Мајчински муабети (не е за барање совети)

И ние моментално мачкаме црвена вода- еозин. Таа возраст сме скоро и ние и гледам и се смируваат со водичката

Колку време мачкавте? И се исчистија скроз?

 

Со воден или алкохолен мачкаш?

 

На мојот син се појавија така, околу месец, месец и нешо кога имаше. Сами од себе му се исчистија, бабицата рече дека може бил презатоплен. На моево имаше позади кај главчето, од едно уво до друго. Баш така малечки, ситни, едно до друго испоредени. За ден два сами од себе му поминаа.

 

Со воден од 1%

 

Царски сме со Феникс затоа и пишав, па ми рече малку да се остави време да се повлече добро матката и све да заздрави добро. Др Афродита вика да не идеме гравитациски да се спушти матката... сигурно мисли после може да има проблеми со мокрењето итн. Сепак телото треба да одмори. Ете они и дојат па и со градите неможат баш да скокаат. Сакав зумба да почнам, така да ќе одморам ќе правам вежби дома.

 

Хелоу мајки!

Ние станати сме од 06:00ч , го испративме татичко на работа па еве сега тераме прва дремка, а мама си пие кафе.

Моментално сме во 4ти скок, па ми фуфка да се пофалам дека после 10 дена синоќа добро спиеше. Само 2 пати стана. Си го исцоцка млекцето и спиеше цела ноќ. Вчера кога заспа немаше ни 19:00ч, преморен беше ептееен. Го изнашетав.
Ајде дај Боже да завршило страшното па да си продолжи така убаво да си спие.

Денеска ќе му ги перам летните алишта на бебе, дека како што гледам температурата брзо ќе рипне од понеделник. Стандарт нели тоа кај нас. Сега кога ќе пукне жешко па ќе пушти дури септември. Мразам лето, м-р-а-з-а-м . Мразам да ми е жешко, мразам да сум утоп испотена.

Вчера бевме на гости кај моите. Устата не знам како не го здоболи од смеење на ова мое дете. Нонстоп да се кикоти. Поготово на дедо ми како му се смееше, топење.
Како што сме сами по цели денови и машала веќе не е воопшто лесен , убаво ми дојде што го држеа. Па зглобот на раката страшно ме боли. Ќе треба да одам да ја снимам, дека неподнослива болка е.

Да се фатам за работа, доста пишам.
Мислам што ручек да направам. Ама ќе ставам мусака , одамна не сме јаделе, а ја обожавааам. Обожавам сѐ во врска со компир.
Компир is life.

Имајте ми убав ден мајкички.

 

На тема вежбање ниту имам сила, ниту време, а богами ни желба.
Мене класично вежбање ми е досадно, не може жива сила да ме натера да вежбам аеробик, пилатес или такво нешто во групи…вежбав јога 3г, на тоа би се вратила, пол денс ми прави мерак ама нема кај нас во град, да најдам нешто забавно ви почнала, вака што знам, не ми смета да сум дебела
Уствари не сум дебела јас, ама сум опуштена, а првично сакам да вежбам ради здравје, а не ради изглед.

Јас моментално немам време за апсолутно ништо, дека одам само втора смена на работа и саботи исто, буквално имам време само да спијам и да го видам дете наутро и навечер малце, толку.

Ми фали да излезам со некој, да прошетам, да испијам пијачка, да цртам малце…социјален живот нула.
Пак паѓам психички ради ова…
Ама не знам како да си помогнам.

 

@happygirl каков трицеф за акнички на толку мало бебе, па дали се нормални луѓево?
Кај големата баш такви акнички имаше, со еозин и се смирија, ама врска немам каков еозин беше.
А сега кај малово земав биодерма атодерм по препорака на @Feniksgirl и навистина после вториот ден стакло и стана лицето.
И да не поминува со ова прво ќе почнеш со некоја локална крема па и на база на кортико нека е, ама трицеф одма за акнички не се согласувај.

 

Моето уште во болница беше цела со такви, се што ми препорачаа е премачкување со октанисепт спреј со чиста газа. За секој дел од телото посебна газичка Фидановски ми рече дека биле акни кои настанувале како реакција на допир со се она во надворешниот свет. Одприлика за две недели се исчисти скроз мислам, премногу имаше дури и на капаците на очињата

 

Вчера ја намачкав Еозин, денеска пак ќе ја мачкам.
Матичната ми даде и крем на Уриаж, xemose, пишува за иритации.
Дали го имате користено?

Прашувам оти со големиот немав вакви проблеми со кожата, врска немам што се употребува. И дали ова кај бебка е атопична кожа? Биодерма атодерм е за атопична нели?


Ја бањам со Веледа, ама на лицето не, лице само со гази и топла вода и мијам. Не ја мачкав досега со ништо по телото, иако имам Веледа ама малечка ми е за да ја шлапам со млеко за тело.

 

Миробакт ни помогна нам, не минуваа сами, антибиотска крема е, дерматолог ни даде и се префрливме на атодерм на Биодерма. И мене првин ме тераше педијатар кс да правам за антибиотик, а бебе 1 месец беше, па после хлорамфеникол крем за очи ми даваше По ова решив дека за кожни проблеми, безразлика што е бебе, дерматологот знае подобро.

 

Да за атопична кожа е биодермата. Реално немаш штета од неа, состојките и се баш ок, нема медикаменти во состав.

 

Мислам дека не треба да ја мачкаш со мрсни креми, зошто ги затвораат порите. Ке ги затвориш брунките со мрсен слој па кога ке мачкаш Еозин нема да може да дојде до нив, заради мрсната бариера.
Јас би мачкала само Еозин. Ако нема изглед дека поминува, на дерматолог би го носела.

 

Да, овие два дена само Еозин ја мачкам.

 

Pa toa e uspeh

 

Дали почнаа да се повлекуваат? И дали ја мачкаш на лицето?
Јас ја мачкам 4 дена, сегде се скоро повлечени освен на лицето како да се повлекуваат и пак да се појавуваат нови

 

Атопичен дерматит е кај бебка, докторката ни даде Риластил Ксеролакт масло и балсам за бањање, и Декотал 3 дена по еднаш да ја мачкам па да видиме како ќе биде.

 

Морав да пишам да пробам да се олеснам… Денов денес ужас, едвај 4 саати сон и од 4 сабајле се бориме со грчевите на малата… И претходно денски се мачеше ама не до волку. Последниве денови само растеа плачките и денес се откорна плачејки а секако и јас со неа од жал дека се мачи и не можам да ја гледам таква. И поминуваат после какање и малце ќе поигра и ќе ми се стопли душава, па некако ќе заспие на мене но се буди на 15 минути со нова тура вриштење за прдешките и какањето. Неутешно бара цицање па ќе се прејаде од што е лакома па ќе вришти за ждригање и после пак истото за какање и прдење и така во круг. Ќе беше издржливо да не се понашаше маж ми чудно и да е напет за се што ќе му спомнам иако јас сум цел ден со неа а плус никогаш не бил таков си имаме љубов и разбирање не знам што му е. Се прашувам дали бракот почнува да ми пати сега откога не сме само ние двајца… Тој па инсистира да му давам внимание на кучето сум го запоставила, јас глава не можам да кренам од малава и плус се повеќе на живци почнаа да ми одат кучешките влакна низ дома иако премногу си го сакам кучево…Уште па напиња да ни дошле кумовите на гости викендов а јас сама со себе не можам да седам не па со нив и плус вриштењето на малава… Можда сум само ненаспана и хормониве ми се хаос. Се изнапишав бајаги, можда ќе ми олесни ќе видиме…

 

Хормоните ти се хаос, и нормално е да се осеќаш така. Маж ти моментално има baby blues, и реални да бидеме, не осеќа ама баш ништо како ти. Ама и он сигурно е под стрес. Муабетов за кучево е… бог да чува. А исто и за гостите, сепак треба да се консултира и да има разбирање. Нормално е и некој кризен момент.