Мислења кои треба да останат запаметени

Reina.Gitana · 28 септември 2021

Guns N` Roses напиша: ↑

Дали животот ќе ти биде полесен и поубав нема врска со убавината туку има врска со тоа внатре во главата. Ако тоа внатре не работи можеш да бидеш убав(а) колку сакаш ама тоа нема да ти го направи животот ни поубав и полесен.
Кликни за проширување...

theowndemon · 28 септември 2021

pdb123 напиша: ↑

Конечно, КОНЕЧНО, дојде моментот да се зборува јавно за вакви животни прашања кои нè засегаат сите нас. Во овие тешки времиња императивно е да постои неосудуван издувен вентил каде што секој ќе може да го сподели своето искуство. Браво!

Што се однесува до мојата столица, си дадов време од неколку денови за да дадам валиден и објективен одговор; јас ли ќе бидам таа што ќе се резили и ќе излезе надвор од просекот во вакви непристрастни времиња???? Значи, од моето обемно набљудување, заклучив дека всушност столицата ми се подобрила од претходно. Никогаш не сум имала подобро оформена и порегулирана (секое утро после будење) столица, а баш долго време се трудев да ѝ ја подобрам формата, конзистенцијата, зачестеноста, но безуспешно... Кој ти знаел дека лекот е толку едноставен: пандемија!

Сакам да испратам порака до сите што се вознемируваат поради обичноста на нивната столица: не сте сами! Знам дека е чудно, знам дека е необично, ама нормално е сè да е во ред со вашата столица, нормално е да е со совршена конзистенција и со леснотија да ви го напушта телото! И немој да дозволите некој да ви набива комплекси и да ви прави да се чувствувате лошо поради тоа! Дајте отпор кон злобните јазици, го кажуваат тоа само од љубомора кон вас!

Што се однесува до тоалетната хартија, не, не сум почувствувала потреба да купувам големи количини. Во мојата населба мноштвото луѓе немаат проблеми со нивната столица, како тримесечна дијареја. Не дека е за осудување тие населби каде што луѓето ја имаат, воопшто не; ама ете, јас сум ја имала оваа среќа.

Од брендови на тоалетна хартија, ја одбрав:

Види го прикачениот фајл 582453

Зошто баш овој бренд? Па, покрај основните критериуми, како: неповредување на нежната кожа околу аналниот отвор (всушност, толку е мека што дури и ја негува, ја одржува!) и непродупчување на хартијата за луѓе како @Yipman2, имав уште 3 многу важни критериуми:

1. Како и сите, и јас барав домашни миленици со кои ќе можам да ги откривам убавините на градот; се разбира, во времињата одредени од Владата за тоа. Поради неуспешноста на таа потрага, морав да се задоволам со мачето од тоалетната хартија кое за момент ми дозволува да си фантазирам дека со мене има животинско суштество со кое, покрај мојот град кој не сум го прошетала, иако живеам долги години во него (се нема време од работа!), успевам да ги прошетам и околните села.

2. Веќе долги години правам испитувања на тоалетни ролни и можам да кажам дека оваа ролна го има најголемиот однос на надворешен дијаметар према внатрешен дијаметар на тоалетната ролна, исто така наречен фактор на количество на хартија. За лаиците, што значи ова? Прво да дефинираме што е надворешен, а што внатрешен дијаметар на тоалетната ролна.

Надворешен дијаметар (dn) на тоалетната ролна претставува најголемата отсечка (растојание) меѓу две точки од надворешната (поголемата) кружница (kn) која ја формира тоалетната ролна. Внатрешен дијаментар (dv) на тоалетната ролна претставува најголемата отсечка (растојание) меѓу две точки од внатрешната (помалата) кружница (kv) која ја формира тоалетната ролна. Овие две отсечки истовремено минуваат и низ невидливите центри (On и Ov) на кружниците, кои во случајов, претставуваат ист центар О (интересен факт: оваа појава се нарекува концентричност на кружници).

Ако сè уште не ви е јасно, погледнете ја следнава слика:

Види го прикачениот фајл 582502

*За приказ на овие поими употребена е произволна слика на тоалетна ролна; истата не претставува реална претстава на ролната на претходно споменатиот бренд „Палома“.

Со други зборови: колку е поголем факторот на количество на картија, толку е поголемо и количеството на хартија во тоалетната ролна (се разбира, при споредување на хартии со иста слојност). Жалам што мора да го кажам ова @Dream-Girl, но Перфекс ги има едни од најмалите фактори на количество на хартија.

3. Како што гледате и на првата слика, хартијата е безмирисна. Ако требало нашите ануси да мирисаат на цвеќиња, праски или камилица, тогаш така и ќе било! Која сум пак ЈАС да одам против Божјата волја?!?!

@Gosh, твојата приказна е едно од најтрогателните работи што сум ги прочитала. Жалам што ти и маж ти сте ја имале таа среќа да се погодите во населба која има тримесечна дијареја... Би можела ли да ја споделиш твојата адреса со нас, за сите ние што сме имале повеќе среќа да не се паднеме во такви населби да ви пуштиме ролни хартија преку гулаби писмоносци??? Чувајте хартија и издржете дотогаш...
Кликни за проширување...

Мудро.

edna_malecka · 11 октомври 2021

Rama напиша: ↑

Сите имаме такви денови, па и недели и месеци, ама самоубиството не е никакво решение.
Ако немаш сила да живееш денес, дај си краток одмор од се, повлечи се во соба и спиј, или пушти некој филм, читај книга, запишувај во дневник се што сакаш да исфрлиш од себе, оди прошетај на дожд, или само спиј до утре, а утре кога ќе станеш ќе биде нов ден, и ќе те излажам ако речам дека проблемите нема да се тука, ама верувај дека ќе те погодуваат многу помалку.
Имаш милион опции за да поправиш се, ама те молам не ја избирај најсебичната можна опција.
Верувај дека некој те сака и те мисли, колку и да не умее да ти го покаже тоа
Кликни за проширување...

Нека светка.

nextredstyle · 24 октомври 2021

Idedemja напиша: ↑

Детето пати од недостаток на внимание, конкретно за твоето пишувам со оглед што ни имаш опишано низ што си минала, а и детето претпоставувам не му било лесно се тоа. Ќотекот нема да реши ништо, само ако го применуваш ќе ти се плаши, да може ќе стане одма од подот кога ќе му се закануваш што го чека дома. Ама ќе ти се плаши и како расте и созрева ќе му се создава и омраза и револт кон тебе, што може да му влијае, па и ако е машко, а мислам е твоево како во идинина ќе ги перципира и се однесува со партнерките во животот, сопругата и евентуално неговите деца. Не за џабе рекле насилството раѓа само насилство.
Сега кога се враќав од одмор последочив на немил настан, а дека беа Руси скоро пола ги разбирав. Авионот доцнеше децата двајца браќа околу 6-5 или 4 годиники им беше досадно се бркаа наоколу, буцкаа и зачакчаа и дали едново во гужвава го сопна помалово ова се разрика и татко им го однесе поголемово да го натепа во вц ама се се слушаше што му прави и ова плаче, рика внатре, само кога го изнесе шмркаше со носето, звук не пушти. А татково луѓе 2 метра човек, мене страв ме фати а не пак 6 или колку и да беше годишно дете.
И после зошто младината станува насилна, еве не знам зошто? Тоа дете утре другар, наставник, девојка, сопруга голема е веројатноста при конфликтна ситуација исто така да ги третира. Да го родиш е тешко, не велам не, ама да го изгледаш детето, воспиташ и насочиш на прав пат е тоа е големиот предизвик во животот, ама мора, разбирање, трпение и ако не ја бива соработка со поискусни профили на личности.
Кликни за проширување...

Одлично кажано.

Feminka22 · 31 октомври 2021

GrimTheReaper напиша: ↑

А што ако не сакам да бидам во иста просторија (како горенаведените) каде постои транс жена со машки полов орган? Каде се моите права? Се чувствувам сексуално вознемирено.
И не сите транс жени со машки полов орган сакаат мажи.
Зошто не се борите за посебни простории, вон оние што се наменети за лица кои се идентификуваат со сопствениот пол.
Зошто моите чувства да не се важни?
И зошто се стремиш да имаш подобра иднина, наспроти нашата, а воедно чувствуваш задоволство кога велам дека би била сексуално загрозена.
Како си ти подобар од мене?
Дали според тебе е во ред, во јавен тоалет, да влезат девојчиња од 14 години и транс жена со пенис, односно биолошки маж.
Јас сум жена, а таа е транс жена, но никогаш нема да биде биолошка жена, освен по род и како таква нека си бара свои права и свои простории.
А не верувам дека и ќе наидеш на спротивно размислување на балканот за уште 100 години.
Со таквиот став и оние што се рамнодушни на вашето постоење и те како ќе станат нетолерантни.
Не ми брцај во интима, за јас да не брцам во твојата.[/QUOTE].
Кликни за проширување...

Тоа е тоа.
Just to say: Ова го болдирам офф топик муабетот ваш горе, тоа не го коментирам.
Ве читав во темата и кога го читав твоево мислење крајов ме бендиса бидејќи и јас го имам истиот став околу тоа

poenta · 9 ноември 2021

Idedemja напиша: ↑

Кога немав толку многу во џеб освен тоа што го заработив со мн.учење, труд и мака наградени преку примање стипендија и имав неколку фармерки/панталони, неколку маички и блузи, скромен гардеробер до таа мерка што татко ми кога замина во странство да се оперира, пред да легне под нож на мајка ми и рекол да купиме за децата алишта ќе им се најдат бев најсреќна на свет. Бев најсреќна не само што преубави алишта добив, туку беа од него, бев најсреќна зошто ги имав нив двајцата до мене. Сега имам се на претек, заработуваме со мм, добро ни оди, ама мене срцето ми е пола мртво, умре тој ден кога тој почина, ми го замрзна половина срце една студена зима. И се што имам ништо не ми значи повеќе од тие неколку алиштенца убави, преубави во моите очи бидејќи беа од него. Сакајте си ги родителите, гушкајте си ги додека ги имате и радувајте им се макар на домашната трпеза макале со нив сол, лепче и пиперца. Ниеден астал со млеко од пиле на него не ме израдува и нема емотивно да ме исполни како најскромната софра со нив и брат ми.
Кликни за проширување...

Bezimenka90 · 21 ноември 2021

Mikha4 напиша: ↑

Зошто сега ви смета жената што зборуваше на протестот? Нели секој има право на слобода, право на избор, еве таа си го избра своето право на говор.
Впрочем и кога пишувате овде некои работи и вашето видување на нештата многу слично звучите.

А тоа што не сакате да слушате други, што имаат тие да кажат, би забраниле микрофон за некого и порадо би гореле објекти многу кажува за менталниот склоп на многу од вас, и да ви кажам не сте ништо поразлични од оние кои ве "опресираат". Прва шанса вие и полошо би му направиле на друг човек.
Кликни за проширување...

IM.TMKQ · 23 ноември 2021

Anabelle.Amorette напиша: ↑

Од новогодишни желби, да не мора никој да ме гледа попреку кога ќе сакам да накитам огромна елка до таван уште во ноември.

Да ставам 5-6 метри долги сијалички во секоја можна боја, да носам божиќни чорапи и да пијам кафе или какао во божиќна шолја како оние на сликиве по пинтерест без да ми каже некој оти е пРеРаНо/пРеМнОгУ иМа зА сРеДуВаЊе пОсЛе, кОј ќЕ чИсТи.

Ваков „хаос“ од сите бои, божиќни чаршавчиња, божиќни шолји и апсолутно сѐ во домот што вришти божиќно расположение - не се класифицира како хаос.
Кликни за проширување...

Amen!

Feminka22 · 2 декември 2021

bicycle напиша: ↑

Ти цело време тресеш зелени, ме мрзи да се објаснувам секој пат ама некогаш стварно преливаш чаша.
Имаш толку многу твитови за постирање на темава ама види ќе бидам јасна :

Виролог си? Епидемиолог?
У лабораторија работиш? Што?

Олабави, некогаш стварно не се трпиш, најсериозно.

Сфативме дека си антиваксер, ок е, твое право.
Сфативме дека според тебе најдобар е природен имунитет, дали си размислила дека не секој има среќа ко твојата лесно да помини, без последици?
Ако некој решил да се боцка, нека се боцка, како сака така нека прави.

Шо е поентата од постирање цело време линкови, клипчиња, ти реков ми рече?
Олабави малку.
Има овде луѓе кои решиле да се вакцинираат или сакаат а ти знаеш така на некој да им влеваш страв.

До лани зошто нема вакцини, влада неспособна, сега на секоја вакцина, маана се наоѓа, кој што правел, браво експерту, СЗО и сите епидемиолози и виролози можат вода да ти носат.
Дипломите слободно да си скинат.

Да ми извинеш на речник ама ја претера.
Некој и да сака да ја чита темава, не може.
Кликни за проширување...

фала Богу им кажа некој.

nextredstyle · 23 декември 2021

IM.TMKQ напиша: ↑

Формуџика на годината не треба да биде баниран член, па макар и еднодневно.
Не се банира никој од позитивна причина.
Кликни за проширување...

Ова треба да стои на почетокот на секоја нова тема за ова.
И правило треба да биде.

Bezimenka90 · 23 декември 2021

sweet-cherry напиша: ↑

Додека имам инспирација и рима
да направам една поема фина.

Форумски избор повторно дојде
нема кој нема низ темава да пројде.

Секоја година со гласовите има некоја финта,
ама верувајте и на Реинбоу и е веќе досадено да не тинтра.

11 ликови се борат за тостер,
после фемина ќе го стави победникот на постер.

Низ темава ќе има лобирање секакво,
но на крајот гласовите ќе се бројат еднакво.

За тоа колку овој избор е спектакуларен и познат,
и оние на Кајгана ќе сакаат да дознаат.

По некоја караница и тепачка ќе пројде,
ало тостер сепак до некоја мора да дојде.

Мицко како главен лик на темава се шета,
не може он со јаките мемиња на некого да смета.

Дајте го вашиот глас дур можете вие,
и ајде да си легнуваме, мене ми се спие.

Драмата нема да ни бега,
и утре е ден за нова шега.
Кликни за проширување...

mode-kristina · 30 декември 2021

Someonespecial напиша: ↑

Најстрашната и најзагрижувачка форма на феминистички отпор се протести со голи/топлес жени кои сепак ненасилно кон никого го покажуваат својот бес. Додека на другата страна (инцели, екстремни десничари, верски фундаменталисти) и ден денес имаме терористички напади, а да не зборуваме за фемицидите во секојдневна статистика.

Во име на феминизмот никогаш не се војувале војни, не се освојувале територии, не се прогонувале, измачувале, убивале невини луѓе. И сепак токму за феминизмот е социјално најприфатливо да се земаат за пример екстремите и феминистките да бидат "the butt of the joke".

Камо сите идеологии да беа олку „страшни и загрижувачки“ како феминизмот, светот би бил многу помирно и побезбедно место за живеење.
Кликни за проширување...

Нека трепка!

cresa-jagoda · 19 јануари 2022

MissBreezy напиша: ↑

На закониве им се потребни сериозни реформи. Сериозно!

Човек кој претставувал закана по животот на жена си која се уште во утробата го носи неговото дете не може утре да биде татко. Не се грижел за неа, ама ќе се грижел за детето. Ајде бе.
На душа носите цели човечки животи вие социјалните работници. Животите на малите деца, бебиња, осудени да остваруваат видувања по секоја цена, со мајки-немајки, отсутни и незаинтересирани татковци. Срамота е што никој не се засегнал да се позанимава со ова прашање, со оваа неправда.

Каков пример ќе дава тој за своето дете утре? На чија страна се социјалните работници воопшто? Како ќе ги поттикнете родителите да ја покренат свеста и да се намали бројката на жртви на насилство? Или треба да се случи насилство врз детето па потоа да се реагира? На кој начин се штитат детските права? Во присуство на бебето ја влечкал по паркет!! Ова "вришти" штитење на правата на "таткото".

Колку се кадарни вработените во социјално?? Прашања кои ме мачат. Дали прават проценка/даваат соодветна психолошка поддршка при разговорот со родителите, дали вршат надзор врз видувањата и на кој начин се остваруваат тие, дали е етички коректен односот помеѓу родителот и детето? Се доверуваат бебиња на гледање насамо со родител кој нема никакво искуство од родителствување! Па згора на се кривично гонети. Што да се додаде!

Барем убаво си рече членката. Во повеќето од случаите се работи само за одмаздување кон поранешниот партнер. Ништо од ова нема врска со децата. Само се гледа да се ослободи од случајот и да се премине на наредниот.
Жртвата насилник, насилникот жртва. Каков пораз за општеството!
Кликни за проширување...

tel-ef · 26 јануари 2022

Herrera напиша: ↑

Цело сабајле се смеам на анти таленти кои сакаат да бидат познати јавни фаци

Како што знаете , фаворит на Youtube ми е Лосмипанда. Сите негови клипови ме расположуваат, откачен е, позитива ми е , па гледам ставил нов клип

Е сега, проблемот е што не слушам српско , па решив да видам кој го пее оригиналот.

Ахам, еве ги, двајца непознати X и Y

Да видиме децата како пејат во живо

па кучево на комшијата помелодично завива отколку овие двајцава

Значи сакав да кажам не може некој на сила да биде нешто ако е анти талент за истото.

Со сила убавина не бива

.........Буди тууУууу ............

Сама ќе се испратам

Убав , најубав ден на сите
Кликни за проширување...

Bratot · 27 јануари 2022

Billy Idol напиша: ↑

Прочитај малку светска историја и ќе видиш дека скоро сите држави во тоа време имале свој "Голи Оток". И тоа многу пострашни и поголеми од овој југословенскиов. Ти кажав, во Америка, обичните луѓе за време на војната и повоените години од јапонско потекло ги собрале од западниот брег на сад и ги испратиле во логори во внатрешноста. Многу од нив секако дека биле стрелани и убиени како непријатели на системот. Не само што не биле судени, туку и ги нема во ниту еден јавен податок дека воопшто постоеле. А биле обични луѓе. Во гулазите во СССР еден тон народ загинал.

На Голи Оток не биле праќани само Македонци, туку од сите народности во Југославија кои имале идеи за самостојност, кои се спротиставиле на системот, итн. итн. Многу биле погубени затоа што го поддржале Сталин и СССР.
Македонците биле највеќе погубувани и пратени на Голи Оток затоа што сакале независна Македонија. Сакале да одат и да го нападнат Солун и секако да го обединат Егејскиот и Пиринскиот дел.
Таму пак, во Грција да видиш какви грозоморни работи се правеле и колку Македонци биле убиени само затоа што се изјасниле како, Македонци, го зборувале Македонскиот јазик. Етничко чистење е извршено. Ама еве цел свет ќути за тие "демократски" злосторства.

И овакви политички затвореници и луѓе кои се "неподобни на системот" ги имаш и денес. Ти реков, отиди во Грција и шири ја идеата за независна Егејска Македонија. Знаеш како ќе бидеш претставена? Како сепаратист, терорист кој ја загрозува безбедноста и поредокот, ќе бидеш стрпана доживотно во затвор. Среќа, па нема во Европа доживотни казни.
Ама ако го направиш истото во САД, ќе бидеш смртно погубена. Да, во 2022 година, во таа "лулката на цивилизацијата" која демек е нај демократска земја на светот.

Секоја држава си го штити суверенитетот и системот и политички затвореници најлошо поминуваат. Види Каталонија со Шпанија што се случуваше. Граѓански права, мај ес. Ќе те избришат од лицето на земјата ако бараш независност.
Северна Ирска, кога Ирците барале независност од Велика Британија во 90те исто така.
Најсвеж пример е Џулијан Асанж, новинар, кој ги откри криминалите на САД, ќе добие смртна казна.
Човеков за 30 години ќе го изучуваат како светски херој кога ќе се смени системот и денешнава политика.

Денес, смартфонот е неминовно средство и без него не можеш ниту да функционираш.
Муабетов ти е... А имале ли ајфони во Југославија? Не? Епа денес ние имаме.

Ова е еден од најдобрите системи кои можат да постојат и е развиван на темелите на југословенскиот социјализам. Било кој скандинавец денес да се праша за Југославија, ќе го каже истото. Со восхит ќе зборува за таа држава и систем пред се.

Денес, грото од младината во Европа и САД се повеќе и повеќе социјалистички размислува и сака промена. Огромни пари се фрлаат за да се задуши секоја идеја за хибриден систем затоа што никој не сака да го изгуби своето богатство и моќ.
Ама колку и овој корпоративен капитализам пробува да го сузбие тоа, единствено што може е само да го одолговлечи. Крајот ќе дојде, секако. Само прашање е колку крв ќе се пролее и какви револуции ќе треба да се прават.
Ако едно нешто можеме да го научи од историјата, е тоа дека слобода по демократски пат, не се добива.
За жал.
Кликни за проширување...

Одлично објаснето.

Feminka22 · 27 јануари 2022

Аргентина * напиша: ↑

Во мк проблем е свеста. Хомосексуалците можат законски да ги добијат сите права како и хетеросексуалците, но сепак ќе бидат осудувани и исмевани од голем број амебовидни граѓани кои не научија дека не треба да го коментираат јавно приватниот живот и изборот на останатите луѓе, колку тој и да не им се допаѓа, и нема ни да научат. А се додека е така, стигмата ќе биде присутна.
Кликни за проширување...

Feminka22 · 26 февруари 2022

Не мислев дека си волку паметен жими се, ама БРАВО
се слагам со секое напишно зборче
И така е

Billy Idol напиша: ↑

Епа гледаме сега всушност зошто вложуваат во воена индустрија, а не во економски напредок. Пишав едно мислење наназад дека во светот не владее тој што има најака економија и највисоко ГДП, туку тој што е најсилен воено.
И држави како Катар, Сингапур, УАЕ и Хонг Конг имаат повисок GDP од Америка и Кина. Ама овие како воено посилни уствари ги управуваат, и преку нив црпат ресурси.
Исто како што сега животот во ЕУ е некаде подобар од САД, ама џабе кога САД им има воени бази низ цела Германија. И сега кога им рече дека нема да купуваат гас од Русија, туку од нив, овие ко попчиња ставија санкции и тек допрва ќе си ги трпат последиците.

Затоа не е битно колку си богат, туку колку си силен.
Кликни за проширување...

Џабе парите шо го имаат кога САД и Русија диктираат
Првиве поготово
Затоа ја реков, монархии не се колат и караат колку овие

Feminka22 · 7 март 2022

Billy Idol напиша: ↑

Лицемерно е сега да барате од украинците да гинат, да гледаат како им се разурнува земјата, а вие тука први бевте што се предадовте на Нато.
Кликни за проширување...

толку.Ви го рече.

Billy Idol · 8 март 2022

Biljarkata напиша: ↑

Ај прочитај се уште еднаш.
Навива за Украина- Украина 2 милиони надворешни бегалци за 14 дена, башка окупирани градови, башка рушевини, башка колку милиони по скривници без вода, греење.

Шведска и Финска демократски потписи за петиција во Нато, среќа па шведите уште имаат малку здрав разум и не тераат дипломатија според ,,стручното,, мислење на популацијата. Well, fuck it, нема доволно информации, образование и стручност популацијата, за да решава кое е помало зло. Не е ова избор на евровизиска песна, малку поозбилно е, може животи да кошта.

И спикинг оф животи- колку животи и уништени човечки судбини вреди идеалот да падне Путин? Не навиваш за војна, ама војна е. И да повториме, пак ќе заврши со договор на некоја маса. Колку животи, градови, држави, треба да одат курбан, дури да биде постигнат тој договор? Колку време треба да трае оваа војна и кој има корист од ова? Има ли некој што ќе излезе од ова како победник, освен можеби Кина? И некои непознати воени профитери, секако.
Кликни за проширување...

Секоја чест како умешно го откри цело лицемерие скриено зад превезот на добри/хуманитарни/либерални намери, а всушност со крајно радикална цел.

Мислење кое треба да биде запишано во форумските аналии. Мислење на годината, сигурно.

Feminka22 · 31 март 2022

Lady D ❤️ напиша: ↑

Koga e vo prashanje neverstvo, nema sho da se razmisluva ili da vlijaat drugi faktori.
Za neverstvo ima samo edno reshenie: razvod.
Faktori od tipot: decata se mali, ke patat i sl. se izgovori, zashto podobro dobar razvod otkolku losh brak, koj shto na mnogu polosh nachin ke se odrazi na detskata psiha.
Кликни за проширување...

ви објасни жената.Нека трепка.

Најави се или зачлени се

Мислења кои треба да останат запаметени

Reina.Gitana Популарен член

theowndemon crazy cat lady Член на тимот

edna_malecka Популарен член

nextredstyle Форумски идол

Feminka22 Форумски идол

poenta Форумски идол

Bezimenka90 Популарен член

IM.TMKQ Форумски идол

Feminka22 Форумски идол

nextredstyle Форумски идол

Bezimenka90 Популарен член

mode-kristina Популарен член

cresa-jagoda Форумски идол

tel-ef Истакнат член

Bratot Популарен член

Feminka22 Форумски идол

Feminka22 Форумски идол

Feminka22 Форумски идол

Billy Idol Форумски идол

Feminka22 Форумски идол

Најави се или зачлени се

Мислења кои треба да останат запаметени

Reina.Gitana Популарен член

theowndemon crazy cat lady Член на тимот

edna_malecka Популарен член

nextredstyle Форумски идол

Feminka22 Форумски идол

poenta Форумски идол

Bezimenka90 Популарен член

IM.TMKQ Форумски идол

Feminka22 Форумски идол

nextredstyle Форумски идол

Bezimenka90 Популарен член

mode-kristina Популарен член

cresa-jagoda Форумски идол

tel-ef Истакнат член

Bratot Популарен член

Feminka22 Форумски идол

Feminka22 Форумски идол

Feminka22 Форумски идол

Billy Idol Форумски идол

Feminka22 Форумски идол

Корисни пребарувања