Мемоари на една гејша е дело на Артур Голден за прв пат објавена во 1997 година и воедно е и негов прв роман. Се наоѓа на листата на бестселери, продаден е во повеќе од 4 милиони примероци и е преведен на 32 јазици. Авторот ја пишувал книгата цели 10 години и направил три преписи, за на крај да се одлучи таа да биде напишана во прво лице. Тој ја пишува книгата преку раскажувањата на Минеко за животот на гејшите. Минеко била гејша и раскажува за уметноста и животот да се биде гејша, но самиот автор вели дека на ниту еден момент не се обидел да дознава детали од животот на Минеко. На прашањето дали Минеко претставува жив модел за ликот на Сајури, Голден вели дека не би можел да го потврди тоа мислење. Книгата започнува со зборовите на Сајури (името на Чио откако ќе стане гејша) : „Не бев ни родена ни одгледувана да бидам гејша во Кјото“. Во книгата се раскажува животот на малата Чио, која живее во рибарско село во Јапонија со нејзините сестра, мајка и татко. Тие имаат скромен живот, но сепак Чио е среќна. Нејзината мајка се разболува и таа несреќа доведува до тоа нејзиниот татко да ги продаде со нејзината сестра. Тука започнува другиот живот на Чио. Таа е одделена од својата сестра, а нејзините родители умираат. Започнува да живее во Окија, во квартот Гион, дел од Кјото. Тука таа започнува да учи за тоа како да стане гејша, а една средба за неа ќе биде најголемиот пресврт во нејзините размислувања и нејзините желби и посакувања. Другите детали не ги откривам, тие што прочитале знаат, а оние кои сеуште ја немаат прочитано, треба тоа да го направат. Во овај роман ќе дознаете нешто повеќе за еден различен свет, за една различна култура, за нешто што нас ни е толку далечно, а сепак не фасцинира. На македонски јазик е објавена во 2004 година. Исто така во 2005 година е направен и филм. Нешто што секој треба да го прочита. Дело кое фасцинира со опишувањето на убавините на тој таен свет, свет во кој може да се избега од реалноста барем на само еден миг. Се опишува уметноста да се биде гејша, вештините кои треба да се поседуваат и секако убавината. Животот на гејшите е испонет со убавина, поезија, музика, но исто така и патот до тоа да се стане гејша е тежок. Делумно историски роман, делумно бајка, делумно романса, ова не е само роман полн со добродушни портрети на жени, туку и вешто набљудувана слика на еден необичен, и во голема мера, исчезнат свет. Во ист миг ни се откриваат сјајот и бедата на еден далечен свет, темелите врз кои тој е изграден, сфаќањата и вредностите на една култура. Во тој утврден систем, се одвива една индивидуална судбина, животот на едно човечко суштество чии желби, радости и таги, забранета љубов и страдање се борат со санкциите и ограничувањата; и во таа неизвесна битка, гејшата Сајури настојува да го осмисли сопственото постоење, да ја достигне сопствената среќа. Толку далечна, а сепак толку блиска и дофатлива приказна. Дали ја имате прочитано книгата? Каков впечаток ви оставила? Јас ја вбројувам во едно од моите омилено дела заедно со Клетници од Виктор Иго. Филмот исто така е добар, изобилува со убави слики и сето тоа што сме го прочитале ни станува поблиско, но сепак препорачувам прво да се прочита книгата.
Мемоари на една гејша (Артур Голден) Ја прочитав во еден здив. Оваа книга ми ја разгори желбата за културата на јапонскиот народ и нивните дамнешни и не толку дамнешни времиња (само не овие сега). Цело време сочуствував со Сајури и се претресував нешто лошо да не и се случи. Романот е доста успешен, за тоа докажуваат и милионските тиражи. Се заљубив во гејшите и нивниот живот. Мислам, не се толку заљубив како што сочуствував со нив. Потоа некој ќе ми зборува дека гејшите биле проститутки. Ма ајде ви се молам... Колку мака тие претрпеле за да дојдат до тоа што се. Мене ми е интересен дури и нивниот живот. Нивните излегувања, шминките и облеката. Тоа што постојано се дотерани и елегантни, што познаваат толку луѓе. Способноста да знаат кога да почнат, а кога да престанат. Дефинитивно ќе ја прочитам по втор пат ова книга!
Ова е една од моите омилени книги и филмот е еден од моите омилени филмови.Зошто?Затоа што раскажуват за еден друг начин на живот, за битен дел од Јапонската историја на одредени жени, за нивната елегнтност, префинетост и убавина, нивните моќи и начини на заведување.Јас прво ја зедов книгата ја читав на српски, одамна беше уште ја немаше во многу примероци преведена, колку толку ја разбрав, мада имав потешкотии. Уште првите страници ме фасцинира толку што се сеќавам ја проголтав за рекордно време.Мене гејшите одсекогаш ме фасцинирале, пред се затоа што нивното однесување е толку префинето, а нивните знаења и вештини се огромни.Описите во книгата се прекрасни, боите, кимоната, шминката, шаренилото, јапонските градини, црешовите цветови, фризурите, играњето и музиката...се е толку фасцинантно и волшебно. Филмот воопшто не ме разочара исто толку добар како и книгата, деталите се запазени и поголем дел од приказната е опфатен.Ликот на Сајури баш така го замислував и кога ја видов во филмот, толку нежна и мила, едноставно прекрасна, останав со отворена уста искрено немам зборови да ја опишам убавината со која зрачеше.Јас ја почитувам таа култура, начинот на кој мажите им се восхитуваа и паѓаа на нивната убавина и таленти, тие според мене не се проститутки, тие се многу повеќе од повеќето „чесни“ жени кои ги озборуваат. Омилена сцена од филмот ми e оваа... црешовте цветови се волшебни, а кога и паѓаат врз косата од ветерот што ги разнесува....не знам, волшебно е. После филмот бев опседнана со гејши, цртав постојано и симнував слики од нив...сакав да ја насликам Сајури, ама не ми успеа, ми помина опседнатоста Книгата ќе ја читам уште еднаш кога ќе ми падне во раце на македонски, а филмот го имам гледано 5-6 пати...секогаш кога добивам желба го пуштам, само за да се восхитувам на убавината.
Јас да прокоментирам за болдираното. Навистина сите оние кои на ниту еден начин, ниту преку книга, ниту филм или ниту преку некој статија, не се запознаени со тоа што значи да се биде гејша го мислат тоа, дека тие всушност биле проститиутки. Мене многу ме иритира тоа кога ќе спомнам нешто за нив и ќе речат е како да не остај тие биле проститутки. Навистина многу погрешно мислење. И да надоплнам во еден момент од книгата и филмот велат: "да се биде гејша е уметност" и дефининитивно се согласувам со тоа.
Мојата омилена! Ја имам препрочитано 3 пати, а верувам дека секој пат кога ќе ја читам, ќе ми биде интересна, одново и одново. Љубител сум на книгите кои раскажуваат за нешто, за мене непоимливо, далечно, што постоело... Многу се навлеков на содржината и еден период константно читав за гејшите. Целата приказна е толку убава, емотивна и во исто време интимна, што нема шанси читателот да не го засака ликот на Сајури. Најтрагично, и она што допре до мене, е периодот на распадот на целиот тој свет во кој живееле гејшите. Самото раскажување на Сајури, како од мала толку вложувала во процесот на изградба на гејша, се до самиот крај кога ги продава своите скапоцени кимона. Филмот не е за фрлање, ама мислам дека не е доловена самата емоција, пропуштени се многу клучни моменти и совршените описи. Што се однесува за гејшите, страшно се фрустрирам кога некој неначитан ми објаснува како гејшите биле проститутки. И тука морам да објаснувам како тие биле нарекувани „слики што се движат“, префинети, од глава до пети, образовани, духовити, притоа поседувајќи исклучителни вештини како танц, свирење на три инструмента, сипување саке и сл. Лично, фасцинирана сум, а мислам дека книгата е виновна, што допре толку до мене.
Книгава ја читав одамна во шесто одделение. Се сеќавам два пати ја побарав во библиотека и библиотекарката ме лажеше дека ја немале за третиот пат да се одлучам сама да прошетам низ полиците да ја побарам и ја најдов . Книгата ја прочитав во еден здив и можам да кажам дека ми е една од омилените. Преубава приказна, убаво опишани настаните сеуште јасно се сеќавам на некои детали, а можам да кажам и дека филмот е изненадувачки добар, ликовите се претставени баш онака како што ги замислував. :up:
Книгата од филмот многу се разликува. Не ми го долови тоа кое го очекував, многу пати се разочарав во текот на книгата, плачев и така натаму, за крајот да ми дојде премногу наеднаш. Ја прочитав неверојатно брзо, гледајќи од тоа колку здодевни ми беа првите страни, па ми стана интересна и така се вртев во круг. Мислам дека особено ме разочара фактот што не е вистинита приказна, повеќе од се. А како е претставено, кој кажува, кој запишува, прекрасно.
Прекрасна книга! Една од поомилените ми е. Го имам гледано и филмот, но ни во најмала мера неможе да се спореди со книгата. На толку сликовит начин е опишан животот на гејшите, нивните проблеми и нивните успеси.
Книгата сеуште не сум ја прочитала но филмот го гледав неколку пати без здив...многу се нервирам кога луѓе кои го немаат гледано филмот ниту пка ја читале книгата сметаат заради некои дезинформации дека гејшата е уставри к**ва или проститутка...а е далеку од тоа
Најдобрата книга на сите времиња! Филмот исто така! Книгата не памтам колку пати ја имам читано, а филмот секој месец го гледам, напамет го знам секој стих, ама буквално се. Mе фасцинира тој нивни волшебен свет, самите гејши, значи совршенство од жени ми се, да се биде гејша е нешто толку уникатно и посебно, таква жена, која зраче со посебна енергија, со посебни вештини, образована и права дама. И да, и мене ме нервира кога гејшите ги споредуваат со проститутки, но тоа само мал човек може да го направи нели, ние, љубителите на оваа книга, сме сведоци на тоа што навистина се тие, слики што се движат Заљубена сум буквално во книгата и филмот, според мене, филмот успеа да ме воодушеви, посебно зашто секогаш филмот нема везе со книгата, но тука, според мене, се случи чудо, прекрасно е доловено се, и сум премногу задоволна. Сајури е една и единствена, совршенство.
Една од најдобрите и најквалитетните книги некогаш излезени. Секако од секој аспект се разликува од филмот. Посебна е книгава и нуди некоја посебна слика за секој пишан збор. Вреди да се прочита !
Најголем впечаток ми остави описот на ликовите,значи така блиску се доловени до читателот тоа и не е баш честа карактеристика кај секој автор.Од овој роман научив многу за гејшите и нивните животи.Прекрасно дело
сега ја гледам темава , книгава ја имам прочитано поодамна ама ми е една од најнајомилените , ја пролитав во еден ден од сабајле до вечерта буквално во еден залак ги проголтав тие 500 страни и ја препоралувам на секој. и филмот е убав но ни блиску колку книгата...
Прекрасна!! Ја прочитав во еден здив,одамна немам прочитано книга која толку ме воодушевила.Браво за авторот
Оддамна ја имам прочитано книгава и многу ми се допадна за разлика од филмот кој според мене не ја доловува книгата. Затоа, ви препорачувам прво да ја прочитате книгата, па потоа да го погледнете филмот.
Дефинитивно ако ја немаш читано книгата не можеш да го разбереш филмот.А книгата е преубава.Вреди да се прочита.Ми се допаѓа стилот на пишување како и развојот на настаните.
Јас сега ја читам на сам почеток сум и ми се гледа како доста интересна но и тажна.Ги прочитав вашите мислења и ќе ја прочитам да го дознаам крајот.
Стигната сум до делот каде што Чијо и станува помлада сестра на Махема, ептен ми се допаѓа книгава, мислам се е убаво опишано во неа секој детал, приказни, чувства убаво се опишани нивните кимона, шминки, ритуали... Прекрасна книга топло ја препорачувам За скоро 4 дена стасана сум до 212 страна.
Уште некои 100тина страници имам од книгава, што значи дека моментално ја читам. Ме воодушеви, пред се поради различната култура и начинот на живот на гејшите, нивните слугинки и обичаи да ги наречам. Интересна е, ама си ја влечам, некако како да не сакам да ја завршам. Мамеха, Хацумомо, Чијо ака Сајури сите тие се ликови кои ги има во секоја култура, но во книгата си имаат совршено место. :up: Кога ќе ја завршам ќе го погледнам и филмот.
Една од моите најомилени книги. Ја читав пред неколку години и ме воодушеви. Традицијата на крајниот исток на нашата планета - Јапонија од секогаш ми бил интересен за читање. Филмот е снимен откако ја прочитав книгата, го гледав и најблаго речено тотално ме разочара. Очекував дека барем малку ќе долови од убавината на книгата, но за жал според мене е бледа сенка на оваа прекрасна книга.