Мислења кои треба да останат запаметени

Nigredo Odor · 16 април 2019

Бубаче во темата ,,Пожар во катедралата Нотр Дам"

buba4e89 напиша: ↑

Не сум била во Париз и не сум ја посетила Нотр Дам, жално е што ќе немам прилика оваа градба да ја почувствувам со праисториски дух . Како љубителка на стари градби и катедрали сочувствувам со Париз, верувам дека секој посетител почувствувал посебен дух и енергија при влез во катедралата. Квазимодо ја чуваше како капка вода, имаше посебна магија и Виктор Иго баш ја возвишуваше во своето дело. Зборови испреплетени и во секоја буква по еден слика да ја долови секоја шајка, дрво од Катедралата. Стара многу векови со вчерашниот оган умираше и по мал дел од Квазимодо, исто како кога беше камшикуван. Ниту една обнова нема да го врати тој дух, нема таква рака на светот што може да го наслика и изгради оригиналниот Нотр Дам. Можевме само да ги гледаме пламенските јазици кои го голтаа немилосрдно Нотр Дам, а тој беспомошно им се предаде.
Кликни за проширување...

Amellie13 · 20 април 2019

Bitter-Sweet напиша: ↑

Тој парфем е само обичен парфем, сѐ додека не го осетиш мирисот кога се гушкаш со него. Таа боја е само обична боја, сѐ додека не дознаеш дека е негова омилена и дека често носи облека во таа боја. Таа песна е само обична песна, сѐ додека не ја слушнете заедно, за после тоа, секогаш да остане потсетник на убав момент. Тоа место е само обично место, на кое претходно многу пати си поминала, сѐ додека не сте го обележале држејќи се за рака или спојувајќи ги усните.
Сѐ е обично, додека не е обележано со љубов. Тоа е таа моќ која раздвижува, оживува, дава душа.
Кликни за проширување...

cresa-jagoda · 21 април 2019

Во право си за сè

lovestoneddd напиша: ↑

Јас пак, ќе кажам дека за сите срања кои ни се дешаваат на ниво на државата, сами сме си криви.
Самиот народ си е крив што имаме газди какви што имаме и тоа се има докажано низ мал милион случаи.
Некој клет народ сме, не знам како да не дефинирам, со сила да ги тераш за обединување заради заеднички интерес, со сила да им наметнуваш дека заслужуваат подобро и дека може да биде подобро.

Ова иде за сите приватњаци, менаџери и директори.
Сте го фатиле законот, и исплаќате мизерен минималец, притоа и навреме, сте ги осигурале своите работници, имаат еден ебан ден слободен во неделата, пауза за кафе од смешни 15тина минути до пола сат, 8 часовно работно време, годишен одмор обезбеден, повишица..
Ако мислите дека тоа ве прави газдетини, поим за претприемници, гадно сте се излажале. Газди сте само во вашите мокри соништа. Ниедно од горе набројаните не ви дава за право да се кочоперите со титулата газда, притоа и да зборите за себе во суперлатив, како сте најдобри а другите не чинат.
Кога ќе сфатите дека сето ова погоре не е ПРИВИЛЕГИЈА за еден работник, туку основни услови и основни права за еден работник, тогаш титула газда ставајте си. Вака сте само обични експлоататори, кои со памук душа вадат. Ама не сте само вие криви, државата ви го дава тоа за право, а тие што ги носат законите пак ние народот, ги имаме изберено, значи ние сме криви.

Од друга страна, за работниците.
Не е срамота дипломец да работи за 12 000, имам работено и за помалце, али е нехумано и нечовечки.
Ценете си го трудот, вложените финансии, стресот и упорноста што ве дотуркала до моменот кога сте ја добиле таа диплома во ваши раце. Кога сите би биле сложни по ова прашање, ни на најдегенското створење од газда, не би му текнало ни да ви спомне за минималец, камо ли толку да ве исплаќа.
Ама се додека има некој од нив, кој би ринтал и за пола од тој минималец, дипломираните кои бараат соодветна плата, ќе бидат елиминирани и гледани со потсмев.
Тоа некој не е потценителна бројка, дури повеќето се такви. Затоа и дојдовме до степен да дипломата не вреди ништо. А имал факултет, а немал, минималец не ти гине. Ако ти се наредат коцките, па дури и неколку иљадарки плус ќе земаш, нек се види раскош и нека се разиграат десетките во индексот.

Имам видено и сеуште гледам све. Знам дури и денес за фирми, познавам и работници, искрено повеќето од нив се постара генерација, задоени да ќутат вечито и газдата како бог да го гледаат.
Знам за фирми кои пуштаат минималец на сметка, па разликата од платата до минималецот бараат да им се даде на рака, и им се дава. Пуштаат К15, па си го бараат назад, и го добиваат. Пријавуваат па те одјавуваат за некој ден. Неплатени одмори. И сето тоа со согласност од злоставуваната страна.
Страв во коски, а од што?
Газдите се тие што треба да се плашат од работниците, а не обратно. Јер работниците се тие што го прават газдата, газда.
Мајка ми, маки мачеше со фирмите во кои работеше порано, ради стварите од погоре. Зборат сите против газдата, бес од секоја пора им излегува, се појавува неговото височество, сите молчат. Хе хе директоре директоре. Собираат потписи за штрајк, прво едвај да ги натераш да се потпишат т.е повеќе да ги охрабриш, се думаат, а немаат пари аналгин апче за глава да си купат, кога имаат главоболка.
Договараат штрајк, конечно. Се појавуваат неколку души од околу 70тина. И нормално, последицата ја снесоа тие неколкумина, кои од петни жили се имале трудено, да биде подобро, ама за сите.
Добија отказ, а останатите продолжија да работат во мизерни услови.
Да се имаат сите појавено и да кажат јасно и гласно што бараат, жими онаквото што на сите ќе им даде отказ. Тогаш нека стави катанец на фирмата одма, а не е луд да го стори тоа.
И тоа не е единствен случај, можам да набројам за уште 20, па уште за 20.

Млитав народ сме, у пичку матер.
Тоа не кочи во све живо.
Кликни за проширување...

Amellie13 · 27 април 2019

Purplelilac напиша: ↑

Што сѐ се изначитав деновиве на форумов, тоа чудо едно.

Навреди расфрлани на сите страни, да остане човек со подзината уста.

Кај ги наоѓате бе толку навреди и каде се купува таква храброст за некој кој не го ни познаваш да го опишуваш со такви грди зборови? Се чувствувате барем подобро откако ќе ја соберете сета негатива и ќе ја истурите на еден човек кој можеби не е ни виновен за истото? Не ви е така малку као срам после тоа да сте на Тошо као „јас ништо лошо не кажав, само бев реална/ен“.

Ќе ве разочарам ама да му речеш на некој „изглеаш ко теле“ е навреда и не, не е реална затоа што ако за вас изгледа ко теле за некој друг таа личност е лебед на пример.

Конкретно реченицава никој од тука ја нема искористено, ама ова е најблага навреда што би сакала да стои во постов затоа што вашите навреди не можам ниту да ги напишам а камоли да ги треснам во нечие лице. Не се сомневам дека тоа го правите и во реалноста исто како и тука.

Две теми од кои ја губам вербата во тоа дека можеме да покажеме култура се Модни критики и Македонските јавни фаци.

Кога ќе стапнете во овие две теми автоматски културата ја оставате некаде пред врата и војната може да почне, а „оружје“ и начини за „победа“ не се бираат.

Во модни критики на никој не му текнува дека стилот на облекување зависи и од она колку можеш да си дозволиш за парчето облека. Не, нема врска тоа туку битно е да ѝ/му кажеш дека пантолоните ќе биле поубави со три џеба, а не со два и точка. Небитно дали тие со три џеба биле 5000 ден., битно вие сте во право и извичник.

Бидете свесни дека не коментирате модни блогерки, туку „обични“ луѓе кои прикажуваат и прават модни комбинации од оние парчиња што ги имаат во плакар. И тоа е уметност.
Некој е поумешен, друг е помалку умешен но секој се труди. Па покажете барем малку култура и оформете достојна критика.

За другата тема пак не знам што да кажам. Ретко ја отворам, ама кога и да ја посетам мислам трета светска војна се води таму. И тоа за кого? Дали сте се запрашале за кого себеси се спуштате на дното и создавате негативна слика кај околината? За кого се расправате со други членови и си кажувате погрдни зборови?

Еве јас ќе ви одговорам. За личности кои не знаат ни дека воопшто постоите.

Дури сликата ми наликува на американски тинејџери што идат контра и трошат цели денови во расправање за кој е подобар Џастин Бибер или Шон Мендес. А овие двајцава екшли немаат попаметна работа па ќе пратат по социјални мрежи кој се „бори“ за нив. Ахам, да. Може и ќе се случи некогаш.

Секако вие можете и понатака да си терате како досега, ама бидете свесни дека секој таков коментар ве прави личност чии мислења немаат голема вредност.
Кликни за проширување...

Alishan30 · 29 април 2019

1992g напиша: ↑

Едит: Го дочитав постот.

Јас како too much либерална особа, со широки гледишта, која што имам живеено во 5 различни земји во пократок или подолг временски интервал, што имам посетено аналогно на струка над 33 земји, од високо ризични до (забегано) умствено отворени, што имам пријатели од најширок можен дијапазон, што сум седела во друштво на тврдокорни конзервативци но и со тврдокорни либертијанци, јас што многу добро знам кога и како се употребува "НОРМАЛНО" и "ВООБИЧАЕНО" и слично и слично, но, ЌЕ ДОЈДЕ РЕД ДА СЕ ЗАПРЕПАСТАМ ОД ОБИЧНА СОГРАЃАНКА И НЕЈЗИНАТА МАКА.
Фемина т.е форумов ме зачудува секој ден повеќе и повеќе.
Кликни за проширување...

Нека трепка за навек

buba4e89 · 30 април 2019

Anabelle.Amorette напиша: ↑

Види го прикачениот фајл 496477
Оти девојката е виновна што некој си зел за право да ја силува мислејќи дека е сосема океј да си ги задоволи потребите на ваков начин.

Оти до девојката е што после ваква траума треба време и храброст за повторно да му верува некому и да почне врска.

Оти премногу едноставна и позитивна работа е да споделиш со некого дека си силуван.

Оти девојките се ненормални што не летаат во облаци после едно ,,Здр маче, може да се запознаеме?", премногу им е да треба да се потрудат за да добијат нечија доверба, нечија ранливост и храброст да се сподели нешто вакво.

Гадна била. Премногу бара, зошто да се мачи некој да се труди. Ама па ако ,,шири нозе" (изразов гледам популарен е) по два реда муабет, лесна е де.
Можеби сама си го барала. Заслужила де.

Не ми се верува.
Кликни за проширување...

cresa-jagoda · 3 мај 2019

lovestoneddd напиша: ↑

Мили бре они, души напатени маживе.
Да не си им во кожа едноставно, низ што све минуваат. Природата ептен не им е наклонета.
Предлагам групна терапија за сите идни daddies, да ги спремиме за сиот пекол кој допрва ги чека со сопственото дете и жена, ни криви ни дужни, греота е сами да се справуваат со тој терор.
Што се пеколни циклуси, 9 месеци носење на истото дете, болки, гадење, вртоглавици, компликации, гинеколошки прегледи, ненормално болни породувања, ожиљци од царски резови, етц етц, со споредба со нивнота мака, да си се навикнат на сопственото дете, да ја почитуваат сопругата како жена и мајка и да и помагаат уз обврските.
Ништо, ситница.

Браво.
Кликни за проширување...

Rama · 3 мај 2019

Посебен круг во пеколот за вас кои ви се на прво место партнерите. За еден оргазам, семејство и долгогодишни другари баталувате..

Не би простила ваков шамар. Да бидам поконкретна оставив зад себе брдо нефункционални ,,пријателства" токму ради наведенава причина. Истите тие кога раскинаа ме бараа, ама не добија фидбек.
Пријателството (според мене) е најсветата и најчистата унија меѓу двајца луѓе насветот. Ride with me or...DIE!

@Nigredo Odor ПАМЕТНИЦЕ НИЕДНА, ДО ЗБОР СЕ СЛОЖУВАМ СО ТЕБЕ!!! НеКа ТрЕпКа оВа ОвДе

buba4e89 · 4 мај 2019

Glossy-girl напиша: ↑

Ако при толку години на земјава, не сме ја сфатиле сите суровоста на светот, блазе нас, не би ни успеале да го согледаме тоа преку грубоста на нечии зборови.
И да, и јас еднаш се губев во тој круг каде сѐ испукував од мене како од пушка, на најможен суров начин, додека некој не ми го стори тоа и следниот пат секогаш се ставав на местото на другиот, и погоди што? Не ми беше пријатно.
Може кај неа ништо не предизвика таа порака, ама кај мене се јавува секогаш емпатија, макар не било за мене наменето.
И како правото за мислење што го носиме сите, и твоето, и од другите - си го користам.
Не би сакала да се најдеш како мета на осуди за твоето однесување, сѐ е најдобронамерно, како твоите критики, претпоставувам.
Исто така, светов не би се срушил ако се поддржуваме без некоја скриена намера или цел.
И за тоа кога озборуваме други и гледаме кој, што правел и потоа некако се лутиме на муабетите како сме биле озборувани и како луѓето само оговарале. Малце контрадикторно, ха?
Епа... мислам дека треба да научиме дека секој ќе си прави што си сака.
И ова во глобала, ама баш сите.
Тоа значи и за начинот на облекување...
И тука ќе престанам затоа што темата ја изгуби смислата, ненадејно ама нема да се замери.
Кликни за проширување...

SV1911 · 4 мај 2019

За жал, чиста вистина. Да го испринтаме мислењево на @dunika и да го залепиме низ цело Скопје. Уште подобро на билборди со превод. Минимум што може да направиме е да го прочитаме доволно пати додека не не направи да почувствуваме лутина и стварно да креваме глас дружно за сите општествени проблеми.

dunika напиша: ↑

Убаво е што ке дојде папата.Лоша е нашата шминка и обид за маскирање на мизеријата.
За безбедноста се подразбира,папа е,ама тоа чистењето,средувањето...
Самиот е поборник за добивање социјална правда, и има денови и денови поминато рамо до рамо со ѓубреџиите во неговиот роден Буенос Аирес правејќи планови како тие да добијат пофер услови за работа,а градот на контрасти да стане почист град.
Тоа што нашиве за 5 дена сакаат да го спастрат,тој го има изнагледано.
Подобро е да оставеле да ја види реалноста.
Ама нема да сме ние-ние,ако не ја нашминкаме вистинската слика.
Нешто слично како “посебна” салама за нас,а пршут за гости.
Кликни за проширување...

Someonespecial · 6 мај 2019

Убаво кажано

Oxymoron напиша: ↑

А добро, што според вас треба да објавуваат луѓето на социјалните мрежи?

Објавиле дека истрчале маратон, е што, се фалат ли? Сликале храна или пијачки, само они ли јадат и пијат? Биле на журка, свадба или концерт, само они ли одат?

Не, не и не, но секој сам си одлучува што ќе сподели. За среќа, секој сам си одлучува и кој ќе го следи, па тоа што го гледате на Фејсбук или Инстаграм целосно зависи од вас. Ако не сакате да гледате делови од секојдневие како кафиња, храна или журки избришете ги тие луѓе и заследете мотивациски говорници, доктори, слатки животинчиња, whatever floats your boat и сметате дека споделува содржина вредна за следење.

Ако ви се роднини, колеги, претпоставени, hide и терајте. @Ма.нев, си пишал дека чекаш опција hide на Фејсбук, и сега ја има. Оди на профилот на тој што сакаш да го скриеш, кај Following одбери Unfollow и нема да ти се појавува на News Feed.

Јас имам прекрасна содржина на социјалните мрежи затоа што следам луѓе што стварно ми се интересни и не ме замараат. Нормално, некогаш се избацува некој со 10 сториња од некој концерт кај што ништо не се слуша, ама само го прескокнувам. Ако зачести, ќе го отследам, или ако е на Фејсбук ќе го избришам, немам јас нерви за hide и такви глупости Ама некој да ме нервира и упорно да го гледам и следам, не сфаќам зошто
Кликни за проширување...

IM.TMKQ · 10 мај 2019

Oxymoron напиша: ↑

Во класичен патетичен манир, си ставив чаша евтино црвено вино за муабетов. Во позадина ми идат The National, ама не дека ме потсеќаат на тебе. Ова веројатно ќе биде последното нешто што ќе го напишам за тебе.

До пред малку се ослободував од последните работи кои ми останаа од тебе. Сите слики на мобилен и лаптоп веќе одамна се избришани, многу работи се и фрлени. Но имаше уште по некој спомен, расфрлан низ собиве, кој скришно ме ѕиркаше и ми го нарушуваше мирот. Картичка за роденден што ти ја купив од Америка, една картичка која нас ни ја дадоа, за еден наш повод, тефтери, тетратки и прибор што ти ми ги подари, слики од свадби. Сѐ што можеше да се исече, исеков на мали парчиња, а утре ќе ги фрлам во подалечен контејнер, не ги сакам ни во моето ѓубре. Не сум суеверна, но верувам во енергии, и кога ги гледам се онерасположувам.

Знаеш, се плашам да не лажам и за последново, затоа што те преболив полесно и од мојата последна двомесечна „врска“. Можеби навистина тоа се случи, а можеби само ми е потиснато и еден ден ќе ми се вратиш како траума, допрва ќе видиме. Засега добро се држам.

Втора чаша вино и сакам под туш. Морам да се средам. Можеби траумата од тебе ми се манифестира преку сета оваа несреденост и недисциплина, затоа што претходно предолго бев лишена од нив. Можеби ми недостасуваше хаосот. А можеби и така си се тешам, а за хаосот сум лично и персонално, одговорна - јас.

Додека бевме заедно, неколкупати ти спомнував како сум пишана на форумов, со надеж да ме прочиташ. Со надеж да откриеш некоја моја нова, интересна страна. Никогаш не ме прочита, и не го пишувам ова мислејќи дека ќе го прочиташ еден ден. Ова е последниот поздрав за тебе, но е целосно за мене. Затоа што ми требаше прилично многу време да научам како целосно да си припаѓам. Но тука сме, и веќе никогаш нема да дозволам да му припаѓам повеќе на некој друг отколку на самата себеси.
Кликни за проширување...

Ketchup · 10 мај 2019

lovestoneddd напиша: ↑

Ти посака да станеш мајка, господине ?
Кликни за проширување...

Eпик момент на форумов.

lovestoneddd · 10 мај 2019

Nigredo Odor напиша: ↑

Дефинитивно немам што да кажам што веќе не знаете. Премногу притисок е наметнат од околината.
Балканот е средина со двојни аршини, каде истите веднаш после раѓањето се екстраполираат, заедно со родовите улоги и идентитети, кои сами по себе не се лоши, но човековиот вид уште од почетокот со развивањето свест, си зема за право да ги злоупетреби.
Средината сама по себе, секако мора да има одредени полови и родови назнаки по кои би се разликувале едни од други, (машки/женски) но истите треба да служат само како потсетник за документирање, а не како темел за тоа како треба да се доделат улогите во текот на понатамошниот живот.

Пишав во една тема за ова, а еве и повторно..
Притисокот кај жената не почнува во нејзиното возрасно доба. Почнува од втората година на животот, преку одбирање "женски" играчки, па сè до процесот на нејзино образование каде се очекува да ги има сите петки во училиште (пошто нели е девојче и е срамота да има лоши оцени).

Подоцна, од жената се очекува да дипломира, вработи и нормално, највисокиот стадиум од животот - да се омажи и роди. Но, не ради себе!
Не, не, ни случајно ради себе. Туку за неговото Височество, врхунацот на сите живи мери и критериуми - мажот.
Значи сешто прави една жена, секој нејзин подем, (успех), е ставен под лупа и не ѝ вреди доволно доколку нема со кого да го сподели!
Јинг и Јанг нели, вечната спротиставена енергија. Трагикомично enough, right?

...

Уште во својата адолесценција сфаќаш дека излезите во град, средувањата, поминувањето убаво со друштво, се само еден неминовен макотрпен процес кој се сведува на биолошка потрага по компатибилен партнер..
Што е најтрагично тоа можеби нема да го сфатиш на 16, 17 години, но како одминува времето сигурно ќе ти стане јасно зошто списокот на другар(к)и ќе почне да се проретчува. Нема да ги има веќе по клубови или кафичи..зошто станале сериозни, фатиле девојка/дечко.

Лошата традиција оди до степен каде сè мора жената да прави добро, со умерен, женствен и мил став. Ни случајно не смее да покаже "машки" oсобини пропратени со 'I don't care attitude' особено кога доаѓаат во прашање овие животно приоритетни теми, како мажачка и дете, зошто женственоста е нејзино ,,архетипно оружје/однесување" whatever.
Зошто ако не се однесуваш ,,женски" потоа следи онаа култна реченица - ,,ама женско си, сега на 12, 16 мислиш вака, ама понатака ќе си сакаш и ти семејство и детенце"

Каде е кофата да се исповратам?

Да сумираме - достигнувањата во животот кај една жена се мерат низ безбројни бројки и нијанси. Основата на традицијата е сведена на тоа колку деца имаш и колку си успешна за да го задржиш дечкото да те омажи.
Трагедија.
Кликни за проширување...

Сестра објаснила.

fana · 11 мај 2019

Bubce38 напиша: ↑

Ама не им е жал и за телето,кога нивните бебчиња лапкаат бејби биф. И по 800 ден / кг ке го платат само нивното дете да го хранат квалитетно.
Тоа што за да го нахранат нивното бебче со најубавото месо ,а за тоа треба да го "убијат" цицалчето на мајката крава ,е тоа не е ниту тажно ,ниту грев .
Гревот е ако јагнето го однесеш на рид и таму да го јадеш
Кликни за проширување...

Од бубче во темата народни и верски обичаи за забременување.

IM.TMKQ · 18 мај 2019

lovestoneddd напиша: ↑

Колку само погрешно те научиле... ама не си ти крива. Општеството е виновно и таа што те израснала по таков шаблон.
Не е чување тоа девојче, тоа е опсесивна контрола и посесивност завиткана демек во грижење и чување.
Повеќето се такви, така раснат, по тие убедувања, дека женското треба да биде чувано, мислиш малоумни сме па не можеме сами да водиме сметка за себе, а машкото за возврат треба да биде третиран како бог, да не смееш да преречеш ништо, да му ги препуштиш конците, и да бидеме благодарни што имаме еден таков витез штитник, до нас, а уствари е посесивен лунатик.
Се јавија на темава исто од машкиве кои не ме изненадија со одговорите, што значи и они се исти такви плукнати, за какви што и ги мислев.
Кликни за проширување...

Како што поминуваат годините се повеќе се убедувам и сум сведок на истово.

Тргнувајќи од врски, секс, одлуки итн.
Секоја чест на искулчоците, се надевам останал некој ,,точен" и за мене во овој изопачен свет.

Amellie13 · 23 мај 2019

lovestoneddd напиша: ↑

Геј популацијата само покажува дека е далеку супериорна во однос на интелигенција со стрејт алфа мажјациве, white christian heterosexual male, во превод клошар, навивач, хулиган, неебитис, насилник, вандал.
Никој не се прашува од каде таа исфрустрираност во толку млади луѓе, бес, желба за пролевање крв, кршење на градот, напаѓање на безбедносните сили, напаѓање на други недужни учесници.
Имате многу поголем проблем отколку неколку стотиците предвидени учесници на парадава.
А тоа е, менталното нарушување на оние кои ги величате, насилниците, кои се во состојба да наштетат на било кој им се најде на патот, било да е маж, жена, дете. И сето тоа прикриено низ призмата на скапаниот патриотизам и православје. Со такви луѓе делите секојдневие, со луѓе кои мислат дека ако не постапуваш по нивен терк и по нивна идеја за исправно, имаат за право да ти објаснат што е и како е, преку физичка пресметка. Кој ***** ви се врти во главата ? Имате ли памет ?!

Јас не се плашам дали ако имам дете еден ден, ќе се изјасни за геј.
Ќе се плашам ако изрази желба да крши ноге, да разбива глави и да го пали градот.
Тогаш ќе знам дека сум факинг неуспех како родител, нешто што вие не сакате да го признаете.
Кликни за проширување...

Someonespecial · 23 мај 2019

Најмила, најпаметна и најполна со разбирање Те обожавам девојко!
Нека трепка!!!

Purplelilac напиша: ↑

- Што правиш тука? Не ти е местото во темава.

- Пфф ти најде да објаснуваш во темава. Дериште! Иди дружи се со некои на твоја возраст.

- Секаде се плеткате. Го читате насловов?! Ајде гитла од тука.

- Се оќореа децава со нетов. (*седи и го пишува ова на нет)

- Најголемо достигнување на 20 годишниве им се 5465762 мислења на форум.

Причини за минување време на форум:

- Анксиозност при излегување надвор проследена со панични напади;

- Немање друштво со слични интереси;

- Раскинување на долгогодишна врска;

- Осаменост;

- Смрт на блиска личност;

- Здравствен проблем поради кој минува време во болница па си бара занимација за да оттргне мисли;

- Негативни и суицидални мисли и фаќање за сламка барајќи утеха на форум;

- Емоционална криза поради оставање сѐ зад себе и селење во друга земја додека сите што ги сакаш се во местото кое си го напуштила;

- Интерес за себенадоградување и растење како личност преку дискусија;

- Криза во врска, брак, семејни проблеми, оттуѓеност.

...

Сте имале разбирање за помладите од вас.

Јас да ви кажам, поим си немате.

И ако „Порасни па зборувај!“ значи да станеш игнорантна личност за сите освен за себе, тогаш не фала не сакам да пораснам.
Кликни за проширување...

buba4e89 · 24 мај 2019

1992g напиша: ↑

Мразам што во земјава за успех се рачуна да се омажиш и родиш деца и тоа е врвот !
Кликни за проширување...

Oxymoron напиша: ↑

Од каде луѓето наоѓаат толку омраза? Им ја дава ли некој, си ја растат во саксии во двор, имаат secret stash дома за да не останат без резерви? Затоа што имаат за сите, во секое време - за хомосексуалците, за тие што сакаат да абортираат, за луѓе од различна раса, националност, религија, за секој што е малку поинаков од нив, додека тие гордо ја носат титулата „нормални“.

Понекогаш се прашувам, од каде имам јас толку љубов? Како успевам секогаш, без исклучок, да тргнам од место на љубов и обид да се ставам во таа ситуација, да разберам како се чувствува тој човек? Па многу полесно би ми било да го одбијам новото, различното, а да се „оправдам“ со традиција, семејни вредности, Библијата, така отсекогаш било, така е природно и слично. Ама не можам, срцево не ми дава, сака да е отворено за сите.

Секако, улога играат и здравиот разум, местата каде што сум живеела и разните луѓе кои сум ги запознала. Па се прашувам, дали на овие луѓе, дежурни мразачи, животот толку им овозможил? Не знам како пораснале, не знам како живеат, не знам со што се соочуваат секој ден. Но знам дека ако барем малку ги отворат срцата и ја гушнат промената ќе станат многу посреќни и послободни.
Кликни за проширување...

Purplelilac · 25 мај 2019

На ова му е тука местото, Кравче најпаметно.

kravce напиша: ↑

"Ние све решивме, па до паради на педери ни дошло"
Протест за загаден воздух -штурчиња
Протест на стечајци -штурчиња
Протест за струјата -штурчиња
Протест на земјоделците -штурчиња
...

"Да е за нешто нормално, и јас би излегол да го поддржам"
Да ми го подржите овој што го немам
Кликни за проширување...

Најави се или зачлени се

Мислења кои треба да останат запаметени

Nigredo Odor Популарен член

Amellie13 Форумски идол

cresa-jagoda Форумски идол

Amellie13 Форумски идол

Alishan30 Форумски идол

buba4e89 Форумски идол

cresa-jagoda Форумски идол

Rama Форумски идол

buba4e89 Форумски идол

SV1911 Форумски идол

Someonespecial Free-minded aesthete

IM.TMKQ Форумски идол

Ketchup ⚩ Член на тимот

lovestoneddd Форумски идол

fana Форумски идол

IM.TMKQ Форумски идол

Amellie13 Форумски идол

Someonespecial Free-minded aesthete

buba4e89 Форумски идол

Purplelilac Форумски идол

Најави се или зачлени се

Мислења кои треба да останат запаметени

Nigredo Odor Популарен член

Amellie13 Форумски идол

cresa-jagoda Форумски идол

Amellie13 Форумски идол

Alishan30 Форумски идол

buba4e89 Форумски идол

cresa-jagoda Форумски идол

Rama Форумски идол

buba4e89 Форумски идол

SV1911 Форумски идол

Someonespecial Free-minded aesthete

IM.TMKQ Форумски идол

Ketchup ⚩ Член на тимот

lovestoneddd Форумски идол

fana Форумски идол

IM.TMKQ Форумски идол

Amellie13 Форумски идол

Someonespecial Free-minded aesthete

buba4e89 Форумски идол

Purplelilac Форумски идол

Корисни пребарувања