Мајчински муабети (не е за барање совети)

И мојата правеше исто, а кога баш и излагаше заб ништо не глодаше. Така да не мислам дека прават така заради заби, туку орална стимулација дека им е, барем според мене

 

Не знам баш, јас се откажав веќе од ставање ред за денските дремки. Помина и 5 скок, и пак ништо не се смени. Бебка е веќе 6+ месеци, уште не се знае кога спие преку ден и по колку време, никаков ред нема, секој ден е различен. Никогаш не спие повеќе од 30мин преку ден, и толку многу сум изморена од нишкање, презаспивање (кое никогаш не успева), не знам веќе што да кажам.
Почнав со вкусови, еве веќе рачунам дека има и појадок, ама секој ден појадокот и е во различно време баш поради тоа што секој ден таа различно дремнува. А ако и се спие, џабе што е гладна- нема шанси да јаде ако е ненаспана. И така нервози секојдневно со ова денското спиење. Мисловна именка ми е да спие по 1.5ч како што кажувате, никогаш не се случило тоа.
Башка што и тие 3-4 дремки што ги има сега од по 20-30мин мора да се на мене, инаку сама во креветчето одма се буди.

Последнава недела и ноќе многу често се буди, по 4-5 пати, претходно барем ноќе спиеше убаво со 1-2 станувања за доење само.

Цело време мислам дека нешто грешам, а не знам каде. Иако ми е второ дете, скроз сум изгубена оти нема никаков распоред. Исцрпена сум веќе од калкулации, прозори на будност, знаци за дремка, демек се пратам и пак џабе, таа не спие. А и се спие, оти кенкава е, плаче и нервозна.

 

Не знам дали е ради тоа ама кај мојава најпрво и се продолжи првата дремка и тоа баш кога воведов целосен доручек (дремката е после доручек). Сабајлињата ни се исти, така да има некоја рутина. Значи станува и цица (ако цицала саат пред да стане официјално па презаспала тогаш не и нудам воопшто), се гушкаме во спална, предоблакање, си игра, кака (да скоро секој ден во исто време хах), ја пресоблакам, и давам доручек на по 1ипол-2 од станување, поигрува пак ако има уште сила па дремка. Е сега кај неа е многу голем првиот прозор на будност, некогаш по 3 и нешто саати. Почнавме со 2 кога беше накај 6ипол месеци и се некако уште и се играше а не кенкаше па како и го зголемував така ја продолжуваше дремката. Еве сеа 2 саати спие прва дремка се мислам да ја будам ама стана рано па беше будна 3 ипол скоро саати до дремка (првите 40 мин лежејќи во кревет)

 

Мојата се буди околу 6/6:30 секое утро, и некогаш е будна по 2ч, а некогаш и се приспива веднаш после пола саат откако ќе стане. Значи некогаш прва дремка има во 8:30/9ч (во тој случај давам појадок па после спие), а некогаш дремката е уште во 7ч (чекам да дремне па давам појадок).

Инаку за доењето исто и јас, ако последно цицала во 5ч на пример, кога ќе стане во 6ч не ја дојам пак, туку сметам дека треба да дадам појадок после 2/2.5ч од последното доење.

 

Пробај да не ја заспиваш толку брзо по пола саат иако ти изгледа дека и се спие, може само и се здосадило. Смени и средина, нова занимација понуди. Како растат така подобро функционираат со дремки во слично време, така ме советуваа други родители и еве кај нас многу подобро функционира.

 

Кај нас супер искористено е. И големка уште си го користи. Плус се расклопува и ко масичка со клупа се прави. Од rusticmmeood.mk го нарачав. Мене ова најбезбедна варијанта ми беше зошто ептен сака да е со нас во кујна.

 

На тема мажи и спиење, јас мора да го пофалам мојот.
Ние си спиеме на спална со мм, бебе е до нас во креветче. Јас некогаш заглавувам со работа, дека работам по УСА време, а ако не работам, тогаш заглавувам со чистење, перење, пеглање... Маж ми е задолжен да ја заспие ќере. И наутро сам ја зима од креветче кога ќе стане ќере, и ме остава да спијам. Јас од вечерта и го спремам ранчето за во градинка. Тој ја пресоблекува, и дава млекце и ја носи на градинка. Ако имам легнато во нормално време, станувам и јас со нив. И така си функционираме цело време, поделени ни се обврските околу домот и бебето.

 

Леле и моево спои и 4ти и 5ти и све што можеше да се спои најлошо . Спиење ужас, се буди на секој саат и само со нишкање презаспива оти гледам да не му давам да цица цело време па со цуцлата се бориме ко со мечка додека ја фати убаво.
Со баткото не ја ни отворив апликацијата за скокови ама со ова секој ден ја проверувам уште колку има. Се надевам ќе се среди после скоков оти ми се спие ми се плаче и на мене.
Го купив прирачникот од наспани мајки на инста па да завршиме со скоков и почнувам со некој тренинг од тие.

 

да ви кажам не обврските, нас ни се поделени децата маж ми откако е родена малата и е 100 посто посветен на големата, сега јас сум дома па само он ја носи во градинка и ја зима, предходно он ја носеше, јас ја зимав. навечер јас успивам бебе они за тоа време завршуваат ритуали бањање/ туширање, миење заби. насабајле бебево ми се погоди за спиење, така да ние си поспиваме они се спремаат за во градинка и искачаат. е навечер е презабавно бебе е во креветче до спалната, не можам да се пожалам затоа што лесно презаспива, ама некогаш знае и по 10 пати да стане да цица, големата спие меѓу нас цело време ме клоца, се открива, а маж ми тој па рчи еден асален сон неам истерано, пробувам да го избркам од спална ама не сака да си оди .... иначе најјако ми е кога бебево станало 15 пати ноќеска, а он појма нема и сабајле ми вика абе цицаше ноќеска ??? како беше она сакам да спијам на неговата страна од креветот, таму не се слуша ништо