Мајчински муабети (не е за барање совети)

Јас да ти кажам кога се породив хормоните хаос и сега ми се така уште де ама тогаш катастрофа. И свекрва ми прв ден идење дома од болница почна со адети со се, вака требало онака требало, немој млеко ќе снемаш не ти знам што, баш знам се жалев овде од неа ама по два дена маж ми и рече нејзе и на золва ми фатете ја вратата и да не доаѓате веќе. Од тогаш свекрва ми збор нема речено, золва ми беше лута два дена ама и помина и она ништо повеќе не рече.

 

Ај добро утро. Бебе доено, па и доручек јадено и сега спие со татко и, не знам кој повеќе, зашто синоќа господинот на славје беше, на другар му се роди ќерка. Јас пуштив машини, сега пијам кафе и се легачам. На темава будење, и мојава нешто сабајле во 5 се размрда ама ја фатив за рака и продолжи. Ми се оди на одмор, ама помислата дека се ближи одморот е исто помисла и дека после тоа се враќам на работа. И сакам и не сакам, малку ко измешани емоции. Вчера го однесов маж ми до кафаната, леле што не кажете бе дека убаво било надвор после 8 и пол… сум заборавила како изгледа животот после 8 и пол навечер надвор.
Почна да се слабее, се вежба активно, некако млеково пак ми е ко намалено, ама сеа па не знам дали е дека веќе има доручек и еве воведувам и ручек. Раат да се нема со ова мое млеко.
Сума сумарум, сакам кажам не знам речам ми е постов и така. Убав викенд мајки.

 

11 дена како сме дома со бебе и тодлер (дечко од 3 год) и на моменти ми е неподоносливо. Првите денови големово беше ок ама последните неколку е толку љубоморен штп е неппднослив. Маж ми зема одмор до крај на јуни, играме двајцата со него, одиме надвор се супер не е запоставен воопшто ама душа ни извади последниве денови.
Јас дојам тој се пентари позади мене, ме шутира во грб. Пробуваме со убаво да му објасниме со зборење дека така не е добро, дека сестричката е мала итн ама те гледа и ти се потсмева.
Во промцип е многу мирен, не е од тие деца штп се чапаат промер ама си има испади дома така ќе му швркне нешто и се губи, класични тантруми сма ништо вон нормала.

Последниве денови од што сме преморени и што тој стана прељубоморен веќе не се препознавам себеси. Ќе му кажам еднаш два пати со убаво и третиот веќе се дерам ко луда. Вчера ме налути многу дури и го ишлапав по газ па после си плачев.

Не оди во градинка веќе трета недела и е скроз збеснат. Демек да не одел барем уште 3 не советуваше педијатарот ама ќе се полудам. Уште утре би го пуштила.

 

Дали може да ти дадам некое дете на поседок кај вас ( ако сакаш и сите 3) та и јас да си правам муабет за сексови а? Шо викаш?

 

Моево дете сака дада ама "тета Х" да ја роди, мама никако. Ке спие на малиот кревет он на големиот ке и го дал неговото перниче значи се е испланирано ама он не испланирал ако е тоа бебе како него сите троја заедно ке ми доаѓаат во посета во Бардовци

Многу е умен кога сака АМА КОГА САКА. Меден, премеден е со сите им се смешка збори, па се срами.... ама луѓеее мене душата ми ја вади по цел ден есинствена допирачка ми е еве сеа жими саат ипол што ке спие.
Кажав колку е добар сеа колку ме тероризира да видите...
Од 7 саат сме во двор, како мајмунче некое е само скока, се качува некаде поглед да не тргнеш од него. Земал пред некој ден мм ја оставил скалата за работа пуштена и потпрена на гаража он до горе се качил над гаража срце ми застана ако верувате. Јас со чачкалица вчера чистам заби тој со една пластична играчка ме имитира кога му залетна кога се исповрати, коски ми замрзнаа, денеска цел ден каки анализирам да не голтнал некој дел. Машината врти празна пошо се научил кое дугме се стиска за да почне да врти, ке ја сврти ке ја пушти. Шиба со тротинетон кај му го купив кај се излажав, кај нас удолница е кога ке се залета не знае да допре трчам ко на маратон со него секој ден.
Иии како ме штипе луѓе не можам да ви опишам и тоа само мене ме штипе и ме каса, сеа му враќам вчера на пладне плачејки заспа, после ја поплакав зошо го шлапнав и му се извинував ама ме боли и цела сум модрици по раце од него. Тантруми на најако му се пуштени за се нешто рика само рика, сабајле се изнаплака пазете сеа зошо не може портокалот да го закачи позади на трактортот и тоа да биде мешалица. Гледа мешалици на јутуб цртани не, и има еден трактор со мешалица и сеа он ке правел на неговиот трактор тоа.

300 тракатанци му нарачав од тему со надееж дека нешто ке го заинтересира.

И така.. имајте убав викенд.

 

Јако ми е вака ко ќе прочитам си бараат децата даде, бате.
Моево абер нема од тоа. Го бара бате Х, ако претходно си или дада А исто ако биле тие кај нас или ние кај нив.
Ама тема бебе, ни сме споменале, ни знае нешто за тоа, апсолутно абер нема на темата.

 

Моите сабајле до 9 спиеја тројцата Јас и маж ми се шуткавме низ дома, не знаевме што со себе Он отиде да испазари, буквално ништо немавме дома, јас си дремнав уште малку. Мрзливо станавме и викам ајде спремајте се, одиме некаде надвор на доручек, од оваа мајка денеска оброк не добивате. Се истрчаа, изгребаа колена, прасиња се направија и еве ги спијат пак Маж на работа, јас пак кулирам Е ова ми е совршен ден у моменталниот живот ама сигурно ќе ме стрефи нешто, не е можно мене да ми е лесно.

Кафемат исти имам како @LadyR, преубаво кафе прави, сите мислат млеко им ставам, а тоа кајмакот е уствари. Сега ми е одвратно секое еспресо во кафич.

Која мајка имаше детенце што вадеше крајници во Ремедика? На есен ги вадиме, па ми треба рамо за плачење.

 

Мојава последниот месец е спремна за денот во 05 ама јас поинат сум од неа, ја презаспивам ако треба и пола саат ќе нишкам додека не се откаже. И еве од 05 сеа сме до 05.50 стигнати. Пред 07 нема станување, треба 5 дремки да има така. Денеска со презаспивање до 07.45 стасавме, шок

 

Ах, печена си ти за теретана само. Се зезам. Да сте здрави и живи.

Мојата беше не цели 3 години кога прв пат стана голема сестра. Имаше големи и екстремни реакции поради бебето иако никогаш не го удри него директно или нешто, револтот секогаш и беше насочен кон мене и маж ми. Почна после 3тиот месец на бебето, валда тогаш и стана јасно дека бебе не оди никаде и останува со нас. Па се среди.
Сега еве пак. Бебе скоро 3 месеци и иако него само го гушка и само бара да го држи, ја гледам се понетрпелива и понервозна е према нас и веќе имаше неколку нетипични испади, па и вечерва. Со вриштење. Ја прашувам оти вришти толку многу - татко и не и дал тв. Време било за спиење. И знам дека не е тв причината, многу и е гајле на неа за тв. Ама овој пат е поголема и поразбрана и смирено и зборам и се смирува. И велам го замоли тато со убаво да ти пушти тв? Ми вика не, забораив. Епа викам оти вриштиш сега чим си заборавила да си фина? Нели се договоривме дека за се ќе си збориме? И така.. си позборевме малку се смири и си легна. Го разбуди бебето 2 пати, вториот пат веќе знаев нема да се откаже и ќе ми вришти пред спална дур да излезам. Си сакаат да се осетат сигурно, многу зборење, многу повторување колку ни треба нивна помош околу бебето и поминување време заедно. Ќе помине и ова. Ќе уживате после.

Сите успани веќе. Јас одам на дејт со маж во кујна. Вчера бевме во дневна па да смениме вечерва. Иде живот.

 

И кај мене се издеформира после пораѓај.

 

И мојот двапати качува температура од вакцини 38.2 и многу ќенкав и плачење вриштење докторката ми кажа и ако е многу ќенкав и плаче слободно да му дадам сируп да не се мачи да го боли.Јас 38.2 нечекав погоре да се качи дадов одма сируп цело време туширање и ладење му правев.

 

Кажете ми кои продавници ги има во Солун за бебешка опрема, конкретно за хранилки? Многу сум неодлучна па сакам да видам и таму што има кога веќе цело лето сто пати ќе одиме накај Грчка

 

Реално истите модели ги има и кај нас, а во Грција се доста поскапи. Да беше некој нов модел на количка што се уште ја нема кај нас ок ама вака за друга опрема стварно не се исплати да купуваш од таму.
Инаку, кога ќе одиш таму пиши на гугл baby stores near me и ќе ти даде опции, има многу продавници и нивни и светски брендови. Облека само имам купувано и изгор е ама тогаш прво дете и не размислував многу.

 

Исполнет ден денес. Бевме до Икеа сабајлето, бидејќи никогаш ништо не можам да разгледам, од дома го спремив детето и му кажав, немој да вриштиш, пиштиш, да бегаш, инаку после никаде не те носам. Не остави некои пола саат. И почна да бега насекаде. Па тие ко за беља секаде играчки ставаат. Воедно, нема никаков инстинкт за преживување. Иде по сите, им се смее, ги поздравува.

Нејсе, пак се зафркнав. Отидов постела да си барам, многу убави материјали за навлаки имаат, ама за чаршафи се за никаде. И јас брзајќи, пак ист материјал како и четирите што завршија во канта. Значи како се гужваат, секоја чест. А навистина не сакам и не пеглам. Всушност ми фали македонски чаршаф. Никаде не можам да најдам. Кога ќе одам во МК, мислам дека со тоа цел куфер ќе го наполнам. После дојдовме дома, не сакаше да јаде и тоа реков, јади сега, после нема јадење. Отидовме на плажа, му реков на маж ми да оди во продавница по пиво и јадење за детето, знам дека ќе бара. Ми доаѓа само со пиво. Ај викам, може нема да бара. Секако. Ко за беља, па не сака да врши нужда никаде, освен дома. Толку молење за мочање не сум правела. И не попушти. Цел саат вкупно седевме, викам пали кола, тоа е, ем гладно ем немочано. Утре пак планираме на плажа, башка што треба да платам, не знам што да правам. Кај идеме натоварени, уште нокшир изгледа ќе мкнам.

Него врвот на очајот го доживеав денес. Се расправав со costumer service на алиекспрес. Дури ме праша, дали сакам да ескалира ситуацијата кај надредените. Нормално дека да. Абе ајде глупа работа. Нарачувам нешто и не ти дава опција да нарачаш повеќе од едно, а мене три ми требаат. Па уште 48 часа да чекам за одговор. И си отидов на Тему, може колку сакаш да нарачаш. Но, сериозно до сега изненадена сум колку брзо одговараат и се трудат да помогнат. А и кај мене од Алиекспрес навистина експресно се стига. Дали една недела чекам. Тему, ако е голема нарачката, можда цел месец треба да стигне. Ене ја ми дреме во Казахстан.

Сега си седам, со пивце надвор, денес му е редот на маж ми да раскажува приказни. И се мислам серија да гледам или не. Да е жив и здрав vpn-от, одамна ќе ме собереа со се партали.

 

Јас не давам. И за мене сум така, и за маж и бебе, и за блиски. Само кога мора ептен, нож до грло. Одбранбен механизам на телото е да качува температура после вакцина, сосема нормална и бенефитна работа. Мора да се избори имуниот систем.

 

За тем сите чекаме. Ама бебе офка, го боли и да не дадам, ми е жал.
За тем секогаш чекам. И до 39 и отиде еднаш, разладував и се спушти.

 

Добро бе мајки дали може родител да сака повеќе едно дете од другото? Маж ми има детр од претходен брак и се си мислам почна нашиот син дури да го мрази. Зошто бил мамино дете, зошто плачел по мене, како женско петле бил. Вчера ескалира ситуацијата па што сакаше бе човеку пушка да земи на 1.5 год државата да ја брани, нормално ќе плаче по мене кога цел ден е со мене. Па како неговата ќерка била како машко што убаво син ми само паѓал не знаел да оди. Верувајте и сега плачам, фала богу што останав сама да се изнаплачам раат. Јас не знам како е можно волку да се смени човек после дете како него. Јас сум го учела со книги а неговата со коли пиштоли играла. Па фала богу од км се гледа разликата во културата нејзина и мојот син. Сеуште не сум сретнала подобра душа од синчето абе да му речеш дај ми од тоа што го јадеш од уста ќе го извади парчето и ќе ти го дај. Верувајте и сега иди ми бриши солзи. Абе би требало да се срами од неговите зборови, како тој не очекувал дека ваков ќе биде син му го мислел поинаку па и синчето мислам осеќа само бега ич не седи кај него, не дозволува ни да го бакне. Не знам би требало со некој психијатар да разговара. Не сум знаела дека постојат вакви родители па се чудам како Господ им дава на ваквите деца. Не знаев каде да се изнаплакам.

 

Ооо Боже, превземај си ги работите во раце и не дозволувај токсичната машкост на неостварениот искомплексиран татко да влијае на растењето на синот. Самото тоа што кажува каков бил син ти а не син ви треба да ти е јасно. Јас не гледам иднина со таков родител на моето дете, жалам.

едит: леле па и трудна си со второ од него, а он ти го кажува ова. Ти посакувам среќа.

 

Мислам дека е можно... незнам што да кажам има родители што едно дете приоритетизират.Имам во близина.
Ама во твојот случај, незнам многу често несакам да генерализирам ама жена да остави маж ако има дете. Или Нешто не го бива како човек или ја разочарал и изневерил. Не е во секој случај тоа, ама мн често мажите се причина зошто бракот се растура. Си го покажува лицето. Ете за мене е лош човек што од сега ја урива самодовербата на твоето дете и го споредува со другото. Сега не разбира тоа уште ама понатака ќе биде мн лошо ако продолжи. Тој мажот голем па детето не било маж..Ах маки, не си плачи да си го губиш здравјето и да го стресираш детето. Размисли и сумирсј каков човек е и во другите полиња од вашиот живот , зошто како татко не е баш, дали вреди да си го трошиш животот со таков човек.

 

Majkii ja dojdov da se pofalam , ja probav masinata za susenje iii sum presreknaa merak i udriv cel den peram susam i konecno kutijata so alista mi e prazna na site toplo vi ja preporacuvam