Мислења кои треба да останат запаметени

macka91 · 11 февруари 2019

Нека си трепка тука од сесре @Doozy
Познавам многу такви личности, што си ги скратиле крилјата поради љубовта, а можеле да летнат многу високо

Doozy напиша: ↑

Некогаш, не можам да се помирам какви прекрасни девојки завршуваат со какви... битанги.

Учени, шетани, начитани, борбени, свои - прекрасни! И еден мајчин ќе ја убеди дека вреди помалку од денар најден на улица.

Им перат мозок, бе. Бесрамно ги репрограмираат, малку по малку, месец за месец, година по година.

И да, се гледа тоа. Се гледа толку многу, што од далеку се гледа дека нешто смрди.

Погледот што и' го дава преку масата ако деколтето е предлабоко или здолништето прекратко, иако реално, не е.

Сликите што магично ги снемува од социјалните мрежи по неколку месеци, затоа што наводно, нема зошто девојка со дечко да има „такви“ слики, иако се сосема нормални и пристојни. По некое време, профилот или го снемува или станува заеднички.

Документите испратени за работа и студии низ белиот свет се „губат“ - шо мајка бара таму без него?

Другарите стануваат непостоечки затоа што пријателството меѓу машки и женски не постои. Другарките се ретчат - и остануваат само „добрите“, односно, тие што се во исто ср*ње ко неа.

На работа не смее да има колеги. Црвениот кармин да не е прецрвен.
,,Таа" да не се става пред ,,ние".

Оправдувања милион. Ама он е добар. Ама он ме сака. Ама он само така...

А после...

Празни погледи, лажни насмевки, шака апчиња пред спиење и липање, за да не те чуе свекрвата дека плачеш од другата соба. Оти е срамота - треба да си благодарна!

И сето тоа мене би ми било океј, да знам дека тие се среќни. Ама не се, им гледам во очите дека им згаснала жарта - ама трпат, оти тоа било љубов.

Љубовта не гаси. Љубовта не стега. Љубовта не боли - напротив.

Љубовта е слобода, полет, великодушност. Како лук во таратур. Како ликерот во коцка чоколадо. Како свеж воздух во летно вечерие.

Кога сакаш другиот да е среќен, макар и без тебе.

Камоли да можев да им дадам да се видат од страна, со моиве очи, можеби навреме ќе бегаат да спасат глава.

Не дека мојата врска е идеална - впрочем, има ли нешто идеално? - ама откако на потешкиот начин ја научив лекцијата, никогаш, ама никогаш, нема да се ставам себеси на второ место. Или уште полошо, целосно да се изгубам во вртлогот наречен ,,љубов" и да заборавам која сум, што сум и зошто сум.
Кликни за проширување...

Purplelilac · 12 февруари 2019

Ете така. Нека стои ова тука

LiliBoz напиша: ↑

Тешко ви е? Вел Гуд. Значи има за што да ви е тешко. Не ви е празно.
Кликни за проширување...

cresa-jagoda · 14 февруари 2019

Dream-Girl напиша: ↑

Не можам да разберам како некој сака да учи медицина, а да заврши со врски и препишувања. Ноќе, немаат ли грижа на совест? Ќе завршиш со врски ајде, утре ќе дојде време на пациент да дојде во твои раце, што ќе му кажеш, не знам што ти е, тој испит со пари го имам пројдено.
За секоја професија треба љубов и желба да имаш, а не ради титула нешто да се учи.
Кликни за проширување...

Amellie13 напиша: ↑

Туркаат на испитна за да те натераат да полагаш на казнена за да му дадеш повеќе пари и нормално дека на казнена повеќе пуштаат да положиш.

Деца на други професори кои не се појавени на предавања ги знаат прашањата на колоквиуми и испити однапред и се' полагаат со повеќе успех од тебе, обичен смртник, што си ја лупал главата по цели денови за да го сфатиш и онака неубаво објаснатиот материјал што понекогаш те тера да одиш на спремање и да фрлаш плус пари.

Кога мислиш дека некои чесно си ја работат работата таму, oh you're in for a surprise.

Некни кога полагав асистентот што не' чуваше си правеше муабет со една као демек "немаш научено, па си препишуваш, ајде малку само" а друг некој да мрдни ќе го избркаат.

Друга дошла скроз неспремна па ќе ми вика мене да сум и кажувала а јас се трудам да останам концентрирана да напишам како што треба. Ќе ти кажам мало морген, така ли се иди на испит бе. Стана си замина. Арно.

И потоа нестручен кадар имало секаде. Епа ќе има. Таквите само ќе останат во оваа вукојебина каде се функционира само со врски и партиски книшки.
Кликни за проширување...

Doozy напиша: ↑

Некогаш, не можам да се помирам какви прекрасни девојки завршуваат со какви... битанги.

Учени, шетани, начитани, борбени, свои - прекрасни! И еден мајчин ќе ја убеди дека вреди помалку од денар најден на улица.

Им перат мозок, бе. Бесрамно ги репрограмираат, малку по малку, месец за месец, година по година.

И да, се гледа тоа. Се гледа толку многу, што од далеку се гледа дека нешто смрди.

Погледот што и' го дава преку масата ако деколтето е предлабоко или здолништето прекратко, иако реално, не е.

Сликите што магично ги снемува од социјалните мрежи по неколку месеци, затоа што наводно, нема зошто девојка со дечко да има „такви“ слики, иако се сосема нормални и пристојни. По некое време, профилот или го снемува или станува заеднички.

Документите испратени за работа и студии низ белиот свет се „губат“ - шо мајка бара таму без него?

Другарите стануваат непостоечки затоа што пријателството меѓу машки и женски не постои. Другарките се ретчат - и остануваат само „добрите“, односно, тие што се во исто ср*ње ко неа.

На работа не смее да има колеги. Црвениот кармин да не е прецрвен.
,,Таа" да не се става пред ,,ние".

Оправдувања милион. Ама он е добар. Ама он ме сака. Ама он само така...

А после...

Празни погледи, лажни насмевки, шака апчиња пред спиење и липање, за да не те чуе свекрвата дека плачеш од другата соба. Оти е срамота - треба да си благодарна!

И сето тоа мене би ми било океј, да знам дека тие се среќни. Ама не се, им гледам во очите дека им згаснала жарта - ама трпат, оти тоа било љубов.

Љубовта не гаси. Љубовта не стега. Љубовта не боли - напротив.

Љубовта е слобода, полет, великодушност. Како лук во таратур. Како ликерот во коцка чоколадо. Како свеж воздух во летно вечерие.

Кога сакаш другиот да е среќен, макар и без тебе.

Камоли да можев да им дадам да се видат од страна, со моиве очи, можеби навреме ќе бегаат да спасат глава.

Не дека мојата врска е идеална - впрочем, има ли нешто идеално? - ама откако на потешкиот начин ја научив лекцијата, никогаш, ама никогаш, нема да се ставам себеси на второ место. Или уште полошо, целосно да се изгубам во вртлогот наречен ,,љубов" и да заборавам која сум, што сум и зошто сум.
Кликни за проширување...

Bitter-Sweet напиша: ↑

Ги сакам оние силни гушкања, толку силни, што телото ми ги памети и со денови потоа. Тоа е потребната доза љубов.
Кликни за проширување...

lovestoneddd · 14 февруари 2019

Cka напиша: ↑

Сакам да кажам...
Кога не гледате нас, провинцијалците, гледате некои кои се пониско од вас. некои кои ви ја зеле шансата за вработување, кои ви ги грабнале фините момци, кои за ситна пара работеле и ги унапредувале побрзо...

не гледате дека ние, за да стигнеме на факс, стануваме 2 саати порано. За да стасаш до факс, треба да чекаш автобус кој не е на 5 минути, туку на саат и пол или 2. Не смееш да го испуштиш. мрзнеш и чекаш со книгите и патуваш саат време, по пат, замрзнат. некогаш со магла па шоферот вози со отворена врата, на минус 10 степени за да ја гледа белата линија за да не се превртиме. некогаш прегрејува автобусот, па чекаме да не собере друг. Некогаш возот иде со саати, нема греење...

Тргаме на работа додека уште спиете. тргаме саат и пол порани за да не доцниме. Си тргаме покасно од работа, оти немаме одма автобус. Чекаме на автобуска, па пак саат одиме по патишта.

Жешко, ладно... никој не те праша. Сам си го одбрал патот, оти нема факс у твојот град, а ни работа. Платата ти покрива само месечна автобуска карта. не и возење со приватна кола. Ко да е тоа побезбедно

И не е. Ние секој ден ризикуваме живот за да дојдеме по патиштава и да полагаме испит, за да дојдеме на работа, се уморуваме побрзо оти отсутни од дома сме по 12 саати у денот (работа плус пат) а не 9. И тоа не е еден ден, туку секој ден. И ќе ти речат да останеш пола саат покасно на рабпта, илипрофесорот ќе рече дојди по еден саат, и ти мораш заради тоа дачекаш следен автобус, уште саат и пол.

И мрзнеш, оти кој не почувствувал, не знае. Оти наникој не му е гајле. некогаш слушаш како крцка автобусот, некогаш слушаш како шоферот едвај диши, и се молиш да не го удри инфаркт додека гледаш по стрмнините или да не му откаже кочница.

И пак, сме само провиницијалци кои го загадиле скопксиот воздрух. Вчера 15 такви провинцијали, татковци, мајки и синови, умреа за да донесат плата дома, за да земат оценка у индекс. Секој ден.

Каде живееме?! Те мразат, а не те познаваат. Животот ти е на коцка секој ден, а на никој не му е гајле.
Кликни за проширување...

Да се памти постов.

IM.TMKQ · 18 февруари 2019

Liu напиша: ↑

Маж можеш да натераш да не престанува да мисли на тебе и со убав кажан муабет и збор а не само со секс.
Кликни за проширување...

simonka93 · 20 февруари 2019

Lilit напиша: ↑

Сум запознала луѓе што мрачат и се депресивни кои полнат со позитивна енергија како никој, оти душата им е таква - чиста.
Сум запознала луѓе кои само се смеат, а способни се да те треснат од земја и исцрпат како да си работел во рудник.
Тоа се тие разлики и заблуди.
Кликни за проширување...

Нека трепка!!

cresa-jagoda · 22 февруари 2019

Cinnamon Bun напиша: ↑

Се гледам во огледало и си велам: колку ли сум само убава. Не сум совршена, ама убава сум.
Имам уста, не толку сочна и голема, но функционира за бакнежи.
Имам нос, има мала внатрешна девијација од повреда, ама сепак дишам.
Имам две очи, можеби малку ќорави, но можам да ја видам светлината на сонцето што изгрева, луѓето, дрвјата кои расцветуваат.
Имам две раце, две нозе што не секој ги има. Имам досадна црна коса, но сепак ја имам.
Имам сѐ на ова мое тело. Не е совршено, но прекрасно е.
Не сум модел, но кога ќе се погледнам во огледалото се чувствувам така. После толку време конечно се чувствувам убаво за себе и не би го сменила својот изглед за ничиј друг. Конечно имам самодоверба.

Но самодовербата не се гради самата. Секој убав збор и сечија убава постапка има голем придонес во тоа да се чувствувам како убава млада жена.

Кога сите би ги гледале самосамо уба нешта на човекот, а би гледале убавина и во несовршеностите и ако немаше конкретни параметри според човекот се смета за убав и дотолку ги немаше сите оние полу пластични инстаграм модели, секој човек на светов ќе се чувствуваше убав.
Кликни за проширување...

Amellie13 · 22 февруари 2019

@cresa-jagoda дојдов во темава да го постирам тоа мислење ама побрза беше.

Како и да е @Cinnamon Bun

Someonespecial · 22 февруари 2019

И јас дојдов да го ставам ова на @Cinnamon Bun со уште едно, браво девојче, многу убаво кажано и мило ми е за тебе, секогаш да продолжиш со тој мајндсет!

Оти веќе си цитирана ќе го ставам само другото - од сесре Дузи...

Doozy напиша: ↑

Пишале дека српската премиерка добила дете со сопругата и писнаа нашиве експерти, чунки нивното дете од дома им го зеде да го чува.

Па оган да ги изгори, па мамата ваква, мамата таква, па се потсмеваат, па се лутат, па страшно. Па ќе земат се крстат, чувај Боже нив да ги снајде такво нешто. Чиниш богзнае шо се случило!

У меѓувреме, не' апашат од кај стигнат, луѓе умираат по болници, дишиме канцер, 75% од домаќинствата немаат пари нормално да го поминат месецот... ама детето на српската премиерка е тоа што предизвикува лавина реакции.

Се преслушувате ли некогаш дома пред огледало?

Ех Балкане, Балкане... ајвар недопржен.
Кликни за проширување...

buba4e89 · 27 февруари 2019

CameliaMiller напиша: ↑

Дрес код не е физички закон. И да се прекрши мање битно.

Врска немам која била ситуацијата кога те нападнале оти си била конзервативна, можам само да кажам дека секој треба да се облекува баш како што сака.
Но, настрана муабетите за во институции.

Да речеме дека на кеј се шетаме.
Која е тука "лесна"?

Искрено, да знам дека на некој му се допаѓам или не му се допаѓам поради облека, ќе се оддалечам од него.

Тоа се плитки, површни луѓе и не знам зошто би им направила место покрај себе.

И да, и онака на докторките им е доволно тешко што работат во (за жал) машка професија и бранша, нема резон да им судиме и за облека нели.
Квалитетот нема врска НИКАКВА со облеката. Ама баш ич никаква.

А да не збориме што мажите никогаш не се СЕКСУАЛНО етикетирани и омаловажувани.
Се' ќе кажеме за него, ама сексуалната конотација на етикетирањето е строго врзана за жените, што е ужасно.

Не верувам во "дами" и слични ми ти лигавешници, божем ако некоја се шета во класичен костим и бунда многу е попаметна од некоја во тесни фармерки и кроп топ.
Кликни за проширување...

Animali · 27 февруари 2019

Ова е нешто најдобро што сум го прочитала lately! Ми иде да си го урамам дома

CameliaMiller напиша: ↑

Смееш.
Ама еве и јас ќе ти кажам дека мислењето не ти е во ред и навистина мислам дека не ти е.

Ќе ти образложам и зошто.

Настрана институции, болници, банки, училишта.

Збориме ако се собереме сите на улица ете некоја.

Имаш право да осудуваш, имаш право да мислиш дека е лесна нели, ама тоа не ја прави неа навистина лесна. Тоа кажува дека ти површно размислуваш.
Оти во суштина, не ја познаваш, не знаеш ништо за неа, а верувај, секоја од нас е предмет на осуда, не е важно дали за облека или нешто друго.

Навистина боли кога луѓето изнесуваат лаги за тебе и те осудуваат, без оглед дали е за облека, физички изглед, начин на воспитување дете... но реалноста е дека таквиот вид на етикетирање и осудување е многу ниска, многу лоша карактеристика.

И тука најмногу боли двојниот аршин.
Маж како и да се појави облечен, освен "сељак" друго полошо нема да биде кажано.

Нема да му кажат дека не е "прав господин" (како права "дама"), дека е курвар, нема сексуално да го вознемируваат. Што се мажите повеќе од нас па да имаат таква привилегија?

Второ за што мислам дека не си во право, е ценење на стручноста според облеката.

Знаењето, професионалните способности и квалитети, се исти, и во пижами и во соодветна облека. Добар хирург е добар хирург, макар и во пижами да оперира нели? Не му се мењаат магично способностите кога ќе облече scrubs.

Сличен ваков пример имаше за еден австралиски доктор, облечен во цивилка и тетовиран од врат до пети, набилдан.
Ги прашуваа луѓето што мислат за него, и тие кажуваа дека личи на уличен силеџија, дилер... а докторот беше еден од најнаградуваните доктори.
Со други зборови, стереотипите се лоша работа и неточна.

Еве еден хипотетички пример.
Ти доаѓа клиент тебе на работа, а ти во моментот си дознала дека близок некој е многу болен. Човечки е да не си расположена, работиш, но не си најнасмеана и највесела, и сега клиентот вика онаа Лилибоз кој ја вработил, види ја каква е некултурна една, намрштена.

Што мислиш за тоа? Во ред ли е?

Сакам да ти кажам, пред да осудиш некој, пред да етикетираш, и тоа да го покриеш со превез на правото за мислење, размисли како ти изгледаш за луѓето околу себе и колку лесно можеш да бидеш ти предмет на осуда и етикета. Оти тоа е најлесно, потешко е да се издигнеме над малограѓанштината и да не го правиме она што не сакаме нас да ни го прават.

Околу легнување на брашното.
Јас сум троа постара од студенткиве, ама ќе ти кажам нешто за себе.

Истото го мислам за слободата што го мислев и на 18. Помалку го вербализирам, не оти сметам дека е лошо моево мислење, туку сметам дека луѓето во суштина се плитки, имаат мислење за се', најчесто без да имаат аргументи за истото, па не образложуваат, туку се бранат со "така мислам". Но, ни под разно не се придружувам на групата ако мислам дека греши.

Колку сака нека функционира така светот, јас преферирам да живеам со себе и својата совест, а не со правилата на кои очајно им треба апдејт.
Кликни за проширување...

IM.TMKQ · 3 март 2019

Animali напиша: ↑

Јас спаѓам во групата на најхардкор: Оние што се справуваме и ја издржуваме реалноста без цигари, алкохол и дрога.
Beat dat!

Нема посилно и повозбудливо од тоа ништо да не може да те контролира
Ни една чаша вотка, ни една бела цевка што чади, ниту прав колку еден неисчистен тепих.
Кликни за проширување...

cresa-jagoda · 3 март 2019

tessie напиша: ↑

Колку сум само сменета за овие две години, ни самата не се препознавам. Колку имам сменето мислење на многу теми... парче глина сме во рацете на животов, ништо повеќе.
Добро што немам време за длабоки дискусии, ќе си речете Теси почнала да се филма за да биде интересна.

Само едно ќе ви кажам. Ниту една жртва за никого не вреди. Ништо не е повредно од личната среќа, дури ни богатство, не бадијала се раѓаме и умираме сами и голи и боси.
Ми фалите.
Кликни за проширување...

Amellie13 · 8 март 2019

LivingGlam напиша: ↑

Феминизмот е многу популарен на форумот во последно време.

Таман и за празников, може од таа гледна точка да се изјасниме? Многу ме интересира што мислите.
Ова ми изгледа на очигледна форма на патријархат - мажи со пари ги користат парите да добијат секс од млади жени што не би ги ни погледнале без тие пари. Повеќето од овие мажи се оженети со семејства, и шпартаат со швалерки по луксузни хотели. Жената дома веројатно знае и ќути бидејќи и таа има корист од неговите пари.

Дали треба да се поддржи оваа патријархална пракса во која мажи доминираат над жени бидејќи тие се оние со финансиска моќ?
Ова значи дека поддржуваме газди стари дртала што вработуваат секретарка само ако секс е во прашање? Со согласност ќе го даде. А жената дома знае и седи бидејќи се чувствува немоќна да преземе нешто.
Whatever floats their boats?

На индивидуално ниво, секако... секој со своето. Moжеш да правиш што сакаш и како сакаш. На социјално ниво, ова е страшно нездрава работа да се поддржува и е против се' она на кое ги учиме нашите ќерки.
Секако дека имам мислење. И да знам дека некоја моја блиска е во ваква врска, би разговарала. Секако дека не можам да ја спречам и нема да и' се мешам во животот. Но како што не би сакала да биде во врска или брак со опресивен маж, и за ова би разговарала за нејзино добро.

Е сега, има и друга гледна точка, дека шугар бејбис треба да се поддржат затоа што тие ја имаат контролата. Жените треба да се поддржат да прават што сакаат.

Мене не ми изгледа така. Мене ми изгледа дека баш тие се злоупотребени бидејќи се финансиски ранливи, а имаат нешто што на богатиот му прави задоволство. Случајот што @Ketchup го спомна баш така ми изгледа. Каква согласност е таа? Дали ако бејби имал пари би се одлучил на таква врска?

Има тука согласност, секако, но предизвикана е од немоќ. Кога би биле овие рамноправни, оваа ситуација не би постоела.
Би постоеле само млади жени што имаат фетиш на стари мажи и обратно, без парите во равенството. Само тогаш би било во ред. Ама ако ги тргнеме парите од равенството, овие случаи би биле толку ретки што не би биле тема на разговор.

Пак се сведува на пари, и дека е потешко за жени да ги заработат самостојно. Знам дека има и мажи во улога на бејби, но почести се жените па затоа ме интересираат повеќе.

Среќен 8 Март, ви посакуваат Роза и Клара.
Кликни за проширување...

Someonespecial · 11 март 2019

DAngel напиша: ↑

Шовенизмот и сексизмот биле право на мислење. Хомофобија било право на мислење. Антиваксерството било право на мислење. Радикализмот било право на мислење. Лажните вести биле право на мислење. Тврдењето дека анксиозноста и депресијата не се болести било право на мислење. Да кажеш на суицидална личност "море да си ми дете како би те исплескала" било право на мислење. Активно тролање било право на мислење. Не, не е право на мислење, туку така ви е кажано затоа што се пишуваат мислења, се бројат кликови, се качува активност. Не се битни ни последиците од тие мислења, ни човечките чувства, ни никој во таа равенка освен форумската активност. Изгледа треба да си подразмислам за активноста на форумот. Вреди ли да се даваат "кликови" на нешто со чија што политика на управување воопшто не се согласувам? Да, ќе речете: "Олабави се, за дружење е форумот", ама не е толку едноставно. Од овој форум излегуваат многу идеи, на овој форум се одгледуваат многу деца, многу девојчиња раснат на форумот. И што ќе научат? Дека вакцините не чинат, дека срамота е да отидеш на психолог, дека на жената местото и е во кујната, дека педерите се гадни, дека сите ќе се откажат од тебе ако си поразлична.
Кликни за проширување...

cresa-jagoda · 12 март 2019

Purplelilac напиша: ↑

8-ми март.. ме потсети на првиот пат кога го честитав тука на форумов, токму во оваа тема. Ја немаше онаа СДК (без цитирања), но и да ја имаше веројатно мислењето ќе го напишев тука бидејќи не ни претпоставував дека ќе бидам цитирана за истото. Го составував полека и со одбрани зборови затоа што сакав да биде посебна честитка кон сите мајки. Да, токму така. Денот 8-ми март во моите мисли беше опишан како Ден на мајките. Имаше толку многу збунувачки и контрадикторни нешта што се случуваа на овој ден секоја година, и сепак никогаш не прашав зошто сите девојки/жени си разменуваа подароци. Всушност и јас уште од малечка добивав цвет од татко ми, без исклучок, секоја година. И секогаш ќе се насмевнев, ќе го прегрнев и ќе се заблагодарев за гестот, а конфузноста ја оставав на страна.
Никогаш не ми било наметнувано да се задлабочувам во значењето на религиозни празници, па оттука и за другите празници не сум покажувала интерес за откривање на нивното значење. Всушност како што растев сѐ поодбивно ми стануваше да почитувам некакви традиции како пост или задолжително одење во црква за празник, па таквата аверзија ја пренесов и за толкувањето на празниците.

Па кога го напишав постот бев „нападната“ од повеќе членки на форумов. Толку ми беше изненадно и несфатливо зошто толку многу се налутија токму за мојот пост. Па бидејќи бев релативно нова на форумот, а и немав реални аргументи со кои би си го одбранила ставот дека е празник на мајките, се бранев со единствениот одговор кој донекаде беше релевантен, а тоа беше дека во темата не смееше да се цитира (иако имаше и исклучоци). Во случајов за моето мислење беше исклучок. Се претера со цитирања, па се избришаа коментари и дискусијата заврши.

Читајќи мислења и во други теми од истите девојки од кои бев „нападната“ и сфаќајќи дека за повеќето се согласувам со нив, започнав ретроспективно да разгледувам од каде ми потекнува асоцијацијата за овој празник токму со мајките. Стигнав до трето одделние основно. Не знам зошто но токму тој 8ми март ми има останато во сеќавање. Изработувавме честитки за личностите на кои според тогашната учителка беше посветен денот, не знаејќи притоа дека ми е празник и мене и на сите други девојчиња од класот. Една реченица кажана од личност која треба да те насочи кон објективен поглед на светот, создаде конфузија и сосема искривена слика во детскиот ум.

Си ги вратив размислувањата на blank space и започнав отпочеток да го истражувам поимот и главно секако феминизмот коj се поврзува со него. Револтот за погрешната претстава која ми беше создадена се зголемуваше правопропорционално со почитта кон членките кои ми упатија низа критики. За првпат бев целосно искрена со себе и си признав дека не сум во право. Не пред другите, туку пред себе.

Не се срамам денес да го кажам ова бидејќи веќе не сум истата личност од пред две години. Имам уште многу да учам, но сега е полесно бидејќи знам дека е во ред да не си секогаш во право но дека секогаш ама апсолутно секогаш треба да бидам отворена за критика, да ја искажам и да ја примам.

Среќен 8ми, 12ти, 23ти или било кој друг датум од годината. Секој ден заслужуваме љубов, почит, еднакви права и слободи да бидеме што и да посакаме, каде и да сме, кои и да сме. Бидете искрени со себе, сакајте се и почитувајте се, давајте критики но не навредувајте, примете критики и подобрувајте се, зборувајте гласно и не дозволувајте да се претопите и претворите во она што некој друг ви го зацртал. Бидете свои бидејќи имате апсолутно право на тоа

До сите девојки кои ми упатиле критики: Ви благодарам. Без разлика дали биле конструктивни или не, убаво е човек да се запрашува и самоанализира одвреме-навреме.

Феминизмот не е само поддржување, феминизмот е и критика за заедно да напредуваме и максимално да ја искористиме секоја сила која ја поседуваме.

Имајте убава недела
Кликни за проширување...

Amellie13 · 15 март 2019

CameliaMiller напиша: ↑

Зошто би биле?
Се' повеќе попуштаат традиционалните обрачи и стеги, се' повеќе жени не ја кријат својата сексуалност... се' повеќе ние на нашите ќерки (ќе) им зборуваме за секс - се' помалку е сексот табу.

Што очекуваш да направи девојче од 16-17 години, кое нема каде да купи кондоми оти е срамота, срамота е на гинеколог да оди, срамота е дома да каже.

Истата таа нема да користи заштита во брак, пак под влијание на тоа воспитување.

Како јас или останативе што знаеме како да не направиме "случајно" дете не сме абортирале? Мажени или не?

Можеби зашто мајка ми дома од 14 години ми зборувала, можеби зошто на 14 години ме однесе на гинеколог, многу пред воопшто да се впуштам во сексуални односи?

Како тогаш може да останам 5 пати "случајно" бремена?
Кога знам дека моето здравје, мојот интегритет се поважни од "срамотата" на околината?

Не е мајка ми посебна, ама попосебна е од нејзината мајка. Како што верувам сите вие што имате млади ќерки ги учите како прво себе да се заштитат, и ако ги воспитате да бидат доволно силни и самостојни, нема да им е гајле дали на партнерот поарно му е без кондом, или не му е филингот ист, итн.

И знаеш што Косми?
Секогаш кога купувам кондоми ме загледуваат. И продавачот и тие зад мене. Како да правам нешто погрешно, ороспија низаедна.
Ама пак ќе кажам, не се сите девојки Камелија, па да не осеќаат 0% срам.
Некои осеќаат. Некои знаат дека ќе има реперкусии и се плашат.

Е затоа сексуална едукација, затоа бесплатни гинеколошки прегледи и кондоми.
Кликни за проширување...

DAngel · 16 март 2019

Морав, овака целосно. @KateKane долови како сите се почувствувавме

Luminary · 28 март 2019

Peperutce1115 напиша: ↑

Срцето нема очи. Срцето не бира висок, низок, плав или црвен, дебел или слаб, црнец или белец. Срцето бира срце. Љубовта ги поминува сите граници, вери и националности.

Нека им е со среќа.
Ако имам ќерка, сакам да има ЧОВЕК до неа и да биде среќна, без разлика на неговиот изглед, вера, националност, потекло.
Кликни за проширување...

Mr. Right · 14 април 2019

referentka напиша: ↑

Парите не биле важни
Разболи се па да видиш.
Сакаш да се вработиш?
И за дечко да фатиш ти требаат!
И за комуникацијс ти требаат.
И деца нема да те сакаат ако немаш пари.
И маж ти нема да те сака ако не заработуваш.
И.ниту еден проблем нема да решиш ако немаш пари.
Голтар си.
Бедник.
Па и Ајнштајн да си со умот-џабе ти е.

Ако грешам, поправете ме.

И јас сакам да не влијаат на нештата,ама парата врти СЕ.

Не сум материјалистка.
Ама без пари си чиста нула.
Кликни за проширување...

Најави се или зачлени се

Мислења кои треба да останат запаметени

macka91 Форумски идол

Purplelilac Форумски идол

cresa-jagoda Форумски идол

lovestoneddd Форумски идол

IM.TMKQ Форумски идол

simonka93 Форумски идол

cresa-jagoda Форумски идол

Amellie13 Форумски идол

Someonespecial Free-minded aesthete

buba4e89 Форумски идол

Animali Популарен член

IM.TMKQ Форумски идол

cresa-jagoda Форумски идол

Amellie13 Форумски идол

Someonespecial Free-minded aesthete

cresa-jagoda Форумски идол

Amellie13 Форумски идол

DAngel Форумски идол

Luminary Форумски идол

Mr. Right Форумски идол

Најави се или зачлени се

Мислења кои треба да останат запаметени

macka91 Форумски идол

Purplelilac Форумски идол

cresa-jagoda Форумски идол

lovestoneddd Форумски идол

IM.TMKQ Форумски идол

simonka93 Форумски идол

cresa-jagoda Форумски идол

Amellie13 Форумски идол

Someonespecial Free-minded aesthete

buba4e89 Форумски идол

Animali Популарен член

IM.TMKQ Форумски идол

cresa-jagoda Форумски идол

Amellie13 Форумски идол

Someonespecial Free-minded aesthete

cresa-jagoda Форумски идол

Amellie13 Форумски идол

DAngel Форумски идол

Luminary Форумски идол

Mr. Right Форумски идол

Корисни пребарувања