Пред малку се прибравме, напорен ден денес, тоа е кога сакаш во пола ден се да завршиш, и преглед, и шопинг и гости... Имавме закажано на ортопед ама касно од 17часот, па потоа набрзина до Сити мол, не дека успеав да разгледам или да прошетам ама си купив една маичка од Ваикики колку да не е без ич, потоа пак кај сестра ми на по едно кафе и веќе скоро 22часот стана кога си тргнавме накај дома. Верувате ли во судбина? По пат ни се случи нешто од што кожата ми се наежи. Некаде на пола пат кола почна цела да се тресе и бела чад да излегува од ауспухот, мм најде погодно место и застана, се чудиме што може да е, пред неколку дена ја зеде колата од мајстор, куп пари даде за поправки, се изнервира, почнува да пцуе, јас се исплашив, ќе останеме со дете на сред пат во темницава... Испуши мм 2 цигари, седнува ја пали и колата тргнува нормално, како ништо да не било. По 5-10 мин возење гледаме пред нас сообраќајка, 3 коли се имаа истумбано една во друга и тоа веројатно само што се беше случило зошто сеуште немаше пристигнато полиција. Луѓе веќе беа застанале да помогнат, ние ради детето моравме да продолжиме. Му велам на мм, ете гледаш Божја работа, да не се расипеше колата може и ние во тој момент ќе сме биле на местото на настанот. Некогаш Бог ни става мали препреки за да не заштити од нешто полошо. Еве не дома на сигурно, си легнавме гушнати, двајцата заспаа, но јас им се искрадов од кревет зашто сум вознемирена и нема да можам да заспијам. Ќе ме мачеа мисли да продолжев така да лежам па си реков да видам што има по форумов. Лека ви ноќ и вам и убав ден утре ви посакувам! Господ сите да не чува!
Dobra vecer majki Cerka posle cel den igrajne zaspa posleden period ne jada toa sto i spremam pa nervi mi idateden oris,jogurt i leb onaka si jade drugo nisto se i bilo schifo leleee zenava znae sto bilo ubavo sto nei taka maka si maci so kakata a veke neznam sto da pravam pa davajte soveti Corbi i supi sekakvi napraviv i nikoja ne ja saka,mandzi isto taka,neznam sto veke da i ponudam a za momenti i vikam nema da jadis dodeka ne izedes podgotveno ama ne saka i ne saka! Aj malce da se nadovrzam na muabetive onaka muabet da si napravam so vas I jas sum vo majkite kade nikade neodam bez cerkicka a sakam da izlezam na sat vreme da se rasetam,da se napijam edno kafe so drustvo ama edno nemam na koj da ja ostavam a drugo nemam i nekoe bas drustvo Od kako se rodi e sekogas so mene na pola sat so mm koga se bajnam ili na casovi za vozejne i tolku. So svekrva ne sum bas a i taka maka si macam oti ona i dava slatki koga sme na gosti pa zamislite da ja ostavam na sat vremea i malava ne sedi so nea tolku. Koga sme mak dodeka spie sum ja ostavila so majkami i toa da zavrsime dikumenti nabrzinaa umot celo vreme kaj nea mi eic nesum mirna dodeka ne e do mene Mozebi koga bi bila poblisku so majkami bi bilo razlicno,i bi izleguvala pocesto ama vaka site zaedno sme na setajne Sto drugo sakav da kazam @Mari* I jas pocnav so vozacka oti tesko odi bez,mora se so mm. Na pocetok neka ti kazuva i mt toa sto ne razbiras pa so testovi i citajne ke uspeesi jas pocnav taka pa posle 3meseci uspeav,sega sum na casovi za vozejne,malce tesko mi odi ama mora i toake uspees probaj. @kallias hrabra majko @Mariangel so lesno vakcinata neznam sto bi ti kazale drugite majki ama neka pomine malce vreme pa potoa stavimu bazence,onaka za sigurno @Tinushka bidi hrabra majce za tvoeto najmilo,zivotot znae da bide nikakov ama mora da se boris za maloto Imajte ubava nojk site
Јас и брат ми сме 10 години разлика. Го паметам цело негово детство, го носев и земав од градинка, го носев на училиште, го чував ко ќе бевме сами. Ко се мажив за него ми беше најтешко, иако толкава разлика имаме многу добар однос, и сега знам да му се доверам ако ми е тешко, ме разбира најдобро. Годинава ни е матурант. Јас сакав најмалку 2 деца, на мала разлика. Со мм се смеевме дури бев трудна, да се породам и веднаш второ. Ама не испадна така, јас без работа, кредити, давачки, едноставно нема добри услови и не знам кога ќе има. Барем за синко да обезбедиме колку што се може. Друга работа што психички не се чувстувам најдобро, не знам како би се снашла. Како и повеќето многу се грижам, се плашам, паничам често кога се работи за него. Педијатарот негов се смее, вика роди уште едно ќе се поделат грижите, а јас мислам ќе се дуплира паниката. И така ќе оставам на иднината за второ, ако некогаш се наредат коцките, можеби.. @kallias гушкај го синчето и бидете силни немам похрабра жена сретнато.
Не, на патот помеѓу Овче Поле - Штип. Кога ни се случи тоа со колата застанавме во Сарамзалино, значи некои 5-6 км понатака.
Добро утро мамички Ние стандарт шема,будење пред 7 и правец градинка.Едвај чека да ја однесам,до толку и е бактисано од мене.Ама ако се радувам за неа,едно време плачејки одеше а сега се навикна самата За излегување сте збореле...Јас не памтам од кога не сум испаднала навечер во диско,можеби од пред да останам трудна.Факт е оти нема кој да ја чува па така само денско време си се шетаме двете и обично една другарка доаѓа со мене,таа има синче блиско на возраста на ќерка ми,па лудуваат заедно. Едино од работа некни моравме да одиме,и тоа на 2 саата ама мм ја чуваше.А како фамилија никаде освен до маркет не сме биле заедно.Кога јас сум на работа мм ја чува,после тоа он оди па јас ја чувам..И се така во круг,крај нема!!! Да се живи и здрави само,кога ке порасне ке шетаме Имам брат 10 години помал и јас му бев бебиситерка.Кога се омажив отиде да спие на мојот кревет во мојата соба и еве 3 години не сака да ја напушти и да се врати во неговата.До толку му недостигав иако е тврд орев и не сака да признае.Имам и сестра 10 години поголема и најискрено не ја паметам многу дека мала се омажи во Германија и сега имаме многу малку контакт.Мојот татко на 10 години правел по едно дете @Tinushka биди силна мајка.Јас имам познаничка со тој проблем ама со доволно внесување на сите потребни витамини и суплементи таа си живее скрос нормален живот. @kallias @Mari* Јас имам возачка многу време и верувај дека многу ке ти биде потребна.Ке успееш @Lolipop23 Господ ве чувал Ве поздравувам сите и имајте убав ден
Добро утро мајки. @Kaetana Тука си мајче, шкрти некој збор како сте со момата. Се надевам сите наерноќи се зад вас и се спремате во полн погон за летото. Доста кажувавме вчера за сестрички, да се јави @eleni27 директно од местото на настанот со трите мали мажиња . Држ се мајче, можам само да претпоставам колку ти е напорно...ајде барем сега стоплено, повеќе надвор ќе се испаѓа, зимова дома не се издржуваше. @irena.1 еднаш го правевме муабетото околи љубомората на големава со пристигнуавњето на малата на свет. Твоите мажиња оти ќе бидат две години разлика, блиску како моиве моми. Можам да кажам дека дури после 4 месеци детево се олабави и не покажува никакви знаци на љубомора...ок, освен некои мали можеби, ама неприметни. Ја гали без опасност да ја џапне, си играе околу неа, кога оди на шетање оди до малата да и рече чао, па и рачето и го дига као демек и малата и возвраќа на чаото. Коски ми се тресат само за зимоска. Малово тогаш ќе лази, големава како џандарка секако ровари низ куќа, да не и ги прецени силите на малата па да и дава нешто за јадење(А, да, тоа заборавив. Пробува уште сега да и пикне нешто во уста и да и даде нешто за апнување) или некои игри кои не се баш за бебе. Ако до сега мислев очите четири отварање, тогаш па табетер. Тогаш ќе бидат околу 1 и 2.5 години. Мајки со дечиња на приближна возраст, како се справувавте во таа фаза? Стравовиве кои ги имам дека ќе се дружат на ваков начин основани ли ми се? Мислам дека и зимово не ги пуштам во градинка, дома ќе си ги чувам, па некако ќе се занимаваат сигурно. @Mari* @girl-miri Сте отвориле муабет за возење. Јас почнав да посетувам тероија пред некоја годоина, ама дознав дека сум трудна и баталив, некако страв ми беше. После доење па втора бременост...И сега нова беља додека не сме направиле започнав пак. 5ти час возење тука, во Македонија. додека сум кај мајка да искористам времето малку малку да повежбам, па кога ќе се вратам Германија ќе си почнам со авто школа таму од почеток. Ама тешко ми оди женски, многу тешко. Не ме бива. А не сакам да сум зависна ни од маж ни од свекрва, ми треба, и тоа многу. Ќе се потрудам, се надевам ќе успеам еден ден. Како се справувате со таа зависност и потреба да отидете од А до Б вие што немате возачка? Претпоставувам во помалите места е полесно, дететво во такси и готово, плус има супермаркети во близина па со количката и една прошетка. Но за оние други ситуации, кога стварно сами не успевате и не е возможно што поради оддалеченост што поради реално потребна помош. Кај мене мм ретко кога е дома, и тогаш дреме на компјутер, работи, , па свекрва ми ми била отсекогаш голема помош. Термини на педијатар, гинеколог, пазарувања...секогаш помагала и ме развозувала. Се смеам и викам ај и она да дочека јас нејзе да ја возам. Имате ли помош во овие ситуации или сте оставени сами на себе со сопругот или пак сами?
Добро утро. Кафето го пијам уште од 8 е на маса, бебе сега заспа па јас да видам до каде сте со муабетите. За тие што сега сте почнале со возење мислам беа @danichap , @Mari* ич да не се плашите нема ништо страшно јас имам положено пред 10 год значи на 18 кога бев нема ништо страшно а пред 2 год земав и дозвола за инструктор да бидам. Секаде одам со кола мака немам возам исто како и секој маж. После откога ке положите ке видите колку полесно ке ви е без да мислите за такси или да барате кој да ве носи од А до Б. Сега за другиот муабет. Децата ми се синко 3 ипол години а бебето скоро 6 месеци. Сега за сега добро ми оди со справувањето синко знае сам да се заигра во соба и по 1 саат а јас со бебето се оправам. На чување скоро ич не ги оставаме а има на кој се сами со мм. Кога одиме некаде и нив ги носиме. За велигден излеговме ама синко едвај не пушти само што седнавме во кафана и звони свекрва ми да одам по него многу плачел и ајде јас дома со колата го дотерав и ајде и тој со нас. Во диско немаме отидено 3 години. Сега во јуни со мм славиме 10 год матура ама дали ке одиме односно синко ако дозволи од него зависи. Тоа е мајки имајте убав ден.
@danichap Девојки фала за подршката Теоријата ми е на Хрватски а пракса Германски Ѓорѓи сардисан од сите страни Ај теоријата можеби некако ке ја научам ама праксата Германски сум тапа Незнам ни како планирам да успеам ама ке пробам,морам Потребна ми е возачка На крај маже рече ке ми купи едно количе со автоматски мењач и ке се возика мама по немачкава Ако положам де Ај хелоу Кере во градинка,за деца до 3 години престојот е до 12:30 Супер е,преспива и таму малце Засега без плачки и проблеми со останување,брзо навикна Јас малце одмарам,да зачистам нешто и толку е времето Нешто многу за кажување немам Времето супер па нон стоп сме во дворче Имајте убав ден мајки
Ве читам понекогаш и да земам да се искажам знам дека ќе ме сфатете. Буквално сум сама со син ми. Од раѓање така. Не јадеше, не спиеше по цела вечер, се будеше, до 2 години доев. И да сакав да го оставам немаше на кого. Мајка ми не се овде, свекрвата не сакаше да го гледа. Ако го оставевме, звонеше и кога немаше потреба. Престана да цица и пак иста песна, гледач немавме. Ретко. А многу сакав да излегувам. Навечер ете барем. Од бебе со мене оди на гинеколог и фризер. Ме шишат, а тој во скут ми седеше. Порасна, пак исто. Сега пак, сама сум во се. Татко му го зима и го гледа, ама поретко. Цел товар е на мене. И пак заедно одеме на гинеколог. Некни беше со мене да ми земат брисеви. Сестра ми е од помош, ама и таа си оди. Јас немам можност да отидам сама во банка. Морам со син ми. Не ми е проблем, но ќе лажам ако речам неќјам време и за себе. За излегување гледач тешко оти татко му е зафатен , па еднаш притискав и го зеде, а на мене ми пропадна излегувањето. Другарки и пријателки омажени, иселени, па повеќе се дружиме преку ден отколку ноќе. Небитно, на секоја мајка и треба време за себе. Затоа ако имате можност користете ги бабите и дедовците и посветете си време за себе. Јас се мислам понатаму ако ми треба некој да ми го причува, да си најдам девојче. И така, си олеснив нели. Поздрав мајки отидов да го будам син ми, седеше синоќа до 2. Го будам и во 8 сабајле и пак седи до полноќ.
Дека се зборува за возење за тоа тебе те цитирам да ви кажам пред некоја ден се изгазив од смеење треба да испаѓаме со колата Арно ама излезот од зграда блокиран и стално така се паркираат лошо тука е Стокомак и си пазарат и ти оди барај кој е да се тргне,и во колава една жена на сувозачко,мм и свири маж и сигурно во маркетот и оваа седна на возачкото ќе ја пали,ја запали ама никако да тргне дава гас а колава во место стои од ауспух испаѓа дим ама колава ме мрда леле толку беше смешна глетката ние како будали чекаме да се мрдне таа во место вози како скриена камера беше,на мм му викам леле и јас ваква ќе бидам ако се најдам во ваква ситуација или па недај боже може ќе летнам негде,шала на страна не е кола за секој јас во Велес би возела ама тука не.
@danichap дечињава мислам дека нинсе тука некаде на возраст..Баш пред некој ден синко во дубак јас нешто во кујна а керка на маса јадеше краставица кога и што се слегнала и му дала парче на синко срека се завртев да видам што прават и гледам синко работи со устата знаев дека нешто се случува ја прашувам што му даде и ми вели каста се здрвив му ја отворив устата тој ја беше испасирал веке и му ја извадив..Веке си играт заедно но керка понекогаш ете знае да покаже знаци на љубомора но не се токлу страшни како што беа..Синко пробува да лазе па и таа до него му покажувала но некогаш знае и да му ја фати раката да падне нејзе тоа и е интересно па затоа не ги оставам без надзор..Му пеее песни го лула на лулашката па може на сред лулање да и текне го тегле па сака да го дигне таа сакала да се лула циркуз ама тоа е сеуште се мали и двајцата така да држи се мајче уште малку ке е тешкото другото лето веке ке сме раат
Колку направи твоето? Кога планираш да ја одбиеш? Може е за др тема ама онака уз муабет тука ми е полесно . Јас сакам на 2г да ја одбијам, нормално нема да преселам на ден роденден ама тука негде. Имам чувство дека многу тешко ќе биде бидејќи премногу сака да цица, ќе ми се поклопи и со тргање во градинка па ќе се истекне некој месец плус. Од една страна многу ми е убаво што цица башка немам намера веќе да раѓам и некако како тоа да ми е причина плус што не ми се одбива иште ама пак претерува кога сум дома мн често бара да цица а и ноќе во сон дури вика цице сакам цице може маку цице. како сте ибаку девојќи, јас на работа, обврски еден куп а тешко ми иде некако
Тука сум. Ве читам. Не знам што да пишам. Малата е добра, ја мачкам со крема и осипот и е подобар. Откажав заради тоа вакцини, доста беше. Си оди во градинка. Знае да е невозможна, ама се трудам максимално да имам трпение со неа. Пробуваме да воведеме нокшир. Моча во нокширот целата задоволна. Го вика шоља. Ама ако ја оставам без пелени моча и во гаќи. Многу моча затоа што многу пие вода. Особено дека е тука топло деновиве, уште толку се дави во вода. Да кака нема шанси, мочањето го вика кака. Беше сестра ми тука, се изнашетавме. Ми се заарни. Ми се растажи. Моите доаѓаат утре. Недела и пол. Маж ми до никаде не е со магистерската. А требаше да биде барем до пола. Летово мора да заврши со неа. А треба барем месец дена пред бранење да поминат процедури. Некогаш си мислам дека нервно ќе се чукнам од обврски. Не се чувствувам толку уморна колку што немам волја веќе ништо да правам. Периодов ми е нешто цел на мелахнолија удрен, се раѓа некоја креативност во мене... како да ме присеќа на моите соништа што ги подзаборавив. Ете, на пример, наместо да работам, мене ми е поинтересно сега на германски да пишувам поезија. На муабетите. Еве ќе дојдат моите затоа што следната недела не работи градинката. Дали нивното доаѓање значи чување на малата? Не би рекла. И да имам малку време иако го користам да отседам на работа подолго за да вратам саати што ги должам, сакам да го поминам со нив. И без тоа ретко се гледаме. И да имам малку време да излезам, немам со кој. Ако дојде викенд, сакам максимално да се посветам на ќерката, иако тоа е единственото слободно време кое го имам. И така еве година и кусур сме само ние тројца, се вртиме во центрифуга, брзаме да го стигнеме времето што не гази... и живееме за 2-3 недели за нова година и летото за да се видиме со пријателите. Социјален живот - нула. Ма и нормален живот - нула. Се надевам дека курсот конечно ќе го завршам до нова година, и дека од следната година ќе биде веќе подруго. Барем се правам за да испадне така. И скокам модули, учам по дома (пробувам де, не успевам)... судете ме, но денес излажав дека сум болна само за да здивнам малку сама. Си фалам. Многу си фалам. Седам пред огледало и си фалам. Се прашувам кај сум. Кога се случи ова што го гледам? И одам трошам пари на креми. Дали ќе го покријат уморот? Дали ќе го покријат себеосудувањето? ... нејсе одам во друга тема да се испукам. Малата цица уште. Пробав да и објаснувам дека цицањето е за мали бебиња кои немаат забчиња. Дека е таа голема, и дека не мора да цица веќе ако не сака. Сега за сега имаме компромис дека едната е нејзина а едната е на бебето. Кога ќе речам дека двете се на бебето се лути. Кое бебе? Новото. Она што го сакам. Она што би сакала уште денес да се случи. Но, не можам. И со работа, и со обврски, особено со тежинава... не. Секое утро ми е „нов ден“ во кој „ќе фатам се под контрола“. Ќе вежбам, ќе дрќам режим. На крај не успевам и се разочарувам. Викам „од утре“. Ама моето „утре“ никако не доаѓа. А времето си врви, ќерката е 2.5 години... а сакав 2-3 години разлика меѓу децата. Сакам и трето дете. Сакам дома да седам да ги гледам децата. Знам, многумина од вас сакаат да одат на работа, ама ете... јас сакам обратно. А не може така, затоа што нема да издржиме финансиски. Кај се погодив денес да се изнапишам глупости, и јас не знам. Оставете ме, овие се глуповштини на некој што секогаш има бубачки во главата. Тука меѓу вас има мајки кои водат поголеми битки со животиштево, за јас да шкртам глупости! Затоа одам. Ве поздравувам!
Леле за кола не ми зборете,мм само ме тера да полагам а јас искрено од што гледам како се вози низ градов и кој се има возачка ама не да не ми се вози На работа одам со автобус,ако треба некаде мм не носи,или пешки или со точаче низ населба. Стварно подобро е да не молиш никого,си палиш кола и бркај работа,ама може ќе се решам еден ден да полагам. Ме фатила некоја мрза ништо не ми се работи, како се ближат летни одмори и мозокот ми е на одмор. Детево ми е нешто побркано со спиењево,овие два вечери едвај заспива,претходно што убаво до кај 20.30 a сега од 21 до 22 само се преметка во креветчето,па јас се преправам дека спијам,а она само вика мамоо,мамооо,па дај ми вода,па дај ми го бебето,и на крај јас се успав она не. Инаку и ние почнавме поинтензивно да го користеме нокширот,и претходно кажуваше за какање,ама сега почна сама да кажува и кога и се мочка,не секој пат ама добра е,ќе не биде.Воедно цело време и зборам дека уште малку и ќе носе гаќи и ќе треба да не ги мочка туку да кажува и она само повторува "носам гајчи и кажам кога мока и кака"
@Kaetana не те познавам, но премногу ми се допадна твојот пост. Имаш доволно инспирација и книга да напишеш, да ја издадеш. Јас си правам некои филмови од ова што го преживувам да напишам книга поврзана со мајчинството, ама ќе си остане само на правење филм. Јас сум нова во мајчински, само што направивме месец. Редовно бевме будни од 00:00 до 07:00, но ноќеска малата ме изненади заспа кај 4:30-5:00, ме остави сама да се дружам оваа ноќ, а јас прв пат спремна да издржам до 07:00. Едвај чекав да почне да спие преку ноќ ама еве се навикнав на неспиење. Како што се вели, сабајле кога ќе ми се насмевме заборавам на непроспиената ноќ. Еден месец сме а пред едно недела дена почна да гуга и веќе прави муабет со мене, се кара и на сите им што и зборуваат им се смее и им гуга, најмногу си ја сакам. Не знам дали е рано за гугање или таман си е. Хиперактивна е и кога спие прета и со раце и со нозе, врти глава лево десно, многу ретко мирува така. И така... Поздрав мамички. Немам пишувано, немам време, па не знам што попрво да пишам, ќе направам хаос во постов.
И да се надоврзам со уште една саркастична приказна (не можам едит да направам): Кола возам од 18. Значи 13 години. Еден убав сончев јули за прв пат си купивме нова кола како што сакавме. А истиот сончев август решивме да заминеме во странство. Сега нашата убава кола фаќа прашина по скопските улици. Чека да дојде лето за да се дружиме пак. Да ја донесеме требаат пари и време. Возачките не ни се признаени... и за да полагаме исто требаат пари и време... башка како што спомнав - немаме ни кај да одиме... )) Да ја продадеме - не бива... ќе и падне цената многу... башка си ја сакам. Така да... весело е. Секаде сме пешки. Благодарам @gjoker4e на комплиментот... допрва ќе се дружиме тука!
ни фалиш со постовите знаеш нели. Тоа е таа машина што не меле секој ден, обврски работа обврски дома. И јас посакувам се повеќе и повеќе да сум дома со децата. Еве 1 недела одмор и го чувствуваш денот, вака кога сум на работа едноставно не можам да поверувам колку бргу летаат тие 24ч а ништо посебно не можеш да направиш. Сакам да ги видам да си пограм со нив, сакам да се видам со мм, да потсредам нешто многу малку саати се, барем да имаше 1 повеќе. Викендов ја отворив ташната на синко да ја средам и толку грижа на совест ме изеде кога му ги разлистав тетратките и видов дека сигурно 1м ги немам отворено да видам што цртале, учеле. Немаат многу материјал во 1одд ама сепак. Оф а тек кога ќе почнат со обемен материјал и домашни. Малата нека е жива и здрава ама најголемиот дел од слободното време ми го одзема и е доста посесивна према брат и. Уште цица инаку и зверкава моја. Уште ме нервираат коментарите колку и да се трудам да ги игнорирам, пред некој ден сакав свекрва ми преку телефон да ја удрам кога почна да се смее дека уште цицала, па капак после тетка ми во ист ден ми дојде и ми се изнамрчи дека сум била многу осетлива и жалостива и сум ги пекмезела децата, што ако бара не и обрнувај внимание ми вика . Знам дека некогаш сум мека многу ама едноставно не знам поинаку. Што сакав друго да кажам не знам исклучена сум малку денес се уморив дојдов со точак и некако многу ми дојде. Пијам трето кафе од сабајле да доработам до 4 и ќе го јавнам точакон па накај дома. Многу пати почнувам да пишувам со триста мисли и на крај пола заборавам. каетана да ни пишуваш почесто и Елени да се јави ја нема.
