Мајчински муабети (не е за барање совети)

Оо со боринче го барам периодот кога беше новороденче, па ќе ми висеше на цицка по цел ден или ќе си спиеше во гнездото, а јас изнагледана серии, изнапиена кафе, изнагушкана со мило, мирно, кукличе од бебе. Ненаспиена, ама далеку поодморена од сега.
Сега на скоро 8 месеци, играва е левел - impossible.
Навечер се буди ко на тајмер на секој саат, чудо е ако сврзи 2 и секогаш се лажам себеси ете можи од вечер ќе почне да се буди поретко.
Преку ден е прича сама по себе. Обично на 2-3 недели менувам стратегија за заспивање, што, како и да го вртиш, се одразува на мојата кичма. Последните две-три недели заспива за дремка во раце, ама вертикално, за да е поголем предизвикот и на плејлиста од Arctic Monkeys, тоа е за мое задоволство Играм низ соба во еден квадрат место, па кога ќе му дојде убавото за заспивање си легнува кај мене на гради, а за да му го овозможам тоа на бебе од 9 кила, морам да се оптегнам наназад ко ластик - кичмата Цицањето сега е само во полузаспана состојба што мора да се темпира, оти ако остане гладен, кенка, а не сака да цица. Траењето на дремките е руски рулет, можи ќе е саат ипол ама може ќе е 20 минути, зависно од тоа дали ќе те намириса дека планираш да доручкуваш на раат.
Не можам ни да го изнесам да го шетам, ај времето никакво, ама кај нас околу зграда е градежна зона, треба со рибарски чизми да излезам од кал, па да истегнам количката од кола, зошто таму ни стои, па цела една логистика околу процесов.
Кога е буден не бара цело време во раце, ама да си до него, да те гледа, да го играш. И мене ми здосадијс истиве работи секој ден, а не па него.
Охх, тек сега дојде ред да доручкувам, да видиме дали си го потрошив времето во пишување на ова.

 

Само да кажам едно големо БРАВО за мајката која денес беше со кенгур со бебе и со транспарент на протестите за прегазеното девојче! Мајка, ако ме читаш: секоја чест!

 

Да ве почастам, бебето ми порасна и денеска наполни една годинка.

 

Секој левел е покомплициран од предходниот и со повеќе захтеви
Ете го скоро 2 ќе полни уште ноќ не сврзал, се буди некогаш и по 10 пати, некогаш само еднаш ама битно се буди.
Уште бара да цица по 100 пати штом ме види гола или расоблечена и сега плус што разбира па не можеш и ништо да правиш без него оти сака се да види, да чуе, да направи

Да се живи и здрави, одмор може кога ќе бидат основно тек

Инаку ако е изводливо со кенгур да го шеташ, јас количка ретко вадев на таа возраст, прекомплицирано ми беше.

Луѓе можеби ќе почнам со работа, ептен ми е на мисла како ќе биде, ама мк излезе шанса која не сакам да ја испуштам. Стискајте палци да ме примаат

 

стискаме мајка...

 

Само јас ли никогаш не би се вратила на периодот кога беше новороденче Од мене таа фаза до сега има најлоша оценка. Или пак вие сте имале некои супер мирни бебиња, што не беше така во мојот случај. Од 6 месеци е долу на подлога и брзо почна да лази, да се исправува и да оди со придржување на мебел. Ете од мене таа е препораката, од таа возраст да се привикне сам да истражува по дома, на почетокот секако ќе се противи, но треба да сте упорни. А не само во раце, да качува на тежина и да не е агилно. А после кога прооди, е од тогаш се игри без граници, само внимавам да не се повреди

 

Се' туку си мислев ќе фатиме ред со спиењето, нема шанси да го оставам да плаче и да го тренирам , ниту пак очекувам цела ноќ ја преспива, ама на 3-4 саати барем да се буди, ова абер нема и сабајле во 6 е ококорен.
За во кенгур, го шетав кога беше помало, некни пробав да го ставам, вриштење до немајкаде, некако тесно му е, па и тој кенгурот со 100 тракатанци, ич не можам да го прилагодам, не ми се погоди никако. За секое решение, јас имам проблем, не обратно.
Ете денес успеав да го прошетам, се погоди времето, го преспа цело шетање.

Со среќа работата ајде, стискаме палци

На тема работа, нареден месец ми завршува породилното, нит бебе е примено во градинка, нит ќе го примат кога немам врски, ниту пак имам кој да ми го чува, сами сме во градов. Се крстам да ми дозволат пак од дома, па ќе жонглираме некако до мм, ако не, не знам што ќе се прави.
Јас очајно сакам да сменам работа, ова требаше да биде привремено, ама ете со бременост, породилно, трета година веќе терам. Ама знам дека сега ептен не е моментот да сменам работа, не оти има нешто избор на мојата струка, ама сепак, ќе чекам да пркне малку малово.

@Isabela23 не оти беше ептен лесно, ама тие му се потребите, спие, јаде, кака Плачеше од грчеви, ама со капки, сируп, се менаџираше, дури по начинот на плачење знаев што му е.
Сега, мајко, кенка по се и свашта, не сака да цица, не сака да го оставиш, не дава пелена да му смениш, не спие, не можам редот да му го фатам.
Инаку на под е од 2 месеци постојано, не сакаше ни релаксатор ни ништо, ама сега пробува да лази, а му тежи газот, па се нервира и кенка, се' пика во уста, а уште нема ни еден заб, се си мислев до тоа е, ама не можи три месеци заби да вади

Знам дека ќе помине и ќе го барам па ова време, ама ми се собра во последно.

 

Се ве читам никако да пишам. Сите со свои ветрењачи се бориме. Страв ми е да кажам, не знам дали заврши 5ти скок, ама ете намаливме со будење ноќе.
Се повеќе го загледувам дека станува човек, се подолго седи на стомак на подлога, и ако има далечинско ке се свети сам од грб на стомак (значи зависи од мотивација) и упорно ако е на грб, сака да седне и ете сам се исправа и седнува. Се држи со едно раче и оп на газ.
Си гледав видеа и слики од околу 3 месеци кога беше, па ми летна времево, а иако беше напорно, и мака мачев со млекото, некако си викам вака ли ке биде и понатаму?
Дури трепнеш, ликот се изменил, главата поголема, ова му е мало, она му е мало, рачиња шири кога ке ми фати поглед демек "земи ме".
Мнг емотивно си го доживувам периодов. Минатата год ова време уште не ми се веруваше дека бебе носам. Еве го сега ме кубе. Хихи
@macka91 среќен нека е.

 

Ова секогаш помага, прави се дека не го гледаш ниту го фермаш

 

Навистина има разлика од деца што седат по подлоги сами и деца што седат на релаксатор или в раце. А и tummy time мн мн е битно. Золва има малечко 4 месеци ниту се врти странично ниту на стомак буквално ништо ама па нонстоп во релаксатор или в раце е. Ниту знае да фаќа нешто од играчки абе ништо. Синко од 3 месеци странично се врти а на 4 сам на стомак се вртеше. Нормално секое дете различно ама сепак научив нешто,да ги оставиме сами нека истражуваат, да бидат самите способни не со наша помош се.

 

Јас имам бебе што порасна во раце зашто беше огромна плачка. До 4 м спиеше денски во раце ноќно време врз мене на гради. Боли кичма боли грб боли врат се боли. И не не ја научив така од што сакав пробував 1000 пати на 1000 начини просто мирна беше само во раце. А и прво дете, сами, плачка голема гледаш само да се смири зашто ти врие мозок од плачење 24/7.
Спиењето после 4м го сменивме за креветче, а преку ден во раце беше дур не пролазе. Е од тогаш е многу подобро се и е поинтересно од мама. Да се врзе ноќ не знам што е тоа, не знам што е да се врзат 3 саати се е пробано и без тв сме седеле со денови, и најадено и нацицано и џабее џабе. Гордо си ги носам подочњаците.
Матичната последно ми препорача мелатонин капки, мене ми е малце шубе за дете од една година ама она ми вика нека ти биде шубе, умирај од ненаспаност тогаш. И така

 

Ете моево па цело време е на подлога или на кревет, на широкото од петоседот (тврд е камен), се врти, се тркала од 4 месеци, ама ете 8 месеци ќе прави другата недела, а уште не седнува сам, "плива" на суво и се турка ама не знае да застане на колена за да лази. Читам ете и тука и по групите, повеќето бебиња на 6 седнале, на 7 лазеле, на 8 се кренале и сл.. Само си мантрам - секое дете различно, матичната вели супер е, ама ете.

 

@Hinebrra моето 9ипол пролазе . Месец дена така пливаше во место се влечеше по земја за а стигне до играчката ама долго време и требаше да пролази. Од 11м веќе се исправа по кревети/маси/комоди. Тоа па многу брзо го совлада. Секое дете своја приказна не се секирај

 

Моето не ни пролази. Поточно прооде па после го видов да лази ама ако само ептен не го збира некаде да помине па лази. Иначе се влечеше односно пузеше и викав кај и да е ке пролази он почна да се исправа сам на нозе. Се движеше со ногата под газ и се влечеше на раце ама не пролази. И сега ептееен ретко лази, во игротека само кај тунелите го имам видено да лази. А оставан е на под од еден месец и порано. Се фаќаше се тегнеше, се вртеше, сам си седна ама никако не пролази.

 

@Carolin. @Hinebrra јас пак мнг му се напнав што не се врти. Ама тоа друго сака. Ако може да стане и да трча. Ортопедот рече не може во се да предничи и никогаш не иде се наеднаш. Си имаат свој ритам.
Има еден документарен серијал на Nerflix за бебеиња, ме олабави малку. Има бебиња кои не сакаат Tummy time ама сепак и тие проодуваат и се развиваат нормално.

 

И моево бебе има 6 месеци и не се врти. Знае од време на време да се сврти од стомак на грб ама многу ретко. Многу се нервирам, колку можам го мотивирам, доле си играм со него ама џабе е. Он не ни сака да е доле, посебно на стомак па ич.
Кога ќе го ставам на стомак се влече напред, се мести за лазење ама не се труди никако да се сврти.
Од друга страна кога е легнат на нас се исправа многу убаво за да седне и си седи.
Педијатарот ми рече дека од бутките не може да се врти ама за мене тоа не е доволно.

 

И кај мене не се вртеше, пролази на 6ипол, директ. И и се виде најлесно, па прооде на 14 месеци. Уствари протрча, не прооде. Од лазачка положба седнуваше. Ич не се нервирај.

 

Изгледа мајки на први деца само се замараат децата кога ќе им проодат, пролазат, свртат итн.
Немам второ ама сега со овој памет си викам дали сум била нормална цело време да гледам што следно треба да направи, па ако не направи зошто не прави итн.
Не се замарајте мајки, кога ќе им дојде време ќе си го направат тоа што треба, сега од оваа точка стварно беспотребно сум се замарала.

 

Da ti kazam vcera neznaev na doktor da kazam vtorovo kolku meseci mi e tocno e do tolku ne se zamarame za vtoro i dali radi toa sto ne se zamarame ama vtorive se mnogu poveke samostojni i snaodlivi od prvite.

 

Така е да.Еве кај мене машкото се исправа,сака да оди..ама не му кадарен газот и само паѓа кај стигне мене некако мува не ме лази...нит одам по него цело време,секако го следам со погледот и ако падне само бравооооо и нема плачење и така се навикна и тој.
За јадење не следам многу многу ред,еве денес грав им давав,не се сеќавам дали може или не 8 месеци се.
Некако полабаво со нив терам,а и немам време да следам се ,ќерче има 4 години да е жива и здрава,не знам кога ќе се смири