Мајчински муабети (не е за барање совети)

Рано не ја легнуваме бидејќи и ние не легнуваме рано, а за станување па ич. Јас работам по америчко време, маж е на породилно дома... Да треба да станувам во 6-7 наутро, ќе си пукам во чело мислам. Би биле на преживување-mode цел ден. Така да за тоа не сум компетентна да ти помогнам.
Мојата цврсто спие уште од две недели, со зголемување постепено на сврзен сон. Од 5 часа постепено дојдоа до 10-11-12 ч сврзен сон (6 месеци ќе полни за 3 дена).
Јас можам да те советувам рутина да имаш и да се држиш до неа. Ние истото тераме од 1ва вечер дома. Дали е до рутината, или детето е такво како што ми викаат многу, не знам. Јас само знам дека за тоа пусто спиење се изначитав дури бев бремена бидејќи најисплашена бев од други родители за тоа.
Разлика ден и ноќ и правам. Преку ден спие во дневна - светло, галама, ламби светнати, се мие, се готви... Кога е време за спиење, ја бањаме ако е ден за тоа. Менуваме пелена, нови алишта чистички, чешлање, гушкање. И ја носиме во спална. Облекуваме вреќичка, се гаси светло и свети само нејзиното од креветче како вртелешка музичка со мелодии и има како проектор на таван. Пуштам бели звуци на шумиш. И последното млекце го пие така, во темно и со тие звуци. Ако заспие пиејќи, ја ставам само во креветче и цуцла и ставам обавезно. Ако не заспие, ја држам малку да ждригне и ја ставам во креветче. И ја оставаме сама да се успие, ние ја гледаме преку бебефон од дневна. Ептен ако гледаме дека е немирна и нема абер да спие, оди еден од нас до нејзе и ја држи за двете рачиња. Важен момент е и двете да и се држат бидејќи многу прета и нема шанси да заспие ако за една рака ја држеме само. И после неколку минути е кома веќе, следно будење после 10 часа минимум. До сега ниту еднаш не сме ја оставиле на спална да спие, или да ја успиеме на спална па да префрламе. Истава рутина е било да сме дома, или кај моите бидејќи скоро секој викенд одиме.
Цел реферат испишав за рутинава. Ама стварно си спие цврсто, пу пу.

 

Само да дадам потврда дека рутината функционира. Со две деца испробано. Со едно лесно, со другото потешко. Ама функционира, само мора строга рутина.

 

И јас потврдувам за строга рутина. Од 6 недели истиот “ритуал”, секоја вечер ни е иста, до саат запазувам, до секаков детал што ја асоцира на рутината. Никако не отстапувам за ниедна причина. Требаше малку временце да се научи, ама се научи. Спие врзано 10,11 саати со едно млеко измеѓу, не се буди за него, и го даваме во сон.
Бебињата сакаат рутина, предвидливост, така се осеќаат посигурни.
Ние дури и утринска рутина имаме. Откако ќе стане, прво се гушкаме 5-10 минути, секогаш станува насмеана и гуга, потоа ја носам во нејзината соба, соблекуваме пижами, миење газе, лице и рачиња, нова пелена и аутфит, витамини, млекце и спремни за играње.

 

Да не ви рушам просек, ама со сите рутини и сите исчитани книги за спиење, и пазење прозори на будност, од кај 2риот месец до буквално годината немавме никаква успешност во успивањето и ноќното спиење.
Успивањето беше хаос, а навечер стануваше по неколку пати.

Се стабилизира после годината, тогаш и започна да ја преспива цела вечер конзистентно.
А во мое опкружување сеуште има врсници на син ми (2) што имаат проблеми со ноќно спиење.

Муабетот ми е, да имате реални очекувања, полесно ќе се справите со предизвикот.

 

Ние цела вечер сме со white noises, ако изгасам се буди.. пробуваме сега постепено со намалување да го тргнеме, се надевам ќе успее.

И мојата е на рутина од 9 недели, секој ден не остапувам и сабајле и навечер, кај нас скоковите доста влијаат на ноќното заспивање, да ни изремети саат па и до два плус, и исто кога ќе ја оставам на бабите, иако истата рутина ја прават без остапка, нив им штрајкува, ме бара мене. Ама рутина успева, спие цела вечер, па до 4 месеци не се будеше, во 4ти скок почна еднаш само навечер за млеко и тоа цица и спие и продолжува, во 5ти по 3 пати, ама исто за цицање и продолжува. Сега веќе излеговме од скок, си продолжи по цела вечер да спие. Веќе не се потресувам како на почетокот, го прифатив и се помирив со делот дека ќе менуваат, и дека ќе помине се. Искрено многу поубаво ми е.

 

Пробувам полека да воведам рутина. Не сака цуцла, па секое презаспивање е со доење, или не сме ја нашле вистинската цуцла.

 

Бебе треба рано да си легнува, без разлика дали вие легнувате рано или не. 19h макс да е заспано. Ноќното спиење и денското не се исто.
Супер што имате рутина со толку мало бебе, само поместете да спие бебе порано.

 

Не знам колкаво е бебето, рутина не очекувај до 1 година.Мојата е две и уште не можеме ред да фатиме иако јас секогаш се трудам во 9 да е во кревет. Така да мајка, полека ќе биде се...

 

Па и не се согласувам баш. Кога ќе тргне на градинка - да. Да и смета касното легнување - да; да ја прави изморена, растревожена, ненаспана и сл. Тоа значи дека не оди доволно во длабок сон и го испушта пикот на мелатонин. Ама кај нас конкретно супер е се'. Ништо не и влијае на сонот, еве при крај е на 5ти скок и јас апсолутно ништо не осетив од скоковите нејзини. На ништо не се одразија. Се надевам нема да ми се наплати тоа при некој друг скок понатака.
На крајот од денот и преку ноќ спие колку што е потребно за нејзината возраст, и преку ден дремките и се тамански како што треба.
Еве гледам дека сега кога е 6 м, сама си ги прави од 4 дремки на 3, кои се подолго отколку кога и беа 4 дремки. Што е идеално за нејзина возраст.
Здравје кога ќе тргне на градинка за некој месец, тогаш нормално порано ќе ја легнуваме. Сега за сега супер ни е нам овој ритам. Не викам дека е идеален или дека така треба за сите.

 

Пробај некоја друга цуцла ако не. Можеби не и одговара. Ние на филипс авент користеме. Мојава каква и да и ставам во уста, секаква прифаќа. Ќе заспие и ја плука сама. Колкаво е твоето?
Исто, пробај пример да е легната понастрана во креветчето, и да ја тапкаш по газето во ритам на срцебиење. Ама пример да ја тапкаш само навечер за спиење, да ја асоцира на тоа. Или кружни движења нежни на стомачето, со white noice во позадина.

 

Јас со големата го мислев ова што ќе го пишам, а со малиов сега ми се потврди.
Со нејзе рутина од прв ден, строга рутина ама доено бебе. Од 4 мес до 1 год дур не ја одбив будење на секој саат, мамата ми ја расплака.
Мали сега единствена рутина што ја има е дека пред 9 го успиваме ама е на формула. Кома е цела ноќ.
Единстевено нешто што ми помогнало од рутините нивни е дека никогаш не сум имала момент бебе да ми стане сред ноќ да сака да игра. Инаку јас си стојам на тоа дека има везе доено, не доено, кога се работи за спиење навечер.

 

Големата ми е 4 години и фати ред околу 4 месец во 8 да заспива. Малата ми е 1 година и она почна да заспива во 8 околу 3 месец. Иста рутина за двете.

 

Мене ми се двете доени. Мислам дека дете на шише прави разлика малку, затоа релативно рано на двајцата почнав да им давам молзено во шише пред спиење, за да тоа шише се замени со формула кога тргнувам на работа. Ама не сум доела ноќе после 3-4 месеца. Ај првото секако не беше некој јадач и сеуште не е, сите ми викаа затоа не цица ноќе. Второво не можам да го доранам, ако е буден мислам дека нон стоп само во кујна е и едвај чека некој да јаде за да му се придружи. Па исто не цицаше ноќе.
Нормално дека си има финеси, ама јас ќе речам дека конкретно доење или формула не е клучна разлика за тоа дали бебе ќе спие ноќе.

 

И првото и второво сега со иста рутина. Малово од трета недела заспива во 8, цицнува во 3 и продолжува до 7. Мислам ако сум упорна можам и овој подој да и го тргнам затоа што не цица количински, ама ај мала ми е, барем 3 месеци да има. Ама имаше тренинг и со двете.
Е со големата ова време и дневните дремки ми беа веќе воспоставени под саат.
Со ова сиротко не баш. Таман заспало, големово еве болно скроз, ајдее товарај во кола сите.
Цели перипетии.
Големата ми е со салмонела и некое респираторно срање. Ми се умира.
Се молам бебево да не ми се раскашла. Душа ми е таа, се трга не се приближува до бебево, а сака да ја гушка.
Маж отиде на пат.
Дојде мајка.
Се исшишав пократко од вообичаено.
Нов сноп бели влакна.

 

@thinkerbell тоа ќе пишував и јас, ај со прво се фаќа ред ама со второ ради првово тешко…
Кај нас се денските проблем, периодот додека е малата во градинка тераме некој ред, после тоа е каша попара…
Ќе заспие, го буди, тропа, детево истрауматизирано е скроз… вака и за викенди…
Ама тоа е, нема начин да се спречи, па тераме како знаеме.

Единствено добро е што навечер двајцата се до 8, 8ипол кома.

Првово до 3 месеци комбинирано, после само АД - ден денес станува навечер. Не чекаат испитувања…
Бебац на ексклузивно, па ретко се буди само да цицне навечер.

И јас сметам дека секое дете треба да е во 9 заспано, никако не може да е нормално да легнува 11,12 навечер, цел биоритам се нарушува.

 

2 месеци скоро направи. Што користите за бели звуци? Јас на телефон пуштам, тие ламбичките може се попрактични

 

Јас неповикана да кажам
Со првото дете имав таблет само за тоа што го користев, сега со второто од алиекспрес си нарачав апаратче. Година и неколку месеца веќе по цела ноќ шушти, презадоволна сум.

 

Дали е нешто вака? Сакам и јас да си нарачам, мислам дека за мене повеќе ќе е, во последно време не можам да заспијам без шуштењево

 

Еве го моето

 

Леле, мене мозок веќе ме боли… во 8 и нешто легнува во 8 и нешто сабајле станува… абе 12 саати шушти… ние на телефон пуштаме. Службениот ми е дома, па само за тоа го користиме. Ама еве пробуваме да го тргнеме полека со намалување. 6 месеци веќе само тоа.