И јас правев замесок и ќитев заедно со друштвото и братучеди и освен пиење и пица ништо друго не купив На цел трошок уште по нешто за секој - ќе банкротираме
И да не кажеш! Јас сакав од тему нешто интересно да порачам, обетки, штипки за коса нешто така, ама штом не се дава ќе си седам мирна. Ќе си молчам!
Здраво. Ќе правиме свадба оваа година, и бидејќи сме од различни градови, свадбата ќе ја правиме во неговиот град. Машката страна ќе се собираат кај него дома, а мене свадбата ќе ми почне од венчавката во црква, па матично и на крај ресторан. Китенки ќе им ставиме пред црква, ама уште не ми е јасно баш на кој треба да ставам. Мајка му ми вика само на главните, ама ми е страв постарите кумови да не се навредат. Кај нив во градот имаат обичај сите гости да се закитуваат, кога доаѓаат кај невестата, а кај нас не е така. Дали е океј ако на главните кумови, старосвати и девер ставам малку поголеми китенки, а за нивните фамилии помали и поедноставни китенки? Од помалите китенки сакам да ставам и на фамилијата на вереникот. Други гости нема да закитуваме
И уште нешто. Пред 5 години работев во канцеларија, и кога си дадов отказ, генерално останавме во океј односи, иако си имав причини зошто си дадов отказ. Дел од нив правеа свадби за многу брзо откако си дадов отказ, и бев поканета на свадба, и бев кај дел од нив, освен кај еден колега. Е сега не знам дали да ги поканам, бидејќи не одржуваме некаков контакт. На колегата што не бев на свадба, најчесто комуницираме, ама и тоа не е некоја блиска комуникација. Не успеав да му дадам поклон, бидејќи не се гледаме. Една од колешките правеше свадба пред да се вработам, и дали ако ги поканам другите, треба и неа да ја поканам? На 3 од свадбите бев поканета сама, кај првата не бев во врска, а кај другите 2 заради ковидот, имаа ограничување во бројот на гости. Колегата ме покани со партнер, ама ете испадна нешто неочекувано, и не можевме да одиме.
Гледај си од денешен аспект, остави тоа како било што било... Ако сега си блиска со нив, и имаш желба да ти дојдат на свадба - викни ги. Без разлика тебе дали те викнале тогаш или не. Но ако сега веќе немаш близина/контакт/желба да ти присуствуваат на свадба тогаш не кани ги. Немаш никаква обврска ниту должност да ги викнеш, времето продолжило, животот ви отишол во различни насоки нормално е и да се оддалечат луѓево ако нема дружба. Се зависи ти како се осеќаш, дали сакаш да ти присуствуваат на твојата веселба.
Во ред е, секако кумовите треба да носат поголеми китенки, да се знае дека се кумови. Инаку и ние сме од различни градови ама свадбата ја правиме во мојот град.
Здраво. Дали закониците се даруваат и од машката страна или само од невестата? Бидејќи ќе правиме традиционално со земање невеста, а таа ќе си дарува од нејзината страна. Ако секој посебно дарува, тогаш како со кумот?
Ние домашните нема да се даруваме, за тоа сме договорени, само закониците. И од различни луѓе, различно слушам за закониците. Некои парови заедно купуваат подароци, зависно од свадбата каква е. Ние ќе правиме традиционално и ме интересира каков е обичајот по традиција. И ако само невестата дарува, тогаш и кумот само таа го дарува?
Јас слушам различни верзии затоа прашувам. Пријатели лани правеа свадба и младоженецот од своја страна им даваше поклони на закониците, а невестата башка.
Ние со маж ми заедно ги дарувавме. Бидејќи бевме договорени да си даваме пари и двајцата дадовме по половина од сумата
Сакаме да ја продолжиме традицијата. Можеби ни е важно. Денес на свадбите може да се види мешавина од обичаи превземени од Американски филмови и некои наши, што воопшто не ми се допаѓа. Сепак ние имаме своја култура и обичаи кои не прават посебни и сметам дека треба да знаеме кои сме и што сме и да ги зачуваме белезите што ја прават таа посебност. Културолошкиот аспект ми е многу интересен и сакам да го доловам, не ми е заморно Некои работи не ми се јасни и сакам да ми разјасни некој што знае, ако има таков.
Во ред ми е како што велиш ти да ги правите адетите од што на вас ви е интересно и убаво така, ама глупо ми е некој да ги прави од што сите така па мора така... Мене многу ми се клише некои наши адети што уште се практикуваат, пример она одење кај невестата дома за да ја земат па се борат нешто на врата па плаќа пари младоженецот, како да ја купува..
Не дека сите така, дека тоа ни е основа на културата и традицијата. Инаку денес повеќето невести редат деверуши, што воопшто не е наш обичај, ама виделе на филм. Тоа воопшто не ми се допаѓа. Се согласувам дека некои адети се претерани во денешно време, како "купувањето" на невестата. Има и побетер од тоа ) Можат да се модифицираат или симболично да се одбележат, но да се задржи основната традиција.
