Мајчински муабети (не е за барање совети)

Фино е тоа заспивање во 7 и да спијат 12 саати навечер и се тоа, ама дете треба и малку воздух да го фати, нема зошто да не пролонгирам сон за 1 час ако знам дека тогаш ќе може да го прошетам саат време надвор. Зошто ајде недела, две ќе издржам, ама цело лето да се затворам у 4 ѕида ми е нон сенс, не е ни здраво, ни за мене ни за деца ни за психа. Кога беше ептен бебе, имаше 6м првото лето второво го заспива во 9, таман после време за мене до кај 11 и туш, кревет и до 8 сабајле сон раат. Факт е дека не се сите деца исти, ама дека во лето ќе го заспијам во 7 и нема да го изнесам надвор да земеме воздух туку под клима ќе дремам, шанса нема, за мене тоа е рамно на нервен слом. Јас палам клима кај 12, до 7 макс работи, гасам, отварам сите можни врати, прозори низ дома и искачаме надвор. Иначе спиење нема ако не помине надвор бар 1 час. Ни јас нормално. Го гледам и големото, а се затвори 1 ден дома без да излезе мислиш мозокот му застанува, не размислува, не може да покрене кога ќе му кажеш нешто да направи, у круг се врти. Воздухот е неопходен за мозокот, отворен простор, воздух, комуникација со луѓе... Не мора да е до 11 навечер, а и да е, некој има такво темпо, касно легнуваат, касно стануваат, ние не сме тој тип луѓе, ама има такви фамилии, али ако заспие во 9 апсолутно не е крај на светот. Поштетно е да седи во 4 ѕида под клима отколку да заспие во 9, верувајте.

 

Јас затоа одлучив годинава ич да не идеме..моево е бетер у тој поглед, количка што нема шанси - нема, знам..ама нема ни во смештај да заспие Кај моите еве 11 месеци сум еднаш два пати неделно, кога и да му дојде време за дремка он шанси нема да заспие таму. Ни цицање, ни тивко, ни темно, ни спална. Теорија нема. Дома само што ќе дојдеме, заспива за 2 мин, ни пелена не успевам да сменам Дали е до него или ние така сме го научиле не знам, ама се согласивме дека подобро дома ќе седиме мирни, спокојни него да се трауматизираме сите тројца на 400км од дома јбг прво дете

 

Потполно си во право..моево нервоза го фаќа веќе одма после вечерата, се му е средено, а кенка и место не го држи.
Во 18:30 искачаме до 20:00 вртиме огромен круг..ужива буквално. Им се радува на деца што ќе види, гуга писка на дрва, се смее Колку и да сум уморна од чистење, садови, алишта што брзам цел ден да стасам за да сум слободна послето, ептен добро ми доаѓа и мене..ем он прошетан, ем јас се тешам дека ќе заслабам вака среќни и преморени, мењаме пелена и у кревет

 

Моево дете долг период повеќе од 8-9 часа ноќе не спие и два дење и толку.
А сум се обидела да ја оставам без дремка, тогаш ноќното и е максимум 10-11 часа.
Така да спиење од 19:00-7:00 за нас не постои.

Овој период најчесто заспива околу 22:00, наутро во 6:30 е будна. Таков ред со градинка фативме, е сега заспивањето за мој стандард е касно затоа што јас сум веќе преморена и немам сили за ништо низ дома. Ама за тоа веќе се заигрува сама. Преку ден во викенд кога преспива подработувам по нешто. Или ако ми треба време за себе, да одморам, балконот и играчките со вода ни се спас.
И цел час знае да се заигра, јас за тоа време да потфатам играчки, да седнам со книга или кафе.
На крај на денот и пола час цртани некогаш ми се решението.

Веќе е 2,5 години така да на одмор и храната е иста како нашата.
Обавезно прибирање во соба за да отспие, мојава спие и во количка ако се мора, ама на лежалка или по маси, столици не заспала досега.
Генерално како што расте, барем на одмор гледам пак да се држиме до некој ред ама да не се стресирам до толку.

 

Да, се согласувам. Иако легнува во 20ч не значи дека не е прошетано и во 4 ѕида. Моево исто е навикнато надвор па збеснува ако не излеземе. Шетаме насабајле пред прва дремка и попладне од 18ч до 19:30. После си доаѓаме и спие дома.

 

Абе дете смее да се шета само кафе и пиво шема кога е, какво тоа шетање во 18ч или насабајле во 7ипол кој ќе те види, тоа искачање со деца е помодарство више да се прикаже количка, аутфит, ова она Еве и тука се коментарите дека сме дома затворени пошо до 20ч најкасно сме дома и избањати. Кој како смета дека треба нека си го гледа детето, најмајки врие.

 

И ние имаме ред ама се е покасно последна дремка му е накај 21ч а заспива после 00 најчесто 00:30 пробував подолг период го будев, го заспивав порано се инатев сама со себе што се вели и џабе, цело време е нервозен и кенкав затоа оставив да тераме така, како што сака тој.
Да заспие порано не би знаела што со себе искрено а и во 18ч да излезам на 35 степени исто нема шанса.
Не знам дали има други кои заспиваат касно и знам дека не е во ред ама супер функционираме и така

 

Јас не менувам рутина, ама прекинав да се притресувам, ако заспие еден ден покасно ништо нема да е, и да ви кажам од коа прекинав да се тресам, друго бебе имам. Си шетаме навечер обавезно, од кај 7 до 8, 8 и 15. Во 8 и пол веќе спие. Еве вчера па во 8 заспа. Си има некој ред и сама кажува веќе да ја легнеме, ама дека нема да излезам од дома, шанси нема. Она одвај чека да излеземе, не може да се донарадува.

 

Сеа малку контра ќе ви одам ама не е до редот до децата е.
Шо вика погоре Викторија абе на глава застанав за на големата ред и направам. Не не и не.
Ако по некоја случајност ја успиев пред 21 ч се будеше во 3 наспана.
А јас во 6:30 треба за на работа да излезам. Епа ко прерачунав дека ем нервозна пред спиење па не можам од нервоза да заспијам ,ем не средено ништо пошо нели ќе ја успијам па ќе средам си викав па за гледање со мм тоа веќе ич не го рачунам не постоеше.
Се откажав од форсирање.
Па како забременив со второто скроз пуштив конци еве синоќа 23:30 заспаа двете не можеа една од друга да заспијат.
А братучедка ми и сестра ми без нималку труд децата во 20 -20:30 им се заспани.
Дури и сами си одат во соба или пак заспиваат кај најдат мене само еднаш на нокшир ми заспа ама преморена беше дента.
Исто на братучетка ми од 2г спие кај нејзините или кај свекрва и мојава 5 г е само еднаш спиеше кај кумовите.

 

Еве јас да се надоврзам, на другарка детето нит рутини нит редови некои ништо, детето си спие во 8 од коа е родено, ниеднаш не се замарала да му направи некој ред. Едноставно такво е детето. @angel4444 те прочитав вчера за пријателката. Еве мојата па пријателка исто ко твојата ама детево и е бајче, не се сите деца исти.

 

Ние излегуваме 7,7 ипол да залади, и влае шетаме и до кеј дувка ветерче ќе поспие еден циклус 45 мин ќе погледа лево десно и дома во 9, до 9 ипол е избањата и нахранета и 10 заспива, спие со едно станување во 4, е сега баш ја слушав др гуднајт викаше дека баш така и сврзуваат бебињава малку покасно се легнуваат, после се враќа 9 и ако може да де стигне 8 ипол идеално. Последната дремка да и е кратка 45 мин и да е будна барем еден прозор пред успивање.
Мислам дека и од дете до дете е.. сама почна да врзува сон, ништо не сум направила, не значи дека мајките што децава еве стануваат цела вечер, нешто друго правеле. Карактер е на дете. Моево е мало викам нешто што можам е да ја заспивам барем во креветче цело време, па кога ќе дојде сега 4ти скок регресии.. знам дека ќе се поремети све. Здравје.
Сакам да ја шетам, преку ден не излагам, сабајле немам сила да излезам да фатам толку рано... кола немам сега да извозам до мол, мм на раб и така ако не излезам приквечер јас ќе попуштам психички, јас да сум ок и дете ќе е ок, овој начин до сега и одговара и среќна е.

 

Ве читам вака ви заспиваат децата накај 8ипол-9 и ви завидувам инску колкави ви се?
Мојов ѕвер не преспива денски оддамна и не знам како издржува да седи до 11. Вчера скоро во 12 заспа, јас си легнав веќе не можев да додржам. Ни во градинка не спие ни дома. Инаку 3 год и 2 месеци е. Ѕвер ѕверосан а ни од дома не може човек да го извади. Сега среќа со количкава со бебе па му е интересно да ја шетал сестричката.
Инаку и ние излегуваме од 7 до 8 негде па дома вечера бањање ама не заспива бе дреме до 11 му паѓа главата ама не и не.

 

Ако дете заспива пред 8 не значи дека не е прошетано. Насабајле во 7 е станата, до 7 ипол цицана и пресоблечена и одиме надвор. Навечер од 6 ипол 7 до 7 ипол сме надвор.
Најбитно ми е да си го фати ноќното спиење како што треба, јер мелатонин, хормон за раст и ред други работи. И да, и да заспие во 00 ќе ги спие тие саати, ама која е поентата кога после го преспива денот.
Ама сега е лето викате, топло. И што ако е. Дете треба да е будно во ден, ноќта е за спиење, колку и да не ни одговара на нас.

 

Мојава никако не успевам навечер да ја прошетам а не се ни трудам веќе, а дојде 18:30 она ќенка за бањање и успивање и до 19:30 обично е заспана или 20 ако стане на прв циклус од сон па морам да ја презаспивам. Ама па секоја прва дремка сабајле ни е со шетање и околу саат време сме си сами надвор дур е градот празен и мирен. Така некако го направивме редот и така повеќе ни одговара сега за сега, не велам дека обратното е грешно на тие што така повеќе им одговара. Можеби кога ќе порасне малава друг распоред повеќе ќе ни одговара, сега на 3 месеци вака. Јас вака од 20 до 22 имам време за себе и сопруг, решив и тогаш одкога ќе заспие да повежбам бар пола саат секој втор ден да се осеќам и јас поубаво и поздраво.

 

Моето дете има некој часовник, во 21 сака да си легне и тоа ти е. Да, ми одг редот, малку јас го наведов на тој ритам, малку сам... излегуваме да шетаме по 7, не заради аутфит нит заради други, го шетам сама или со маж ми. Вечера или дома или излегуваме па му даваме некаде, зависи како е гладен. Едно време форсирав ред занглавните оброци, ама само нервоза е тоа.
Доручекот сам го помести за покасно, вечера држам да е до 7ипол најкасно, да не му се смеша со млекото во 9 кога заспива. И ич не се протресувам како други мајки фаќаат ред или шема. Мнг ми се шета до покасно, кога заладува, ама бебето кенка за спиење штом помине 9. И фино лепо, режимот е таков, во 9 сме дома, туширани или бањани, зависи како ни е редот. Пие млеко, заспива, а јас од тераса гледам како други мајки со детенце во количка си шетаат на свежото.
Нит ги кириткувам, малку им завидувам, ама не се жалам.
Сфатив дека секоја мајка според свој стил на живот и според детето гради некаков ред. Сите деца не се исти ниту нивните родители. Така да опуштено, уживјате во летово како што најмногу ви одг.

 

Деца менуваат многу за спиење. Барем од моево такво мислење имам.
До пролетта, она заспиваше во 19-19:30 најкасно. Затоа и во 5ч беше веќе станата. Надвор уште темница ние станати бевме.
Како почнавме да шетаме, да станува поубаво време сама си поместуваше спиење. Кај мојата и голема улога има и денското спиење, па со тоа и се поместува и ноќното.
Кај 19ч излегуваме. До 21ч сме надвор, може и до 21:15 макс. Доаѓаме дома, туширање, млеко и заспива. Се буди дури сабајле кај 7-8. А ако се разбуди кај 6, пие млеко и продолжува до 8.
Ако навечер не искочиме, збеснува максимално.
Деугарка па навечер ич не ни излага. Едното во 19 ч веќе и спие. Има и поголемо, пре хипер активно дете е, ама покрај малото и тоа седи дома.
Менуваат и ќе менуваат деца.

 

Сега летниот период заспива околу 9 најчесто 10ч и станува околу 6 или пред 6.
Дење саат, два спие.
Еве сега заспа.
Вчера само еден саат спиеше.
Инаку има 3години.

 

Што дека му правам рутина во 8 во спална сме легнуваме јаде думкаме и со 6 раце се држиме кога е преместем во креветче.Јас сфатив едно нешто дека секое дете своја приказна и како одговара така ќе му е.Вчера прв пат пекол беше ноќта,се разбуди после 1 час со плачење,му се собира плунка па носето му се растече.И сега кога ќе кажам дека 2 дена сме во 4ти месец следи дека е од скокот и дека не спие од тоа или следното дека заби му се спремаат или можеби што пред 2 дена му шибнаа вакцини.Сума сумарум се може да е и веќе нит читам нит терам,како му одговара така ќе тераме.

 

Мајки, не ми се нафрлајте мене, јас ипак имам малку повеќе искуство и со 2 деца веќе имам да споредам, не ви зборам на памет. Вие како сакате така прајте си, јас моите деца знам како ги растам, ама знам и дека повеќе од 2 дена ако не излеземе ви тврдам дека се збеснати. Терајте си како ви одговара, само децата растат брзо, ќе увидите набрзо за што сум ви пишувала. Најмалку што сакам е да употребувам тоа Ќе видите, али така е, брзо ќе сфатите дека затварање дома на клима во период кога дете има воздух за дишење надвор, ич не е од корист. Не се мешам повеќе, ваше е, јас не планирам да се расправам иако ја фативте натака работата, ако нејќете совет од некој што пораснал веќе 2 деца а му е уште тазе што се вика, не мора, скокнете ме.

 

И јас сакам да ми помести барем накај 8 ипол-9 да заспива ама уште сме на исто заспивање 7-7 ипол и се буди 5 ипол одприлика. Уште малку 7 месеци ќе прави. Моментално има 3 дремки и последната или и завршува во 4 или 4 ипол и толку 3 часа издржува до ноќно. Се тешам како ќе зголеми прозор на будност така ќе ни се помести малку и ноќното заспивање.