Медицински факултет

Здраво!

Јас исто така сакав да прашувам како треба да одговориме на есеиски прашање? Бидејќи третиот колоквиум во Анатомија 1 ќе имаме четири есеиски прашање, ама не знам колку реченици да пишувам, и што да пишувам. На пример, ако ќе имаме art. temporomandibularis. Што да пишувам?

 

Се што знаеш во врска со наведеното прашање, пример за зглобов ќе кажиш кој тип на зглоб е, кои се зглобни површини, лигаменти, зглобна капсула, движења кои ги прави.
Гледајте да напишете што е можно повеќе што знаете за наведентот прашање

 

На пример, ако треба да напишеме за art. temporomandibularis, дали е во ред или дали треба да напишам повеќе? Немаме многу време за колоквиум и монгу сме збунети.
.
.
.
Во art. temporomandibularis се зглобуваат кондиларните израстоци на mandibula со мандибуларните јами на двете слепоочни коски, со посредство на discus articularis.

Зглобни површини на art. temporomandibularis се: caput mandibulae, tuberculum articulare и fossa mandibularis и discus articularis.

Зглобната капсула (capsula articularis) е изградена од фиброзна мембрана која има форма на пресечен конус, чија поширока база е ориентирана нагоре, прицврстена на рабовите на зглобните површини на os temporale и потесна база на caput mandibulae. Фиброзната мембрана ја сочинуваат два вида влакна: долги , или површни влакна кои се припојуваат од os temporale до mandibula, и кратки, или длабоки влакна, кои поаѓаат било од os temporale, било од mandibula , а со другиот крај се завршуваат на периферниот раб на discus articularis. Зглобната празнина на виличниот зглоб е поделена на два дела горен дел, над зглобниот диск и долен дел, под дискот. Секој од овие два дела има посебна синовијална мембрана која ја обложува внатрешната површина на соодветниот дел на фиброзната мембрана, но не ги покрива зглобните површини ниту пак зглобниот диск.

Капсуларни врски. Фиброзни врски на art. temporomandibularis се: главни или капсуларни врски и споредни врски.
Главните или капсуларни врски се вткаени во самата фиброзна мембрана на зглобната капсула и ги зајакнуваат нејзините бочни страни, надворешната и внатрешната страна. Особено цврста и развиена е lig. temporomandibulare.

Споредните врски се оддалечени од art. temporomandibularis и главно претставуваат задебелување на соседните фасции. Постојат три споредни врски и сите се наоѓаат внатре од аrt. temporomandibularis: lig. sphenomandibulare, lig. stylomandibulare и raphe pterygomandibulare.

Функција на зглобот. Движења на спуштање и подигање на mandibula, кои одговараат на отворање и затворање на устата; движења на mandibula напред и назад и движења на ротација на mandibula.

 

Дали некој памти од пред две години кога отприлика во јануари/февруари се полага писмениот дел од тестот анатомија 3, зашто лани немало

 

При крај на сесија се полага писмениот дел, ама нека не ве залаже тоа, почнете уште сега со спремање.

 

Дали некој знае како ќе се полага усниот дел(завршен) генетика во јануарска сесија?

 

@moonbirthed Во ред е, гледај се што можеш да опфатиш во одговорот вака како што пиша, но пази и на време.

Лани само во јануарска немаше, во јунска и во септемвриска имаше, а во јунска и септемвриска неколку (ден-два-три) дена пред усното се полагаше тест. Во самиот распоред имаше два термина еден до друг анатомија пример едниот понеделник, другиот среда и уште пред да почне сесија се знаеше дека понеделник ќе е тестот, а среда усното. Ќе ви кажат кога ќе имаме распоред кога ќе се полага паднат колоквиум, кога тест, кога усно, барем за тоа се редовни анатомија

 

Знаете некоја добра страна како histology guide/biolucida ама за патологија?

 

Ne znam dali e dobro, ama jas prva godina sum i ne znam shto treba za patologija da videte hahahaha

https://webpath.med.utah.edu/GENERAL.html

 

Да прашам, дали хисто писмено е потежок тестот од ембриологија според вас? Даваат ли исто некои прашања надвор од материјалот? На што да се обрне најмногу внимание?

 

Мене лично, самиот материјал ембрио, ми беше полесен од хисто, па така и тестот. Ама јас кога полагав, беше Миленкова шеф, а таа беше доста полабава од Лена, така што, не знам какви тестови сега прават…

 

И мене ембрио ми беше полесен материјал.

 

Тежок ли е факултет како факултет, предмети, услови, предавања, нешто околу пракса и било какви информации ќе ми бидат од корист.
Благодарам однапред.

 

Здраво. Дали некој чува или памти прашања од колоквиумот по Имунологија?

 

Индивидуално е тоа, зависи и што подразбираш под тешко.
Има доста предмети во една година што треба да се совладаат, имаш на веб страната кои предмети, во која година.
Услови има и се наведени во студентскио информатор кој е исто на веб страната.
Предавањата се одвиваат онлајн сега, може да се научи има професори што одлично предаваат.
Праксата, вежбите можат да бидат подобри, ама пак кој сака може да се потруди да научи.

 

Дали на медицински факултет се важат колоуквиумите или се полагаат само испити?

 

На медицински за да се положи одреден предмет (во 95% од случаите) се полагаат колоквиуми во колоквиумски недели. Откако ќе се положат се пристапува на завршен испит кој се одвива во сесија (јануари/јуни/септември) и тогаш се положува предметот. Доколку не се положени сите колоквиуми не може да се пристапи на завршен испит и со тоа да се положи испитот. Во ретки случаи постојат предмети кои се положуваат само со колоквиуми но тие се помалку значајни отколку другите.

 

Фала ти, изгледа е доста потешко за разлика од другите факултети и бара посебна желба да ја сакаш медицината и доста труд и посветеност да го завршеш како и за било што( очигледно за медицина малце повеќе )

 

Да, факултетот функционира поспецифично но секаде е така. Медицината е обемна наука и не може брзински да се помине. Тоа со испитите функционира така од причина што материјалот е обемен и е поделен зависно од обемноста на неколку колоквиуми и плус испит кој се состои од писмен дел , практичен дел и усмен дел (или некоја комбинација од овие три) и така се проаѓа одреден предмет. Но доколку имаш желба вакви работи нека не те плашат, со доволно труд и посветеност сѐ се постигнува.

 

Да надополнам има и предмети што се полагаат со колоквиуми, но сепак не можат да се положат во колоквиумски недели, затао што еден колоквиум е во колоквиумска, а друг во сесија, а има и предмети кои се со едно полагање, а полагањето им е само во сесија. Така да за секој предмет имаш полагање во сесија. @Mm03