Мајчински муабети (не е за барање совети)

Искрено се надевам дека нема да се повтори да го удри баба му.
Но од друга страна пак ако се дрзнува пред тебе да го удри два пати иако детенцето се расплакало уште на прво удирање убедена сум дека не го удрила баш на таа случка прв пат.
Си пробала да и објасниш но ете и на мт му се оправдува за причината што значи залудно ти е објаснувањето со неа.
И уште безброј работи со добра намера да и кажеш, па и закани во краен случај не вреди.
Што си зацртале стариве така е најправилно, а тоа што ти се тресеш над дете ден ноќ не ги интересираат нив твоите чувства.

Можеби ако имаш некоја блиска личност во која имаш доверба да го оставаш детето, или некој престој за деца што работи во викенди, многу подобра опција е и за детенцето, а и ти да не си под стрес и да мислиш постојано што ако и се заарни на баба да удира кога и текне и да си има целосна слобода со дете(како што и нели така мислат кога чуваат внуче) додека не си дома.

 

Ок јас не би ја правела оваа параноја на мајка која сигурно сега проаѓа низ пекол од минимум 10 причини покрај оваа. Не дека бабава го малтретира детенцево само имаат заостанати сфаќања дека "не боли по газе" или " со страв ќе научи".

Верувам нема друга опција на која да се потпре, ќе види и по однесувањето на детенцето секако тоа се забележува мислам дека е и веќе над 2 годинки па сигурно и си кажува по нешто,

Мислам дека со малце построг и заканувачки пристап ќе се разберат со бабава дека удирање не е опција повеќе. А дека ќе го кара и вришти на тантруми тоа верувам дека нема да престане, ама мислам дека не постои некој од постариве кој има нерви за да се справи мирно со тантрумите..ние сме живееле со стравопочит кон постарите и затоа им е несфатливо како нашиве имаат тантруми вриштат фрлаат а ние сме биле бајчиња.

 

Не се работи за правење параноја туку кога бабата е толку слободна пред мајката посочив дека може не е прв или последен пат, не беше намерата да и отежнувам, а и нагласив дека се надевам да не се повтори.

Не значи дека задолжително мора баба да го чува детето дури и кога не ја слуша и почитува мајката па и сака да испаѓа жртва оти имало зошто да удира дете и дека тоа дете ќе ги тепа дома ако не е нели понекогаш удрено.

 

Ок е немам параноја, се согласувам дека тоа би било подобра опција, но за жал ја немам. Преку недека е ви градинка, мм е во странство, сабота која мајка ми е слободна е кај неа, кога не е мајка ми тогаш е кај свекрвата.

Жената у глобала се однесува добро со него, ова беше шок и за мене.
Детето ќе каже ако го тепа, многу е бистар и ќе приметам.
А и искрено има страв од мм, оти го знае и знае дека ако де повтори и се дознае нема око да му трепне ако не ги види никогаш.

Само мене аксиозноста ќе ми работи ништо друго.
Инаку се работи за неколку саботи, толку, ама и јас тие нема да имам мир.

 

Детето ако бабаму го тепа ќе бега, ќе се плаши, итн. Поинаку размислуваат, и мене бабами знаела да ме удри.. сме и се качувале на глава. Деца како деца. Не сме се жалеле, сме биле криви. Имам гледано друга ситуација да не се удри дете, тоа не слуша никој .. и детево ги тепа сите баба дедо мајка , личи тоа на нешто?
Треба да и назначиш со добро дека децава водат инает и дека полошо ќе биде ако го удри, со арно, не да се караш мислам нема да постигнеш нешто така. Друго и детето требало да го искараш според мене да не се повтори да удира постари со метла или стап зошто не е правилно. Значи во ситуација си двете страни да ги искараш. Неможе да имаш само за детето разбирање, тие. се генерации кои така растеле деца ( не зборам за екстемизам кај што се малтретираат деца) туку ако не слушаш да те удри по газ, по рака...
Смири се разговарај со убаво и со дете и со свекрва, не си прави стресови, сигурно го сака детето и се грижи за него.

 

Фала богу некој пореален коментар. Сите изреагираа мислиш женава го утепала детево, а тоа што детето мава нема врска, дете е не разбира.
Малку се забега со тоа gentle parenting и затоа и има се повеќе распрдени и разлигавени деца.

 

Тоа за распрдени и разлигавени деца беше општо кажано, не конктетно за детето на членката. Се извинувам што не сум се изјаснила убаво.
И кажав дека Ladyme се убаво кажала, дека треба и детето да се скара а не само бабата. Зошто за тоа никој не коментира нешто? Тоа што им се дозволува се на децата пошто ете поминувало низ некаков период не им носи ништо добро.

 

Те молам не ми ги правдај со тоа е нормално за нивни генерации оти апсолутно не е нормално. Детето е 2.4 м апсолутно не разбира што сака да се постигне со тепање, освен страв, не можеш да дисциплинираш дете со тепање дури тоа и удирање по рака и газ да е, било на која возраст, а особено не дете на 2г.

Значи детето е во фаза кога удраат, да му се збори секојдневно дека не треба, и да му се скарав дека не се удира никој со метла. Таа не дозволи јас да му се скарам, туку прво насилно му ја зеде метлата со која си играше оти не и одговараше како си игра дека дома со метла од надвор, он на тоа изреагира како дете на кое му е земена играчка, и реагираше со удирање, по природа не е таков ама во две недели смени околина, тргна во градинка, беш 3 пати на земање крв од вена, беше болен, татко му кој го чуваше по цел ден замина во странство и детето е под многу стрес што е разбирливо, треба да се има трпение со него моментално.

Апсолутно не оправдувам ќотек во било која форма, на било која возраст и апсолутно имав право да се скарам со свекрвата, а плус не и се дерев кажав со апсолутна јасност, строг тон и авторитет кој сметам дека го имам кога се работи за мое дете.
Да беше маж ми немаше да биде така смирен верувам.

Дете што не слуша никој има проблем и со такво дете треба да се работи.
А колку повеќе се тепа толку повеќе нема да слуша.
Маж ми е апсолутен пример за тоа оти татко му не го тепал по газ, го тепал крвнички на граница со малтретирање, а свекрва ми гледала и не превземала ништо. Според мене тоа е апсолутно поразителен начин на воспитување, мм ниту ги слушал ниту беше послушен растеејќи, ниту примерен и има проблеми со контрола на бес на кој работи со години.
Така да апсолутно не е она експерт за воспитување деца, у никој случај.

Инаку да детето ретко сака да се дружи со неа, можеби има за што.

 

Ти твоето расти го со ќотек, и сметај дека е праведно, тебе дека многу строго те растеле си вак распрдена? И не воопшто не му е дозволено се, напротив секојдневно се трудам да разговарам со него, да зборам, да надокнадам изгубено време, да работиме на емоции, ама погоди што мавање и фрлање е фаза низ која сите тодлери минуваат, ако не сите барем 90 посто од нив.

 

@1209 , совет кој го добив за ќерка ми, кога маваше било во градинка, било дома е дека со удар никако не смеам да враќам (не дека пробав де јас да ја тепам оти ме удрила) ама постојано и постојано да зборувам како удирањето не е добро, како не смее ни мене, ни другарчиња, ни било кој дома, ни по играчки да не дозволувам да мава оти и на 2+ години и не знае да разграничи многу.
Во смисла демек еве ти кукла тепај ја неа, мене не смееш. Комплетно погрешни знаци така.
Факт е дека баткото поминува низ многу промени во краток рок, ама границите треба да си ги има.

Инаку сум добила коментари, пример на гости, ќерка ми застанува до прозорец да гледа надвор мачиња и кучиња, а попатно со раце фаќа на стаклото и со устето валка. Значи не којзнае какво опасно однесување ама од една баба добив коментар дека во нивно време децата седеле до родителите и за такво однесување добивале ќотек по газот.

 

А тебе ти е ок ќерка ти шлака по стаклото по туѓи куќи?

Ок ти е некое дете да ти дојде дома и да ти шлака по стаклата па ти да чистеш по него отпосле?
Дома што сака нека праве, ама во туѓи куќу едноставно не може да се дозволува сѐ. Мое мислење сепак.

Заради удирање туѓо дете се скарав со бившата јатрва и не зборевме долго време оти се дрзна да ја удри ќерка ми и на крај она излезе навредена оти почнав да ѝ се дерам дека нема право да удара мое дете. Која сум била јас да ѝ се дерам. Молам? А која си па ти да ми удараш дете

 

Добро бе вие нормални сте? Дали ти е тебе нормално да се тепа дете по газ за несвесно кашкање на стакло на 2г или на било колку?

 

Мене како ме растеле ич да не ти е гајле, не сум јас тема на муабетот. И моето маваше во телевизор со играчки, и погоди? Една по пелена и од тогаш не мава веќе. Ти твоето остај го да мава по кој стигне и кај стигне и викај му браво мамичка, само нежно!

 

Eve ti se ispozali od svekrvata. Ne i ostavaj dete na cuvanje ni 5 minuti.
Tvoeto dete ete udiralo. Od kogo go naucilo toa?

 

Прочитај горе, се редактирав.

Кај реков дека е нормално да се удара дете? Со ударање ли се воспитува дете? Можеш да му кажеш да не го прави тоа на друг начин, никој не рече дека треба да го тепаш. Ама не е ни ок да праве што сака во туѓи куќи

 

Ок, и не не му викам браво и не му викам дека е ок. Ама ти следен пат кога ќе згрешиш нешто на сопругот нека те мавне една воспитна и ќе видам дали нема да маваш оти те дисциплинирал или нема да маваш оти ти е страв пак да не те удри.
Ако така растеме деца со страв, тогаш да ги маваме нека се плашат од мали од нас, така ќе бидат послушни.
А иначе те читам одамна на темава, јасно ми е одамна како си растена, уживај не ни барам од тебе совет.

 

Од неа оти она му вели дека ако не слуша ќе го тепа, па кога она не го слуша него и му ја зема играчката оно ја тепа, сеа јасно ти е кој е апсурдот на тепање за да не тепаш?
Се слушате што зборите? Знаете нешто за детска психологија, развојни фази или само раѓате деца колку да се рече дека сте родиле сте одредиле ред?

 

Офф знаела она како сум растена... Ти јадната не знаеш ни што пишуваш самата а не па друго да знаеш... И јас се покајав што пишав кога видов дека ти си ја почнала дискусијата затоа што ова е втор пат со тебе да се фатиме и јасно ми е од тогаш со кој имам работа пошо и тогаш се праеше еве која сум што сум а после кукаше по темиве со спротивно од напишаното. Може и ќе ти текне за што зборам Ајт толку да не ја полниме темата џабе. Поздрав.

 

Грешка си.