поздравувам

 

Tuka ste poaktivni. Puter kolacinja od kade naracuvate? Sekade kaj sto prasav za vo juni termin

 

Од денес за утре тешко да најдеш, за следна недела види Перфето или Канела.