Мајчински муабети (не е за барање совети)

Креативни се многу.На едниот образ имаше 456 бројка, а на другата # Можеби мојата е немирна(иако не се пожалиле до сега) па затоа е робијашка
Јупи си имам сега 2 сваќи
@24.07 сваќе датумот се совпаѓа скоро со на снаа ти родендено и на 23, па затоа ќе те земам за сваќа
@TutiFuti а тебе сваќе те одбирам оти може ќе се бендисат децата некаде у Немачка

 

Здраво мајки!
Кај нас вообичаена шема како и кај повеќето што ве прочитав, мрсули, шлајмови, кашлање на тон. Лечење со капки за нос сега за сега. Колку чаеви и кафиња испив и самата не знам. Утеха барем не јадам благо.
Главата ми бучи, деца само пиштат, големата цело време ќе почне нешто да прави, малото божем игра и за секунда се најде крај неа или ќе и бутне играчките, ќе и исшкрта цртежот, ќе и фрли боичките...и се така во круг.
До скоро и не ми се одеше во нашата ни чудесна државичка, не знам зашто можеби поради фактот што повеќе се разочарувам но некако добивам желба, за мене и не е толку битно на децата ќе и биде интересно посебно на големата а доколку бидам оптимистички расположена и мене може ќе ми биде забавно.

 

Ќути си ма, не кажувај дека ќе ги мота и двајцата женската

 

Eheee epten naredena znaci

Maliot zaspa pred pola h, vo niedno vreme.
Dremam i cekam da stane.
Zurka vo najava...
A vo plan mi bea mafinite na joy po petti pat da gi pravam.
Nisto od planot moj.

Ubava i mirna nokj mami


Eve ovie mafini
Kje ve vikav, ama nisto

 

Здраво мајки
Колку ја сакам оваа тишина и мир кога ќе заспијат и 2та рано...
Денес цел ден дома го поминавме.Чистев,миев,алишта средував,ручек,игравме со децата ( као другите денови некој друг ми чисти и готви)...
Го носев големиот на шишање и малку се бунеше но седеше мирен и не плачеше го познава тој баткото кумашин наш фин млад дечко....па се вративме и ги бањав и двајцата.
Уште кашлаат и уште носовите им течат,само да не ги повтори..
Сега на малово преминав на природни лекови и медицина,рецепти некои за бронхит,шлајмови...се пробувам и од нешто му поминува мора да помине да оздравее,оти нема да можам пак да го гледам како го боцкаат и налегаат а тој што има едни дебелки рачиња ко крофнички се...
Сега си легнав и да допишам ќе гледам филм а на подот нема каде да се нагази од играчки ама нејќев да ги собирам да не тропам...
Ново и да нема ништо,
Ви посакувам убава и мирна ноќ...

 

Колку очајно сакав денот да заврши. Сега уште да заспам да одморам и утре посвежа да се разбудам. Ама носот мине со тапа, не можам да дишам, глава ме боли, на моменти имам треска, а тт околу 37,5 доволно за да ме држи малаксана и неспособно за ништо.
Децава беа златни цел ден. Големава воглавном со боички играше, малку сама и малку со мене... ете ги боичките уште се на маса, немам сили да раскревам а и ММ мртов уморен си дојде.
Бебката цел ден го преспа, и сега нанка...
Јас цел ден офкам и у саат гледам ММ да си дојде...
Пред спиење ги избањав и двете, се собра некако сила.
Сега да спијам...
Добра ноќ!

 

Кафица и снегче имаме ова утро на располагање.
Колку обелило надвор и колку убава гледка дава ммм милина.
Повеќе се радувам од дете сега на снегот.

Добро утро јас се разбудив со болки во грбот и вкочанет врат. Но тоа е едвај чекам да дојде утре и да видам дали е стигната перницата од дормео во пошта вака не ја бива како можрте да спиете на оние меките од стружанка ужас се!

Денес гости се најавиа па нема да ни бидр толку досадно со синко ќе се изнаигра со другарчњата.
За почеток тоа е убав снежен ден.

 

Добро утро мамички.
Гледам никој не послужил кафе утрово, па еве од мене ќе е
Синко во релаксатор си игра, мама си пие кафе и си слушаме златно славејче, ама од оние старите песни. Новиве не ги знам

Вчера цел ден наваму натаму и синко само два пати по половина час имаше дремки. Попладнето кога се прибрав, едвај сум го заспала во 18:00 и замислете неможев да го разбудам. Му давав терапија во полусон и продолжи да спие. Немав што друго да направам, па само го префрлив во креветче и се молев да поспие ноќеска, да не ни прави журка. И замислете до 6:30 си отспа, со станување само за цице, а и тоа не многу за разлика од претходните денови. Па може да се каже дека мама денес солидно одморена (добро ова во споредба со претходните денови)

Вчера бевме на ортопед и за разлика од докторот кај кој го носев на два месеци, овој светлосни години подобар. Сфатив колку некои доктори што створиле име се само тоа, извикано име. Се нажалив само дека не добив дозвола за џампер зошто малку касниме со седењето од оправдани причини, а имав одбрано еден многу убав џампер. Добро шти не го купивме.

Имајте убав ден

 

Добро утро мајки,ајде кој е за кафе,одамна не сум пишала,па еве ве частам со утринско.
Ние сме добри откако пред две недели со ќере двете прележавме грип,прво нејзе ја фати па со неа се расправав,како оздраве и јас залегнав,мислам дури полоша бев од неа,она барем на нога го истера,а јас не можев од кревет да станам,и така двете сами дома,па среќа многу беше умна, заспивав од тт а таа сама си играше во соба и само ми викаше "мамо ма доста спиеш",па среќа помина и си се врати во градинка од понеделникот жива среќна.Инаку е станата невидена маза,постојано сака да се бацува со мене и татко и,и по сто пати на ден доаѓа и ми вика "мамо многу те сакам,и тато го сакам",па и на него истото,циркус е.
Сега нешто најново и е ќе седне на столче на сред соба и со една тетратка во рака и молив и се прави учителка,па ги прозива децата од градинка кој биле тука кој не,па после вежба како што вежбале во градинка,па го кара некој "еј ако ти дојдам само".
Инаку за спиењето и мене уште ми е најголема мака што не заспива сама а веќе е 3 години и 2 месеци,ритуалот ни е секоја вечер читање обавезно по две три приказни,па сака до неа да лежам на спална додека заспие.На неколку пати ја имам оставено сама со една мала плава ламбичка да и свети и два пати има заспано инаку не пак ме вика или ќе влезам ја слушам плаче пригушено и ништо ќе легнам одма заспива,некако така осеќа сигурност,ама тоа е па некогаш ми е убаво и јас си одмарам малку до неа.

@Kaetana оф мила потполно те разбирам со вториот дел од постот,ти барем си во држава каде што можеш да си ги оствариш соништата,а ние тука сме за жалење,мене веќе се почна да ме гуши овде,како ми се иде некаде да избегам,не можам да го поднесам ова гнило општество каде што ништо не фукцинира како што треба,понекогаш се чувствувам како да сум во некој кафез.

Се распишав,убав ден на сите

 

Ме нема мнооогу одамна на темава. Знам одвреме навреме да ве читнам, ама никако да пишам.
Маж ми малку не е добар, отиде во странство да работи, ама се разболи па мораше назад да се враќа поарно. Одвај некако го изорганизиравме тоа.

Син ми пак, одвај чекаше да се врати тој за да одат пак на скијање. Првпат го однесовме на скијање и многу му се бендиса. Болен падна за тоа пусто Маврово. Ама додека тате не оздрави, ќе шетаме по игротеки и паркови. Многу ми е жал кога го гледам тажен поради тоа.

Ме гребе грлово, изгледа ќе ме фаќа некој грип. Така да јас не сум за кафе, ама топол чај може

 

Добро утро!

Кафе шмркам и гледам кејк бос, човекот е прав шоумен, а тортите ќе да му се леб и маргарин. Читав еднаш на нет од 2000 долари па на даље им е цената хаха.

Бебе спие прва дремка, доручекот му е готов па јас на раат можам да седам и кафе да испијам.

Туку совет дајте, не можам воздух да земам, ниту па длабоко да дишам, десната страна на плуќата многу ме боли, ме стиска. Пушачите ќе ме разберат, како после пола кутија испушени цигари на вечерно излегување се осеќам. Од вчера попладне ова ама ај викам од замор ќе да е. Ноќеска едвај заспав, утрово бетер. Дури не можам да зборам, толку ми е заморно. Малиот едвај го кревам во раце.

Се мислам да одам до кај матичната пошто малку како страв ме фаќа, ама дека немам закажано ќе чекам многу, а и со дете по снегови не знам дали да тргнам...
Викате ништо страшно?

 

Одамна немав пишано, добро утро и од мене, @Ano фала за кафето многу ми треба. Очиве едвај ги држам отворени, малово цела ноќ немирно спиеше, нормално кога носот му е затнат едвај диши. Го оставив малку во креветчето , му дадов едно мече па само мафта по него и го кара. Уште не знае да фати убо со рачињата ама се труди.
Лани на истиов ден дознав дека сум бремена и имав испланирано изненадување за мм, ама не беше спремно се, па чекав до другиот ден да му кажам. Како издржав цел ден се чудам и сама. Уствари знам бевме кај другарка на честито за веридбата и така цел ден не бев дома па помина некако. Тој па искористил шо не сум дома, ми купил поклон, цвеќе и вино и го спакувал во кутија срце шо сам ја правел, преубо изненадување иако никогаш не сме го славеле тој празник, нас секој ден ни е за љубов
Друго шо да кажам, маже на одмор десетина дена, ќе уживаме малку му викам сега мора да одиме некаде кај шо ќе сме сами, ми треба промена и помалку коментари напрај вака онака. За на планина не сме со олку мало бебе, ама барем до ск кај пријатели еден викенд да истераме, порано секој втор месец одевме, многу ни оди муабетот и друштвото со нив. Па ајде ќе видиме, да не се надевам премногу.
За денес пак гости се најавија, а најверојатно уште едни неделава ќе имаме, а уште планирале да дојдат. Ајде само за убо да е. Почнавме и за крштевка да планираме па викам сега се бара за после Велигден, сите чекаат да помини за свадби, крштевки, да си имаме со време договорено.
И конечно денес закажав за фризер, барем малку да ја скратам да не ми се познава колку ми паѓа, а таман си ја пораснав колку сакав. Ама пак ни локните не ми се ко шо ми беа па неизбежно е шишање и си викам ајде одма ти расти не тажи многу.
Да станам да го пресоблечам малово дур не почнал со плачење, еве го веќе не му се лежи. И да го видам да го однесам кај матичната, жал ми е како диши, срце мамино колку ми се измачи ноќеска, изгледа ќе треба да го спремам кромидот за вечер.
Паа толку од мене, имајте убав ден и побрзо оздравување на сите бебушки со тт и затнати носиња.

 

Добро утро
Си пијам чајче ама некако немам сила ни да мрдам
Деца си играат и слушаат звуци животни и повтараат а големиов вика сакам мала овца дома да нана со мене а малово се радува на кучиња и вика ау ау на цел глас.
Па игра со рачињата плеска и се подига на прсти се да дофати.
Може денес ќе идеме до кај мајка ми дома е ќе видеме.
Убав ден на сите...

 

во план на мафините од Џои кога не излезе првата тура нешто па си направив колач од него.

 

Добро утро.
Ват хапенс ин Веро стејс и Веро.
Добро бе, само мене ли ова може да ми се случи !?

Значи од сега и лепенката од бонбоњерите одлепувате ја да видите дали некој оперирал во неа пред да ја платите на каса. Не ми е срам да ја вратам само тешко дека ќе ми веруваат дека ваква сум ја купила. Срамота. Се тешам ај за мм ја зедов не е голем срам.
Од друга страна мали требаше да седи денес до 11:30 во градинка. Ми се јавија во 10:39 плачел. Летав ко луда натаму дете се смее. И не само што се смее туку и до кола мавна 200 мл вода. Шишето очигледно само за во раце му е а не за пиење . Скроз ме разочараа. Он за вода кенкал не за мене. Утре да им појаснам дека моето дете пие многу вода и шишето не е за играње туку токму за тоа што му е пригода. Се изнервирав искрена да бидам. Не ми е фрка да си го земам ама фрка ми е жеден да е. Очето што му беше удрено пред некој ден скроз беше спласнато сега гледам пак отечено. Се акнал пак. Ај ок не можеш да го допазиш ама да за кенкав за вода а прво за тел да се фатиш ми е неразбирливо. Ако е така да одам и да го хранам и вода да давам и пелена да менувам. А толку ги фалев. .. На крај ме праша дали имам обврски за да знае како да го носам. очигледно си олеснуваат на сметка -да не го трауматизираме детето. А детето насмеано! Не знам веќе што да мислам утре нема да чекам да каже колку ќе седи туку јас ќе кажам. 200 мл вода и 200 мл сок плус банана и ете го кома сега. Се изнаплачев поред него . ..
Ве утепав со постов, дајте виски со кафе, не обратно. Поарна ќе бидам..

 

@LiliBoz ова со градинкава да не ти се верува. Не оставај така, нема они да ти кажуваат колку да го оставаш во градинка, бог да чува.
Малава ми спие на гради, а ја спуштам се буди па ајмо Јово наново. Ништо нема да се слави вечер, откако е родена Неда со мм саглам кафе се немаме напиено, а не па повеќе. Ми се оди на фризер, да средам нокти треба, депилација и што ти уште не ама ... породилново уште не ми е стасано, а со една плата нема за такви луксузи, ќе мора да си почекам. Којзнае кога ќе биде и тоа пустото, а сакав и капар за одмор да дадам. Ништо....се ми е на стенд бај. Убав ден на сите

 

Добар ден

Мама пие кафе, бебе спие. Сабајле го носевме на вакцина. Да не го урочам ама нема гајле за боцкање, глас не пушти.

Мм денес не е на работа ама отиде кај татко му да му помогнел. Нема шанси дома да седи он одма му заповедаат што да прави. Одамна му се спремам една лекција да му одржам. Изгледа денеска е денот.

И така сеа да мислам што за ручек да се прави.

 

Испив чај во две голтки, нема време за уживање, плус и ладен беше, сварен пред цел час.
Ситуацијата дома, дадата во градинка, ММ на работа, бебката цел ден се предмислува -да спие или не! Па така дремни 15мин и поплачи си, пак цицкај и пак си дремни 15 минути па разбудисе... Значи имам впечаток дека од 7 сабајле до сега бебе заспивам! И ете нервозна станав оти за друго не ќе да имам време, нема да можам ни јас да легнам малку а ми треба. Исцрпен ми е организмот, а и тт сеуште имам.

Ако намине некоја од бабите ќе им ја оставам бебката а јас ќе излезам на дадата костим за карневали да и купам. Веќе има неколку желби, па да видиме дали ќе најдеме тоа што сака. Деновиве за во градинка ќе се маскираат, сакам да биде среќна и задоволна од тоа како ќе изгледа.

Туку ќе заборавев дека денес е празник, ние повеќе Трифун си славевме, ама во парови, и така некако и Валентин го одбележувавме. Подароци за празников не си дававме со ММ никогаш, ама најчесто вечерта ја минувавме со винце во друштво и после винце на само јас и тој .
Годинава нема винце оти мама дои, и нема ,,насамо,, оти јас со бебеката ќе си легнам а тој со поголемата ќерка.
Ама за тие што имате услови да го славете, не пропуштајте, уживајте, било Валентин било Трифун, најдете си причина да уживате, да си поминете убаво, да се напиете, да водете љубов...

Туку сонце надвор, а сабајле тмурно... Јас за првпат хулахопки и облеков на малата за во градинка... има да се свари детето, и онака е саклетчика...
Еј, дури пишував и бебката заспа во релаксатор!

 

Добар ден.

Среќен Св.Трифун и Валентин за заљубените
Се враќам од град. Сонце многу убаво свети или што шепка една баба на касата од кафетеријата "денес кажаа 4 степени ќе биде" чиниш воена тајна кажува , а тие од каса им врие од гужва и само
Јас бев во шопинг ама што си купив само за малата панталинчиња, кафе си смелив за турско да си пијам и два колачи за мене и мм да прославиме празник де Леле луѓе ич не ми се допаѓа оваа мода не знам зошто или јас не знам да искомбинирам.

Денес малата тате ја однесе и зеде од градинка уште незнам како поминала.
Вчера ја шетав и каде видеше снег застануваше и скокаше многу беше мила.Па се вртеше во круг , а јас да не сум покусо одма ја имитирав

@TutiFuti а вредна сваќа имам
@vitamina со среќа нека ви е. И ние правевме венчавка и крштевка во мај. Убаво беше само блиските.Јас закаснав и дома ме чекаа мм свеќи и свекор, нервозни, а мм мислел сум се откажала од венчавка сум избегала.Кога го видов беше дух Како испадна робата, ја проба ли?
@orhideea одамна ја нема на темава?

Ајде луѓе да одам да фаќам бус уште 15 мин и дома сум
Убав ден и повеќе вино и кекс овој ден

 

Добар ден

Убав ден денес па и празник
Ние Валентин го сефтосавме за Трифун здравје
Среќни да се

Деца еден час веќе спијат
Фрлив ѓубре, пуштив машина да пери, ставив гравче да се вари,ги истресов и теписите
Имам од оние со долги влакна и ако не ги истресам се си мислам сето ѓубре во нив ми е
Со смукалка не ни пробувам да ги смукам, секој ден ги тресам и ми се смачи од нив

Деца малку подобри,носињата им се уште затнати ама и тешко дека ќе заздрават како треба дури не помине зимата

Синко почна по малку да се мести за седење, се крева мајмунчето
Посебно кога сестра му ќе застане со банана пред него и се лигави,дете ќе излета од релаксатор

Дадата почна по некое зборче да кажува,не многу ама битно напредува
Битно за лудории прва е
Периодов столчето и е актуелно,секаде со неа си го носи
Итрица,си го има за тешко достапните места отвара врати и излегува надвор
Среќа па пред да планира нешто такво си облекува чизми па пред да појде трчам да заклучам врата

Мм е слободен до петок па ќе шетниме некаде
Толку од мене мајки,се разбудија дечињата

Убав ден