Медицински факултет

Не знам дали е исто сега, јас полагав пред две години.
Влечевме ливче со бројка, со тоа што бројката претставуваше одреден професор+асистент, така да, на среќа е која комбинација ќе ти се падне. Потоа, првин одговараш практично и анализа кај асистентот, па ако имаш доволно бода, одиш кај професорот на теорија. Не се сеќавам дали влечевме вежба и случај, знам ни даваа принтани листови на кои ти беа даадени насловите, имаше време концепт да направиш, па асистентот потоа те испрашуваше. Мене конкретно случај ми се падна за токсичен шок синдром. Професорката теорија ме праша мислам за ЦД4 клетки нешто, Б лимфоцити, ама не се сеќавам, ми бараше да раскажувам што знам, па потоа ќе ме подпрашаше по нешто.

Јас бев кај проф. Киријас и кај ас. Горјан, и супер поминав, не беше тешко и страшно, баш напротив.

 

Во една испитна сесија, дали може да се положат 4 условни испити? Патологија 2, клиничко испитување, радиологија и имунологија?

 

Ако си имаш среќа со професорите, може секако.

 

Дали чува некој распоред за втора и трета година испитна од минатата година од јунска сесија? Да видам како вообичаено ги ставаа испитите?

 

Ги има на страната

 

Секогаш може, прво ти треба добра организација и со време да започнеш со спремање, потоа треба да имаш среќа во однос на датумите, да не дојде до поклопување и да имаш некој ден простор пред секој предмет, исто така да имаш малку среќа и со професори.

 

Може секако, со добра организација.

 

Здраво. Ја има ли некој анатомија 3 во електронска форма?

 

Може, само коцките треба да ти се поклопат.
Најголем проблем е поклопување на датуми за испитите усни. Ако ти се усогласат датумите како што треба зошто да не може.

 

Дали од радиологија катедрата дозволуваат да се полагаат колоквиуми и завршен испит во една испитна сесија? Конкретно за јунска

 

Да

 

Да

 

Zdravo, godinava sum maturantka i se razmisluvam za da se zapisam na Medicinski fakultet no imam nekolku dilemi i prashanja. Dali ke mozhe nekoj da mi objasni kako mu odi, dali lesno moze da si go organizira vremeto i dali ima vreme za aktivnosti nadvor od fakultet (bidejki skoro site so koi sto sum zboruvala velat deka nemaat skoro ic slobodno vreme i zazhaluvaat shto se zapishale). Fala odnapred!!! :]

 

Повеќето ако ти кажуваат, не те лажат. На форум повеќе може да ти напишат поблаго мислење зошто не знаеш кој се те чита, а во живо пореален муабет се прави ако ме сфаќаш.
Ретко слободно време има, од сесија одма семестар почнува, колоквиумска за колоквиумска имаме... Нешто во лето еден неполн месец одмор има, тогаш спремаш испити за септемвриска, во глобала нема одмор некој.
Сум плачела, сум зажалила што сум се запишала и јас кога учам без престан или кога ќе паднам полагање. Кога ќе положам испит ми проаѓа тагата, славам, си викам добра одлука направив со факултетот.
Се така во круг, до дипломирање.
Love-hate relationship е со факултетов.

 

Истово би го пишала и јас, искрено првите три години се многу захтевни, услови, проф бараат детално убаво научено. Се случува и по 2 недели да не одиш на забави/журки. Или едвај за кафе се наоѓа време. И плус ги гледаш студентите од другите факултети што имаат повеќе слободно време па споредбите не се пријатни. После 3та година е веќе друго. Исто има за учење ама е полабаво. Размисли дали си спремна не само да учиш условно предмети туку и за понатаму да работиш одговорна работа која од тебе ќе бара константно учење, надоградување и се така во круг. Ако имаш некои дополнителни прашања, слободно пиши ми, ја дипломирав па можам да те советувам колку толку

 

Недај боже трите условни години да ти излезат пет ко на мене. Имате среќа тие што стварно само три години со условните предмети сте се замарале, пекол се.
За журки, јас не ни одам, тој дел не ми смета лично. Повеќе ми смета што немам време ни за себе да си се посветам, а не за излегувања чести. Сепак да, за слободни активности многу е малку времето, кој што си сака, некој журки, некој време за парк, гледање филмови, што и да е, оскудно е слободното време.
Треба многу жртви и труд, да коцкаш 20ти години за факултетов. Се надевам ќе ни вреди на сите на крај трудот и вложеното време

 

Поделени се мислењата околу факултетов, секој различно ќе ти каже, ама еве од моја гледна точка: ќе поминеш низ секакви моменти, подеми, падови, ама ако имаш доволно амбиција и желба, се може да се достигне. Слободно време можеш сама да си направиш само со добра организација, не е како на другите факултети, ама не е невозможно. Јас пак да треба да се запишам, пак би го одбрала истото, и покрај сите обврски, стресови итн. Така што размисли си колку си спремна да се посветиш, дали е ова тоа што сакаш во иднина да го работиш и се надевам доколку се одлучиш, дека нема да зажалиш

 

Од а до ш се слагам, браво колешке, 10ка !

 

Најнапред со среќа нека ти е ако се запишеш и ако те примат, дај боже! За понатаму, како за почеток би ти дала совет правилно да си го организираш времето со учење и посетување на предавања и вежби, онака како тебе лично ти одговара. Секој различно учи и му е потребно различно време да совлада одредени предмети. Јас завршив пред 4 години, но еве како за почеток во прва година кога бев, навистина можам да ти кажам дека треба да промениш некои навики од типот на секојдневно излегување и прошетки, со цел да имаш повеќе време за учење. Не треба да се откажуваш од излегување, журки, дружење и такви работи, но првата година треба да ги редуцираш истите, за да влезеш во "шема" не знам како да кажам поинаку за да ме сфатиш. Мислам конкретно, да се посветиш повеќе на учење и да гледаш редоследно да ги полагаш предметите, за да не ти заостануваат за други години, зошто така ќе ти биде повеќе проблематично, ако имаш оставено предмети за следна година, да се фокусираш на наредните што доаѓаат, но и тоа не е ништо страшно. За почеток, првата недела па и две, оди на сите предавања да слушнеш што ќе кажат во врска со полагањата, предметите, а потоа оди само на оние за кои сметаш дека се корисни и од нив можеш да извлечеш информации кои ќе ти користат за полесно да го совладаш материјалот. Искрено не знам дали е нешто сменето, но распоредот беше пренатрупан со предавања и вежби секој ден од 8 до 16 часот попладне. Така да тоа е многу време поминато на факултет, се губи концентрација и се, затоа тука уште на почеток правилно распореди го времето. На вежби обавезно присуствувај, иако и некои вежби од типот Вовед во медицина, Етика, Биофизика и таквите немаат некоја поента и корист, сепак се услов за добивање на потпис. За предавања пак да ти повторам, оди само на оние кои сметаш дека ќе ти користат. Лично, никогаш не сум присуствувала на предавања, каде професорот си ја читал презентацијата од точка до точка, а верувај многу ќе ги има такви. Искрено тоа само времето за учење ти го одзема според мене. Исто така оди на секое полагање, макар и да не си толку спремна, сепак не знаеш некогаш колку може да те послужи среќата. Сепак медицина не се завршува, со препис, среќа или врски иако и така многу завршуваат, но поентата ми е да си ја искористиш секоја шанса, зошто ете може ќе ти се погодат прашања кои добро ги знаеш, ќе се случи да спуштат граница за положување итн.. па со тоа ќе си положиш некој колоквиум плус, и нема да имаш обврска со истиот за понатаму. Исто за медицина да студираш, покрај желбата што ја имаш, според мене треба да имаш и цврст карактер и да бидеш многу нон-шарлантен за некои работи, од типот, да не те засегаат и да ти бодат во очи работи, како што се врските на твоите идни колеги, кои врерувај многу ќе ги има. Студирај си индивидуално, учи си за себе и за твоето знаење и не се замарај да се преоптеретуваш кој и што положил пред тебе и со тоа да си создаваш дополнителен притисок. Друг совет како за почеток, разгледај си ги условните предмети кои гледај први да ги положиш, за да стекнеш услов за следната година. Иако 95% од предметите од 1,2,3 година се услов за 4та, сепак само 4-5 се услов за втора, па потоа од втора за трета пак 4-5, така да прво фокусирај се на нив, па потоа и на останатите за кои колку време ќе најдеш. Со текот на времето ќе се навикнеш и нема да ти биде ништо чудно, а за почеток верувај ќе ти биде, затоа ти реков, правилно и добро организирај си го времето, за да влезеш во колосек, и за понатаму да ти врват работите како што треба.

 

Здраво,
Дали некој знае от каде може да се купи Основи на патологијата според Робинс на македонски што е преведена?Во која книжара да ја побарам?


Фала