Ми требаат совети... сè во врска свадба

Старосватицата за во матично задолжително треба да си понесе лична карта, а за во црква 2 свеќи, платно и плаќа околу 1000 денари

 

кај мене само кумот и свекор ми плакаа и тоа со три попа,знаци секаде е различно

 

И јас знам дека свекорот и кумот плаќаат, мада кај нас се сами ќе си платиме, нејќеме да ни плаќаат ни кумови ни старосвати ни никој друг. Се што треба да купат они ќе си купиме сами и ќе си платиме сами, доволна ни е честа што сакаат да ни бидат сведоци тој ден

 

Јас пред извесно време бев старосватица на една другарка (што за мене беше преголема чест и задоволство) и пред венчавката, попот не повика во една просторија и кажа кој колку треба да плати. Инаку платија кумот, јас (т.е старосватицата), деверот и свекорот.

 

Дали за венчавката може да се декорира и црквата , мислам со цвеќиња и големи свеќи, дали е дозволено во црквата?

 

Нај често дозволуваат,јас имам присуствувано на украсени цркви за време на венчавањето,но најубаво е да си прасаш во црквата кај што ке ви биде венчавката

 

Јас не сум била на свадба каде имало декорирана црква а и одамна не сум била на свадби само вака на некои слики што имам гледано.. и стварно е убаво, За католичките цркви знам дека ги декорираат за свадби па и на филмови што имам гледано црквите им се убаво декорирани, а за нашите православни тие и така се многу убави со сите фрески и икони.. ама мерак ми е да има нешто свежи цвеќиња и слично, само ако ми дозволат

 

^ би дозволиле...но најубаво е да ди отидеш и да се договориш да си прашаш.


Инаку кај нас во црква ни рекоа, кумата и старосватот по 1000ден. а свекорот 2000ден.

 

А во која црква? Бидејќи мене ми рекоа кум 1000, старосватица 1000, свекор 2000 и моите родители 2000...

 

Аман бе 6 000 денари, па секаде е 4 000 или 4 500 денари колку што знам. За сестра ми кумот плати 2 500, свекорот 2 000, т.е. свекрвата.

 

Ние се венчавме во Соборен Храм,во Скопје и плативме 6000ден.,Сумата се делина на 4 дела по 1500 ден. плаќаат кумот,старосватица,родителите на зетот и родителите на невестата....така ни кажа попот и така направивме

 

Во секоја црква е различно. Таму каде што бевме старосватови плативме 1 000 денари, кумот 1 000 денари, а свекорот и дедото по 1 500 денари. Вкупно излегоа 5 000 денари. И во секој град е различно.

 

Ајдеее...секаде различно а? Каша попара

 

Само за да се земат пари. Заради тоа мене и маж ми не фати инает и не се венчавме во црква.

 

Во Св.Ѓорѓија во Чаир.

 

ние во св.петар и павле се венчавме со три попа и плати само свекор ми 3000 ден.

 

а како е тоа за три попа треба однапред да си закажеш? Може ми е глупо прашањето, ама што е разликата, или е само желба и личен избор?

 

Значи мене убедливо најмногу пари ми побарале за во црква, се на се вкупно 7800 денари , а плакаат кум старосват, девр и од двете страни родителите.

 

Ау Кокосче кај ќе се венчаваш ти, да не те венчава пола епархија, епа ја претераа значи еј. Црквата не треба да бара пари воопшто, кој колку милува треба да даде, како што е во другите држави, ни свеќите не треба да ги наплаќаат, само кај нас и во Србија се се плаќа, ту бре што лоповлук ќе беше ова. Пример, кај нашиот јжен сосед, ништо не се плаќа, се е од бога, кој колку милува дава, барем јас сум така запознаена, ако нема нешто друго во поново време

 

Ние со мм закажавме во "Св. Архангел Михаил“ во Автокоманда. Ни рече попот нема врска колку попа ќе бидат 6000 денари ни рече дека ќе биде, 1 500 кумот, 1 500 старосватицата, 1 500 дедо и 1 500 свекор.