@delfina45 Мене ме отепаа со адети, рекла казала баш. На крај краеви одлучив да ги дарувам само кумовите, деверот и старосватовите. Нашите не ги даруваме ние како младоженци. Така да како ти мислиш така направи си, не ги слушај сите. Сите имаат различни адети/мислења. За деверушите китенки само ако се рачуна како поклон. Јас за нив одлучив сама да им дадам како мини поклони кога ќе ја прославиме мојата моминска. Порачав од тему некои интересни работи, симболично да им дадам.
Здраво, маж ми беше прашан за девер на свадба. Јас сум малку збунета од адетите, и знам баш дека велат дека не треба деверот да е женет, и исто ме интересира какви одговорности би имале ние како девери, што треба да се спреми освен чевли и чанта? А исто како жена на деверот веќе ако има такви ситуации што треба да правам, зашто невестата нели си има веќе деверуши што и се другарките?
И јас исто знам, ама еве најблизок пријател му бил мм и немало кој друг па затоа така, и затоа ме интересираше дали некој има бидено во истата ситуација
Ако му е најблизок нека го покани за кум,старосват.Девер може да биде и дете од 3 години,најдобро прашајте си во црква.
Девер не ни мора да има, секако нема никаква улога во црква. Ама ако веќе тераат обичаи, деверот треба да е неженет.
Деверот треба да е не женет. Подобро старосватови да сте. Инаку според адети пак треба да ја ʼчуваʼ невестата. Пак има некоја улога, плус седи до невестатa на масата. Инаку и во црква стои до невестата, нон стоп е до неа. Така е адетот кај нас, на југот. Пак најубаво е да си прашате во црква. Таму најубаво ќе ти кажат.
Ова изгледа зависи од каде си. Во мој крај сум видела и женети девери по свадби. Од таму од кај што е мм пак, се бира строго неженет. Некаде имам прочитано дека девер мора да е некој помлад во возраст од зетот. За адети, во договор со младите. Чанта и чевли за невеста купува деверот, ќе одите и дома кај невестата и в црква, ќе седите со нив на главна маса, ќе треба и деверот еднаш да изигра напред, и тоа е тоа воглавно мислам.
Мене ме интересира од страна на младоженецот дали го дарувал кумот или другите законици. Или заедно купуваат подароци со невестата, како што имам случаеви кај блиски, или пак само невестата дарува? Сите различно, па не знам баш како е најдобро.
Младоженецот не ги дарува, невестата ги дарува кумовите, деверот и старосватовите. Знам дека во ресторантот порциите за нив ги плаќа младоженецот. И јас сум исто, од сите различно слушам, ме збудалеа.
Дефинитивно секој како сака си прави) Многу често невестата и младоженецот заедно ги купуваат поклоните за сите. Така да не знам како да се прави, а да не се згреши)
Јас обично прашав невести во нашиот крај што беа и истото ми го потврдија, а дефинитивно има различни адети секаде.
Ај едно вакво прашање 1. Колку ве чинеа сите трошоци поврзани со свадбата? (ресторан, сликање, музика, бурми, матичар, фустан, одело за мажот, декорации) 2. Колку собравте од пликоата?
Ќе ти кажам колку ќе соберам, а за трошоците не ме прашувај. Рационално ги бирам и се е 60% покачено од минатата година.
Тоа и јас приметив. Претераа со поскапувањава. Ќе почнат луѓево веќе алтернативни прославувања да прават, како домашни забави, или во изнајмени дворови како низ светов. Греота е луѓево кредити земаат за свадба и наместо да почнат со добар капитал за старт, они почнуваат со долгови.
Мојата беше пред скоро 7 месеци и искрено, мање-више на нула сме, можеби некои 2-3к евра во ќар. Е сега, зависи и до бројот на гости. Ние имавме голема свадба (нашите запнаа да викаат сѐ живо пошто јас едно дете, тој прв што се жени во поширока фамилија, па јашааа) од околу 300 души и како што се сеќавам, одеше вака: Ресторан - 4-5к за сите гости Сликање - 650 евра Музика - 1600 евра (+ башка бакшиши дента) Бурми - 500 евра за двајцата (не ги ни носиме сега) Матичар - 100 евра (дека идеше на локација, во општина е поевтино) Фустан - 1.3к евра (соленко, ама вредеше). Првиот го земав околу 600 од шивачка и се испокина, па сиромавиот дупло плаќа на недела дена пред свадба, нели Одело сосе чевли и сѐ - 400-450 евра, со две кошули за мењање Декорации - 400 евра сѐ на сѐ. Тука ни се посреќи со познаничка за толку малку пари да е фул украсена голема сала Тргнете си и едно 500-600 евра за поклони за кумови, побратимци, девери... крај нема. Секако, ова не е за Скопје, мислам таму поскапо е дефинитивно. Според мене, мноооогу непотребни трошоци и глупости. Јас би правела само регистрација и вечера со 60-70 луѓе, ама мојов и неговите се потрадиционални, па ајде компромис да е фул свадба, само без сите додатни бош адети. Другарка спрема сега и гледам дека цените се драстично поголеми од пред само неколку месеци. Ужас. Со лесно и со среќа на сите. Ви посакувам многу живци.
За да изнајмам двор во вила ми побараа 1500евра плус кетеринг плус келнери плус украсување од 0 пак горе доле исто ќе излезе. Мене ми е околу 9к еур во ресторантот за сите гости околу 300 ќе се, 300е за доукрасување, ресторантот има украсено во цената нешто симболично, фустан 1100е, оделото не сме стигнале ама толку и планира мм околу 500е, бурми 800е(го фатив златото кога падна), музиката ќе биде околу 2000е, толку побараа, скратив на покани пошто исто беа по скапи и земав неколку симболично да имаме, home made ќе правам за гостите поклон пред сите што се дава тоа пошто сакав нешто различно да биде, да не се класика се исто, сликар 900е и тоа не сакавме да се сликаме со гостите и ни бараа плус 500е ама 500е немам фазла да мавнам во воздух така да ќе си се сликнеме и плус што ќе ги дарувам кумовите, ама тоа ќе биде со нормална сума на пари и дополнителни трошоци за китенки, па кетеринг дома, да не ставам шминка и фризура и нокти и се и опа куп пари. Сакавме ние како пар да си прославиме само со 150 гости од двете страни ама нашите дома тупнаа нозе и не сакаа, сака поголема свадба, да беше до нас искрено подобро ќе им кажеме дадете пари и да си тераме, ама не, свадба голема мора да има... Ова се цепкано да штедам на некои дополнителни трошкови, инаку така ако се опуштам куп пари ќе ми отидат. Инаку нашите си штедат цел живот за вакви работи, за среќа не се заглавени по кредити, затоа и сакат да направат. Благодарам од срце, живците ми се отидени веќе, стресен период е, ама што викат сите, ќе чукне тапанот и ќе поминат нервозите.
