Бојата на форумот е добра и баш е пријатно за читање, мене ми се допаѓа, баш заради тоа што сакам светли бои, бидејки светлата боја го отвара окото на гледачот, веќе ако се навлегува во детали.Воопшто не претставува тоа некаква тешкотија при читање, а и ако сака некој да чита, ќе чита и нема воопшто проблем да му прави бојата, позадината каква е.Прочитав, била премногу розева, воопшто и не е премногу розева.
А, ви стасува ли вас нотификација кога некој ќе ве означи со @? Мене ми нема досега стасано, а гледам неколку пати ме означуваат, треба или не треба да стаса? Или тоа е само директен линк за да се знае, на пр, за кого се прави муабет, кој се цитира и слично?
Мене некогаш ми стигнува, ама некогаш не. А имам приметено дека не ми стигнува нотификација за поздравите кога се означени феминки одма една по друга. Да не има тоа врска?
^ Има со тоа дали некој друг те означил на истата страна, затоа кога го отвораш известувањето пишува можно е да има уште мислења по ова.
Tinka-mace така ти покажува затоа што најверојатно не си направила измени во приватноста на профилот. Оди на Приватност>Лица кои можат да... >Ги гледаат податоците на мојот профил и одбери Членови или Само членови кои ги следам. Така, кога нема да си најавена, а и било кој друг гостин нема да може да ти го гледа профилот и активноста. Worried.bt ако пишуваш во некоја од темите во Кафе муабети, мислењата пишани таму не се бројат. Така беше и на старата платформа.
@tinka-mace добри ти се подесувањата. Не може да ти се гледа профилот, ама мислењата не може да се скријат целосно. Сепак, ова е форум, место за дискусија и би немало смисла да не може да ти се гледаат воопшто мислењата.
Јас не пишав(или барем не мислев ) да не ми се гледаат мислењата целосно, туку сакав да прашам зошто така ми прави, а се е добро направено за да не ми се гледаат мислењата за тие кои не се најавени или зачленети на форумов...
Последното мислење се појавува десно во листата со теми: Изборот на сивата нијанса е направен на IPS дисплеј од висока класа кој ги прикажува боите со релативно висока точност (ΔE ≤ 2). Од една страна не сакавме форумот да делува темно/сиво, а од друга страна се трудевме да има доволно голем контраст помеѓу белите полиња за содржина и сивата позадина. Затоа се одлучувме токму за оваа нијанса. Избраната палета на бои е тестирана и на повеќе од пораспространетите екрани на мобилни уреди (iPad, iPhone, Samsung Galaxy) и изгледа добро. НО, постојат еден куп различни екрани за компјутери/лаптопи и практично е невозможно да се оптимизира контрастот за сите нив. Мнозинството од сите широко распространети компјутери користат дисплеи со TN матрици кои се инфериорни во правилното отсликување на боите. Погледнете го вашиот монитор одгоре и ќе изгледа многу посветло (контрастот ќе исчезне); погледнете оддолу и ќе изгледа многу потемно (контастот ќе биде засилен). Забелешките се земени предвид и ќе се обидеме да избереме нешто потемна нијанса која би претставувала подобар компромис. Btw, ми падна в очи Сафарито. Ако не се лажам, на поновите Мекинтош компјутери има без исклучок дисплеи со IPS матрица, па не би требало да имаш проблем со контрастот. Може да те замолам да споделиш кој модел го користиш? (може и во приватен разговор) Известувања за означувањето добиваат само првите 5 означени форумџики во секое мислење. Ова ограничување постои за да се спречи спамирањето. Сепак, можеби би било добро да зголемиме до 10. Форумот има опции за максимално да го скриете вашиот профил и коментарите на профилот, опции за да ограничите кој може да ви праќа приватни пораки, опции за да оневозможите другите членови да ја следат вашата активност (допаѓања, следење на нови корисници). Да, други корисници можат да ги гледаат вашите мислења, но тоа едноставно е начинот на кој функционираат интернет форумите.
Тогаш можете да преземете нешто и околу известувањата за надгледувани теми? Јас по таа логика тргнав, зашто доаѓа нотификација за само едно непрочитано мислење, не и за останатите. Чисто за увид мене би ми се допаѓало за сите нови мислења да добивам известувања.
Доколку одредена надгледувана тема е прилично активна, а вие не сте се најавиле неколку дена на форумот, лесно може да се случи да се напишат 200-300 мислења во темата. Во таков случај би добиле 200-300 известувања само за една тема и тоа за 2-3 дена. Тоа е претерано и непрактично, па токму затоа известувањата функционираат вака: Избирате да надгледувате одредена тема. Кога некој ќе напише мислење, веднаш ви праќаме известување за да знаете дека има нова содржина во темата. Сè додека не дојдете да ја прочитате темата, не ви праќаме повеќе известувања, бидејќи веќе сте известени дека во неа има мислења кои не сте ги прочитале. Откако ќе ја прочитате темата, повторно ви праќаме известување веднаш штом некој прв напише мислење. И потоа во круг.
iMac имам. Дисплејот му е IPS и имам контраст, ама според мене позадината е сеуште многу светла. Како и да е, сметам дека би било убаво да постои можност членовите сами да си го прилагодат дизајнот според сопствените потреби (доколку платформава овозможува такво нешто) Инаку, далеку од тоа дека дизајнов е лош, меѓутоа овие критики (да ги наречам така) треба да придонесат тој да се подобри и да биде колку што е можно поприфатлив и подопадлив за повеќемина членови.
Јас неколку дена ја разгледував новава платформа, и ми смета само то шо не нема Активни теми како на старата платформа, така некако ми беше поубо, вака треба се да барам по темите. А многу добро е то шо кога некој те цитира, ти лајкна ти стига во известувањата, браво за тоа.
@Adi888 има активни теми, оди на 7ма страница од темава, Михајло има објаснето за Непрочитаните мислења и последни мислења.
Фала @RainBow Инаку имам прашање јас уште едно Пораките не се ограничени до 100? знам дека на старата платформа не можеше од 100 нагоре, а гледам кај мене в пошта имам преку 100 овде во новата...
Сакам да прашам дали уште ја има кратенката што постоеше порано - да може да му се прати лп на одреден член директно од постот кој што го напишал, затоа што јас веќе не ја гледам. Разгледував мислења во темата Фемина инстраграм и сакав да прашам за рецепт во лп, ја барав кратенката за лп, нели порано кога кликавме на неа веднаш се отвореше прозорче за порака со наслов од темата каде што е постот и со постот во цитат, ама сега тоа не го видов. Доколку го нема сметам дека треба да се додаде, затоа што некогаш е многу попрактично така да се започне разговор, отколку да отвараме целосно нова порака, па потоа да се враќаме на темата за да го копираме цитатот.
Moira, чим гледаш од мобилен, можеш и на самото тоа кај што ти пишува кога е напишано последното мислење да кликнеш на тоа, ќе ти го отвори последното мислење, ќе можеш така да видиш од кого е последното мислење Може и така, баш сега се уклучив од мобилен, на тој начин го отвара последното мислење, може да се види исто и од кого е.Може и имаш проверено така
