Мислења кои треба да останат запаметени

Gosh · 15 јуни 2024

Чуството кога...

Heavy Feather напиша: ↑

Кога ќе си ги здогледаш првите брчки, така срамежливи ама сигурни, те ѕиркаат од огледалото само ако навистина му се доближиш, и најавуваат дека со тек на време не ќе мора многу да се трудиш за да ги забележиш.

И првите бели влакна кои отпрвин изгледаат како украси, дури интересно - последица на вложениот труд, или изгубеното време, или непреспаните ноќи, а подоцна ти се чинат како закана - зар толку остарев? Кој ли ќе се фарба... дали да се фарбам?

Мешани чувства на „созревам“ и „стареам“. На „живеам“ и „умирам“.
И свесноста дека знаеш оти едното никогаш не оди без другото.
Кликни за проширување...

Mrs. right · 2 јули 2024

Hisha напиша: ↑

Вака некако иде, најголем фекал од луѓе ми се оние кои ќе земат и пуштат, после години заедно тукутака.

Не заслужувате ништо добро а и се глеа какви личности сте.
И да не го сакате” ко дете”, останете си доследни и чувајте го добро .
Кликни за проширување...

!!!

Polyincognito · 16 јули 2024

Oriental напиша: ↑

Moчај му се на прв состанок во кој треба да пиете кафе ...
Маж треба да биде креативен, асертивен, покаже интерес дека сака да го мине времето со вас.
Прв состанок треба да е во театар, опера, куглање. Или пак, Водно, Козјак, Матка, поодалечено во луна парк или покрај кеј.
Евентуално ако дозволува буџетот некој фенси ручек/вечера, ако не - не мора.
Битно е да се потруди до максимум.
Купи винце со багет сендвичиња од печеница или лосос ако испланирал ко што пишав горе, излет.
Ако не, да правите нешто интересно обавезно, и сам да процени што сакате во зависност од тоа каков тип девојка сте.
Значи убаво да изорганизира за да се почувствувате како краљици.
Па, после неколку состаноци на прво водење љубов обавезно купка, рози, топено црно чоколадо и свеќи со арома на ванила од базаро.
Ебати мажите ебати, толку е едноставно, не е ни скапо, ама вие ни сенс за љубов ни за романтика имате и после зошто жените се сингл и не чинат?
Епа затоа.
Бидејќи немате искра, жар, полет, потентност!
Зошто не умеете да креирате спомени, и ко ќе ја фатите околу половина да почувствува дека цел свет во вас е нејзин, а не со пола рука како да фаќате мрсна леблебија.
Кликни за проширување...

Mrs. right · 17 јули 2024

fbaby напиша: ↑

Овие приказни дека жената е нечиста за време на менструација е чиста дискриминација од која страшно ми се гади.
Се дури човек влегува во црква и се моли со чисто срце и чисти мисли, тоа е најбитно.
Олоши и лажни верници одат во црква, бацуваат икони, изиграваат нешто што не се, мислат ќе се исперат ако остават паричка на икона, ама проблем е жената кога е во најприроден процес, ко менструација.
Кликни за проширување...

eliesaab · 24 јули 2024

MissChievous напиша: ↑

Сфатив дека успех е човекот што сум.

Карактерот, менталитетот, принципите, моралните вредности, позитивноста, здравите навики, цврстата самодоверба, спокојната психа, сè што сум јас каде и да сум, со кого и да сум, во која ситуација и да сум.

Сè материјално е убаво, ама е безначајно, се крши, се расипува, се губи. И нешта, и пари, и работа, и позиција, и статус.

Па и луѓе.
Денес сте си тука едни за други, утре не.

Џабе ти е сè ако ментално патиш, ако си алчен, завидлив, злонамерен, нарциосоиден, искомплексиран, исфрустриран, секогаш незадоволен, агресивен, насилен, осудувачки настроен, полн со омраза и огорченост.

И џабе е сè ако си слаб, лесно се повредуваш, те мачат туѓи мислења и зборови, се опседнуваш со туѓи постапки и животи, се споредуваш со други, се осеќаш неспособен, немаш мир и раат.

Успех е да бидеш спокоен.
Успех е стабилно да се носиш низ животот.
Успех е сам себе вистински да се почитуваш и да се вреднуваш.
Кликни за проширување...

eliesaab · 8 август 2024

faye напиша: ↑

Можеби некој газда /менаџер ќе ме мрази поради следнава мисла: ако сте секојдневно преку цела година натрупани со работа до бескрај, на бизнисот му требаат повеќе работници. На сите целта им е ситно платени работници да земат што е можно повеќе обврски кои неретко вклучуваат и други сектори. Затоа тука ќе се најдат два-тројца амбициозни кои работат ко луди за покачување кое ќе го добијат дури за две години, а всушност ќе биде порамнување. Нивниот перформанс наместо да ги унапреди, ги уназадуваат останатите колеги кои сакаат да имаат баланс помеѓу животот и работата, така што поставиле нов стандард за голтање што е можно поголеми залаци, во превод сами си се продаваме како ефтина работна сила.
Кликни за проширување...

И само ќе надополнам дека секој секаде е заменлив и немојте да се жртвувате премногу, а да ви страда времето со најблиските. Работете, барајте си го своето поставувајќи повисок критериум (имајте свое јас на интервју и не се појавувајте онаму каде не ви ја кажуваат платата од старт*), најглавното - бидете секогаш флексибилни за промена ако некој пробува да ве трупа со обврски. Ако имате желба за работење, никогаш нема да сте без пари во вас.

*немојте да се вовлечете во магични кругови на селекции кои немаат крај.

Bratot · 8 септември 2024

Feniksgirl напиша: ↑

Мене па преку глава ми е да ги правите нашиве родители неписмени и дека врска немале пошо се мереле со Југославија. Да баш гледам на нас нешто ни фали… 1% да имаше нешо државичево од Југославија ќе цуташе сеа. Се бре кој од кој поголем родител… кој од кој попаметен, нашиве родители сите ги ругате цело време… ќе испадне они ништо врска немале, денешниве препаметни. Затоа децава кое од кое понепослушно, понеписмено, и без никаков респект спрема постари. Па да не кажам без никаков респект спрема своите родители. По 5 саати да урла во продавница и да ја мава мајка му и плука зашто не му купила оно што замислило….Пошо у Југославија не се живееело, еве гледам сега па цутаме од живеење, напукани со кредити и со крпење крај со крај… со 6 различни работи работење… за да се сврти некој денар.
На страна работава со климиве во школиве, да не треба да се скуваат децава и да немаме услови во 80% од школиве. Ама прекинете веќе да ги праите децава дека се шеќер и дека ќе се стопат. 1% да се новиве родители ко нашиве, ќе цутавме сеа.
Кликни за проширување...

eliesaab · 17 септември 2024

CameliaMiller напиша: ↑

Не е поентата за лично ти што ќе правиш, мислам може ќе раскинеш со типов и ќе се мажиш со сосема трет.
Поентата е дека проблемиве настануваат затоа што 1. МАЖОТ не си ги решил работите со сопствените родители, со опција а) го манипулираат да остане во таа куќа; б) нема услови ете да се отсели, ама тие немаат пресечено што е негово, што не е; в) нема муда да се разбере со нив, полесно е жена му нерви да корне.

2. РОДИТЕЛИТЕ а) немаат грам разбирање дека некој овде дошол не оти им е златна куќата, туку им го сака синот што е дискутабилно дали вреди да е сакан и на тој некој ич не му е лесно да се прилагоди; б) намерно не решаваат имотни прашања меѓу децата; в) манипулираат со децата (и синови и ќерки) затоа што се идиоти кои меѓусебно ќе се изедат да не се децава да ги замараат.

Ни золвата не е крива колку иде во домот на родителите, ни снаата е крива што мажот не си решил прашања со нив. Ама сè додека се наоѓа оправдување за мажот, а сите се други криви, нема да има чаре за соживот. Сфаќам јас дека ги растеле вака или онака, ама зборуваме за возрасни мажи кои грам емпатија кон сопствените жени немаат, уште инфантилно мама и тате што ќе речат, емоционална зрелост 10 годишно дете.
Кликни за проширување...

SummerGirl · 24 септември 2024

mKdevojce напиша: ↑

Во последно време често забележувам, некои од членките кои сакаат да бидат најпаметни на секоја тема, кога не можат во некоја дискусија да дојдат на нивно, го раскопуваат профилот и мислењата на членката со која дискутираат и вадат нешто најчувствително и удараат во колена со тоа. На пример "а ти се смири ли со мажот, или уште се мислиш за развод..." и слично. Колку треба да си ситна душичка за такво нешто да користиш во одбрана кадешто не можеш да признаеш дека не ја добиваш дискусијата.
Кликни за проширување...

LiquidLuna · 30 септември 2024

Yowannty напиша: ↑

Најлошо како родител, уосталом како и за се во животот е да грешиш и притоа да не прифаќаш дека си згрешил. Секоја ситуација може да се исправи, освен ако свесно одиме со глава во ѕид дека ние знаеме што е најдобро
Кликни за проширување...

Нека седи ова да си го читаме од време на време

Amellie13 · 2 ноември 2024

Munchmallow20 напиша: ↑

Океј швалерката не е крива...демек.
А утре да те донесе дома и да те запознае со децата и тие деца да те мразат и да те гледаат ко кривец, уште ќе се вадиш дека "не е твоја одговорност туѓ брак"? А совест нешто сте чуле во живот?
Или газите, тепате, убивате све што не е ваша одговорност? Некогаш во животот сте направиле нешто од кое немате вие корист, туку некој друг?
Сте помогнале на некој дедо да премине улица? На некој што му се слошило? На животно на улица сте му дале од сендвичот што ви останал?
Или туѓите маки не се ваши па ве боли пичка.
Супер, и јас да ве видам да се гушите надвор, па не е моја одговорност твое здравје бе златна, не сум платен доктор да ти помагам. Ќе си се одвлечкаш сама, јер...сама си одговорна, овај никој не е должен да ти спасува живот, никој не ти ветил помош, ко што ти немаш ветено на жена му ништо.
Кликни за проширување...

NoirSerpentine · 13 ноември 2024

Како одговор на ова прашање

jasjasjas3 напиша: ↑

Дали би се дружеле со другарка која искрено не заслужила да биде ваша другарка, онака површно само за излегување?
Кликни за проширување...

Едно од најразумните мислења кои ги имам прочитано во последно време:

Stella1111200 напиша: ↑

Лично да, не мора со секој што се знам или дружам да ми е близок и 100% да му верувам. Некои пријатели се за на факултет, за на диско, за ручек ,а некои се за сите твои моменти во твојот живот и тие на една рака не се бројат.
Не може да имаш и да се знаеш само со 3 луѓе затоа што некој има друго верување од тебе или едноставно не е човек од доверба. Ако не е човек од доверба ќе зборуваш за твојор омилен парфем , за ташни , за времето , има милион и една тема. Затоа што знам многу луѓе кои едноставно не можат ништо за себе да задржат ама вака површно немаат зла намера и не се лоши, само устата им многу работи и функционираат на тертипот што на ум то на друм.
Е сега, зависи што мислиш под тоа не ти е искрена другарка? Искрена другарка не ти е таа што ти оди со дечко ти позади грб? Секогаш има исклучоци, ама ако е за онака за кафе, факс, диско јас би се дружила, ем ширам познанства ем имам со кој 2 реда муабет да направам.
Јас имам една другарка со која што одам само на диско и ни јас нити она знае нешто за мене или јас за неа па најубавите излегувања ми се со неа и ми е топ кога сум со неа, не секој во животот ти е ветен да ти биде најдобра другарка и да ти стане дел од твоето секојдневие и интима.
Само гледам тие што ми се такви пријатели да ми одговараат,ако не ми одговара воошто ни по карактер ни по апсолутно ништо тогаш не се дружам со таа личност туку само направам 5 редс муабет кога ќе ја сретнам чисто од култура ама никогаш не ја повикувам на кафе, едноставно ништо не ми одговара во врска со неа и не можам 1 убава работа да набројам.
Кликни за проширување...

eliesaab · 26 декември 2024

Razmisli напиша: ↑

Во земјава има околу 10000 (десет илјади) автомобили со ЦД (CD) црни регистарски таблици (толкав број Нема ниту во Кина) ;
Сопственици на тие автомобили се ... кој од кој ... сотонисти.

Мобинг и Босинг на секаде и во секоја фирма.

Психолошка евиденција се води за секој граѓанин, секојдневно за сѐ и сешто.

Само лицемери и послушни робови ќе останат вработени,
А, други ќе бидат под разни притисоци и тортури.

Свест и совест го сметаат за Непријателство.

Корупција и лаги се втемелиле длабоко во психа на секој граѓанин и станале "културна традиција".

Облик на јужно Мексико е нашиот систем.

И така натаму ...
_______

Кој може - пакувај куфери.
Кликни за проширување...

Скроз си во право за ова. Само секаде е истото, предизвици и борба. Пакувај куферите можеби важеше за пред 10 години.

theowndemon · 28 декември 2024

Иако е за нешто конкретно, тие конкретни моменти ако се земат како пример, мислењево можи да е општа водилка:

Lianna Anna напиша: ↑

Прво треба да се нагласи дека секој од нас има различни граници и нивоа на толеранција во врска/брак, но кога работите почнуваат да создаваат болка или несигурност, тогаш дефинитивно има несогласувања кои треба да се решат.

Чување слики од бивши, од целото мислење, е најмал проблем. Јас повеќе би обрнала внимание на недостатокот на поддршка за време на бременост, односно во моменти кога има физички или емоционални потреби, а тој не реагира како што треба, што може да биде знак на недостаток на емпатија или незрелост. Пошо дечки, во здрав брак, поддршката и разбирањето се клучни кога партнерот поминува низ тешки моменти.

Следење на инстаграм и интеракција со колешки/колеги не е нешто што треба да не загрижува. Но ако ваквата ситуација прави еден од партнерите да се чувствува неудобно или ја смета за невалидна, тогаш, логичен чекор би бил разговор. Е да, проблемот настанува кога партнерот не е заинтересиран за истово и ги инвалидизира чувствата на другиот.

Инцидентно изоставени важни моменти, се случуваат. Али не се случува целосен пропуст со вежбање сарказам на партнерот, особено кога знаеш колку ова му значи. А со што само се повредуваат неговите чувства. Нормално дека ваков патерн, без доблест за извинување, може да остави чувство на недоверба, емоционална несигурност и незадоволство. Кога изостанува поддршката од партнерот, кога не се покажува внимание или љубов во клучни моменти, секако дека се поткопува довербата и безбедноста што ја очекуваме или не ја очекуваме од партнерот.

Што ме носи до сликите. Во скриен фолдер. Лол! Неколку сценарија се можни, од кои и најнаивното. Навистина да ги заборавил. Не би имала можеби ниту јас никаков проблем со ова, под услов да е изоставено се од горенаведеното. Бидејќи второво е коктел на недоверба и може да покажува едно ново (не) реално сценарио, дека партнерот не е спремен да ги затвори тие минати односи и можеби не е целосно посветен на сегашната врска.

Сакам да кажам, емоционалната благосостојба на една личност, не треба да биде ништо помалку од приоритет! Цурата има потполно право да чувствува несигурност и да размислува во правец на решавање на несогласувањата. Затоа и всушност бара совет. Како да се комуницира со партнер кој изгубил секаква комуникациска вредност и разбирање, е поентата што се губи меѓу сликите и скриениот фолдер.
Кликни за проширување...

eliesaab · 28 декември 2024

Конкретното никогаш не може да биде општо, ниту како пример. Општото воедно, не значи и конкретно. @theowndemon

M&M · 8 јануари 2025

Munchmallow20 напиша: ↑

И така и годинава, како и секоја пред Бадник и Велигден, оо тие боговите на моралот, тие со чисти ангелски души, те гледаат у уста и гаќи што внесуваш и таму и таму.
Спомнеш ли оти неќеш да постиш, ти си најголемото олицетворение на злото, ти немаш почит кон боК и празник. А да ги прашаш што направиле тие освен што постеле, креваат раменици, не морало ништо, душата да им била чиста барем. За бог и ќе гладуваат, ама гладно куче и маче да видат, пре би да фрлат храната него да му дадат да јаде. Оти ни кучето ни мачето не се бог, нема да ги суди, им е гајле. Они имале совест и чиста душа, жими мајка.
Нели бе верата ве учеше да помагате, да делите, да бидете солидарни? Нели на морални вредности ве учеше?
Каде ви е моралот ако секого мразите, судите и плукате? Ама постите, аа оќе, таман е, повеќе не мора. Уствари и жената и децата да ги подмавнеш еднаш треба.
Е кога ќе ме прашаат како имаш морални вредности, а не си верник, еве ќе им кажам да ги прашаат овие што постат ама говна повеќе јадат од зејтин.
Кликни за проширување...

theowndemon · 17 јануари 2025

Lella напиша: ↑

Жените се одговорни, талентирани и природно погодени за она што мора да се прави секој ден континуирано, без одложување, што ако треба да го outsource-неш ќе плаќаш илјадници месечно. А мажите се надарени за работи што се случуваат еднаш во сто години, кога ќе се расипе машината за перење, кога треба да се дигне мебел, или застрашувачкиот космички настан: менување сијалица.

Па уште не дозволувале физичка работа да работат жените, бидејќи перење, чистење и готвење не е физичка работа. И така 90% од работата низ дома (и физичка и ментална) ем ја вршат жени, ем џентлмениве не ја ни бројат како работа.
Кликни за проширување...

eliesaab · 8 февруари 2025

Angie1432 напиша: ↑

Ова не е тактика само во љубовни врски туку во секаков тип на конекции и ситуациија.Чиста манипулација, најчесто се среќава во емоционално насилство, кога има гаслајтинг подолг период.
Секогаш кога и при најмал конфликт (без разлика за каква врска се работи) ќе приметам дека личноста се прави "наудрена", пробува да ја негира реалноста, негира кажани зборови, те прави да се прашуваш дали си луд/а поради тоа што го чувствуваш, во момент ми се менува перцепцијата за особата и знам дека не треба да го игнорирам тоа црвено знаменце.А често се игнорира, бидејќи на почетокот простуваме ситници.А понатаму веќе реалноста ни е толку изманипулирана што веќе не препознаваме што е правилно а што не.
И мислам дека во тие моменти, моменти на такви обични ситници кои секогаш се игнорираат, се отсликува реалниот наш карактер.

Еве едно многу добро видео, изгледајте го до крај.
Кликни за проширување...

eliesaab · 26 март 2025

Tanjamm напиша: ↑

Скржави, ситни душичиња, да не осиромашат ако дадат по некое евро, една плата, две, три. И така ништо и не работат. Сега видовте кој прави најголема штета на Македонија? Самите Македонци. Не тие што ни земаа луѓе да ни лекуваат експресно и што дојдоа да помогнат експресно, самите Македонци се најштетен елемент за Македонија, со тоа лигаво, себично, неодговорно, простачко, корумпирано однесување.

А за тоа дека некому со нешто ќе вратиме со добро, тешко. Ни за 50 години од сега. Што ќе им возвратиме на Израелци, Чеси, Шпанци, Луксембуржани, Латвијци?
Кликни за проширување...

Да не се заборави.

Biljarkata · 1 април 2025

ecotte12 напиша: ↑

Маносферата е во подем затоа што омразата кон жените секогаш постоела, а денешната колекција на вебсајти, социјални мрежи и подкасти со антифеминистичка содржина, е само дигиталната верзија од истата долгогодишна мизогенија. Ендру Тејт ни на 15годишни момчиња не би можел да им стане идол, ако тие деца имаат пред се здраво домашно воспитание. Ама истите тие татковци и дедовци што третирале жени како објекти, си ги воспитале тие деца што утре своите верувања ќе си ги потврдат со некој лик од интернет како Ендру. Тејт само нашол начин да испрофитира преку експлоатација на несигурности и осаменост кај младите мажи, увидел бизнис прилика на модерното време како што индустријата за убавина профитира на несигурностите околу изгледот на жената. А бидејќи секогаш е полесно да се окриви некој друг место да се преземе одговорност, наравно дека жените ќе бидат криви за сите нивни проблеми во наративот на Ендру и останатите креатори од тој тип. "Зашто да бидеме ние должни да ги почитуваме, шо убаво беше кога немаа глас и можевме да им мавнеме шамар два за дисциплина? Ехх, не ги прават веќе како порано.Феминизмот е крив, жените се криви, само не насилниците и силувачите." За жал ретко кој ја има таа свесност да оди кон себеподобрување и да прифати промена без да ја гледа како закана.
Порано мажите биле круцијални за една жена да преживее во општество во кое немала никакви права и не била дел од работната сила. Со појавувањето на работа која не е мануелна, владее мозокот, а не само силата. Па така, нееволуираниот маж, кој не може да се приспособи и да научи да ја почитува улогата на жената во општеството, заостанува и може само да се крсти во тоа да прелаже малолетничка и да гледа да се земе со неа што побрзо додека се уште не си ги отворила очите па да го остави.
А вакви наивни девојчиња има се помалце. Се повеќе се развиваат амбициозни жени кои не чекаат на мажот и кои сами се борат секојдневно. Па ако маж ми не ми додава вредност во мојот живот преку почит, поддршка и разбирање, не би можел да ме корумпира со корка леб.. Затоа ги боли феминизмот, им ја одзема моќта што некогаш ја имале, а ова им пречи само на тие што ја злоупотребувале...
Кликни за проширување...

Тоа е тоа, поубаво кажано -здравје.

Најави се или зачлени се

Мислења кои треба да останат запаметени

Gosh Мразачка на луѓе

Mrs. right Истакнат член

Polyincognito Популарен член

Mrs. right Истакнат член

eliesaab Популарен член

eliesaab Популарен член

Bratot Популарен член

eliesaab Популарен член

SummerGirl Форумски идол

LiquidLuna Форумски идол

Amellie13 Форумски идол

NoirSerpentine Истакнат член

eliesaab Популарен член

theowndemon crazy cat lady Член на тимот

eliesaab Популарен член

M&M Форумски идол

theowndemon crazy cat lady Член на тимот

eliesaab Популарен член

eliesaab Популарен член

Biljarkata Форумски идол

Најави се или зачлени се

Мислења кои треба да останат запаметени

Gosh Мразачка на луѓе

Mrs. right Истакнат член

Polyincognito Популарен член

Mrs. right Истакнат член

eliesaab Популарен член

eliesaab Популарен член

Bratot Популарен член

eliesaab Популарен член

SummerGirl Форумски идол

LiquidLuna Форумски идол

Amellie13 Форумски идол

NoirSerpentine Истакнат член

eliesaab Популарен член

theowndemon crazy cat lady Член на тимот

eliesaab Популарен член

M&M Форумски идол

theowndemon crazy cat lady Член на тимот

eliesaab Популарен член

eliesaab Популарен член

Biljarkata Форумски идол

Корисни пребарувања