Мислења кои треба да останат запаметени

MeowMeow · 23 април 2025

Yowannty напиша: ↑

Мене ми е жал за сите жени што сакаат да се дел од калапот. Што општеството ги убедило дека што и да направат никогаш не се доволно добри, па никогаш не се целосно среќни оти секогаш тежат кон нешто што треба да им крене мислење за себе си. Што се трудат да исполнуваат измислени стандарди за “убаво”, за “пристојно”, за “пријатно”, за “прифатливо”. Особено ми е криво за оние кои паднале под тие наметнати убедувања дека секогаш нешто им треба (конкретно во случајов шминка) за да се чувствуваат позадоволно, посреќно, подобро… во своја кожа. Дополнително, за да се чувствуваат подобро се убедуваат себе си дека оние другите што не мислат и прават како нив се незадоволните.
Респект за секоја *embraced herself мама* која знае дека bad hair day е составен дел од животот како и мајчинството и дека е сосем во ред, дека ќе се нашминка утре, по три дена или 2 месеца и е со сортирани приоритети во моментот во кој живее, не грижејќи се за оние секојдневно нашминканите што мислат за неа. Конечно, најжал ми е што и јас ова не го сфатив порано. Ама хеј! Бетр лејт ден невр.

Сосема во ред е ако не се шминкате за дома каде некои денови најдалечната дестинација е вц шољата и сосем во ред е да си најдете шминка која ќе одговара на 7 ипол пати бљуцнатиот оврсајз дуксер, ако тоа ви преставува задоволство. Она што не е во ред, е коментирањето какви се другите само оти не се на иста дума како вас и тоа само говори дека вас ви треба многу поише од “малку шминка” за да сте по исполнети.
Кликни за проширување...

eliesaab · 27 април 2025

_Naumche_ напиша: ↑

Треба многу внимателно да се влезе во брак а не да се спасува брак кој нема шанси да опстане.
Не е нејзино да го спасува бракот, ако треба некој да го спаси тоа е мажот нејзин, да рече ,,извини згрешив јас дај да се сменам и да се однесувам како што доликува".
Секој може да згреши и кога го опоменеш дека прави лошо за тебе, треба да размисли и да рече извини, ако му значиш и да се смени.
Кликни за проширување...

Браво, браво. Едно асално мислење месецов од машко на женски форум. Болдирав, зашто од почеток до крај е нешто паметно кажано.

Feniksgirl · 12 мај 2025

baguf4e напиша: ↑

Мислев дека сум најспремна на светот да бидам мајка, дека сите делчиња од сложувалката се наредени, се ми е видено и проживеано, само уште ова фали. И ете се случи, бидна, родив бебенце. Ама оп, сфаќаш брзо дека не е како во филмовите, не е лесно ни да родиш, ни да го чуваш, ни да го храниш, ни да го успиеш, ништо не е лесно. Кај мене немаше љубов на прв поглед, богами ни на втор ни на трет, ни во болница ни дома не се случи одма. Како странец што ми го узурпирал домот и бракот ја гледав. Многу мајки поминале низ ова, само ретко која ќе го каже вака на глас. Седнуваш и се прашуваш, дали сум јас нормална? Слушаш цел живот како мајките најмногу си ги сакаат децата, безусловна љубов, љубов на прв поглед, љубов што не се опишува и си мислиш “Боже што ми фали мене”? Ете такви мисли ми проаѓаа низ глава. Се тргав во друга соба да спијам, бебето спиеше со мајка ми 8 дена. На 9тиот ден си отиде мајка ми и останавме сами со маж ми. И шта чемо сад? Мораш да го чуваш, назад нема, return policy јок. А ништо од чувањето не е лесно. Се е ново, се е премногу, хормоналниот дисбаланс капак на се, црни мисли како ќе биде, да не му наштетам некако со некоја постапка, а што ако ова, а што ако она? Стануваш мајка и никогаш веќе нема да не си мајка. Тоа толку многу мава на психа што не сме ни свесни. Мислиш дека си најспремен на светот да имаш чедо ама кога доаѓа моментот да се соочиш во пракса те совладува паника. Не е филм, ни најмалку, кај ниедна од нас. Ретко е тоа одма да се пронајдеш во улогата и се да ти е розево. Не знам ни дали постои. Ама полека проаѓа време, пркнува и бебето и мајката, се ствара ред и навика, почнува да ти се смее, се поврзуваш со него на начин што со никого не си се поврзал досега во животот. И порано или подоцна го сакаш неизмерно многу. Дај му време на времето. Бев таму во таа црна дупка од прилика до кај 2 месеци до степен да се каам што родив. Сега си викам што правев без неа? Сигурно ми било многу досадно.
Ќе има и лесни денови ќе има и тешки. Ама станува полесно бидејќи се навикнуваш, а љубовта зацврстува и те прави силна..
Кликни за проширување...

eliesaab · 26 мај 2025

Gosh напиша: ↑

Добро, аман.
За жени не смееме ништо лошо да кажеме, јасно ни е.

Дотичната била инвалид, проодела, се бањала у ладна вода, али тоа очигледно не и е ни битно оти место тоа да спама на Инста, она газот и е у гро план на 90 посто од сликите... Зашто? Оти сака да биде провокативна и дркаџии да и го дигаат егото. Не е филозофија, уметност и здравје, него чист комплекс.

Никој не кажа оти у купаќи се бања, али ок ајде сеа на патетики да фаќаме. И таа Цветче со тој Ајнштајн несватените ГОЛИ се на Инстаграм, али два реда муабет се напраи оти сликите и понашањето не им се вулгарни, оти нема целна група дркаџии девојката.

И горе сликата од Лазаров не е вулгарна, со што се докажува дека не секоја голотија е провокативна. Земете ставете слика од Бубало до Бетика, па да споредиме. Ма да има и полошо од Бети, Ана Стојанова.

Феминистките у гроб се превртуваат, се избориле за нашето право да се сведуваме на кило месо, 200 грама патка, 400 грама две цицки и 400 грама лев и десен газ, па уште и ќерките така да ни се сликаат, да им шернуваме слики по роднини и да им коментираме гориш, мајка пресекси си.

Си добила права, али имаш и одговорност. Али едино што денес жениве желба имаат да бидат е Инстаграм или Онлифенс дрољи. Да, реков - дрољи. Лесни пари де, немој у дуќан или чистачки да работат.

Треба да ги пратиме у Индија или Тајланд да видат како е да те шитнат од дома како дете, да те силоваат и стероиди да пиеш за да издржиш муштерии. Па и да поработат малце, без да си ги бираат муштериите де.

Најголема превара, промискуитетност, голотија и проституција да ми ти биле феминистички, сексуални слободи. Ма немој да ме јебеш.
Кликни за проширување...

eliesaab · 24 јуни 2025

Малку се тие што ќе сфатат, на тема семејно насилство. Тук-таму и по некоја Петкана.

Vitkano напиша: ↑

Што има врска како изгледа жената?! Од кога надворешниот изглед стана критериум за тоа дали некој заслужува да биде родител? Не е ова избор за Мис Македонија, туку трагична ситуација со семејно насилство. Се надевам дека ова не е негативно како изгледа таа..
А зошто, точно, да и се земат и на мајката децата? Затоа што преживеала? Затоа што во момент на шок и страв снимала, а не скокнала да се тепа со манијакот? Или затоа што не ви изгледа доволно ,,мајчински“ по ваш стандард?

Нејзиното снимање можеби е единственото нешто што ги спасило тие деца од уште полоша судбина. Во земја каде модринките не се доказ, а институциите спијат, ВИДЕОТО е тоа што отвори очи на јавноста. Но, пак, на жената и судите. Не значи дека е лоша мајка, можеби значи дека била во ќош заглавена со психопат и правела што можела за да ги заштити. Мене тоа не ми е причина да и се земат децата, туку да и се понуди помош.
Не се сите жени Рамбо, некои се скршени од страв и траума. Тоа не ги прави лоши мајки, туку жртви на системот и на еден болен човек. Да ни функционираше системот немаше ни да постојат вакви видеа...

Ова општество секогаш наоѓа начин да ја обвини жртвата. Да ја обвини мајката што не побегнала, што не го прободела, што не урлала доволно. Ама никогаш да се праша зошто морала воопшто да бира меѓу тоа да снима или да гине?
Кликни за проширување...

Mrs. right · 23 август 2025

Lilit напиша: ↑

Зошо постои темава уопште, па уште и во политика и настани?
Срамна е и глупа.
Па уште и си даваат информации како да извадат документи.
Вакви теми не смеат за постојат бре.
Они не множат со нула, овие трчаат пасоши да вадат, да бегале, да се спасувале. Предавнички души.
На човек што извадил бугарски пасош нацртана овца не би му дала да ми чува од што немам доверба, не пак работа некаде. Ако си способен да се продадеш себе си и одродиш, не си способен ни чесно да работиш. Толку.

Зошто модераторите дозволиле да премине во размена на податоци од ваков тип?
Кликни за проширување...

eliesaab · 17 септември 2025

KateKane напиша: ↑

Ми го избришале мислењето што му го пишав на господинот, нема зошто.

Еве да преформулирам.

Сите мажи што ми ја пукнаа дундата периодов со тоа дека не се сите исти, дека имало океј мажи, само требало да ги најдеме ги чекам утре на протест. Ако вистина ни посакуваат се најдобро и нив ги нервира кога жена е свирепо убиена, бујрум рамо до рамо со нас. Нека викнат и они за неправда, нека покажат дека се вистински мажи.

Нека протестираат да се измени законот, да има одговорност од судии и глуперди во полиција вработени, нека дигнат глас.

А сите тие што не гаслајтаат тука дека се загрижени за нас и уствари дека се најс гајс а утре нема да се појават се една голема 0 и мизерии од луѓе.

Поздрав.
Кликни за проширување...

Amellie13 · 28 ноември 2025

Polyincognito напиша: ↑

"Љубовта е тешка", "љубовта е борба", "љубовта е постојано простување" - оф колку само не

Здравата вистинска љубов е всушност најлесното нешто на цел свет бидејќи само во таква врска и брак, нервниот систем е регулиран, а личностите - цветаат.

Комуникацијата е природна, трудот е инстинктивен, срцето и разумот се на иста страна, природно сакате сè да направите еден за друг и да си го разубавите животот.

It is that easy, бидејќи сето доаѓа природно.

А врска или брак во кој постојано со нешто "се борите", постојано сте неприродно трпеливи, постојано се толерирате со партнерот, постојано нешто се простува, постојано уште од почетокот се убедувате самите себе и другиот дека тоа е тоа - е само survival проект кој се форсира и од двете страни, а не љубов.
Кликни за проширување...

Amen.

eliesaab · 17 декември 2025

Biljarkata напиша: ↑

Проблемот се решава со тоа што ќе си заминеш. Сори, ама ко што пишаа, на мажите, пошто сите ,,машки,, работи им отпаднаа од список, им остана само да си го држат. Не е проблемов ниту нов, ниту географски уникатен, колешка еднаш ми се жалеше дека синот и живеел во кочина и мува не го лазела.
А инаку, апсолутно, домашната работа е неплатена и бесконечна, постои и ќе постои, без оглед на сите машини и роботи. И не постои таква жена, што ќе ја платам да среди се, од доручек до после вечера, евентуално да си ја посвојам и да живее со нас. Од сабајле доручеци, деца, школо, ручек, учење, пазарење, ѓубре фрлање, додај на тоа работа-еден човек не може да постигне сам за повеќе од сам, затоа обврските се делат.
Почни да се пакуваш, мрзата е неизлечива болест.
Кликни за проширување...

eliesaab · 17 јануари 2026

Tanjamm напиша: ↑

Собери пушачи, алкохоличари, коцкари, ќе испадне дека скоро секој возрасен во Македонија треба да се лечи од некаква зависност.

И муабетот „се е средено за ова се фативте“ е пропагирање на распад систем, на пропалитет општество. Тие што секој ден пушат по 3 кутии цигари, кога последен пат научиле некоја вештина за да бидат конкурентни на пазарот на трудот, кога последен пат прочитале книги(сигурно Зоки Поки во 1 одделение), кога последен пат биле на кино, театар, на нешто што значи духовно наградување, цивилизирање? И колку од тие што сте на Запад, ги сменивте своите навики, да не пушите, да не пиете, да учите нови работи? Во приватен и државен сектор најголем дел од работниците пола работно време се пред врата, пушат цигари. За тие треба пола плата. На сите можни листи Македонија е рамо до рамо со џихадистичките држави.
Кликни за проширување...

MeowMeow · 21 јануари 2026

Angie1432 напиша: ↑

Штом Бекам може јавно да го извади цел прљав веш на неговата фамилија, може и најобичен македонски маж да се спротистави на мајка му.
Кликни за проширување...

eliesaab · 7 март 2026

ArabellaStarfall напиша: ↑

Какви глупи работи се ставаат во темана што последно си купивте.
Гаќи, корсети, стапчиња за уши, лекови, кеси за ѓубре. Јас сфаќам дека темата е таа што е, ама стварно бе некој осет што пласирате онлајн. Зошто би сакала да знам на што терапија сте или какви гаќи носите или каква секси облека носите пред с*кс. Интима 0.

Некои па купуваат само за да соберат лајк. Побогати сте со лајковите или што?
Кликни за проширување...

eliesaab · 25 март 2026

Tanjamm напиша: ↑

Го употребив тој збор за да ти доловам колку народот е примитивен. Штом непознати луѓе, мажи и жени те прашуваат на прво видување дали си мажена, дали имаш деца, очигледно немаат пристојност, нивното ниво е на ниво на животни и само водат евиденција да знаат дали некој има редовен секс, дали се репродуцира итн. Види кај странците, тешко некој ќе те праша за брак, деца, дали планираш деца, итн. Не дека е табу, туку баш имаше и совети од луѓе од екс ју што се иселиле во други земји и велат дека ако прашуваш дали некој е мажен, женет, дали има деца, дали некоја е трудна, толку од дружбата, ќе те сметаат за прост и примитивен и ќе те избегнат, едноставно тоа не е во склад со нивниот бонтон. И често и жени кога зборуваат за други жени кои родиле деца и ги напуштиле, па имале и втор и трет брак, велат „абе битно родила“. Види го тој примитивизам, животински, простачки, значи родила 5 деца од 3 брака, и сите ги оставила на 1-2 години, ги напуштила, тие деца се трауматизирани, живеат без родител, бабите се грижат за нив колку можат и како знаат и сето тоа се нормализира под „ама битно родила“.

Meне ми се случи, полициски инспектор и тоа не беше стар човекот, Македонец, на работа да ме праша дали сум мажена, му реков „Не“, ми вели „Море ти да фрлиш тие хартии, остави работата, да си се омажиш“. Не го знам, не го познавам, ми наредува да не работам, да идам да се котам. Инспектор во МВР. Аауауау....Како да сум крава и морам да живеам како тој непознат маж мисли дека треба, значи работа не е потребна, иди раѓај деца, ќе живееш од воздух. Инспектор, Македонец, православен христијанин, ама нарав како радикален исламист од Авганистан. И да, непристојно е ако одиш некаде службено да поставуваш приватни прашања. Што ако сум имала канцер, ми е извадена матката и јас можеби нема да имам деца? И? Мене тој е должен да ми дели лекции што ќе правам во животот?
Кликни за проширување...

eliesaab · 2 април 2026

Секоја чест за кажаното.

Lianna Anna напиша: ↑

Многу сериозна грешка е тоа што мешаш одговорност во идеални услови со реалност под траума и насилство. Жртва на долготрајно насилство не функционира како слободна и независна личност во нормални услови.

Оти траумата, стравот и зависноста сериозно ја нарушуваат способноста за одлуки. Затоа не може да ја применуваш истата оваа логика како во случаи каде нема насилство. Во спротивно, пак е скроз, ама скроз, обвинување на жртвата.

Плус, има разлика меѓу одговорност и вина. Да ми кажеш дека жртвата е одговорна или виновна затоа што не излегла од насилството, е целосно игнорирање на добро познати психолошки механизми како страв, контрола и траума. А имаш психологија што со децении објаснува зошто жртвите остануваат или се враќаат. Треба да знаеш, оти нели го работиш тоа?

Тоа што не успеала да излезе од насилство не ја прави виновна, туку покажува колку е сериозна траумата! И пак, ова не е иста позиција како кај човек шо има слободни избори.

Твојот наратив е класично обвинување на жртва, а не професионален став.

Одговорноста е кај насилникот и кај системот што не ја заштитил! Али искрено, ако некој работи со жртви, а заклучокот му е дека тие се виновни и/или одговорни, тогаш јасно е каде е проблемот.

Пошо разликата помеѓу разбирање ваква тешка психолошка ситуација и начин на однесување и обвинување е суштинска, собено кога се работи за луѓе кои преживуваат насилство.
Кликни за проширување...

Panda00 · 28 април 2026

Mumoftwo30 напиша: ↑

Апсолутно и да не се нафаќаш на ништо помалце од тоа. Никогаш!
8 часа да е на работа, остатокот од денот може и да пише и да се јави, нашите родители се над 35 години во брак, па и ден денес на пауза од половина час, се јавуваат да прашаат како се. А не некој што го знаеш едвај 3 месеци.
Приоритети се тоа, и секој има 2 минути во денот за да врати на порака, да не се лажеме, еве ако нема на работа, ќе има дома. Тоа не значи 24 часа да се допишуваш, ама константно да не го цениш времето што некој ти го посветил и покрај сите обврски што ги има, е непочитување, и ништо друго!

Друга работа што многу ја прават, ги снемува во сред комуникација, по 2-3 часа, ок и да те снемало, пиши дека имаш работа и ќе се слушнете подоцна (одзема точно 10 секунди од вашето скапоцено време)

Мислам дека премногу толерираме и мислиме дека некој ќе се промени, или си му важен на некого и си му приоритет, или не си му! Нема средина тука, нема играње игри, нема топло-ладно комуникација.

Па сега живееме во друго време, со други приоритети, друг начин на комуникација, кој сакале или не треба да го прифатиме, не можеме да сме застанати во времето на писма преку гулаб, а поентата дека нема да се има трпение за ваква комуникација ти е супер споредена, само што овие генерации немаат ниту еден ден од нивниот живот поминато без телефон и интернет. И џабе ќе пробуваме да го наметнеме тука и во ова време сега.

И на крај на денот, да не се лажеме и правиме некого будала, дека сме немале време да одвоиме да вратиме на порака, да глумиме лудило, или да кренеме телефон да прашаме некого како е, зошто сите имаме време за нештата што ги сакаме!
Кликни за проширување...

eliesaab · 2 мај 2026

MissChievous напиша: ↑

Сè е избор. Па дури избор е на што ќе се налутиш, навредиш, сам бираш дали нешто е навредливо или не е, сам бираш дали ќе те допрат туѓи зборови и постапки, сам бираш како се поставуваш према другите, према себе, према предизвиците. Има луѓе цел ден, цел живот, бараат начин како да бидат вознемирени. На крајот од денот, избор е.
Исто така, избор е дали ќе бараш внимание од други. Има луѓе цел ден, цел живот чекаат на туѓа реакција. Ко малине деца, ќе падне и чека да види мајка му како ќе изреагира. Цел живот копнее по туѓа реакција. Цел живот прави работи за да извлече реакција. Цел живот кој што мисли, кој што кажал, кој како постапил, куку леле, вакви биле луѓето, онакви биле... водат инает сами со себе, цел животен век. Или ќе научиш да живееш живот за себе или ќе умреш живеејќи за други.
Кликни за проширување...

eliesaab · 16 јули 2026

theowndemon напиша: ↑

Немав можност да коментирам ова кога беше активна (та) тема па ајде сега, зато и тука.

Имаше коментари дека дете е важно родено, не памти дека не било на екскурзија или дека немало играчка, или дека не било на одмор или дека не забележва дека родителите немат дури и кога максимално се трудат да му угодат и дат шо поќе иако немат. Се шо имам да кажам е дека забележват зошто јас бев децата. Сум забележала и кога нешто сите врсници го праеле, а јас не. Сум забележала и кога сакав нешто и сметале дека мора да го угодат то па сум научила да не барам. И како возрасен кој работи и се издржава со години, како резултат на се ова, се гледам низ пари. Од една страна си давам се шо немав. Од друга страна постојано осеќам money insecurity и имам потреба шо поќе да зачувам оти во мојата гла возрасни don't have it easy како шо беше видено низ мои детски очи. Јас прв пат на одмор со моите бев на 23 години (прво пишав 19-20 и после ми текна дека памтам дека беше 2019 па испаднав ете и постара). И ојдов не зошто сакав да им сметам, туку зошто сакав еднаш во животот да бидам на одмор со нив. Еднаш. Прв пат. Сега веќе јас им букирам, тие одат. Најтешко ми е дека еве толку години покасно можат да одат на одмор, ќе речиш 5-7-10 дена не се многу во годината. Ама некогаш и то не можиш да дозволиш и немање одмор каков шо ти треба толку долго си зема данок на ментално и физичко здравје.

И то е причина зошто јас секогаш ќе бидам во тимот дека ако не сум во можност финансиски да растам едно дете - нема да го родам. Нормално ова е одлука шо ја носам за себе и шо можам да ја донесам само за мене. Ама какви не програми имаме гледано за помош за деца. И после гледаш 5+ деца, колиба и родители кои никогаш не работеле. Ни тогаш не помислувате дека немале право да го земат детството на тие деца? Оти ако сте помислиле - добредојдовте во тимот.

И ај, едно "кај било кај не било". Помал трошок е едно, од поќе. Ама ајде да има другарче - па второ. После кондомо пукнал и абортус не е убо, дете е благослов и ете трето. Ако едно дете е скапо, две е уше поскапо, три веќе уше поќе. Ама ок. Бар знајме шо прајме at that point hehe. И само носиме деца да страдат зошто сметаме дека не го гледат светот каков шо е и дека не разбират шо се случва.

Многу често ми велат дека сум себична и дека ради мој каприц немам родено. Или дека сум себична зошто сакам парите да ги "фрлам" на мене. Respectfully disagree, себично е носење на свет дете за кое не можиш да се грижиш зошто еДнОсТаВнО мНоГу СаКаМ, бЛаГоСлОв Е.

Тркалото се врти, точно. И тој шо немал, после можи да има и обратно - тој шо имал можи да нема. Ама ко ќе сум долу во тркалото ми треба финаниска моќ за да можам да го свртам без ризици, под ризик мислам живот да зависи од мене. Покасно ако снемам веќе изградив конекции, систем на имање село и најважно - не е мало детето и core годините на развој се поминати. Животот не е фер и то ќе го научи порано, ама барем не прерано.

Не е дека има некоја од-до бројка ко шо се бараше, за "дозвола" за деца. Бројката е "достоинство" во скромен живот да можиме да си дозволиме. Ако нема достоинство во скромноста само носиме живот за да страда.
Кликни за проширување...

Ова, од почеток до крај да стои во секоја тема во категоријата брак/семејство.

Amellie13 · 19 август 2026

FriendOfDorothy напиша: ↑

На овие простори каде вирее раја со iq80, овакви прашања и добацки се секојдневие, особено од постари. Па сред маса со роднини ти добацуваат - што чекаш, ајде деца, ти посакуваат женење/мажење, пошто тоа е круната, единствен доказ дека нешто си постигнал. Сиротињи кои живееле ради туѓи очекувања (за народ) ти посакуваат ,,успеси" како нивните.

И искрено, мислам дека најчесто не ги ни заболе дали ќе се ожениш/омажиш (роднини, комшии, познаници и слични), дали ќе имаш деца или дали си среќен. Тоа е само ефект на стадо, празна фејк љубезност и социјален ритуал, да ти посакаат ,,нешто убаво" пред сите, на маса, затоа што така сите прават. Папагали.
Кликни за проширување...

Bratot · 12 септември 2026

Мерси за муабетот

sino.o.oka напиша: ↑

Брзите кредити добија преголема слобода, без никаков вистински надзор и контрола. Буквално газат сѐ пред себе. Од друга страна, чести се коментарите дека никој со сила не те тера да земеш брз кредит. И тоа е точно. Но, тука доаѓаме до неедуцираноста на луѓето. Ретки се оние што земаат пари за навистина итни и оправдани ситуации. Се чини дека најголемиот дел од тие пари заминуваат на коцкање.

Сѐ станува јасно кога малку ќе се подразмисли кој стои зад овие компании и кои се нивните сопственици. Повеќето од нив поседуваат и казина. Не е случајно што на една обична улица има две казина и дури четири филијали за брзи кредити. Сѐ е тоа добро осмислен механизам за да те одере до гола кожа. А да не ги спомнувам оние случаи каде што луѓето земаат нов кредит од едно место само за да покријат претходен на друго место. Дури и самиот систем по кој пресметуваат колку пари да му одобрат на некој е многу вешто осмислен. Запрашајте се зошто некој толку лесно би ви дал сериозна сума пари, без да ве види во живо, со само два клика онлајн.

Жалосно е што цели семејства страдаат поради овој парадокс. Ни должни ни криви, за земени 20.000 денари враќаат по 60.000. Каматите одат до плафон.

Според мене, овие кредити се исто толку опасни колку и самите казина. Всушност, одат рака под рака. А на власта тоа ѝ одговара, бидејќи тие ги поседуваат и тие имаат корист од нив.

За сите овие треба да се стави клуч на врата.
Кликни за проширување...

eliesaab · 24 септември 2026 во 21:48

mKdevojce напиша: ↑

Еден од најголемите scam-ови на последното столетие е тоа што го убедија народот да ги испразни селата и да се изнапика во градовите ко стаорци во бетонските кафези.

Слободен, независен човек, кој е свој на своето, кој сам си ја произведува храната не е од корист за никој систем. Системот нè сака баш вакви какви што сме сега, нему покорени во секој можен поглед, прелесни за контрола и секаква манипулација.
Кликни за проширување...

Најави се или зачлени се

Мислења кои треба да останат запаметени

MeowMeow Популарен член

eliesaab Форумски идол

Feniksgirl Популарен член

eliesaab Форумски идол

eliesaab Форумски идол

Mrs. right Форумски идол

eliesaab Форумски идол

Amellie13 Форумски идол

eliesaab Форумски идол

eliesaab Форумски идол

MeowMeow Популарен член

eliesaab Форумски идол

eliesaab Форумски идол

eliesaab Форумски идол

Panda00 Истакнат член

eliesaab Форумски идол

eliesaab Форумски идол

Amellie13 Форумски идол

Bratot Форумски идол

eliesaab Форумски идол

Најави се или зачлени се

Мислења кои треба да останат запаметени

MeowMeow Популарен член

eliesaab Форумски идол

Feniksgirl Популарен член

eliesaab Форумски идол

eliesaab Форумски идол

Mrs. right Форумски идол

eliesaab Форумски идол

Amellie13 Форумски идол

eliesaab Форумски идол

eliesaab Форумски идол

MeowMeow Популарен член

eliesaab Форумски идол

eliesaab Форумски идол

eliesaab Форумски идол

Panda00 Истакнат член

eliesaab Форумски идол

eliesaab Форумски идол

Amellie13 Форумски идол

Bratot Форумски идол

eliesaab Форумски идол

Корисни пребарувања