Медицински факултет

Кога запишував втор семестар изборниот не го пишав на листот, а веќе добив оцена за него. Може да има некаков проблем или нема врска тоа они ќе средат?
И затоа што до крај на студиите треба 3 изборни да избереме дали е паметно два да земам во една година или подобро е по еден скеоја година?

 

Штом одма на шалтер не ти рекле ништо, тогаш нема врска.
А, зошто мора да земеш стриктно 3? Толку треба, ама може и повеќе. Земи ги кога сакаш, и кои сакаш. Мене ми е пологично, и онака се лесни изборните, и најчесто се бара само однесена семинарска, без презентирање и полагање, да си зимам повеќе, лесни оценки, да ми го креваат просекот. Ти како сакаш.

 

За ОПШТА МЕД. ВОВЕД ВО МЕД. кој професор предава и дали знае некој утре дали ќе се полага од 8-15саат пишува во амф1. Знае ли некој точно што-како?

 

Па истите професори како за тригодишните студии се, Ќосевска, Тозија, Донев. А за полагањето не знам да ти кажам.

 

Во врска со преполагање како оди тоа прво со поништување на оценка, дали се плаќа ? Како оди тоа ?

 

Дали може некој да ми каже колку се плаќа презапишување на предмет т.е колку чини еден кредит ако си во приватна квота ???

 

200 денари чини еден кредит за државна квота, а за приватна е 400 денари за еден кредит. Претпоставувам знаеш дека треба да множиш 400 со колку и кредити да ти носи предметот и ќе ја добиеш сумата која треба да ја уплатиш на уплатница. Само за која жиро сметка не знам, не сум презапишувала досега, ама можеби пишува на страната на медицински кај делот со жиро сметки на медицински факултет

 

Мислам дека не би требало да се плаќа, немам преполагано досега затоа не сум сигурна. Ама не би требало да се плаќа, ќе одиш кај одговорниот професор ќе кажеш дека имаш намера да преполагаш и дека сакаш да ти ја поништат оценката. Ама ова може само во рок од 4 месеци од датата кога си го полагала предметот првиот пат да знаеш, за тоа сум сигурна затоа што ме интересираше да преполагам еден предмет ама на студентски така ми кажаа. После со нова пријава и на испит, дека старата ти ја поништуваат колку што знам. Поздрав и со лесно!

 

Што се полага првиот колоквиум анатомија 2 и хистологија 2, а што завршен анатомија 2?

 

Анатомија 2 е само еден колоквиум, за торакс, и на кадаврите усно се полага. Завршниот испит е писмено, усно и практично за абдомен.
Хистологија 2 мислам беа два или три колоквиуми, и беа поделени по системи, писмено и на микроскоп, ама не ми текнува во кој колоквиум кои системи се проаѓаа.

 

Хисто 2 првиот колоквиум е за гастроинтестинален, вториот е урогенитален, третиот се полага респираторен, кожа и ендокрин само практично затоа што материјалот за тој колоквиум е споен со завршниот за око, уво и нервен.

 

Здраво, јас сум од средно медицинско и сакам да продолжам на медицина.. Дали некој ќе може да ми каже со колку поени се влегува и дали ќе биде проблем бидејќи прва година завршив со 4.00?

 

Ти дур стигнеш до факултет... којзнае што се ќе се издешава на факултетов. Мојата генерација испод 90 поени не беа примени и тоа 250 студенти примаа. Лани примија скоро 400 и просекот беше катастрофален со 70+ поени. Така да, дур ти дое време ... уживај просекот е само 40%, матурата игра најголема улога со 60%.

 

Не сум многу далеку трета сум сега

 

Исто.. многу работи се менуваат од денес за утре на факултетов, затоа ти реков.

 

Каде се одржуваат вежбите Патофиза, ОСНИР и Хигиена и дали бараат задолжително присуство некој од предметите во 4 семестар?

 

Хигиена во едно сопче во подрумот на Министерство за Здравство. Патофизиологија на институтот за Патофизиологија и Нуклеарна медицина, а ОСНИР мислам дека каде што ќе се најде слободна просторија (би требало во некоја од просториите на Сојуз на Студенти, сега по ново е Институт за Епидемиологија).
И секако дека се задолжителни вежбите по се, имаш право на најмногу две отсуства. А ако прашуваш за задолжително присуство на предавања, битно е да се куцаш, а дали ќе си ти физички присутна таму е твој избор, така да може и некој друг да ја куца твојата картичка наместо тебе. Сега ми текна, не се сеќавам точно кој семестар се слушаше Имунологија, дали во трет или во четврт, ама битно само по тој предмет бараа задолжително присуство.

 

Извинете да прашам само....

Добро бре овие од промоција т.е. “институт за социјална мед.“ ретардирани ли се што не можат да организираат индекси и постојано што ги губат?
Ако им нацртам индекс на хартија верувам дека и тој ке го изгубат.

 

На портирницата на влез во Министерство обично ги оставаат готовите индекси.
Е сега ако некој им се затури јбг, го гледам тоа на скоро сите катедри.

 

Јас размислувам да запишам МедФ, на што треба да обрнам посебно внимание додека сум сеуште средно, дали знаењето биологија би ми било од голема корист или пак физика, хемија. Било какви насоки би ми биле од голема помош.