Мислења кои треба да останат запаметени

eliesaab · 12 април 2021

Fallen.Angel напиша: ↑

Не ми се допаѓаат многу работи. Први ќе ги ставам сезнајковците кои секаде пишат без потреба. Дали е за поголем број мислења или за да бидат интересни не знам. Ама има такви членови, секаде пишуваат и мислењата се полни со сарказам, ај сарказам не е толку лошо, ама упатување навреди, омаловажување на други и понижување со кое мислат дека тие ќе се издигнат.. ме нервира.
Друга работа е пак тоа што одредени членови се многу некултурни. Секаков речник се употребува. И јас сум употребила некогаш погрдни зборови, можеби некаде во нервоза и бес сум искажала нешто негативно, ама некои претеруваат секојдневно.
Ме нервираат и такви кои буквално ги студираат другите членови, копаат по мислења и тоа им го удираат од нос во сосема други теми на сосема различни дискусии, демек еве видете со кој си имате работа, еве овој член вака имаше пишано пред 100 години. Пример јас сум пишувала во темите за религија се и сешто, сега имам променет став, навистина. Но не се дрзнувам да пишам ништо во тие теми од искуство дека знам што мислења ќе следуваат, ќе ми се цитираат стари и сл. во темите за Љубов и Брак исто немам намера да пишувам. Не е дека премногу лично си ги сфаќам упатените мислења и омаловажувања кои ги собрав. Разбирам форум, сѐ треба да очекуваме и да почитуваме сечие мислење, но реално многу од тие кои ми солеа памет и ми се напнаа не го направија тоа добронамерно или заради тоа што се многу попаметни од мене. Голем дел од животот го споделив тука, но не целиот. И затоа мислам дека нивните мислења не треба премногу сериозно да ги сфатам. Имаше и мислења од неколку членки со кои се дружам овде, и тие на некој начин ме нападнаа, но нема врска. Тоа ви е доказ за непостоење на споменатиот проблем дека има групирање на членови тука. Апсолутно нема такво нешто. Никој нема да пишува нешто што не го мисли за да чува туѓ грб.
Исто така ме загрижува идентитетот кој веќе долго време ми е на работ да биде откриен. Моја вина. Затоа веќе нема да пишувам ни во темите за секс ниту за други лични теми. На неколку членки им го знам идентитетот бидејќи го споделиле со мене самите, а случајно го дознав и на неколку други , дел од слики што ги поставиле тука, дел од мислења пишани овде и повторени на други места. Тоа небитно. Ниту планирам да разоткривам луѓе, ниту да наштетувам. Но дека мене може да ми биде нанесена штета, може голема бидејќи премногу имам споделено, многу лесно животот може да ми биде загорчен. Затоа прекинувам со пишување на темите кои ги набројав. А ако форумов почувствувам дека ептен забегал воопшто нема да пишувам. Ќе се регистрирам на другиве и ќе биде поинаку.

Жал ми е што Фемина вака стана катастрофа беше навистина најпосетуван форум, и беше најдобар, ама сега полека пропаѓа. Заради вакви работи, бан удрен за ситници, а пак другиве активни членови кои насекаде трескаат и навредуваат толерирани бидејќи пишуваат по многу мислења. Наместо да биде форум, заедница за сите, слободно место на кое сме анонимни да се искажеме, ние сили одмеруваме во секоја тема. Треба да оладиме, анонимни сме, баш ми е гајле ако Петранка од Фемина делува многу паметна, поим немам која е. Или ако Трајанка звучи како трол, дали е вистина? Кој му е гајле? Јасно ми е дека различни карактери се во прашање, секој си прави како мисли, но ако беа правилата построги ќе беше попријатно за сите. Е сега на форумот тоа не му одговара бидејќи строги правила=помалку мислења. Џабе милиони мислења ако се полнат темите со расправии, навреди и глупости.

ЕДИТ: Знам дека апелираат модераторите, опоменуваат да не се навредува, омаловажува и да нема кавги овде. Но искрено како Венко Филипче сте со тие апели, никој не ве слуша, ниту ве перцепира.
Кликни за проширување...

CameliaMiller · 22 април 2021

Biljarkata напиша: ↑

Кликни за проширување...

cresa-jagoda · 22 април 2021

theowndemon напиша: ↑

Сакам да кажам, од утрово 4-5 теми ме мачат, за дел се искажав ама сега сакам и тука. Надолго. Скроз да ми олесни. Откажете се од прилика тука ако не ви се чита долго, и дефинитивно не некои интересни теми.

Прво и најважно, сите возрасни држете си ги валканите раце настрана од малолетници. Искуствата на децата најдобро е да се исполнат со врсници, не со возрасни. Разлика во години е една меѓу две возрасни индивидуи, друга меѓу возрасен и д е т е. Скроз 10то е кога дете раѓа дете, а партнерот на детето, е возрасен. Мора погласно да збораме за злосторување на деца, и за груминг. Зошто сум запрепастена колку е нормализирано рандом возрасни луѓе да се дружат со млади тинејџери ( 12-3+ години) и се то да е океј. Да му купват пиво, да му се пуштат, да бидат со нив нон стоп. Искуствата на децата треба да се со други деца. Остајте ги децата на мира. Нормално е дете да не е свесно за ова, па дури и да мисли дека чичкото шо иди во друштво дека е кул. Дете е. Има башка перцепција. Подложно е на манипулација. И јас сум била тинејџерка и сум седела со големи друштва Офицерски и седеле со нас чичковци и се пипкале со девојчиња од другото друштво. Проблемот е шо тогаш, 15-6 години седевме сите на куп собрани и понесени дали од друштво, дали од тинејџерско слепило, не знам, никој не гледаме проблем со то. Сите праевме шо сакаме нели. Ама еве сега скоро 7-10 години покасно седам и се думам шо кур бараа чичковците со нас, тогаш средно почнати. Шо кур бараа чичковиците да се пипкаат со девојчињата, едно 20 години помали од нив, од другото друштво. Шо кур бараа постарите другари на браќа/ сестри шо одеа на факултет и се пипкаа со сите? И кога ова го зборав наоколу, видов колку луѓе имале ваков крипер, барем еден, и колку е ваквото криперство нормализирано и ми се гади. Ми се гади од такви луѓе и ми е жал за тинејџерите.

За да го пишам ова бев мотивирана од две вести:
1) Средновечен маж се заканувал на 15- годишно девојче дека ќе ја силова
2) Малолетна мајка, со разлика од 6 години од таткото на детето

Првата ситуацијата е јасна. Чичко се пушта на девојче малолетно и не е океј и е осудено. Како и шо треба да биди. Гнасна гнида шо се заканва дека ќе ја силова ебате простакот. Втората ситуација ме буни зошто никој не пристапи исто. Пак имаме чичко шо се венча со девојче малолетно. Да, на 15 роди дете, а се запознале ко имала 12, на 15 роди. Тој 18 ко се запознале. 12 годишна, со 18 годишњак. Let that sink in. Ако не гледаш проблем на само, еве, спореди ги двата случаеви. Возрасен маж, со малолетник. То се двете ситуации. Разликата е шо едниот се заканва со силовање, другиот едноставно полека си ја „воспита“ каква невеста сака и си ја зеде. Едно е да си голема разлика ( не дека е голема разлика 6г), меѓу возрасни кои поминале низ слични предизвици и ги поминале сите животни фази, и преголема е разликата каде имаш малолетник кој е основно, а ти си завршил средно па си продолжиш со работа/ факултет.
Игра на моќ е и малолетникот, пак, е подложен на манипулација. Пак, згадена сум од ова шо го читам, а уште поќе од коментарите на фејсбук без осуда кон грумерот. Не сопруг. Грумер.

Од кога го изајв ова од системот, одам одма на новата тема. Нетолерантност кон ЛГБТ+ лица. Да. Сите сме различни. Да. Сите имаме различни ставови. И ако сакаш јас да го почитувам твојот став, треба да го напрајш минимумот - да не вреѓаш. Не мораш да си океј со хомосексуалци. Не мора да ги сакаш. Се шо треба да прајш е да не ги осудваш, да не ги плукаш, да не ги тепаш, да ги остајш да живеат. И не. Не е пропаганда дека во емисија се спомнало дека постојат истополови парови. И секогаш тука иди некој со реченицата „абе ок, ама мене не ми смета, нека прат шо сакат само нека не велат дека е нормално и нека не шетат така, и нека не пропагират, нека не...“ и извини вака, кој кур? Кој фактор си прво ти да кажиш шо некој друг да не прај? Нешто друго шо апсолутно не те засега тебе, и никој друг сем самата индивидуа и неговиот партнер. Така да госпожа, глеј си дворот. И за да дојди до промена мора да се збора, мора да се гледа нештото и така да стани дел од секојдневието за некогаш во иднина ко ќе видиме, во случајов хомо пар, да не сме ко „омг педери“ туку „ха, сиг се сакат“. И за то треба време. И многу зборање. И ќе стигниме таму. И мило ми е дека во последно барем нешто од нешто се менва на темава и се прај. Редно беше. И ова е така за се, да се збора поќе за да се нормализира, не само за ова. Така да зборајте погласно. За тие шо седат назад да слушнат.

Инспирација за оваа точка е:
3) Зборуваме за LGBT - општество без предрасуди

Одлична иницијатива со мала маана, шо ме носи до проблем кој трае тука. Можи и пошироко ама пред се ме интересира како е тука. Не дефинирање на жената како пол кој вреди. Или поточно фрази од тип „лезбејките се луѓе од понежен пол“ додека „геј се луѓе од машки пол“. Нешто слично беше со категориите на страна за шопинг ( не ми текнува која, ако некој знај нека надополни), каде категориите гласеа: жени, деца, луѓе. Пошто жените не се луѓе. Само мажите се. Така испадна и погоре. Мажите си се машки пол нели, али жените ... тие се ... понежен ... пол. Не женски. Понежен. П р е к у.

Еве за ова точка кратка ќе сум, некако поврзана е и ко критика на претходната.

И кога веќе зборам за жени, не се збора доволно за насилство врз жени и насилство во домот. За ова мора да се збора поќе, да се има типс енд трикс како и кога жртва на насилство во домот да замини. Со полициски час и тоа шо сме обврзани да сме во домот постојано носи до почести конфликти генерално, а уште полошо е за жртви на семејно насилство кои буквално делат простор со насилникот поќе од шо би сакале. На сите вести, барем при карантин нека вртат бројчиња за пријава, за центри за прибежиште. Едно е да пријавиш да го земат, па да се врати дома и да „заврши“ работата насилникот. Друго е жртвата да пребега на безбедно место со се деца. Ама и ова е мислам тема шо се подразбира како треба да е, ама пишам да ми олесни оти денес денот само фрла новости шо ме револтират и морам да го извам од мене.

Причина за ова точка:
4) 39- годишен маж ја уби својата партнерка и се обиде да се самоубие

Нека почива во мир.

И за крај, ми остана уште една гнасна вест, како се ова до сега да не беше доволно. Сакам да кажам збор- два за врсничко насилство. На ова тема можи имам зборано најмногу, и зато ќе бидам кратка. Стварно е грозно она шо се случи, снимката која кружеше. Не можев ни да ја догледам, одма ми текна на слична случка од лани каде девојка е тепана. То е живо суштество и пред се мора да се работи на родителите и како да препознат дали детето е насилник. И ако е, да се работи со него соодветно за да се пушти функционален човек во општеството, а не некој кој ќе тепа се шо ќе му застани на патот. Гледајте промени во однесување, какво друштво има, како се однесува со врсници и со браќа/ сестри дома, дали има изливи на агресија и како ги адресира кога е дома, поплаки на училиште земање сериозно. Не се можи да се спречи, ама голем дел можи да се спречи. Не фокусирање на изворот на детето - родителот, е према мене грешен фокус. Пошто детето можи да биди насилник- агресор или соучесник, активен или пасивен. Активен кој оди рака под рака со насилникот, поќе како врснички притисок, а пасивните се тие шо не прат ништо, во случајов шо снимале. И тие се соучесници. Зато е важно со кој се дружи детето. Дали има некакви поплаки против друштвото на детето. Ако има поплаки за насилство, шансите се дека другарите му се enablers и дозволуваат то да се случи дали од страв или оти мислат дека е кул, за жал. И ве молам, ако детето ви е жртва на булинг, држете се цврсто до него и не попуштајте в о о п ш т о и одете до крај да истерате правда. Најлесно е да се префрла жртвата од клас во клас, каде нема да можи одма да се поклопи и ќе се повлечи и пак можи ( и најверојатно ќе е ) да е жртва на булинг ради та несигурност и ниска самодоверба. Веднаш терапевт. Веднаш реагирање кај директор, наставник, да се земат сите потребни мерки против вршителот на булинг и да почни да се работи со него.

Еве и таа вест:
5) Насилство меѓу 12 годишни девојки во Велес

Се осеќам како вестите денес, или поќе како емисија. Дојдов. Ова се темите за денес, ова мислам за нив. Извајв се шо ме мачеше.

То е то.

Останете ми поздравени и безбедни. Чувајте се.

Денес за вас, Демон.
Кликни за проширување...

mode-kristina · 24 април 2021

Lella напиша: ↑

Единствената причина зошто „немало“ тепачки во детствата на просечните југословенци е што ако истепале некој, дома трипати поголем ќотеќ би изеле. И пред некој да се чукне во гради и да рече такае, имаше дисциплина, најверојатно не треба да објаснувам зошто ваков power dynamic уствари не прави ништо полезно за спречување насилство. Само создава фрустрации кои ќе испливаат во моментот кога детето ќе се најде на врвот на тепачката пирамида. Така што, соберете си ги приказните за Југославија и кажувајте ги на друго место.

Врсничко насилство е вистински проблем, постои буквално отсекогаш, и не е резултат на мЛаДиНаТа. Не е црно и бела ситуацијата, и не се решава со влечки, маши, стапови и останати креативни идеи за тортура. Сите нè додирна видеото, фала богу, нормално е да имаме емотивна реакција на вакви ситуации, ама вие барем не сте тинејџери колку што знам. Вакви импулсивни насилнички нагони се одлика токму на луѓе како тие во видеото, па можеби и самите треба да се преиспитате.
Кликни за проширување...

Reina.Gitana · 25 април 2021

Ajronmen напиша: ↑

. Проблемчињава знам дека ви изгледаат многу големи во моментот и сте збунети можеби. Верувајте за 2-3 години ќе се смеете што сте се замрале со вакви ствари. Млади сте, живејте го животот. Уживајте во убавите моменти. Љубовта и момчињата треба да ви бидат зачин во животот, шлаг на тортата, јаготка на шлагот на тортата, сол на пуканките, кечап на пицата, сирење врз шопската, веѓета врз маргаринот.
Животот е забавен, интересен, радосен - особено во младоста. Ќе дојдат понатаму и предизвиците, проблемите, но младоста и лудоста никад нема да ви се вратат. Ќе најдете и нормални момчиња порано или подоцна. Не се замарајте сега со тоа кој кому што како му пишал, не вреди, и онака 90% од ова е минливо. И не сте ни свесни што све ви носи животот пред себе, ниту пак знаете на крајот со кој ќе почнете да си го живеете заедничкиот живот. Следете си го и умот и срцето подеднакво и опуштете се. Имајте високо мислење за себе си. Држете си ги стандардите таму кај што сакате, и не дозволувајте да си играат со вас.
Уживајте!!!!

Кликни за проширување...

eliesaab · 15 јуни 2021

Tanjamm напиша: ↑

...Таа вели „него секоја жена ќе го погледне, има нешто во него“. Има самодоверба и тоа зрачи од човекот. Има харизма, иако не е убав по некои си критериуми. Жената сака маж кој „сам ја лови рибата“, и покрај него се чувствува сигурно.
Кликни за проширување...

Dream-Girl · 19 јуни 2021

Cka напиша: ↑

У последно време гледајќи ги сите млади парови стварно не ми е јасно каде се загуби заљубувањето, каде отидоа сите моменти кога чекаш телефон на заѕвони, кога заспиваш по саати муабети, кога стануваш мислејќи за вечер дека ќе се видите... Стварно со ова топло ладно не ми е јасно. Ако ми се свиѓа, секое слободно време ми е за него. Сега немате слободно време?! Немате време за да пишете на некој додека кењате на шоља, дека сте помислиле на него? Или додека скролате пред спиење, да пратите една слика? Да не зборувам за ненадејно поминување пред улица.

Многу сте чудни. Имав еден таков и леташе по итна постапка. Знам дека вие сте заљубени и се тоа, ама не ви враќаат соодветно. Секогаш има подобар.
Кликни за проширување...

Nane2356 · 21 јуни 2021

Celltica напиша: ↑

Е сега како што сум емотивна, ќе се испукам тука за нешто што ми лежи на срце цело првенство. Извинете што ќе измешам сѐ живо и диво.

Многу, многу ми е криво што изминативе 30тина години полуписмени индивидуи не освен што нѐ донесоа на ова ниво, да живееме во услови непристојни за живот, туку во контекст на темава гледам дека едни убедија во некоја друга, болна дефиниција за патриотизмот, а другите ги убедија дека љубовта кон својата земја е нешто срамно и простачко. И на темава имаше и такви и такви примери и не сакам да ги повторувам одделно.

Јас земјата не можам да не си ја сакам. Срцето ми се преполнува од секој успех, од секој одек на химната како на Европсково, од секое развеано знаме. Кај и да одам, јас ќе сум секогаш од тука. Македонија сме ние, секогаш ќе бидеме. И не е нормално да се срамиш од својата земја, можеш да се срамиш од политиките, можеш да се срамиш од условите, ама не и од земјата кај што си се родил и пораснал.

Кај и да сме, ок е да ги отфрламе лошите нешта во нашиот менталитет или да го осудиме тоа што не е во ред и да растеме, ама не можам да сфатам како можете бе да не си ја сакате земјата? Како може да ја мразите и да посакувате да не успее? Каква сака нека е, наша е. Нема народ на планетава што се срами да каже дека си ја сака земјата како нашиов. И не ве прави љубовта кон
Македонија помалце либерали, не ве прави ни глупи конзерви, зошто тоа нивното е сѐ освен патриотизам.

Јас без разлика на резултатот, уживав во цела еуфорија. Цела населба ми е преполна со знамиња, сѐ е црвено-жолто и посакувам секогаш да е вака. Се радувам на улица што гледам цели фамилии во дресови, се радувам на одеците на зградава кога дававме гол.

Секако знаевме дека и ова е веројатен исход, што не значи дека е лошо, баш напротив, да бидеме горди што си ја видовме земјата на еден ваков настан.

И дружбата на темава беше топ досега, сега очекувам повеќе спротивставени мислења, ама кога ќе се карате кој бил подобар, ќе ве потсетувам дека уствари не е битно кој ќе победи или победил, зошто ни радоста ни тагата за нив нема да е ни приближна на таа како што би било за Македонија
Кликни за проширување...

mode-kristina · 23 јуни 2021

firequeenn напиша: ↑

Не знам што сте зборувале назад низ темава ама едно ќе кажам.Секој има право да оди со кој сака. Еден е животот бе луѓе, како што не сакаме нас некој да ни се меша така и овие јадни души сакаат слобода да живеат.Па не сме во Северна Кореја да дишеме ,,ако ни дозволат,,. На стока можеш да и наредиш што да прави и да и забраниш нешто, а на човек не. Едноставно не е во природата на човекот да биде ограничуван, а е во природата да си одбере партнер спроти него.
Доста со споредби со штекери и глупости ако ви се оди на парада одете, ако не ви се оди седете дома и љубете го тој до вас,ширете љубов.

На парада би отишла, чисто како thumbs up за смелоста на луѓето кои се дел и моја морална поддршка.
Кликни за проширување...

Секоја чест за мислењето, браво!

cresa-jagoda · 26 јуни 2021

Dust напиша: ↑

Животот е ваков..
Правиш дете? ОК, го чуваш и ти, му менуваш пелена и ти, го храниш и ти и го думкаш кога плаче ..
Бањата е за чистење? Ок... земаш и ја чистиш додека жена ти го смирува бебето што патем и ТИ си го правел..
Сметките стигнале? Ако не ви се на куп парите - земаш еден месец плаќаш ти еден жена ти.
Се расипала колата? Ок... кој е слободен тој ја носи на мајстор ...

Сопруг НЕ Е СОПРУГ ако донира сперма и во животот на жената е само формално на хартија. За така секоја жена може да легне со некој што ќе и се бендиса и ќе си роди дете.
Што жените можат, вие мажите ни 20% не можете...
Затоа не го тресете каде што не сте способни да придонесете..

Ама да ми речеш - бебето вади заби кој маж може да го слуша како вреска?!
Ајде беее.. ма го оставам на мажот и одам на фризер, на кафе со пријателка, на шопинг..
Колку што е мое толку е и негово...
Ти џабе си се борел до последно за твоите деца(барем ти така викаш) кога за тебе е измачување и не го осеќаш за потреба тоа да и помогнеш на жената додека децата врескале.
А викаш твоето до 6год врескало.. па ќе се мрдне и секоја здрава жена ако мажот смета дека не е негова обврска да посвети 2 саати од денот на детето само затоа што пискало, па он од работа во кафана од кафана во кревет легнувал.
Кликни за проширување...

mode-kristina · 1 јули 2021

Lianna Anna напиша: ↑

Она кога си веруваш во небулозите кои ги пишуваш и мислиш дека се валидни аргументи. Она кога не знаеш што претставува образовна институција и раскажуваш приказни за егзотични еднорози и залудни наративи за перење мозок со потенцијално божество. Она кога на сопственото дете му посакуваш смрт, само да не биде геј еј! (?) Она кога навредуваш во името на религијата која подмукло се обидуваш да ја протнеш и на училишните клупи под изговор здрави морални вредности, а во името на кои дискриминираш група луѓе, жени, хомосексуалци, луѓе со различен стил...
Она кога веруваш во непостоечки вредности, веројатно само заради тоа што се скриени зад лажните наративи на црквите, ама секако и скандалите во истите!
Кликни за проширување...

Нека трепка!

Acronia · 5 јули 2021

Многу убаво доловено @Amellie13

Peanut Butter · 18 јули 2021

DAngel напиша: ↑

Замка на егото е всушност ставање на целото твое постоење и целиот твој успех да има значење само ако се земе во предвид една цел и било кој друг исход ти е незамислив и незадоволителен.
Да, звучи апстрактно, ама од прилика иде вака..
Ако прашањето "Кој сум јас?" можеш да го одговориш со збор кој те опишува целосно, тогаш дефинитивно си во земка на егото.
"Јас сум успешен бизнисмен" - да, во замка на егото си
"Јас сум хардкор феминист" - да, во замка на егото си
"Јас сум веган" - супер, ама сепак си во замка на егото
"Јас сум атеист", "Јас сум религиозен" - супер, и двајцата сте во замка на егото
"Јас сум борец за традиционалните семејни вредности", "Јас сум борец за правата на ЛГБТ", пак и двајцата се во замка на егото.
Секогаш кога се најдеш во ситуација каде што една изјава речиси целосно го опишува твојот секојдневен живот, твоето постоење и твоето дејствување - ти си во замка на егото
Човекот не може да биде составен од една идеја, една цел и една патека во животот. Не може да го интересира само една тема и ништо повеќе.
Секогаш е најубаво да се запрашаш што ти останува во животот ако се тргне на страна она за што најмногу се залагаш. Ако се уште постоиш ти, тогаш супер. Ако не знаеш кој си без тоа - време е да направиш чекор назад.
Кликни за проширување...

buba4e89 · 18 јули 2021

ЕденЧлен напиша: ↑

Пред некој ден имав напишано пост,и побарав од Модераторите да ми се избрише постот,но овој пат деф ке остане засекогаш тука.

Овој пост не е наменет,ниту некого да привлечам со внимание,ниту некој да ме жали,или стресувам,овој пост е наменет ДА СЕ САКАТЕ И ЖИВЕЕТЕ СО ЉУБОВ И РАЗБИРАЊЕ ПРЕМА САКАНИТЕ.

Пред неполни 3 недели,ми најдоа болест ,болест која е модерна,најмодерната болест за жал во 21 век Ракот,ми го најдоа на левиот бубрег,искрено бев изгубен,стресен,шокиран,и ке излажам ако кажам дека во иднина не го очекував ова,го очекував затоа што мојот начин на живот беше катастрофален,како со стресови така и со исхраната.Верувајте дека секој ден,све повеќе и повеќе си го сакам животот,си ги сакам најблиските,но што и да се случи јас нема да се откажам од борбата што ме чека,која е долга,исцпувачка но тоа е друг избор немам.Не прифатив хемотерапија нема ни да прифатам,идам со алтернативна медецина (масло од канабис),и верувам дека ке биде се ок.За жал поминав ПРЕМНОГУ работи во животот,некој од Форумов знаат низ што све имам поминато,но не мислам на никој лошо ништо искрено,све што ми мислат дупло нека им се враќа.Го сменив веќе начинот на живот,се хранам здраво,скоро 90% од храната која ја конзумирав ја нема повеќе,и ми е искрено по убаво,јас се надевам само на добро и позитивно,па како е пишано така ке биде.

Водете грижа за себе,давајте љубов без разлика на исходот,животот нема реприза,заборавете на злоба,не ја полнете душата со омраза и црнила,зашто каква е душата таков ке ви биде и животот.Сакајте ги блиските,негувајте ги со убави зборови,затоа што незнаеме животот каде не носи,денес сме на Светов, а утре можеби не.

Извинете на долгиот пост,се надевам се читаме за убави работи.
Кликни за проширување...

gjoker4e · 19 јули 2021

WildMk напиша: ↑

Кој не е спремен да се носи со одговорноста, нека лепи плочки со спермата, а не да го истура во вагина, каде што може да се зачне тоа бебе!
Кликни за проширување...

MeowMeow · 20 јули 2021

Значи специјално дојдов во темава за ова да го ставам. Целиот пост е на место, но ова особено, @WildMk браво

WildMk · 20 јули 2021

MeowMeow напиша: ↑

Значи специјално дојдов во темава за ова да го ставам. Целиот пост е на место, но ова особено, @WildMk браво
Кликни за проширување...

Кој мори златна?
Не си го постирала

MeowMeow · 20 јули 2021

WildMk напиша: ↑

Кој мори златна?
Не си го постирала
Кликни за проширување...

Два пати пробав да го вметнам цитатот, очигледно кафево не делувало од сабајле Мислев на цитатот што @gjoker4e го стави погоре

Idedemja · 16 август 2021

Жално, ама вистинито. Поточно реално, ама кој трча по тој пат знае, другиве само изговори ќе вадат, ама не вака е, не, не е така, до она е, до тоа е.
Максимална почит и респект за секоја вработена мајка која го дава максимумот од себе секој ден и одново и одново

Cka напиша: ↑

Статистички, најмногу инфаркти има во понеделник сабајле, кога сфаќаат луѓето дека тргаат на работа.
Животот не е амерички филм, стануваш, трчаш у природа, правиш појадок и смути за сите, децата облечени појадуваат и сите одите на рбота среќни. Не.
Животот е ненаспан цела ноќ оти си седел до касно, стнауваш успан, не ти се гледа пред очи, будиш дете, полузаспан го облекуваш, спие у кола, ти се шминкаш иу кола, маж ти се нервира од сообраќај, идеш на рабпота, го гледаш купот работиа од минатата недела, ти кажуваат за болни или умрени од ковид, 9 саати си со маска, и идеш дома поутепан од сабајлето, правиш ручек, ти паѓа притисокот, ти се спие, ама мораш да занимаваш дете, и у 10 си отепан за спиење ама иммаш за чистење и така влегуваш у хроничен умор и нервоза, која станува депресија, ама секој ден се бориш со денот.

Се до следниот амерички филмкаде сфаќаш дека децата на ови од првиот филм станале наркомани, па си викаш, ебем ли му матер, никаде не е совршено, и јадеш амерички десерт.
Кликни за проширување...

buba4e89 · 5 септември 2021

MilaSs12 напиша: ↑

Дали некогаш ке се престане да се користи реченицата порано немаше...
Сега е ново време и има.

Децата со чоколади израснаа, исти патики носеа... Од време се знаело кој е крал, кој е слуга, кој има пари кој не. Сега не треба кралска крв да си богат и да правиш торта на три спрата за прваче.
Од време се знаело кој чиј е, не замарајте дека сите биле исти. Никогаш не биле и нема да бидат.

Наместо да видите нечиј успех па тоа да ве мотивира и да ви е притисок да се образувате, на некои притисок им е тортата за прваче, и вие балони да наредите.
Кликни за проширување...

Најави се или зачлени се

Мислења кои треба да останат запаметени

eliesaab Популарен член

CameliaMiller Форумски идол

cresa-jagoda Форумски идол

mode-kristina Популарен член

Reina.Gitana Популарен член

eliesaab Популарен член

Dream-Girl ☀️

Nane2356 Популарен член

mode-kristina Популарен член

cresa-jagoda Форумски идол

mode-kristina Популарен член

Acronia Истакнат член

Peanut Butter Истакнат член

buba4e89 Форумски идол

gjoker4e Форумски идол

MeowMeow Истакнат член

WildMk Форумски идол

MeowMeow Истакнат член

Idedemja Популарен член

buba4e89 Форумски идол

Најави се или зачлени се

Мислења кои треба да останат запаметени

eliesaab Популарен член

CameliaMiller Форумски идол

cresa-jagoda Форумски идол

mode-kristina Популарен член

Reina.Gitana Популарен член

eliesaab Популарен член

Dream-Girl ☀️

Nane2356 Популарен член

mode-kristina Популарен член

cresa-jagoda Форумски идол

mode-kristina Популарен член

Acronia Истакнат член

Peanut Butter Истакнат член

buba4e89 Форумски идол

gjoker4e Форумски идол

MeowMeow Истакнат член

WildMk Форумски идол

MeowMeow Истакнат член

Idedemja Популарен член

buba4e89 Форумски идол

Корисни пребарувања