Мајчински муабети (не е за барање совети)

Мајки риностоп со доење дали може.
Не страниве е лактација не го пронаоѓа ,само спрејот го има.
Тинтак ми е грлото и нос затнат.

 

Не може. За грло пантенол таблети, за нос само овие спрејчиња на мораска вода. Со лесно

 

Пантенол не ми помагаат ,ми се гади од нив
Ништо еукалиптус ќе пуштам во дифузерот и парацетамол ќе пијам другп нема

 

и мојата ако заспие кај 7 будна е во 5, заради тоа гледам да ја држам будна барем до 8, некогаш ми успева, некогаш се вртам и ја наоѓам заспана

вчера славевме роденден на големата во игротека од 19:30, едвај издржа пола саат и заспа таму во количка и таа гужва и дерење и музика она си спиеше.

ќе почнам да верувам во скокови, пошо еве ја регресијава во спиење на 4 месеци ја осеќаме, се повеќе е будна и свесна, деновиве повеќе ја шетам во кенгур, ептен сака да си гледа, ужива, не сака да лежи во количка веќе.

 

Кај нас помина, кратко траеше. Само тој период што сте вие сега, после тоа гајле нема, ужива да е надвор и си спие без проблем.

 

Ќе можеш ли да ми објасниш како успеавте да се одвикнете од нишкање? Мене не ми успева никако сам да заспие, нишкам по цела ноќ, а веќе е 7ипол месеци и станува неиздржливо

 

Ми треба совет од поискусните мајки... како ги научивте да спијат во своја соба и кога? Големата вчера беше роденденка, наполни 4 години, малото е 3 ипол месеци, и направивме нејзина соба но она уште спие со нас, не сакавме да ја форсираме да не се чувствува отфрлено дека бебето е со нас, а она сама, ама проблемот е следен малото ми заспива 7-8, а она седи до 11-12 ќе легне во спална и цело време збори, плаче, пали светло бара приказни да и читаме, цело време го буди бебето, сабајле едвај ја будиме за во градинка, исто станува со плачење, бебето се буди, бебето станува навечер за цицање ја буди нејзе па она плаче значи не знам дали да ја форсираме, цело време плаче дека сака со нас да спие и многу ми жал, ама па и вака не бива... дали треба да се откажам и да ја оставам или да пробувам со некој трик... помагајте

 

Drugarka mi ima decinja od 5 god i 6 m, prvo majkata spie do malata edna vecer a tatkoto so golemata pa posle obratno i se menuvaat zavisno od toa kako diktira golemata ☺️

 

малото цица, евентуално да земам да купам еден душек и маж ми да го преселам кај неа во соба...

 

На син ми му направивме соба некаде на 2.5 години бидејќи планирав да останам трудна и сакав да го адаптирам.
Откако бев поголема маж ми почна да спие со него навечер и некогаш го заспива и се префрла некогаш спијат заедно бидејќи има монтесори кревет 160 на 200 и ги собира.
Сега бебето ќе биде во спална па со маж ми ќе продолжиме на ист начин - он со големиот 3.5 сега, јас со бебето

 

Да најпаметно ти е или душек или можда фотеља на спуштање во детската соба. Јас баш нарачав фотеља на спуштање ем планирам да ја користам за да и читам приказни ем за некој од нас ако преспива кај неа во соба по потреба здравје кога ќе ја префрлиме во нејзина соба

 

Добро утро, да се пријавам дека претам. Синоќа доцна легнав, сабајле во 6ипол ете ја бебка стана.
Го истеравме роденденот на синко вчера, таа дремна во количката еден саат, и после дома не можеше да заспие дури до 11 саат, ама и се поремети редот.
Ајде, ништо не и е од една вечер, бато беше пресреќен битно, и таа многу се радуваше на децата, иако не ја внесов во игротеката, од ресторанот ги гледаше
Се надевам ќе спие повеќе денеска па и јас да украдам некоја минута сон, очајно ми фали.

За спиење во детска, големиот беше 2.5 години кога го преместивме, и од одма се навикна сам да спие, никогаш не сме спиеле јас и мм во неговата соба. Беше многу возбуден дека има негово катче со сите играчки, голем кревет .. Ама тоа се зависи од детето, нашиот многу лесно се прилагодува и не правеше проблем воопшто.

 

Среќен нека му е роденденот, голем да расте

И мојата беше пресреќна исто, ама возбудата траеше еден ден не знам дали многу чекавме, ама и до детето е, мн мн е лепенка за нас.

 

Почнавме прво со денското спиење. Мајка ми тоа почна, она ја чуваше, јас на работа тргнав тогаш. Од прво одма и упали. Легнати на кревет и галење, гушкање. Истото и на вечерно спиење. Легнувам до неа, пие млекцето и заспива. Е имала денови , во сред спиење се буди со плачење и тогаш сака гушкање во раце.

 

Кога беше мислењево не искоментирав, ама синоќа пак го правев муабетот со една пријателка, која го дели вашето мислење и еве ме заинтересира да прашам и тука повеќе луѓе.

Зошто? Зошто сметате дека е срамотно да се збори за биологија? Тоа е чиста биологија, учење на разлика меѓу машки и женски. И мене ме нервираат термините искрено, ама кај нас тоа е, да научиш па дете на пенис и вагина бетер ќе е, ама муабетот ми е дека јас лично не разбирам зошто овие теми се сѐ уште табу?

Еве јас лично сметам дека, како што пишав, ова е муабет на чиста биологија, и дека нема зошто децата уште од мали да знаат дека и како се различни машки со женски. Сметам дека поради тоа незнаење, подоцна во школските години кога учат, или кога ќе наслушнат, се прави многу голема стигма околу тоа, особено за девојчињата (иако не знам зошто), а да не зборуваме па кога им растат гради на девојчињата какво исмевање знае да биде тоа (искуство од некој што почна прв да расте гради). Зошто не би било убаво да се нормализира тоа кај децата уште од најрана возраст, да гледаат на тие работи како на биолошки факти, а не како на разлики кои се предмет за потсмев?

Сакам да ја начнам дискусијава искрено само заради љубопитност, ме интересира размислувањето, нит судам, нит ништо.

 

Зашо на година нема појма од животот, а не да се учи за куре и дунде
Се учи биологија малку понатаму, ко ќе и фаќа лејката.
На година, со 7 и пол месечно е сосема непотребен муабетот. Конкретно за на Лејди ситуацијата коментирам

Ќе се вратам на подолго за општо за биологијата ко ќе престане женскава на 20 секунди да вика Мамоооооо

 

Абе не викам јас да му објаснуваш тогаш биологија во детали, ама ме интересира повеќе зошто толку се гледа како табу тема?

 

Абе какво табу, вулгарност е муабетот. Дома се учат полови органи, граници за допирање и слично, кога почнува да разбира. На година дете во лифт ќе му објаснувам што орган има он што комшивката.
Еве по внук ми ако гледам на некои 3 години веќе му сечеше главата што му се збори, зашто во градинка женските седат да мочкаат и што е разликата.
Таа што прави муабет во лифт на ваква тема е истата што нема да седне да му објасни биологија и граници зашто не смее да допира и да го допираат. Тие родители што се посветени на темава не прават бош муабети било каде.

 

Што ќе кажете доколку ви се јави свекрвата и ви каже дека нејзината ( матична бајачка) и рекла дека имате проблем со јајниците и да одите на гинеколог ?
Денес се раѕвонила од сабајле упорно а вчера примавме вакцина детево температура качи ноќеска дежурав салам не сум спиена, не и кренав после на второ ѕвоење прашува како сме и кога ќе ми рече слушни ме сега што ќе ти кажам косата автоматски ми се крева, и муабетот со бајачката. Следен пат дефинитивно и викам кога ќе имаат нешто проблем да си одат на бајачка а не по доктори.