Мајчински муабети (не е за барање совети)

Мама и тато да завршат некоја работа, евентуално дејт. Толку од баби и дедовци.
Млади сте да размислувате така.. Маж е.. Ако не нека се остави на работа, душа здравје.. Битно мама дома..
Таму кај што зимаат бонуси од 2000 евра, најчесто кирија или mortgage плаќаат исто толку. И таму жените работат. Може и повеќе од кај нас.

 

Кај нас во јасли учеа песнички, негователките им рипаа на пилатес топки да ги занимаваа, им играа кореографии на Шакира....и јас мислев ништо не им прават дур не фати ќерка ми да ми игра рам сам сам на 1г и 2 мес.
Ама негователката главна во јасли е една таква одлепеница позитивна, нема дете запоставено од нејзе да било, да имам 10 деца кај нејзе ќе ги праќам.

 

Хелоо мајки.Убав ден.
Одамна немам пишувано,ама ве читам редовно.
Одкако на свет дојдоа близначињата и плус ќерче животот ми се промени ептен,секако на убаво,ама и повеќе обврски,помалку спиење,повеќе трошок,помалку време за мене,за нас двајцата.Подготвена бев на се' тоа,се тешам дека е период и полека ќе легнат работите на место

Бебињата се супер,месец веќе имат,само да доење сум,срцки се..сега имаат и грчеви од кои коса ми се крева,ама ќе помине и тоа.
Дада? Е тука мн се нервирам.
Дада ги сака многу,пресреќна,учествува во се'во врска со бебињата,вака не покажува љубомора,меѓутоа некако како мн се промени,како непослушна стана,кога и кажам неее мама така,таа намерно продолжува,ајде да ручкаш,не сакаааам,бебе го бакнува нежно,го гали и одеднаш и текне да го удри..значи сама таа со нив никако...некако како бесна стана,а беше послушно детенце.За одење на спање стана хорор.
Е сега дали е тоа како некој вид на љубомора,еве нека каже некоја мајка и колку време ќе трае овај период? Ме излудува.
А и 'посветуваме доволно внимание,не е занемарена.
Е така си кажав што имам
Постот еден метар долг.

 

Pa ova e veke dr tema ama moram da odgovoram. Kade i kako ramnopravnost? Niz gradot? A po selata? Kako moze da ima ramnopravnost koga kopaat i oraat celi nivi i krevaat tolku teski raboti? Kade bi mozela zena da raboti takva rabota( so isklucoci)? Znaci ramnopravnost ima samo po gradovite. Pa maz mi ko ke kopa cela niva piperki i da dojdi doma jas da ocekuvam od nego pajnci da mie? Nema ramnopravnost i nema da ima. Ako e taka zosto cim se mazime poveketo odime da ziveeme kaj mazite? Kolku od nas si kupile stan 50-50? A za pari ne zavisi zenata i doma da sedi. Zosto? Pa taa raboti cisti gleda deca mazot e dolzen da obezbeduva za semejstvoto. Znaci i taa rabota se plaka spored mene. Jas ne rabotam pa sekogas sum imala pari vo mene i zaednicka smetka isto i svoja. Znaci ne molam za vloski. A ako imase semejstvoto biznis vreden 200.000 evra majka? Kako objasni mi ti ke odese na rabota za 20.000 den za da imas svoi pari?

 

Скок 5, здраво како си?
Јас не сум добра што не кажавте дека ова ќе удри појако од 4тиот?
Цела ноќ се превртува,крева газ, крева нозе, се турка, се буди, се презаспиваме, па одново и така до сабајле. Се нешто ново учи ,се поинтересна е, ама и се по тешка, толку е активна од раце знае да ми рипне. А како вчера да се роди. Пиле мало
Викендов бевме на море малце и после долго време со мм си посветивме време на нас, да се гушнеме и видиме. Од времето пред бебка ми фали само тоа време за нас. Она беше пресреќна,мирна се изнаспа на плажа, успеавме малце да здивнеме од секојдневието.
Толку и пријаше воздухот и сонцето три дена не престана да се смее, да писка да се радува. Едвај го чекам одморот .
Сега back to reality ,две машини чекаат, и еден стан што плаче за чистење

 

Добро утро! Свежо утро!

После вчерашниот ден и благиот хаос што ме снајде седам на работа и не ни мислам. За воља на вистината нема нешто работа, среќа, зошто имав 4 недели хаотични, заслужено ми е ова блеење во празно. Семејна драма, во тоа претходното семејство, не ова примарното со маж и деца, ама не ми дава мир. Госпоѓата така не има заглавено, што ми се плаче. Не зацрни за цел живот. Имам среќа што мм е разбран и свесен па не реагира сеуште иако ми рече.

Вчера се деси хаос кај мене дома, од ветерот превртена саксијата со цвеќиња, кактусот што едвај го дочекав да расцвета беше скршен цветот, среќа па отвори пупката го видов бар. Цели 4 саата се расправав со нив, рацете и нозете цели ми се боцки, ги средив, нема многу штета ама пак криво ми е. Ајде секако сакав да им обновам земја.

На 10 дена од одмор правам стратегија да се спакувам полесно, помалку ствари да мкнам и да направам припрема полесно да ни биде денот 1 кога ќе стигнеме. Планот е годинава да не носиме храна од кај нас па ќе видиме. А план имам и да исчистам генералка пред одмор бидејќи одма после одмор се враќам на работа па да немам нервози. Ќе се спакувам, ќе однесам во кола се од вечерта, ќе просмукам и ќе изџогирам кога ќе легнат деца, ќе избришам дури и прозори викендот пред тоа, ќе исчистам кујна и ќе ми остане само пред тргнување да поминам вц само. Од пред 2 години правам вака, генералка пред одмор, кога ќе се вратиме само алишта да имам за пеглање. Од план до реализација ќе видиме колку ќе има.

Големото дете ми го дрма предпубертетска криза, ама јако го дрма, превртува очи, Ама мамаааа... ни е секој втор збор, не сум ви јас слуга, за тоа ли ме родивте, не јадам тоа, не сум гладен, измив заби а не измил, се истуширав а не се истуширал... Детските болести пред пубертет се тоа. А бебе, е бебе е посебна приказна. Боже каква душа е тоа од дете, какво е блесаво, какви фаци ми прави, како ми се смее... Али карактер е уби боже, страшен, тоа нит се тера нит се води. Оној муабетот со китката на свекрвата, епа него го карактеризира скроз. Се зависи коа ќе стане на која страна му е китката, дали на лева или на десна страна, од тоа зависи и денот на сите дома. Бррр... Сабајлево китката беше на средина, весел, среќен, расположен. Отидовме кај баба на чување, редот таму му е скроз пореметен ама нема и јаре и паре, не сака и не сака да се држи до моето и тоа е. Се тешам 2 недели се белки нема да се навикне за 2 недели на тој ред, белки ќе се прилагоди лесно после на редот од градинка што му го одржувам јас. Ко за воспитувачка во градинка, многу е попустлива со внуците.

Постов километарски ама го донесов до крај, убав ден мамстерс!

 

Џабе ќе се објаснуваме кога ти имаш такви сфаќања.
Не одам за 20 000, сум почнала од малку, сум се трудела многу и сум стигнала да можам и семејство да гледам само со мојата плата.
И горда сум на себе. Нема сила што ќе ме убеди дека се исти парите што сама ќе ги заработиш и што некој ќе ти ги даде.

 

Ај ај ај, жени полека. Сите сме со истите маки. Што е ова препукување, па која најработна, па која немајка, па која најмајка.
Сите сме различни, со различни квалитети и различни способности. Ниту една не е совршена и семоќна. Се си има своја цена и сите различни избори правиме. Што за едни правилно, за други погрешно. Факт е само едно, нешто мора да е компромис и да трпи.
Секој според неговите услови.

За членката чија свекрва се нафаќа да чува дете и да и зготви ручек, кажи само фала и ќути си. Јас ја чувам цел ден.
Јас отварам машина, она влегува внатре. Јас редам алишта, она расфрла по мене. Јас простирам за сушење, она тргне од закачалка и брише под. Со штотуку испраните гаќи.
Ручек можам само за неа, за нас не сум зготвила со месеци. Јас уклучувам правосмукалка, она ја исклучува.
Само да се свртам е во вц и фрла тоалет во школката.
Е сега мое дете и сум релативно млада. Свекрва ми нема шанси да стигне се со неа. Освен ако не ја позиционира пред тв и во дубак де.
И друго, веќе од 10+ месеци, кај мојата забележувам дека и фали друштво и јас сама не сум и доволна. Сака и со деца. И на игралиште. Полека и не можам да и ги задоволам сите потреби, а роднини, фамилии, пријатели каде секојдневно би ја носела, немам, и така сум и повеќе од среќна што има градинка и ќе може наскоро да тргне.
Да ми извините, ама мајчинството е најтешката работа. Сакам да тргнам на работа веќе и да одморам малку искрено!
Не се толку лоши градинките. Се учат децата на ред, се играат заедно и склопуваат пријателства, учат да делат.
За чувањето кај нас не можам да коментирам, среќна сум што овде им посветуваат внимание, од она што имав прилика да видам и чујам, подобро ќе и е таму, отколку со мене дома.
Таму си имаат распоред, дворче, надвор се и на ладно и на ветер и на дожд. Се гради имунитет. Јас дома некој пат имам обврски и не ни можам да ја изнесам. А така убави палталони и чизми и нека одат сите на шетање. Пошто градинката ми е блиску, ги гледам секој ден. Се пентерат на куќичките, се играат во песок, ги постројуваат за раче, па играат и им пуштаат музика. Се труди персоналот стварно и не е како порано да е ред и диктатура, туку имаат слобода и те како децата. Им се пристапува со убав тон.
И верувајте ние некогаш сами си ги ограничуваме децата поради нашите стравови. Јас верувам дека дете на годинка сака да бои со раче и фаќа тесто. Го гледам моето. Сака различни структури и текстури да фаќа и и дозволувам да се брцка. Време мора да ни помине некако.

 

Иста е и мојата се за инает контра прави, од послушно дете сега ми е тешко да ја препознаам.

Период е мајка кој мора да помине, само трпение и челични нерви..

 

Му пеам на синко од Поточиња една песничка за вежбање и го гледам почнува да вежба, ама како кореографија изведува, 14 месеци имаше тогаш. Јас песната прв пат му ја пеев, па знаев дека од градинка му е научено.
Следен ден на роденден бевме, деца наредени играат Рам сам сам, мојов сам си застана до нив да игра. Ги знаеше чекорите.
Ја прашав баш едната од негователките и ми вика па учиме ние тука, им пуштаме песнички, учиме кореографии, раскажуваме приказни, делови од тело ги учиме, овошје зеленчук им покажуваме.

Далеку од тоа дека цел ден седат во креветче и ништо не прават. Можеби и до учителките е, нашиве еве ептен се погодија. Мојов повеќе нив ги гушка сабајле, него мене кога идам да го земам.

 

Бескрајно благодарна за свекрвата што се нуди да го чува бебето и ручек да прави да не се разбереме грешка. Во 4 години заесница на 2 раци можам да избројам колку пати нешто ме изнервирало од нејна страна ама фала или добро ке го аработам или направам така решава се иако некогаш не било ко што ми рекла бидејки сметам дека така не треба пример да го тутам бебе у 100слоја алишта.
Сепак при сета помош што ми ја нуди да не злоупотребувам сепак ке ја зима од градинка и ке ја глрда до 5 6 сопругот додека си дојде ко су 2ра смена. Не е малку и тоа

 

И тој бизнис мора некој да го работи. Чим е семеен.. Вајда пак јас??

 

Pa majka sigurno bi imala vraboteni i ne bi osla sekoj den od 8 do 5 tuku bi mozela nekoj den da nekogas ne. Sepak ako sme vo moznost da sedime doma prvin bi sedela i bi gledala detw do 2 3 god pa posle gradinka. Sepak sekoja razlicno.

 

Два три дена дискусија за градинка.
Јас останав дома по завршување на породилно од што сметам дека е многу мало на 9 месеци да го однесам. До душа тука во србија е со полна годинка, помали не примаат. Јас користев породилно од мк и секако морав до годинка да сум дома. Но ете ме сеуште сум дома и ќе бидам до есен во договор со мм. Фала богу работев пред брак и оставав на страна, ете да си имам луфт повеќе да сум дома, а не да трчам да се вратам на работа, зошто реалноста на денешницата е таа дека мора да работат двете страни за да се опстани. Инаку да бидам искрена не да ми фали да одам на работа,премногу ми фали значи. Едвај ја чекам есен искрено и дете во градинка, нема да чекам да наполни две или три години. Колку помал толку полесна адаптација, според мене ( а и според другарка која е учителка во градинка ), и трето од искуство со внука ми, која е пуштена покасно в градинка и адаптацијата беше претешка, не сакаше да оди воопшто. И до ден денес не е некој љубител на градинка. Би рекла оди од што не и даваат друг избор.
Учат им се посветуваат колку можат на толку многу деца в група. Ставете се на место нивно, една учителка и една негувателка на 30 дечиња. Дефинитивно не им е лесно. Јас едно имам, има денови едвај на крај излегувам со него.
А баба е за причувување два три саати во денот. Тоа е мој став
Ама поштувам и став кој мисли спротивно од мене. Секој како мисли дека е најдобро за своето дете така нека си прави. Овде нема моето е правилно, твоето не е. Се е правилно за свое дете, толку.
Добра ви ноќ мамасити

 

Еееее што дочекав мајки... Се соблакам и синко мајкин ми вика Мама има тити (цици)! Му викам А ти сакаш тити? Мртов ладен ми одговара Не, бјак тити Мочкото што едвај на 17м го одбив да ми рече брак тити. Гомце мое Сега заспиваме и вика Тате каде е? Тате нане. Се поише почнува интересен да станува и да се забавуваме. Доби на подарок стик правосмукалка играчка, камо да собираше таа, цел ден брчи низ дома. Па се поднаведнува под кревети, маси, столици, па ги смука столиците од горе, гарнитурата, ќошиња... најдобро потрошени 500ден.

Е бате и тате се друга партија, на Водно се на ноќно, да им го имам ентузијазмот и слободното време. Мама испешачи некои 5км, не стигна втор ден да извежба, се надевам утре да извежбам оти ќе пукнам од нервоза. Башка денес јадев доста.

Добра ноќ, одам да мавнам туш и кома!

 

@DELFINA81 да се надоврзам само на твојо пост...
Јас со едно бебе и бато 4 год.. исто го сака се окру не прави проб.. веќе почнува да се смирирува полека ама на почетокот истото како ти се смена скрос..не можев да си го препознаам.. не не слуша..не сака кај мама... се долу кај свекрвата.. претходно јас бев се ококу него..шетаее, јадење, абе се .. тешко многу на почеток ми беше а и нервозно што се оддели несвесно и уште понервозно па викам каде е доле барем мислете што ќе јаде тоа дете.. ништо никој не го занима.. некогаш и 30 луѓе да имаш дома , џабе е ... ама полека свикнуваме сите 4ца.. маж ми е цело вррме тука, помага, големото го шета да се осети запоставено.. само да ни се живи и здрави ке пораснат ... ние малку ке викаме, малку ќе се нервираме, малку ќе поплачиме, некогаш ќе се смееме..перидот на адаптација бил тежок

 

Како вчера да спремав прв роденден, а веќе на пола пат до втор сме. Не дека е утре роденденот ама некако пребрзо ми поминува времето. На работа само се пребројуваме кој кога е на одмор, 8, 10 дена и додека трепнеме, во сите гужви поминало времето.

Ќерка кога послушна и разбрана, кога со тантруми што не личат за нејзина возраст ама некако се разбираме. Се повеќе сака сама да се храни. Кога јаде парчиња ја оставам скроз сама. За течна храна уште сум тука околу неа, не за друго, туку да не ми прави лом, па да чистам со часови.

И непријатна случка од денес. Со другарки во игротека. Моево и на другарка детето на слична возраст играат во "базен" со топки. Деца на 6-7 годишна возраст поминуваат покрај нив и прво удираат демек случајно со топчиња во моето и на другарката детето. По една, две минути како случајно со рака по грб добиваат маливе удар. Па, со нога исто демек случајно.
Може и не треба ама им подвикнав и нив и на мајките кои така лабаво си пиеја кафе. Па нема да дозволам моето или било кое дете да служи како боксерска вреќа.