Мислења кои треба да останат запаметени

DAngel · 27 мај 2019

Како мојот бес да си го вадела

Nigredo Odor напиша: ↑

Постов го пишувам многу брзо, со огромна доза горчина и вознемиреност.

Не можам да поверувам дека преживеавме толку крстоносни војни, глад, депресии, климатски промени, а сеуште сме на стадиум каде жената е третирана како стока.
Законот за абортус донесен во Алабама е буквално капка која ја прели чашата. Ваков закон донесен во демократско формално уредена држава претставува директен attack врз женската автономија, право на одлука, живот..право на сѐ. Не сакам ни да помислам какви консеквенции ќе повлече усвојувањето на овој закон во соседните држави во САД. Уште помалку сакам да мислам на тоа како ќе се одрази овде, а веќе се одразува. Го памтите постот на членката која бараше норлево а не и го даваа во аптеките? Се прашувам дали е тоа почеток. Дали е тоа ,,окидач" turning point, или како сакате наречето го, на нешто многу зло и подмукло..

Првата политичка бригада прохибираше абортуси, овие не ни дозволуваат да се случат..
Додека ние колективно и понатаму сме заспани со железни лица. Седиме и куцаме секој ебен ден на тастатурата, правиме необавезни разговори, без емоции, планови, жар за живот..Сув барут и прашина денес за утре, во тоа сме претворени. Додека агендата го полни џебот и профитира по цена на нашата несреќа.

Крајно сум тригирана. Крајно!!!
Олкава желба за секс, да те објектифицираат, растргнат, изедат, посрамотат и загазат најсликовито доловено во една култна филмска сцена на "Interview with the vampire" сведочиме малтене секој ден и станавме океј со тоа. На форум, на улица, секаде сме океј со тоа.

Женско - машките пријателства се претворени во апсолутен мит, и тоа е уште една алка која ужасно многу го пречи развојот на општеството. Веќе не постојат мажи кои би се дружеле со тебе без притоа да имаат сексуална корист од тебе. Ти дур искачаш со него пиво муабет он веќе е програмиран да те гледа низ призмата на потенцијална партнерка или ебачица. Ако на средбата се утврди дека не си ни за двете му е чудно зошто воопшто му губиш време за дружба.

И не, не сакам лажен либерализам. И да, ќе си дадам за право да направам генерализација зошто е тоа реалниот портрет на ова зебра општество. Апсолутно не е генерализација ако кажам дека секој втор маж е ,,програмиран" под лулката на патријархатот да се однесува вака. Дали имал 20, 22, 30 години..исти курац.

Го здебелуваме патријархатот секој ден луѓе..го храниме како маж седнат во инвалидска количка кој има преку триста килограми во опсег, ама не му е гајле и е решен да се дебелее до бескрај. Дали сте ебено свесни?

Страшно...хорор!
Кликни за проширување...

Bitter-Sweet · 28 мај 2019

Кратко, а прецизно и јасно кажано. Ова треба да се урами.

Bratot напиша: ↑

Чудно,како некои луѓе со користење говор на омраза се борат против истиот тој говор на омраза!
Кликни за проширување...

senza.parole · 1 јуни 2019

Lilit напиша: ↑

http://off.net.mk/lokalno/razno/ama-zoshto

УРЛАМ!!!!

Вистински маж!
Па за ваква жена, може само овој да биде вистински маж!

А он чеша его,
Мајко моја... она кажа се за него, он за неа...ништо.
Битно се карале... ја замишљам како му збори со гласчето одвратно, ЛИЛЕЕЕЕЕ БЕ АЛЕКС НЕ МОЖЕ ДА ГИ НОСИШ ТИ ПРАДА НАОЧАРИТЕ, ЈАС САКАВ ДА ГИ НОСАМ, МИ ОДГОВАРААТ НА ОВОЈ ЛУУУУУК...

Леле ме боли мозокот што ги слушав.

Ако сте жена ко оваа, ве молам не бидете. Од лигавење, до однесување...ГЛУПА СТЕ.
Империја ќе граделе, со контактите на татко му. Бруко една никаква. Они ќе оделе во дипломатска мисија? Они? Ако дојде ред Алекс и оваа глупача да не оправаат, сите на аеродром, под итно!

Уствари заклучокот е - бидете глупи и имајте самодоверба...
Нема да биде премногу генерализирање ако ви кажам дека сите деца на сите богати се олку глупи... а верујте сум запознала доста, што кроз школо, што кроз дружби, што кроз работа... Колку дебили има, вие додека кубурите борејќи се, они трошат пари кои нивните родители ги украле од нас и мислат дека сте курац и пол. Луѓе мои, кантар не ги мери колку се глупи, ама ВЕРУВАЈТЕ.
Кликни за проширување...

Не може поточно! Не може!

cresa-jagoda · 3 јуни 2019

JollyGirl напиша: ↑

Ова ми излезе неколку пати споделно на фб...

"На плоштадот се пее песна „нека разберат клетите шиптари“ и се извикува „чиста Македонија“. Зошто бе луѓе? Зошто ја партизирате победата на Вардар? Зошто го користите овој момент за сеење национална омраза? Што добивате со тоа?
Цел Свет ни симнува капа за успешната игра, само македончето бедно мора да се избрука со национализам, омраза, повици за убиства. На што личи ова?
Згрозени сме од вечерашнава сцена на плоштад. Наместо радост за спортскиот успех, се случува омраза по партиска и национална линија. Јадно и бедно!''

И после читаш: Македонијо радувај се! Како да се радуваат жити се? Така што им посакуваат смрт на цела друга нација? Тоа е славење?
Ќе беше вистинско чудо да не се спомнеше патриотизам и политика при славењето

И да сакаш да излезеш на плоштад ако си нормален Македонец ќе се засрамиш од омразата и ќе се вратиш, а ако си од друга нација ќе се згорзиш дека ти посакуваат смрт.

Секоја чест за ракометарите од кои патем 95% не се Македонци. Срцето го оставија на терен и заслужуваат да бидат достојно пречекани.

А останатите по цел ден што дремете по кафани и едвај чекате нешто да се случи за да пиете и сеете омраза, мизерни сте.
Ама баш мизерни.
Кликни за проширување...

Dashing:) · 10 јуни 2019

Feminka22 напиша: ↑

Ме газеа, ги газев, паднував, станував и така во круг дур не ми дојде преку глава.
И од тогаш што кажам тоа е и точка.
Кликни за проширување...

Одмаздата е слатка. Секоја чест

cresa-jagoda · 12 јуни 2019

Секој да го прочита мислењево и да го памти
Долг пост кој со внимание го прочитав
Убаво е @theowndemon што си решила да го пишеш ова

theowndemon напиша: ↑

Сакам да кажам дека во секојдневието голем дел луѓе се дел од насилна, токсична, врска. Дали во неа има физичко или психичко насилство, независно, еден од партнерите е насилник, а другиот жртва. За некои блиски пријатели кои биле дел од таква врска можеби и се плукате зошто не сте сетиле порано. Знам дека јас се плукам.

Во нова врска е многу често да, ете оти ми е мене поблиску ќе речам другарка, да другарката се оддалечи од друштво во млада врска. И тоа е океј. Често се вели дека првите три месеци од врска се период на заљубеност (кој можи да трај и повеќе) и е сосем океј да биди вака и реално и да имате пријател да го прави ова, сфатете дека е океј ова однесување први три месеци. Впрочем, млади врски и траат толку. Штом помини период на заљубеност "се отвораат" очите. Ако пријател почни да ве избегнува сосема, ако почни да ги избегнува сите дури и кога е слободна, а не за да биди со дечко, е тука веќе е добро да се запрашаш дали можда е во насилна врска? Кои се шансите дека новиот партнер забранува да се дружи со своите стари пријатели? На почеток е неосетно.
"Ах многу ми е мака"
"Ај друг ден, денес имам нешто дома да средам"
"Чекам брачеда ми да ми се јави, ќе почекам да видам, ама најверојатно не"

Многу од ваквите врски можи да се скриени. Доколку внимателно слушаме, ќе слушниме тоа шо треба ама е тешко зошто не сме навикнати во секојдневие да очекуваме насилство.
"Ма не е ништо се удрив во кваката"
"Да бе, око ќе си изваев преѓе во џамот"
"Не знам кај се имам удрено тука..."
"Паднав од точак"
Да, има несмасни луѓе, ама тие се такви и пред да стапат во врска. Оти ете сите ми верват дека некни дур турав сол на јагоди станав во гранка дрво и ќе си ги ископав очите за малку, оти не сум смасна. То е факт од пред јас да сум во врска.

Физичкото насилство е очигледно, само треба полека да се насочи бранот кон него. Не треба да претпоставиме дека веднаш некој е во насилна врска, туку да истражиме. Ништо не убива побрзо пријателство од грешна претпоставка врз која ќе изведиме некоја акција.

Психичко насилство е потешко за да се забележи.
"Да, сме во лошо место ама знам дека ме сака, ама ќе помини. Секогаш поминва, често имаме проблеми" - вистински треба да се истражи какви проблеми без да се биди насилен.
"Не е мојот партнер насилен, обично е добар со мене ама ете се случва по некогаш да биди ваков" - тој можи да те сака и вистински да се кае, ама факт е дека е насилен и дека однесувањето не се случи пак.
"Не знам шо да очекувам кога сме заедно" - насилни врски се многу збунувачки. Не знаеш на што си, не знаеш шо следува.

Знаци кои можи да ги препознаете како страно лице:

Видливи рани - има поопштрно горе за ова.

Покривна облека - дали било тоа за да "ја скрие" од други мажи, или да покрие одредени рани.

Наеднаш станува помалку социјална - или сама се дистанцира, или партнерот ја дистанцира. Ако е сама можи да е до страв, срам. Ако ја дистанцира партнерот е до посесивност.

Нема самодоверба - помалку се впушта во групни разговори, помалку е весела и енергична и скоро за се се врти кон партнерот ( кој патем сегде иди со неа) за одобрение.

Ѝ се менува јазикот на телото, невербалната комуникација - од претходно отворен и пријателски човек, добивате вчепаток дека сте со некој крајно незаинтересиран за вас.

Не збора за својата врска - темата ја избегнува целосно, најчесто од страв да не се испушти некој детал и после да страда ради тоа.

Постојано ја бара на телефон - ако не е со неа, тогаш е на телефон со неа. Ја прашва со кој е, кога излезе, зошто излезе, кажува кога да си оди, иако тој е на пример без вакви рестрикции.

Се менва присутноста на социјални мрежи - ако претходно ставала секакви слики, сега најчесто ги нема или се ептен "затворени".

Се уништуваат врските со пријателите - со самото избегнување, не зборување и видна "незаинтересираност" ќе почни да го губи сите околу себе. И ако сите бегаат, најверојатно нешто смрди. И смрди насилникот ама не сме свесни за тоа.

Секогаш се брза - исто како основец, има одреден излез.

Прикажува лажни емоции - максимално ја крие токсичната врска. Прво, ради страв дека ќе настрада и второ, штом стани свесна, ради срам дека не можи ништо да преземи. Ама можи и покасно и за тоа!

Во мој случај, почнав да сеќавам дека девојче со која бев газ и гаќи ме избегнува. Ме избегнува веќе пола година од кога е со дечкото, едино ми пиши понекогаш на фб. Од социјални мрежи речиси да исчезна. Почна да не се грижи за себе, остана сама во поглед на пријателство зошто сите ги шутна подалеку.
Сме во контакт, ама не се гледаме. И кога ме избегнува да излезиме сами, или со друштво, ја викнав на дабл дејт. Е јас имав среќа дека нејзиниот беше отворен шовинист и насилник, многу ретко е така случај. До толку шо тој мене не ми се обрати ни еднаш на маса, туку збораше со дечко ми дирек. И дечко ми испадна со краток фитиљ и го спопука.
"Чекај, ја оставаш со другарки да излегва? Знајш дека во друштвото има машки?"
И онака јас се вртам кон другарка ми:

А дечко ми му прај дека ми верва и знај дека јас не би напрајла ништо во врска, впрочем и со бивш сум во исто друштво. Збунет беше другиов.

Шо ме натера да зборам за ова е зошто моментално познаничка врви низ истото, и почна да се отвора сега, кога нејзиниот е на печалба. Знаев за состојбата и цело време даваме максимум да помогниме. И дури сега, кога е далеку и не можи ништо да напрај - пробваме.

Најбитно прашање: како да помогниме на некој кој е во насилна врска?

Биди пријател - дел од работите кои ги прави насилникот е да оддалечи својата жртва од пријатели за да нема кој да помогни. Ако си свесен дека пријател е жртва на насилство, биди тоа што си - пријател. На почеток нема да ти верва ама ова дава шанса дека некогаш ќе се довери и ќе ти верува ко ќе сакаш да укажиш на ситуацијата.

Биди поддршка - прегратки, зборување за настани во минато каде си бил/а лојална на неа, да се осети сигурно и да се осигура дека можи да ти верува.

Започни обичен разговор - "ми недостигаше, секогаш беше срце на забавата", "еј од кога се немаме видено, не можи на чоек да недостигаш" пред да влезиш. Жртвата не секогаш е свесна за своите промени, а и кога е добро е да има потсетник колку многу е промената.

Фокусирај се на нездравите делови од врската - не вели дека врската не му е здрава во целост. Зборај му за малите нездрави делови во истата. Зошто тие делови се лоши? Во тој поглед.

Разговорот не треба да личи како разубедување, туку тоа што е - разговор.

Не кривете другарката за ова - таа е жртва и често пати не е свесна за ваквата ситуација. А, кога е свесна е уплашена, самодовербата му е намалена.

Зошто цел текст де фокусирав како пријател да помогни на жртва, а не жртва да си помогни себеси е баш затоа. Жртва е. Ако успее да сфати дека е во насилна врска рано во врската и можи да избега сама, ама ако остани подолго време внатре запаѓа во магичен круг кој го поставува насилникот.
Насилство -> Пријателство -> Омаловажување -> Награда -> Ветувања -> Насилство

Се намалува самодовербата. Се намалува вредноста за себе, вредноста на врската и пријателите. Што треба на една жртва е поддршка. Поддршка за да се избори!

Како изгледа психолошко насилство од очи на жртва:

Омаловажување, приватно и јавно

Закани

Зголемена критика

Одбегнување да зборува, како "казна" за нешто незначајно кое го правиш

Те игнорира во активности

Има афери за кои не смееш да зборуваш

Флертува

Користи сарказам

Екстремна љубомора

Менува расположение

Кажува лоши и навредливи шеги на твоја сметка

Доминира

Покажува љубов, па се повлекува, па покажува пак и така во круг

Те прави да се чувствуваш виновно

Ти кажува работи кои сака да ги смени кај тебе за да бидиш подобра

Прави се да е твоја вина

Те оддалечува од семејството

Те оддалечува од пријателите

Користи пари како средство за манипулација

Закана дека ќе си наштети ако го напуштиш, спојлер - нема то да се случи

Заклучок:
Да си во насилна врска е тешко ама има надвор. Немој да се "одлепиш" од пријател на кој му треба поддршка, разговарај суптилно, нагласи кои делови од врската не се здрави без да се маркира врската како насилна. Не ја казнувајте другарката со оддалечување зошто таа е жртва и му треба рака, а не уште еден грб. Биди поддршка, пријател.

Важно е да се бориме против било каква форма на насилство и прв чекор е да ја познајме, дали кај себе или кај другите.
Кликни за проширување...

Cka · 16 јуни 2019

LiliBoz напиша: ↑

Море еднаш ко се зафаќа 2 раце малку ми беа.. Ај ој седни на тоа после тоа да те видам. Од тоаш не фаќам. Да не се плашам.
Кликни за проширување...

Ова да се вброи во наједукативни постови на форумот!

LiliBoz · 16 јуни 2019

Cka напиша: ↑

Ова да се вброи во наједукативни постови на форумот!
Кликни за проширување...

Someonespecial · 19 јуни 2019

Многу добро и реално кажано. Обично новите верзии ги критикуваат како се површни и вулгарни, а старите приказни се како нешто свето, веројатно поради носталгија. Сѐ е во ред со почитување на глумците и дека тоа време реално е отсликано, но страшното е што некои поуките сериозно ги разбираат и и за во денешно време ги сметаат за соодветни вредности - посебно оние за жената покорна домаќинка.

JollyGirl напиша: ↑

Слушајно на youtube ми излезе приказна.
Кога видов дека е со Ѓорѓи, Шенка, Гоце и Ванчо ептен се израдував пошто ме врати во едно убаво време.

Jа пуштам и гледам малку од неа, па пуштам уште по малку други приказни и искрено понезгодно во живот не ми било. Наместо да уживам, не можев да поверувам што слушам.

Порано не сум приметувала што кажуваат во приказните, пошто нели дете 4-5 годишно што знае?
Ама сега гледам колку е всушност доловена никаквата состојба на жената од порано.

Маж: -Ај мори ќути женска главо. Жените се долга коса краток ум...Ти ќе кажуваш?

Маж - Бегај од мене дур не сум ти ја манал една по глава. (крева рака)

Маж: -Одлучив Стојна за Митре да ја дадам...Ма кој ја слуша Стојна што сака.

Маж - И јас најдов со жена да правам муабет. Оди во кујна ручек да правиш да не ти ја акнам една.

Маж- Тебе мори, жено една, ќе те слушам? Хухуахах се слушаш ли што зборуваш?

Маж- Јас сум маж и како ќе речам така ќе правиме.

Маж- Еее пријателе, како може жена да ти го уништи животот, никој не може.

После други приказни дека жената е бетер од ѓаволот... дека жената е неверна и не може да и се верува...дека е инат...и слични теми.

На овие цареви од актери секоја чест како природно си глумат, си ја бркаат работата, ама кога ќе ми текне колку деца се пораснати слушајќи такви работи за жените...Срам да те фати

Додека во Америка наши врсници гледале едукатвини емисии, во исто време ние во Македонија сме гледале дека мажот е главен, а жената треба во кујна да седи пошто ништо друго не знае.

И после некој ќе рече: -Порано беше многу подобро, а сега луѓево се оттуѓија со интернетот.

Тепани, понижени, силувани во брак...Така биле третирани суштествата со долга коса и краток ум.
Битно подобро било
Па кога ќе ти текне дека некои уште така живеат...Да се наежиш.

Кликни за проширување...

lovestoneddd · 29 јуни 2019

WildMk напиша: ↑

Четириесет и една година имам.
Четириесет и една година се залагам за недискриминација и рамноправност на хомосексуалните и хетеросексуалните парови. Се залагам за законска и институционална еднаквост, не биолошка- како што многумина сакаат да ја опишат борбата на ЛГБТ заедницата.

Не ми се веруваше дека ќе дочекам, ама дочекав и видов и учествував на она што значи пишување историја.
На она што ќе не води кон подобро општество во кое сите ќе имаат право на љубов и никој нема да им се смее или да ги омаловажува и малтретира; како што никој не ми се смее и омаловажува мене, за мојот хетеросексуален брак.
Не ни знаев дека толку длабоко во мене е вкоренета желбата за еднаквост, дури не се вратив дома пред пола саат и седнав да ги соблечам сандалките и да и' раскажувам на ќерка ми, како си поминавме.
Почнав да плачам дури зборував. Велам... не ни знаев, колку многу ми значи.

Идеалист сум по душа, откако знам за себе.
Сонувам за свет во кој нема поделба ни по сексуална ориентација, ни по пол, ни по раса, ни по нација.
Свет во кој се сите со еднакви права и можности, свет со рамномерна распределба на капиталот, и пристап на секого до храна, вода, квалитетно образование и здравство... Свет на љубов и разбирање.

До мене одеше еден млад дечко и разговараше со мајка му на телефон: “Не мамо! Се' е во ред! Прекрасно е! Нема инциденти! Сите се весели околу мене! “- е тоа дете се радуваше оти никој не ни' фрли камен по глава затоа што сакал да сака; и мајка му се грижеше за некој да не му фрли камен по глава, оти нејзиното чедо сака само да сака.
За некого е глупаво, за мене е се'.

Животот ми се состои од протести.
Моите најзначајни битки се на улиците низ Македонија.
И за чист воздух сум прва, и за правен систем сум прва, и за еднаквост сум прва.... Што вика еден другар денес: 'The usual suspects'

И најчудното за сите: Не го правам тоа за пари, туку оти верувам, навистина -од срце верувам, дека можеме да оставиме поубав свет отколку што најдовме.

Види го прикачениот фајл 509891
Кликни за проширување...

Симбол за борец, мајка и човек.
Форумов треба да е среќен што те има за член.

cresa-jagoda · 30 јуни 2019

Не дека ми е омилена @Rama туку е навистина членка која треба да ви служи како пример на многу членови. Без разлика на нејзиното размислување, секогаш се труди својот став да го изнесе на начин без да навреди некого и без да се испокара со некои членови.

Целосно се согласувам со Рама

Rama напиша: ↑

Дечки сте слушнале за двојни аршини?
Цел ден им се смеете, и не само денес, ами недели претходно дека попови со народот ќе излезеле на контра-протест, па ќе претставувале семејни вредности и не знам ти што, и што ако?
И во Србија попови прскаа со кандила и осветена вода, па никому ништо, на крај секој си го доби своето, не берете гајле, нема поповите да ве спречат во ништо
Значи вие можете и смеете верниците да ги нарекувате закоравени, затуцани и со испрани мозоци, па притаени педери и што не, а тие вас не смеат ни да ви се обратат, одма се гнасофоби, хомофоби и што не, ај смирете ја топката, секој нека си оди по својот пат.

Не се борам против Лгбт никако, ни ги вреѓам, не ги ни оправдувам гнасните коментари по социјални мрежи упатени кон нив, секогаш се обраќам пристојно кон нив, имам кажано дека и да се физички нападнати пред мои очи, ќе ги одбранам како нормални луѓе, иако не се согласувам со нивните ставови
Ама тоа што таквата љубов не ми е прифатлива, тоа си е мое право и мој избор, и не мислам дека со тоа некому делувам отровно, не берете гајле, само изнесов свој став, не мислам да наметнувам ништо или да навредувам некого
Кликни за проширување...

theowndemon · 30 јуни 2019

@cresa-jagoda Рама е апсолутно срце, камо сите да беа ко неа.

Инаку идев за ова:

Srckata28 напиша: ↑

Хомофоби буквално ке напишат текст со 7 параграфи за тоа како треба да почитуваме различни мислења и да се се сака различноста на форумов, па и во општеството затоа што е неопходна, ама не можат да почитуваат туѓа (различна) сексуалност макар им го спасило животот.
Кликни за проширување...

Јас викам, ако основата на твое мислење е базирано на не почит и не почитување на слобода на говор и основни права, не очекувај почит назад и после да кењаш дека застапувам уствари почит, слобода на говор и човекови права. Не можиш да бараш тоа кое не почитуваш самиот.
Така да амин, да шириме вака пораката да знат кој дел не можат да спинуваат!

LiliBoz · 30 јуни 2019

theowndemon напиша: ↑

@cresa-jagoda Рама е апсолутно срце, камо сите да беа ко неа.

Инаку идев за ова:

Јас викам, ако основата на твое мислење е базирано на не почит и не почитување на слобода на говор и основни права, не очекувај почит назад и после да кењаш дека застапувам уствари почит, слобода на говор и човекови права. Не можиш да бараш тоа кое не почитуваш самиот.
Кликни за проширување...

Ејмин ту дет.

Animali · 2 јули 2019

Alisa22 напиша: ↑

Ех колку луѓе што не се сакаат се заедно а колку луѓе што се сакаат не се заедно да знаеш...
Кликни за проширување...

candy.cane · 16 јули 2019

WildMk напиша: ↑

Абе цуцо, па како можеше Германија и Франција сега да се пријателчиња, а во втората светска војна најголеми непријатели, со жртви со се'? Да не праам муабет за тоа дека Германија беше срамнета со земја, а сега е светска економска сила.
Оти пак ние на Балканот да не знаеме како да си го надименеме егото и мрзата?
Оти сме глупи. Ќе да е тоа...
Не ни се криви другите..
Кликни за проширување...

Someonespecial · 27 јули 2019

Nausicaa напиша: ↑

Ахххххххх Инцелски муабети и MRA филозофии, а @Vitaly?

Колку е убаво да си машко. Не те сакаат женските зошто не си богат, толку. Друга причина нема. Женските се само тоа, тешки материјалистки и спонзоруши. Чест на исклучоци. Не е дека можеби не си интересен, или физички не си баш најпривлечен, или можеби не знаеш нормален муабет да направиш (праска гради, anyone ) Не, ти си супер, женските се тие не чинат.

А како контраст на ова мислење, ете ме мене и сите мои другарки, од детство па до сега. Ако општо не сме имале успех кај момците, или некоја определена симпатија не не рецкал, следеле плачки од типот на: „Дебела сум, затоа не ме сака!!!!“ „Слаба сум, затоа не ме сака!!!!“ и плус „Не сум убава/Не сум забавна/ Не правам паметни муабети/ Не се облекувам убаво/ Немам долга коса/ Немам дебели усни/ Не се бакнувам убаво/ Немам стегнато тело/ Немам секси задник/ Немам смисла за хумор“

Како бе едно женско не слушнав да каже дека мажите се криви што она не може дечко да фати, туку сите секогаш сме си ги барале причините во себе. А најлесно е да се каже дека другиот е крив. Место да размисли зошто девојките не се заинтересирани за него, да се запраша дали можеби треба нешто да смени во пристапот, па и во физичкиот изглед, најлесно е за егото девојката да се прогласи за спонзоруша. Не е дека момакот не чини, проблемот е во тоа што нема јака кола и кеш. Јеа рајт
Кликни за проширување...

Herrera · 28 јули 2019

An-na напиша: ↑

Само на форумов сите се совршени, кулурни, фини, прибрани, мирни.... да му се припорвати на човек од патетики и лигавешки
Кликни за проширување...

Purplelilac · 8 август 2019

Џоланке, секоја чест за напишаново.
Нека стои тука, за сите сегашни и идни родители да прочитаат колкава одговорност носат зборовите „мамо“ и „тато“. Одговорност, разбирање и емпатија кои треба да траат со децении.

JollyGirl напиша: ↑

Многу ми е жал за деца што не се сфатени дома од сопствените родители.
Скоро секој ден читам по странски форуми и гледам видеа колку многу има депресивни тинејџери/млади луѓе само зошто немаат поддршка од дома.

Го гледаат детето дека не излегува од соба и наместо да разговараат за да видат што е проблемот, тие го притискаат:
- Оди излези шетај, оди фати дечко/девојка, сега ако не шеташ кога? Што си се затврил во соба? Абе ти имаш другари? Сам си цело време.

Ова е најлошо нешто што можеш да му го кажеш на дете што е затворено во себе.
Мислејќи да му помогнат, тие само го нервираат, го повредуваат и дупло полошо прават.

Не знам каков родител би била, само знам дека ако моето дете пишува по форуми дека не го сфаќам и дека е тежен/на заради мене, никогаш нема да си простам. Никогаш.

Од родителот ако нема поддршка сопствено дете, тогаш од кого ќе има?
Дом е место каде што секоe дете и тинејџер треба да се чувствува пријатно, топло и сигурно за да сподели што е проблемот, а не да се затвора и да пропаѓа во себе.
Кликни за проширување...

Dream-Girl · 15 август 2019

MissChievous напиша: ↑

Пред да бидат избришани офтопициве, само да кажам: Balenciaga е се', само не висока мода. Поодвратни обувки одамна немаат напраено. Доказ дека луѓето се глупи и мислат ако нешто е скапо, значи е убаво и вредно. Бесплатно да ми ги дадат, не би ги носела.
Кликни за проширување...

Amen to that

Nane2356 · 15 август 2019

Peperutce1115 напиша: ↑

Какви граѓани, такво општество. Секој втор ден по некоја нова вест од црна хроника одекнува на новинарските наслови. Најновата, 17 годишно дете прободено со нож. Децата се испуштени, оставени сами на себе. Наместо да се борат за знаење, за утре да имаат подобар живот, школото го стекнуваат на улица, стануваат се поагресивни и раздразливи. Наместо да се трудат да постигнат нешто, со труд и работа, чекаат на мама и тато. Малолетници, секоја вечер пуштени до 3-4 саат сабајле, да шетаат, неприкладно облечени за нивни години, со алкохол и цигари во раце, ножеви, на клупи во паркови и по темни улици. Па на распуст биле децата. Каков црн распуст, нели гледаат тие родители што се случува со нивните деца? Како можат мирно да спијат кога нивните малолетни деца скитаат по улиците во ниедно време? Камо авторитетот на родителот? Драги родители, школото и воспитувањто од дома доаѓаат. Доста се замарате со постирање слики по социјалните мрежи и бистрење политика, сте створиле човечки живот, потрудете се истиот да го изведите на прав пат, а не да дремите со скрстени раце. За вашите деца се работи.
Кликни за проширување...

Најави се или зачлени се

Мислења кои треба да останат запаметени

DAngel Форумски идол

Bitter-Sweet Форумски идол

senza.parole Форумски идол

cresa-jagoda Форумски идол

Dashing:) Популарен член

cresa-jagoda Форумски идол

Cka Форумски идол

LiliBoz Форумски идол

Someonespecial Free-minded aesthete

lovestoneddd Форумски идол

cresa-jagoda Форумски идол

theowndemon crazy cat lady Член на тимот

LiliBoz Форумски идол

Animali Популарен член

candy.cane Популарен член

Someonespecial Free-minded aesthete

Herrera Популарен член

Purplelilac Форумски идол

Dream-Girl ☀️

Nane2356 Популарен член

Најави се или зачлени се

Мислења кои треба да останат запаметени

DAngel Форумски идол

Bitter-Sweet Форумски идол

senza.parole Форумски идол

cresa-jagoda Форумски идол

Dashing:) Популарен член

cresa-jagoda Форумски идол

Cka Форумски идол

LiliBoz Форумски идол

Someonespecial Free-minded aesthete

lovestoneddd Форумски идол

cresa-jagoda Форумски идол

theowndemon crazy cat lady Член на тимот

LiliBoz Форумски идол

Animali Популарен член

candy.cane Популарен член

Someonespecial Free-minded aesthete

Herrera Популарен член

Purplelilac Форумски идол

Dream-Girl ☀️

Nane2356 Популарен член

Корисни пребарувања