Мајчински муабети (не е за барање совети)

Муабетот на Бројче, истата јас.
Се чувствував ко да се изгубив себе си на почетокот, не знаев ни кој датум е, што сум јадела и колку, спиела.. Бев буквално како отсечена од светот, бомба да паднеше до мене, ќе направев шшш, потивко, сега ли најде, бебе спие.
Медениот веќе станува поголем, па некако и полесно за гледање ми е.
Ја сум жива педантерија и сакам средено, чисто а со бебе мало баш и не можев да средувам секој ден. Во глава ќе прснев. Искрено, си мислев дека никогаш нема да фатам ред и дека животот ќе ми биде само хаос.
Еве, година дена подоцна, дома ми е средено, зготвено, дете средено, наиграно, најадено. Уште мојата килажа да си ја вратам и светот повторно ќе биде розев.
Ми велат дека откако ќе се одбие од доење, ќе си се врати и старата килажа. Па си стискам палци.
А во глава веќе мотам лист за второ. Па се предомислувам за едно. А не сакам да останам со едно, но стравот лозјето го чува. Уште една хаотична година не знам дали сакам да поминам. А сум во некој период од животот кај што реално сите коцки ми се поднаредени. Не се скроз, но поприлично добро е.
И така.. постов ми е каша попара. На него нека е.

 

ау мене не ми текнало на тоа. Јас за релакс слушалките и некои подкаст слушам ама еден подкаст 3 дена го слушам

Нешто размислував синоќа, си викам добро бе дали јас сум неорганизирана или што е работата не знам. Значи како е бе можно жена и на работа 8 саати и дома со деца и ручек зготвен и да има време се да и е под конец дома и уште средена одморена....

 

Нема такви жени.
Јас не знам таква. Или имаат многу помош од други, или лажат.
Јас идам 8 саата втора смена, ниту ручек иам секој ден, поретко неам од што иам, нит сум одморена, ниту маж имам видено, а ни дете, а и себе немам време да се видам.
Дома куќата…да сме живи и здрави

 

Ќе се едитирам, вчера ставив едно видео од малиот како денса, а позади него хаос. И ми пиша една познајничка, вика многу ти е убаво декорирано дома и кај мене е исто, алал да ни е А ние и двете иаме иста возраст тодлери…така да кај сите е иста песна.

 

100% right не стварно. Јас си мислам дека ако ангажирам куќна помошничка може ќе ми биде така стокмено. А и да средам дома одсабајле додека да се вратам дома вечерта од втора смена куќата е исто како ништо да не е фатено.

 

The house was clean yesterday, sorry you missed it
Јас ќе ви кажам како да е средено дома. Кога доаѓаат гости све напикувам во спална, па кога ќе си отидат пак ги враќам низ стан кај што стојат. Растурено е, ама таму стојат. Да ги редам само за да пак е исто за 2 саата стварно не ми се исплати. Гледам да е чисто, да нема трошки, ѓубре и прашина, ама не можам да немам играчки по земја, алишта на фотељата и свашта на шанкот. На пладне подсобирам за време на дремка, ама за кратко пак е исто.

 

истата сум. Не може да не е растурено играчки такво ствари имаме во сите соби и тоа е тоа. Алишта кај се соблекле тамо оставиле,е сега нормално да не е ептен по столови ама еднаш облечено не е нити са перење нити за у плакар туку може на фотелја префрлено

 

Може да е дома цакум пакум и ручек стокмен и дете стокмено само ако мајката не оди на работа. Барем јас мислам дека само така е возможно, зошто јас и работа и дете и домашни обврски делиме со маж и пак сме секој ден во хаос и трчање.

 

Не, јас не одев 2г на работа, пак не ми беше стокмено, само ручек имав почесто.
Кај мене само преку ноќта е стокмено, сабајле едно станување на детето , the chaos begins. Е сега морам да го пофалам мм дека секогаш кога се враќам од работа дома е средено, најчесто, ама он е многу попедантен од мене, јас отсекогаш функционирам во креативен хаос.
Ама нормално е луѓе, подобро е да поминеш со детето сааат време слободен што го имаш, да биде квалитетно него да одиш и да собираш по дома без поента.
Убаво е така, мене некогаш ми е така убаво да гледам дека има живот дома, значи се живее, се игра, се јади…за неколку години постојано ќе ни е средено и тогаш ќе си викаме ех барем уште еден ден да го имам тоа мало дете што расфрла се каде што ќе стигне, сигурна сум дека ќе е така.
Ете мајка ми кога го земам детето пд кај нив, секогаш е хаос дома и јас секогаш викам леле мајче извини пак треба да средуваш, она секогаш ме прекорува дека тоа што го гледа ја прави најсреќна во последните години, така да…уживајте. Битно е да има што да јадете, да има чисто нешто да се облече, да нема ѓубре и засмрдени садови

 

Ni togas , poznavam majki sto je odat na rabota i uste po haos im e doma zasto se cel den doma , vaka koga si po doma 3 4 saati nema prostor da ti e haos

 

Јас сум дома па пак ми е хаос. Секоја една вечер он кога ке заспие средувам играчки што биле низ цела дневна и ходник ги ставам во торбите во дневна кај подлогата, собирам, диплам, спружам редам алишта, усисувам и џогирам за утре кога ке станеме да е средено. Да дојдеш кај мене во 9ипол 10 ке се запрашаш дали некогаш оваа жена собрала ова играчкиве. Мислиш имам 10 деца, а не едно. Сум направила доручек, ако немам време да наредам во машина садови или да замијам си стојат или на кујна или во мивалник до неговата дремка. Исто и после ручек. Сака надвор, сака нешто заедно да правиме или било што.
Може да ми е средено ама дете ке седи у фотеља пред ТВ епа јас одбирам да е хаос, да црта, да бои, да вози коли кај сака додека јас пијам едно кафе на раат.


Најсредено ми е измеѓу 21:30 и 06:30 сабајле. За пред и потоа не одговарам

 

Така е со се слагам ама ова последново да стварно е основно ама целото слободно време го зема и истоштува после напорен ден на работа.Да има што да јадеш мора ручек да се направи, за имаш чисти алишта мораш да пуштиш не знам колку машини (со дете нормално е тоа)па да спружиш па да диплиш па да запеглаш за да изгледаш пристојно сепак, да нема ѓубре мора да усисаваш бар 2 пати неделно и секојдневно да зачистуваш онака по малку,па мораш садови да миеш или машина за садови сеедно пак е извади стај и се по ред хахахха.
Најубаво еден робот по дома да си имаме сите зошто нема крај и од основни домашни обврски
Да се редактирам, јас така се тешам демек да сум дома ќе ми биде цакум пакум се ама како што викате ни тогаш не е, значи да си ја прифатиме реалноста и да си научиме да уживаме во хаосот..

 

Јас доев една година и бев во бременост поправена 28 кг.
За таа една година ги симнав тие и повеќе од тоа и почнав да се онесвестувам и морав да престанам да дојам по препорака на доктор.
Така што веројатно во тој дел е индивидуално и немој да имаш преголеми очекувања за да не се разочараш.

 

Нова мама. 4 неделно бебе. Знам не разликува ден/ноќ но вечерва ме исцеди. Цел ден спие, од 22h до сега се тегне на града. Во искушение сум да дадам АД за да поспиеме, не ме судете плс.
Вчера само што ја средивме, бањата стокмена, кога рече бљуцкам на сите странииии… џабе се боревме со бањање кога пак вратот лом го направи.
Бебешки акни или па врукници и е цел врат, веројатно комбинација млеко со жешково.
Само на спиење е бела во кожата…

имате ли некој совет како да засакаме бањање? Знам мала е ама па нели сите деца сакаат вода?!

 

Ние сме на Ад, и гладна ја бањам, па после давам храна па заспиваме. Еднаш ја бањавме после храна исто ни блуцкаше. Така да пробај да е пројдено барем еден час или два од доење и бањај па дај и да јаде.
Гледај ги тие прозори на будност.. да може да ти бидат преку ден и ќе се намали навечер будноста, истиот проблем го имав на почетокот кога земаше помалку храна. Мислиш дека немаш доволно млеко?

 

Уф, се надевам дека имам доволно. Таа мисла од почеток ми е. Пратам/бројам пелени, пратам и тежина неделно, вака ок е.
Цица на саат/ саат и пол, па заспива, реално нема време да чекам да спадне храна за бањање зошто ќе дојде следен подој. Денес полу заспана ја бањавме па пак врискаше на крај. А кога е гладна вриска мислиш три дена не е јадена.
Прозорот на будност нели сега е доста краток, ако не се лажам макс 45 мин беше?

 

Да 45-60 минути, да пробаш да одржаваш вака да не ти заспие преку ден одма. Сигурно чим напредува имаш храна доволно, не се мисли тогаш, не ти треба дохрана. Сестрами комбинираше ради килажата на внуката и градите навечер камен дека она спиеше од Ад што пиеше, па ќе мора да се измолзуваш во тие случаеви за да не си направиш проблем ако се здрват градите. Имаме апликација со мм и така следиме колку е будна колку спие. Сега нешто не и беше моментот од 2 ч сега заспа пред пола час и јас дежурам неможам да заспијам, мм одма заспа.

 

Вака да си кажам, одржувам колку толку дома, ама не средено коншто било порано. Играчки никогаш не ми пречеле ни на гости кога сум одела, нормално е кај што им деца.
Ручек ретко правам, купувам готвено. Штом дојдам од работа јадемени гледам да се поиграм со малото, па да шетаме, да се пушти некоја машина, нешто да се запегла и го упжспивам него, се туширам и јас, нешто потсредувам и сум кома. И мојот ден е убав.
Вчера на пример, варев макарони со доматен сос, и се брзо бидна. Денеска ке купувам храна. За него имам од планинското пиле мевце. Мајка ми да свари компир и од месото да му даде. Утре ке му ја мислам вечер.
Си ја трескаам главата од ѕид повремено зошто немаа ручек па правам навечер и после сум ко гроб преморена. Ама убаво готви жената од кај што купувам и сега за сега така.
Ми кажа една "блиска" како се постигнувала со децата. Ама знам како се дере сеуште де на едното де на другото. Па нема потреба од стрес.
За мене за сега вака. Не може се наеднаш.

 

Млади мајки, најдобронамерен совет, гасете апликации за следење и следете го детето.
Апликациите создаваат само притисок и очекувања, и се направени според стандард, а сите ние сме индивидуи, а не стандард па и бебињата.
Додека се ептен мали, нормално е да сакаат цело време и да спијат и да јадат, да се на града и да бараат близина, оти не е само до храната туку и до утехата.
Моето беше и на АД и на доење првите месеци, па пак беше цело време на града и така спиеше, ете 2г е уште сака залепен за мене да спие.
Некои бебиња сакаат повеќе близина.
@Kejt362 кога ќе го извадите од капење вклучи одма фен да дува на млако додека го облечете, сензацијата не му се допаѓа и затоа плаче, ама то трае кратко, за некоја недел ќе почне да се радува во водата.
За да се наспиеш, стави го до тебе и дој го легната, јас така спиев, мм не пазеше оти ме беше страв да не го загушам, ама со тек на време и тоа веќе го пребродив и секогаш го доев легната вечерно време.

 

Не знам за други места,ама кај мене секогаш е стокмено,средено,се' на свое место,нема расфрлано..........


Лажам.