Мајчински муабети (не е за барање совети)

@MariaBouli Не знам зошто конкретно сакаш да почнеш со блв, ете бројче почнала заради изборот на исхрана. Јас порано почнав со парчиња заради моторичкиот развој и здрав однос со храната. И кај мене двајцата станаа пребирливи после година, па полека се враќаат во нормала. Месо и двајцата одбиваа помеѓу 2 и 3 години. Секако е подобар методов од класичното блендирање ама јас не би почнала веднаш од 6 туку како што ти пишав претходно.

 

Неточно. Не мора. Има деца кои проодуваат а не лазат. И тоа деца кои не користеле помагала.
Најважно е да се остави детето само да ја развие моториката, да не се користат џампери и дубаци. Има деца кои се тркалаат а не се влечат. Повеќе седат и од таа позиција почнуваат да се исправаат покрај намештај. И проодуваат. Ама сами развиваат моторика. Во сево ова важна моториката а таа пак е важна за развој на мозочето.

 

Да, ама и војничко, и влечење и тркалање е вид на лазење
Ќерка ми класично лазеше од кога прооди. Пред тоа се влечеше ко змија, па со раце, нозе се влечеше ама класично лазење почна да практикува откако одеше еден месец. Ваљда и здосади одењето

 

Како почна на 8 со парченца, сакам и јас ама многу ми е страв, не знам ни што да дадам, ни колкави парченцата, до сега блендано давав. Имаме два заба доле, горе не. 8 сме.

 

Не сум идела по блв методата, не се осеќав спремно за тоа туку ете со нас на маса е секогаш, гледа како јадеме и почна и тој да имитира џвакање. И така постепено, пченкарна смокичка, парченце леб, кајгана, ориз, попара, млеко и бисквити, ова беа меѓу првите работи што му дадов. Почнав и кашите на покрупно да му ги гмечам ама пак со вода помешано. Детето го следам колку може и што може. Само секогаш размисли парченцето што ке му го дадеш дали би можел да го изџвака, дали ако му се слизне низ грло ќе го голтне. И топчести работи не давај, обавезно згмечи ги или пресечи на пола, како зрно грозје на пример. Бананата исто мека е ама и лизгава, со тоа биди внимателна.

 

заради многу работи. ова што го набројавте плус самостојно јадење, контрола на тоа колку ќе јаде, запознавање со текстури уште од сам почеток, јадење оброци сите заедно како семејство, и други работи...

не ме сфаќајте погрешно ама многу често на блв се гледав само како давање парчиња а всушност е многу повеќе од тоа

методата ја следам сигурно едно 6-7 години и откако првпат ја видов решив дека мојата деца ќе јадат така. и прибирањето исхрана никогаш не било нешто што блв да го спречи, всушност многу се потенцираа дека после една годинка децата почнуваат да прибираат и дека тоа е сосема нормално

 

Сосема точно. Најголема заблуда е дека лазењето е фаза што се прескока па и на педијатрите им е мрско да објаснат. Не знам дали го прочита целото мислење. Има 6-7 видови лазење. Тоа опфаќа бебето да е способно да ја пренесе својата целосна тежина од една до друга точка по под, независно дали тебе ти изгледа ко класично лазење или само некакво влечење по под. Без бебето да е ујачано да може да го направи тоа, нема шанса ни да се исправи, уште помалку да прооди.

Седнување на бебе особено не смее, пред бебето самото, самостојно да почне да седнува. Тогаш се смета дека мускулите се ујачани доволно за да самото ја држи тежината на торзото а со тоа и вратчето има соодветна поддршка. Иначе само ќе се клати со телце по страни. До тогаш само соодветно седнување под агол и врзување само во делот каде што седи. Каиши за раце се непотребни, оти треба да се слободни за да може бебето само да се исправа и јакнее горни мускули. Секакви помагала од тој тип се непотребни. Самото бебе треба да ги усоврши тие вештини самостојно со соодветна стимулација.

 

Не те сфатив погрешно, се согласувам скроз затоа и не реков следам блв туку давам парчиња. Мислам дека покрај детето потребно е и родителите да се спремни, јас некако немав храброст од 6 да почнам, па модифицирав на мој начин и добро поминавме, го постигнав секако тоа што сакав да го постигнам.
Која се осеќа спремна нека почнува, сум за блв.

 

Да и раното седнување прави проблем врз ребрата и рбетниот столб. Па после понатака проблеми со тоа. Само кога ќе почне да седнува, треба тогаш на 90 степени бебе.

 

Значи додека не седне сама, ја треба или во раце или на меше или на грб да ја ставам? И сега моето плаче до зајдување ако лежи на меше и на грб. Што да правам, да ја оставам да плаче? Не седи уште скроз самостојно ама обожава да седи, кога седи си игра со играчи весела е. Како да постапам зашто не смее да седи?

 

Ми се заврти во глава некој миленик да земеме, уште по тоа низ куќа да трчам.

Да се пробаме со папагал, како првично? И како помал влог тоа. За со 2,5 годишен ѕвер во комбинација како би било.

 

Некаде имам прочитано дека за деца со респираторен проблем папагали не се опција, а знам твојата лесно спушта на плуќа. Наводно грините на папагалите во пердувите лесно стигале до плуќата на децата.

 

Смее да седи на 45 степени во количка или хранилка. На под ќе ја оставаш само на грб или меше и ќе бидеш до неа ќе ја занимаваш. Наполни шишиња со ориз, грав, музички играчки, пеј песнички, се што и држи внимание подолго да биде на меше. Дете на под секогаш се остава на грб, не во седечка положба. Ќе плаче ќе ја земеш, после пак. За се треба упорност, напорни се додека се осамостојат.

 

Не Феникс, може на 45 да биде како полулегната состојба па нека се исправа сама према напред додека ја храниш, и така ќе вежба грб, врат.
Јас кога ја ставам на стомак рацете одма под неа како во Л буква, не и се на страна и одма е како дигната во вратот и главата и е горе и има видик гледа и не плаче така, ако ја залепам доле и главата према под, исто врти лево десно глава и плаче. Плус можеш на едно ќебенце да ја легнеш и да ја лизгаш, ќе движи и ќе и биде интересно. Пробај
https://inlifeandlittles.com/blog/making-tummy-time-fun

 

Баш ќе читам за ова. Лани после пневмонијата и бронхити имавме забрана да е во контакт со кучиња, мачиња општо одреден период.
Годинава респираторно е подобрена, нема толку мака ама не би да ризикувам.

 

После цела ноќ спиење на интервали од саат постов ми влеа надеж дека ова сега што го минеме ќе е за добро. Се врти цела ноќ и сама се буди веќе повише од 3 недели.

На 2ипол се сврте на меше, на 4ипол на двете страни и не прекина, сега на 5 крева газ и се влече на назад, се врти 360 на под, значи нема трпение грам да се развиваат работите побавно, нема бавна игра, кафе не можам да си пуштам ако не е врзана во релаксатор. Страв ме фаќа дека ќе е нервозно дете кога ќе треба да усовршува вештини.

Добро утро, ќе одморам здравје кога ќе умрам.

 

Не сака ништо од тоа, се имам пробано, зајдува од плачење додека не ја седнеме.

Глава држи исправено од два месеци, не сака никако на меше ни на грб. Еве и на педијатар не може да ја измери зашто зајдува од плачење кога ќе ја легне. Ортопед ни рече може да ја седнеме на 90. Грешам што слушам ортопед? Иначе не зборам за хранење, општо зборам.

 

Најубаво е на под оти е рамно и тврдо. Абе 15 секунди некогаш е доволно ако издржи. Нека и е непријатно и нека се буни и кенка не е тоа проблем, само бенефит може да има, чувај додека не заплаче. Имаш едни картички кои кога ќе ја легнеш долу и ги редиш околу глава за да се обидува да ги гледа го пролонгираат времето поминато на под плус стимулираат љубопитност.
Иначе можеш и на тебе да ја ставиш. Ти седни и навали се наназад и земи ја на меше на тебе, збори и пеј и.. ниедно бебе не сака такви позиции верувај ама колку почесто правиш така побрзо ќе се навикне. Ако почнеш така по неколку пати секој ден, за две недели ќе има огромен прогрес и сама ќе приметиш колку и самата ќе се задржува без да се буни.

Иначе затоа и хранилките имаат левели. Лично, со првото дете бев заљубена во една дрвена хранилка која не се навалуваше воопшто, ама од пуст мерак ја земав. Ама првите месеци додека седна самостојно сама, ја хранев во релаксатор, навалена под агол. Голема е више твојата, за месец два ќе седнува сама, дај и време самата да го усоврши тој мајлстоун, може ќе ти биде малку помачно ама ќе помине времето брзо.

 

Нема што немам купено и дадено. Не сака од раѓање на меше, се врти она, и а се сврти на меше урла . Седам и доле не сака, на спална не сака, на мене не сака. Плаче со солзи поголеми од нејзе. 8 месеци не сака никако на меше. Сака само да седи, кога седи си оди нанапред си зима играчки, ако и дојде на страна се допира и задржува со рачињата. Во хранилка седи на 90 и јаде без да се клати. А ја седнам може цел ден да игра, бајче е.

 

Е ова е моментот кај што ме буните
Значи според блв, баш се препорачува таква хранилка, и детето да има 6 месеци и да седи со минимална поддршка, ама никаде не се збори за предуслов дека треба дете самостојно да седнува. Сите знаеме дека има милион деца што го следат овој начин, башка само Solid starts да го земеме како извор, таму се 15тина експерти што го препорачуваат, а ги има уште тон

Дали сите они грешат?